თამაზ მოლაშვილი – სულხანს მეგობრები ეუბნებოდნენ, სურათს რომ გიღებდნენ, მიშა სააკაშვილი გაბღენძილი სიამოვნებით უყურებდა, როდესაც გაწამებდნენო, საშინელ წამებაში ჰყავდათ

„სააკაშვილი მიუღებელია მეპროტესტეების დიდი ნაწილისთვის, სააკაშვილი არის „ნაციონალური მოძრაობის“ დროშა და გარკვეული ნაწილისთვის ის საფრთხობელაა, მიშას დროშის ქვეშ არ უნდათ გამოსვლა...“ - ამის შესახებ პოლიტოლოგმა, სოსო მანჯავიძემ გადაცემა „ვახო ხუზმიაშვილის თავისუფალ სივრცეში“ განაცხადა. 

ძალიან კარგი სატელეფონო საუბარი გვქონდა პრეზიდენტ დონალდ ტრამპთან, პრეზიდენტ ემანუელ მაკრონს, პრემიერ-მინისტრ, ჯორჯია მელონის, პრეზიდენტ ალექსანდრ სტუბს, კანცლერ ფრიდრიხ მერცს და პრეზიდენტ ვოლოდიმირ ზელენსკის, რათა მოგვესმინა ინფორმაცია მისი სატელეფონო საუბრის შესახებ ვლადიმერ პუტინთან, – ამის შესახებ ევროკომისიის პრეზიდენტი ურსულა ფონ დერ ლაიენი სოციალურ ქსელში წერს.„მინდა, მადლობა გადავუხადო პრეზიდენტ დონალდ ტრამპს უკრაინაში ცეცხლის შეწყვეტის მისაღწევად გაწეული დაუღალავი ძალისხმევისთვის. მნიშვნელოვანია, რომ აშშ რჩებოდეს ჩართული ამ საკითხში. ჩვენ გავაგრძელებთ ვოლოდიმირ ზელენსკის მხარდაჭერას უკრაინაში მდგრადი მშვიდობის მისაღწევად“, – ურსულა ფონ დერ ლაიენი.დღეს აშშ-ის პრეზიდენტს, დონალდ ტრამპსა და რუსეთის პრეზიდენტს, ვლადიმერ პუტინს შორის სატელეფონო საუბარი გაიმართა.დონალდ ტრამპმა სატელეფონო საუბრის შემდეგ განაცხადა, რომ „რუსეთი და უკრაინა დაუყოვნებლივ დაიწყებენ მოლაპარაკებებს ცეცხლის შეწყვეტისა და ომის დასრულების შესახებ“.ვლადიმერ პუტინმა კი აღნიშნა, რომ „რუსეთი მზადაა, კიევთან ერთად იმუშაოს სამომავლო სამშვიდობო ხელშეკრულების მემორანდუმზე“.

ევროპა გაზრდის ზეწოლას მოსკოვზე სანქციების მეშვეობით, – ამის შესახებ გერმანიის კანცლერი, ფრიდრიხ მერცი სოციალურ ქსელში წერს.მისი თქმით, ევროპა და ამერიკა ძალიან ერთიანები არიან ამ საკითხში.„ჩვენ მჭიდროდ დავუჭერთ მხარს უკრაინას ცეცხლის შეწყვეტისკენ მიმავალ გზაზე. ევროპა გაზრდის ზეწოლას მოსკოვზე სანქციების მეშვეობით. ჩვენ შევთანხმდით ამაზე აშშ-ის პრეზიდენტისა და პუტინთან საუბრის შემდეგ“, – წერს გერმანიის კანცლერი, ფრიდრიხ მერცი.დღეს აშშ-ის პრეზიდენტს, დონალდ ტრამპსა და რუსეთის პრეზიდენტს, ვლადიმერ პუტინს შორის სატელეფონო საუბარი გაიმართა.დონალდ ტრამპმა სატელეფონო საუბრის შემდეგ განაცხადა, რომ „რუსეთი და უკრაინა დაუყოვნებლივ დაიწყებენ მოლაპარაკებებს ცეცხლის შეწყვეტისა და ომის დასრულების შესახებ“.ვლადიმერ პუტინმა კი აღნიშნა, რომ „რუსეთი მზადაა, კიევთან ერთად იმუშაოს სამომავლო სამშვიდობო ხელშეკრულების მემორანდუმზე“.

მსახიობ გია ბურჯანაძის ქალიშვილი რუსა ბუჯანაძე სოციალურ ქსელში წერს:„მამაჩემის კაცობაში, სიმართლეში ან სამშობლოს სიყვარულში ეჭვი არავის არ ეპარება იმედია და თუ ფიქრობთ, რომ რამეს ამეტებს გეტყვით რომ კიდევ იმდენი ვერ თქვა, რადგან შესაბამისი ჯანმრთელობის მდგომარეობიდან გამომდინარე დროში იყო შეზღუდული (თურქეთიდან ჩაერთო, კლინიკიდან) ახლა რაც შეეხება ნაცებს და მაგათ მხარდამჭერებს, ახლაც რომ დარბიან ქუჩებში. რამდენიც არ უნდა იძახოთ რომ "რაღა დროის ნაცებიაო და ვის ახსოვს ეგენიო" იცით რა? - 80 წელი გავიდა რაც ფაშიზმი დავამარცხეთ, მაგრამ დღემდე გვახსოვს და დღემდე იხდის გერმანია რეიხის ვალებს თუნდაც ფიზიკურს და თუნდაც მორალურს. და ხო, ნაციონალები და მაგათი ნებისმიერი სახის განშტოებები სამუდამოდ უნდა აიკრძალონ ამ ქვეყანაში და დამნაშავეებიც შეიძლება გვიან, მაგრამ აუცილებლად უნდა დაისაჯონ.ნიურნბერგის პროცესზე დასაჯეს ჰანს ფრიჩშე (Hans Fritzsche) ადამიანი, რომელიც გებელსის პროპრაგანდისტული რადიოს დიქტორი იყო, ახმოვანებდა უბრალოდ გებელსის და ჰიტლერის დაწერილ მოსაზრებებს და ჰიტლერის საყვარელი არქიტექტორიც იგივენაირად სამართლდებოდა ნიურნბერგში, როგორც გერინგი, ჰესი, რიბენტროპი და ა.შ მთელი ტრიბუნალის განვმალობაში. ესე მოექცა ევროპა ჯალათებს და ზოგადად ნიურნბერგის მერე დაფუძნდა სიტყვა “გენოციდი” რომელიც მერე ჰააგის სასამართლოს სამხედრო ტრიბუნალმა აქტიურად გამოიყენა მაგალითად იუგოსლავიის საქმეზე. იგივე გააკეთეს ნაცებმა და ნაცების პერიოდის ციხე იგივე თანამედროვე კონცლაგერი იყო ჩემი აზრით, გენოციდზე, შიშზე, ტერორზე აღარ ვიტყვი არაფერს.აქვე კიდე ვიღაც ვიღაცებს მინდა შევახსენო, რომ სხვათაშორის იტალიაში მუსოლინი შეყვარებულთან ერთად აწამეს და მოკლეს სახალხოდ, ამიტომ ვინც თქვენი ქმრების და ნაშების ბინძურ საქმეებში ხართ გარეულები და ეხლა ბევრს ლაპარაკობთ იცოდეთ, რომ ისტორია ყოველთვის მეორდება, მაკიაველი გადაიკითხეთ“, - წერს გია ბურჯანაძის ქალიშვილი რუსა ბურჯანაძე.

ახლახან დავასრულე პრეზიდენტ ვლადიმირ პუტინთან სატელეფონო საუბარი - ვფიქრობ, რომ საუბარი ძალიან კარგად წარიმართა, - განაცხადა აშშ-ის პრეზიდენტმა, დონალდ ტრამპმა.მისი თქმით, რუსეთი და უკრაინა დაუყოვნებლივ დაიწყებენ მოლაპარაკებებს ცეცხლის შეწყვეტის და, რაც მთავარია, ომის დასრულების მიზნით.„მოლაპარაკებების პირობებზე ორივე მხარე იმუშავებს, როგორც ეს ბუნებრივია, რადგან მათ იციან მოლაპარაკებების ისეთი დეტალები, რაც სხვებისთვის უცნობი იქნება. საუბრის ტონი და სულისკვეთება შესანიშნავი იყო. რომ არა, ამას ახლავე ვიტყოდი და არა მოგვიანებით. რუსეთს სურს ფართომასშტაბიანი ვაჭრობა შეერთებულ შტატებთან, როდესაც ეს კატასტროფული „სისხლისღვრა“ დასრულდება და მე ვეთანხმები ამას“, - აღნიშნა აშშ-ის პრეზიდენტმა.„რუსეთისთვის უზარმაზარი შესაძლებლობა არსებობს შექმნას სამუშაო ადგილებისა და სიმდიდრის კოლოსალური რაოდენობა. მისი პოტენციალი შეუზღუდავია. ანალოგიურად, უკრაინას შეუძლია დიდი სარგებელი მიიღოს ვაჭრობით, ქვეყნის აღდგენის პროცესში. რუსეთსა და უკრაინას შორის მოლაპარაკებები დაუყოვნებლივ დაიწყება. ამის შესახებ უკვე ვაცნობე პრეზიდენტ ვოლოდიმირ ზელენსკის“, - დასძინა მან.