თამარ ჩუგოშვილი – არ ვფიქრობ, რომ ვიზალიბერალიზაციის შეჩერების მექანიზმის გამოყენება გვემუქრება

ამერიკასთან ურთიერთობებში გარღვევის მიღწევა შეუძლებელი იქნება ისეთი ნაბიჯის გადადგმის გარეშე, რომელიც ზედაპირზე არ იქნება. კონკრეტული პოლიტიკური ნაბიჯი თუ ზედაპირზე არ გამოჩნდა, მაშინ რის მიხედვით უნდა მოხდეს გადატვირთვა, – ამის შესახებ „ნაციონალური მოძრაობის“ წევრმა, ირაკლი ფავლენიშვილმა განაცხადა.ფავლენიშვილის თქმით, ამერიკისთვის მნიშვნელოვანი რჩება არა მხოლოდ ეს რეგიონი, არამედ საქართველოც.„ისე არ მოხდება, როგორც შეიძლება, ბევრ ავტორიტარსა და ავტორიტარიზმისკენ მიდრეკილ ადამიანს სურს, რომ თავისუფალი სამყაროს ლიდერი რეგიონიდან გავიდეს ან ამ ქვეყანასთან დაკავშირებით ინტერესი დაკარგოს. ამერიკასთან ურთიერთობებში გარღვევის მიღწევა შეუძლებელი იქნება ისეთი ნაბიჯის გადადგმის გარეშე, რომელიც ზედაპირზე არ იქნება. კონკრეტული პოლიტიკური ნაბიჯი თუ ზედაპირზე არ გამოჩნდა, გაუგებარია, მაშინ რის საფუძველზე უნდა მოხდეს „გადატვირთვა“. ეს ურთიერთობა ხომ რაღაცის გამო იყო დაპაუზებული, ხომ იყო კრიზისში შესული და ხომ იყო ივანიშვილი სანქცირებული. იმისთვის, რომ ურთიერთობები აღდგეს, რაღაც ნაბიჯები უნდა გადაიდგას. ამას უკვე თვეებია, ითხოვს ამერიკაც და საჯაროდაც აცხადებს, რომ კონკრეტული ნაბიჯებია გადასადგმელი, რომლებიც ივანიშვილმა იცის და რომლებიც ამერიკელ პარტნიორებს დაარწმუნებს მის განზრახვათა სერიოზულობაში.ამ მიზნით უნდა ჩამოდიოდეს აშშ-ის სახელმწიფო დეპარტამენტის დელეგაცია და გაიმართოს საუბარი იმ კონკრეტულ გზებსა და მეთოდებზე, რომელთა საშუალებითაც ქართულ სახელმწიფოს ამ კრიზისიდან გამოსვლა შეეძლება და ასევე, რა ნაბიჯების გადადგმაც საჭირო იქნება ამ გზაზე ივანიშვილის რეჟიმის მხრიდან. ამერიკა-საქართველოს ურთიერთობების გაჯანსაღების რესურსი იარსებებს მხოლოდ იმ შემთხვევაში, თუ ივანიშვილი და მისი რეჟიმი გონზე მოვლენ და მიხვდებიან, რომ ქვეყანაში დიქტატურის დამყარება არ გამოდის, როგორც შიდა წნეხის, ისე იმ ფაქტორის გამო, რომ ჩვენი ქვეყნის მიტოვებას საერთაშორისო პარტნიორები არ აპირებენ“, – განაცხადა ირაკლი ფავლენიშვილმა.

ბოლო 24 საათის განმავლობაში ნავთობის ფასი კვლავ გაიზარდა. მედიის ცნობით, ბრენტის მარკის ერთი ბარელი ნავთობის ფასი 111 აშშ დოლარს აღემატება, რაც ბოლო დღეების ყველაზე მაღალი მაჩვენებელია.ამასთან, აშშ-ში ნედლი ნავთობის ფასი 2.8%-ით გაიზარდა და 115.61 დოლარს მიაღწია.როგორც „სქაი ნიუსი“ წერს, ნავთობის ფასი ხუთშაბათიდან მოყოლებული 100 დოლარს არ ჩამოსცილებია, რისი მიზეზიც, მედიის ცნობით, ირანის სამოქალაქო ინფრასტრუქტურაზე მასშტაბური თავდასხმების შესახებ დონალდ ტრამპის მუქარაა.ცნობისთვის, გასულ წელს ერთი ბარელი ნავთობის საშუალო ფასი 69 დოლარი იყო.

კარგია, რომ ბოლო ერთი წლის განმავლობაში ამერიკის შეერთებული შტატებიდან უსამართლო განცხადებები არ გაკეთებულა. პირიქით, ამერიკის დღევანდელი ადმინისტრაციის პოლიტიკა ერთ-ერთში ემთხვევა საქართველოს პოლიტიკას, მათ შორის ევროკავშირთან დაპირისპირების თვალსაზრისითაც, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.მაჭარაშვილის თქმით, „ქმედითი ნაბიჯები თუ გადაიდგმება, მათ შორის ამერიკაში ვიზიტის თვალსაზრისით, ეს ხელს შეუწყობს პარტნიორული ურთიერთობების განვითარებას“.„ამერიკის თაობაზე ოპოზიციის განცხადებებს რაც შეეხება, „ნაციონალური მოძრაობა“ და მისი სატელიტები მათ მხარდამჭერებსაც აღარ აინტერესებთ. 4 ოქტომბრის შემდეგ ეს პოლიტიკური ძალა არაფერს წარმოადგენს“, – განაცხადა გურამ მაჭარაშვილმა.

აზერბაიჯანი საქართველოს მეზობელი და სტრატეგიული პარტნიორია და ეს არაერთხელ დამტკიცდა, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.მისი თქმით, კარგია, რომ საქართველო-აზერბაიჯანს შორის პარტნიორობა მზარდია.განსაკუთრებით ბოლო პერიოდში, როცა მსოფლიოსა და რეგიონში დიდი გამოწვევაა, დავინახეთ, რომ შუა დერეფნის მნიშვნელობა კიდევ უფრო გაიზარდა, სადაც რა თქმა უნდა, საქართველო მონაწილეობს. აზერბაიჯანი შუა დერეფანში მთავარ ფორმატს ქმნის, მნიშვნელოვანი მონაწილეა. კარგია, რომ საქართველო-აზერბაიჯანს შორის ასეთი სახის პარტნიორობაა, რომელიც მზარდია. პრეზიდენტ ალიევის განცხადება, რომ შუა დერეფანში საქართველოს დიდი როლი აქვს, იმას ამტკიცებს, რომ შუა დერეფანში საქართველოში მომავალშიც უფრო მნიშვნელოვანი როლის შემსრულებელი იქნება“, – განაცხადა გურამ მაჭარაშვილმა.

რეგიონში ქვეყნებს შორის მშვიდობიანი და მეგობრული ურთიერთობების გაღრმავებას არ აქვს ალტერნატივა, – ამის შესახებ  თბილისის მერმა, კახა კალაძემ მედიასთან საქართველოში აზერბაიჯანის პრეზიდენტის, ილჰამ ალიევის ვიზიტის კომენტირებისას განაცხადა.„საქართველოს და აზერბაიჯანს შორის ურთიერთობა, სტრატეგიული პარტნიორობა მნიშვნელოვანია. მივესალმები აღნიშნულ ვიზიტს. იმის გათვალისწინებითაც, თუ რა მძიმე პროცესები მიმდინარეობს ახლო აღმოსავლეთში, მშვიდობას ალტერნატივა არ აქვს. აზერბაიჯანთან გვაქვს მეგობრული ურთიერთობა. ქვეყნის ლიდერების მსგავსი ვიზიტები ხელს უწყობს მეგობრული ურთიერთობების გაღრმავებას“, – განაცხადა კახა კალაძემ.მისივე შეფასებით, აზერბაიჯანის პრეზიდენტისგან განსხვავებით, კონკრეტული ევროპელი პოლიტიკოსები შუა დერეფნის კუთხით საქართველოს მნიშვნელობაზე მიზანმიმართულად არ საუბრობენ.„ჩვენი გეოპოლიტიკური ადგილმდებარეობა ყველასთვის მნიშვნელოვანია. შესაბამისად, საქართველოს გამოყენება აღნიშნულ დერეფანზე სასურველია. ის, თუ რატომ არ აღნიშნავს ზოგიერთი ევროპელი პოლიტიკოსი საქართველოს როლს ამ კუთხით, პოლიტიკური გადაწყვეტილებაა. ვხედავთ, ბოლო წლების განმავლობაში შანტაჟი, შეურაცხყოფა და მუქარა მიმდინარეობს ჩვენი ქვეყნის მიმართ. ეს დამოკიდებულება მიუღებელია. ვიცით, ამის მიზეზიც – არ გადავდგით ის ნაბიჯები, რაც დამაზიანებელი იქნებოდა ქვეყნის ეკონომიკური განვითარებისთვის და ქართველი ხალხისთვის, ამიტომაც აქვთ აგრესიული დამოკიდებულება საქართველოსადმი“, – აღნიშნა კახა კალაძემ.