თალაკვაძე მუხტარლიზე: გამოძიება რომ ვერ დასრულდა, ქართველი ძალოვნების ბრალი არ არის

„პარი სენ-ჟერმენთან“ კარგი თამაშის შემდეგ გიორგი წიტაიშვილით ევროპის გამორჩეული კლუბები დაინტერესდნენ, – „მეცის“ ქართველ ფეხბურთელთან დაკავშირებით ფრანგული გამოცემა Foot Mercato წერს.„„მეცის“ ქართველი გარემარბი, რომელიც კიევის „დინამოდან“ ფრანგულ გუნდში იჯარის წესით თამაშობს, მომავალი წლის ივნისში თავისუფალი აგენტი გახდება. სწორედ ამ ფაქტორმა და პარიზელთა წინააღმდეგ ნაჩვენებმა მაღალი დონის თამაშმა კლუბების ყურადღება მიიქცია.13 დეკემბერს „პარი სენ-ჟერმენის“ წინააღმდეგ გამართულ შეხვედრაში წიტაიშვილი ძალიან დამაჯერებლად მოქმედებდა. ლიგა 1-თან ადაპტაციის შემდეგ ქართველი ფეხბურთელი „მეცის“ ერთ-ერთ გამორჩეულ ფიგურად იქცა და გულშემატკივართა სიმპათიაც დაიმსახურა.მიუხედავად იმისა, რომ წიტაიშვილს კონტრაქტი კვლავ აკავშირებს კიევის „დინამოსთან“, ზაფხულში მისი უფასოდ დამატების პერსპექტივა ბევრ კლუბს იზიდავს – საფრანგეთში მას „ლიონი“ და „ლილი“ აკვირდებიან, ინტერესს იჩენენ რომის „ლაციო“ და ესპანური „ვილიარეალი“, – წერს გამოცემა.ფრანგული „მეცის“ რიგებში მიმდინარე სეზონში საქართველოს ნაკრების 25 წლის ფეხბურთელმა 16 შეხვედრა ჩაატარა.

ყოველ წელს, რაც საქართველოს ტერიტორიის 20 პროცენტი ოკუპირებულია, ეს არის მთავარი პრობლემა ჩვენი ქვეყნისთვის, ეს არის ჩვენი ტერიტორიების ოკუპაცია და ოკუპაციის შედეგად დაზარალებული ჩვენი მოქალაქეები საოკუპაციო ხაზის ორივე მხარეს, – ამის შესახებ სახალხო დამცველმა, ლევან იოსელიანმა საქართველოს პირველი არხის გადაცემაში „დღის თემა“ განაცხადა.ლევან იოსელიანს გადაცემის წამყვანმა ჰკითხა, რა იყო 2025 წელს ადამიანის უფლებების მდგომარეობის და ადამიანის უფლებებისა და თავისუფლების დაცვის კუთხით ყველაზე მთავარი პრობლემა და გამოწვევა, რაზეც იოსელიანმა აღნიშნა:„განსაკუთრებით ეს თემაა, რომლითაც იწყება ჩემი ყოველწლიური ანგარიში და რომელზეც ყოველთვის განსაკუთრებულ ყურადღებას ვამახვილებ: ადამიანები, რომლებიც ცხოვრობენ საოკუპაციო ხაზის გასწვრივ, მათი მდგომარეობა, გამოწვევები, რომელთაც ისინი ყოველდღიურად უმკლავდებიან, სტატისტიკა, რომელიც წელსაც ისეთივე არასახარბიელოა, როგორც შარშან და შარშანწინ. ვგულისხმობ წელს 50-ზე მეტ დაკავებულ ადამიანს, რომლებიც წაიყვანეს და მოათავსეს ციხეებში. ამ ადამიანების ნაწილი დღესაც რჩება სხვადასხვა იზოლატორში, როგორც ცხინვალის, ისე აფხაზეთის მიმართულებით. ეს ის საკითხია, რომელთან გამკლავებაც უწევთ იქ მცხოვრებ ადამიანებს.რა თქმა უნდა, ყველას გვესმის, რომ ერთბაშად მოგვარება მარტივი არ არის, თუმცა, როცა ვსაუბრობთ მთავარ პრობლემაზე, მნიშვნელოვანია, დავიწყოთ საუბარი იმ პრობლემით, რომელიც ყველა ჩვენგანს ეხება: ჩვენი ქვეყნის ტერიტორიების ოკუპაცია. ეს არის საკითხი, რომელიც ნომერ პირველი პრობლემა უნდა იყოს ყველა მოქალაქისთვის, არის კიდეც და სწორედ ამ პრობლემით იხსნება ჩემი ანგარიში“, – განაცხადა იოსელიანმა.

ევროპარლამენტის პრეზიდენტი რობერტა მეცოლა აშშ-ის მიერ ყოფილი ევროკომისრისთვის, ტიერი ბრეტონისთვის და კიდევ ოთხი ევროპელისთვის დაწესებულ სანქციებს გმობს. ამის შესახებ რობერტა მეცოლა სოციალურ ქსელ X-ზე წერს.მისი თქმით, ტიერი ბრეტონისა და სხვების მიმართ მოგზაურობის აკრძალვის დაწესება იმის გამო, რომ ის ევროკომისრის მოვალეობას ასრულებდა, მიუღებელია.ევროპარლამენტის პრეზიდენტი ამ შეზღუდვების გაუქმებას ითხოვს.„ევროპარლამენტის სახელით, მოვითხოვ მის სწრაფად გაუქმებას“, – წერს რობერტა მეცოლა.ცნობისთვის, სახელმწიფო დეპარტამენტმა აშშ-ში შესვლა აუკრძალა ხუთ პირს, რომლებიც ამერიკულ ონლაინ პლატფორმებზე მასალების ცენზურას ახდენდნენ. 

ცნობილია, ყველაზე პოპულარული სახელების ჩამონათვალი, რომელიც 2025 წელს დაარქვესბიჭი 1) ალექსანდრე 2) გიორგი 3)თომა 4) ლუკა 5) დემეტრეგოგო 1) ნიცა 2) მართა 3) თაია 4)მარიამ 5) ევა

მეტეოროლოგი, კობა ფარტენაძე ამინდის განახლებულ პროგნოზზე წერს:,,ახალი წლის წინა დღეები: მკაცრი ამინდის პირობებით.ის, რასაც შეიძლება საახალწლო ციკლონი ვუწოდოთ, ჩვენი ქვეყნის ირგვლივ ახდენს ზემოქმედებას და ის საქართველოში შავი-ზღვის ჩრდილო დასავლეთიდან 24 - დეკემბრიდან დაიწყებს გავრცელებას.ამიტომაც, დასავლეთში, ყველგან და აღმოსავლეთში ზოგან, ხვალიდან მოსალოდნელია ნალექი (ახალწლამდე მცირედი გამოდარებებით) ზღვის დონიდან 500-600 მეტრის ზემოთ მოსლაოდნელია თოვა, ისევე, როგორც ყველა ზამთრის კურორტზე.დაბლობსა და ბარში იწვიმებს და დაბალი ტემპერატურის გამო ახალ წლამდე შესაძლებელია იყოს თოვლჭყაპი.წლის ბოლოს, თუ პროგნოზში ცვლილება არ მოხდება, ქვეყანაში შესაძლოა დაფიქსირდეს სეზონის პირველი მკვეთრი სიცივე. ეს განსხვავებული იქნება გასული წლებისგან, როდესაც მაღალი წნევის ანომალიების ფონზე დეკემბრის ბოლოს ზედმეტად რბილი პირობები გვქონდა“,- წერს მეტეოროლოგი - კობა ფარტენაძე.