პარლამენტის ევროინტეგრაციის კომიტეტის თავმჯდომარე თამარ ხულორდავა მიიჩნევს, რომ შვეიცარიის საელჩოს რუსეთის ინტერესების სექციის თანამშრომლის საქართველოდან გაძევების თაობაზე მიღებული გადაწყვეტილება დაგვიანებული არ არის. ინფორმაციას 1tv.ge ავრცელებს.
როგორც ჟურნალისტებს ხულორდავამგანუცხადა, საქართველო საერთაშორისო თანამეგობრობისადმი სრულიად სოლიდარულია.
“ეს ნაბიჯი დაგვიანებული არ არის. რუსეთთან დიპლომატიური ურთიერთობები გაწყვეტილი გვაქვს იმ ბევრი ქვეყნისგან განსხვავებით, რომელთაც ასეთი გადაწყვეტილება ახლა მიიღეს. საქართველომ ამ აქტით მხარდაჭერა და თანადგომა ცივილური და საერთაშორისო საზოგადოების მიმართ გამოხატა”, – განაცხადა ხულორდავამ.
საქართველო შვეიცარიის საელჩოს რუსეთის ინტერესების სექციის თანამშრომელს ქვეყნიდან აძევებს.
საქართველოს საგარეო საქმეთა სამინისტრო შვეიცარიის საელჩოს რუსეთის ინტერესების სექციის თანამშრომელს საქართველოს ტერიტორიის დასატოვებლად შვიდდღიან ვადას აძლევს.