თავისუფალი სტილით ჭიდაობაში ახალგაზრდებს შორის საქართველოს ჩემპიონატი დაიწყო

უკრაინელი ხალხი უარყოფს ისეთ სამშვიდობო შეთანხმებას, რომელიც უკრაინის მხრიდან დონბასის რეგიონიდან ცალმხრივად გასვლას და მის რუსეთისთვის გადაცემას გულისხმობს, – ამის შესახებ უკრაინის პრეზიდენტმა, ვოლოდიმირ ზელენსკიმ „აქსიოსთან“ სატელეფონო ინტერვიუში განაცხადა.ზელენსკის თქმით, დონალდ ტრამპის წარმომადგენლებმა, მომლაპარაკებლებმა, სტივ უიტკოფმა და ჯარედ კუშნერმა უთხრეს, რომ რუსეთს ნამდვილად სურს ომის დასრულება და მოლაპარაკებების დაწყებამდე, მან ამის საფუძველზე უნდა მოახდინოს კოორდინაცია უკრაინის მომლაპარაკებელ გუნდთან. თუმცა, როგორც ზელენსკიმ აღნიშნა, ის ბევრად უფრო პესიმისტურადაა განწყობილი. უკრაინის პრეზიდენტმა ასევე ურჩია უიტკოფსა და კუშნერს, არ ეცადონ, აიძულონ ის, „საკუთარ ხალხს მიჰყიდოს მშვიდობის ისეთი ხედვა, რომელსაც უკრაინელები წარუმატებელ ისტორიად აღიქვამენ“.ზელენსკის განცხადებით, არ არის სამართლიანი, როდესაც პრეზიდენტი დონალდ ტრამპი საჯაროდ მოუწოდებს უკრაინას და არა რუსეთს, რომ მშვიდობისთვის დათმობებზე წავიდეს. მისივე თქმით, მიუხედავად იმისა, რომ ტრამპისთვის უკრაინაზე ზეწოლა შესაძლოა, უფრო ადვილი იყოს, ვიდრე ბევრად უფრო დიდ რუსეთზე, მდგრადი მშვიდობის დამყარების გზა პუტინისთვის „გამარჯვების ჩუქება“ არ არის.„იმედი მაქვს, ეს მხოლოდ მისი ტაქტიკაა და არა გადაწყვეტილება“, – აღნიშნა ზელენსკიმ.ამასთან, უკრაინის პრეზიდენტმა მადლობა გადაუხადა დონალდ ტრამპს სამშვიდობო ძალისხმევისთვის და აღნიშნა, რომ კუშნერთან და უიტკოფთან მისი საუბრები არ მოიცავს იმ ტიპის ზეწოლას, რომელსაც ტრამპი საჯაროდ იყენებს.„ჩვენ ერთმანეთს პატივს ვცემთ“, – განაცხადა ზელენსკიმ და დასძინა, რომ ის „ისეთი ადამიანი არ არის“, რომელიც ადვილად ემორჩილება ზეწოლას.ზელენსკის განცხადებით, ტერიტორიის საკითხზე გარღვევის მიღწევის საუკეთესო გზა პუტინისთვის მასთან პირისპირ შეხვედრაა. მისივე თქმით, თავის გუნდს დაავალა, რომ ჟენევაში ლიდერების დონეზე შეხვედრის წინადადება წამოაყენონ.როგორც „აქსიოსთან“ ინტერვიუში ზელენსკიმ აღნიშნა, ვაშინგტონი და კიევი შეთანხმდნენ, რომ ნებისმიერი შეთანხმება უკრაინელ ხალხს რეფერენდუმით უნდა წარედგინოს.ზელენსკის თქმით, თუ შეთანხმება უკრაინული მხარის უბრალოდ დონბასიდან გასვლას გულისხმობს, უკრაინელი ხალხი ამას მხარს არ დაუჭერს.„ემოციურად, ხალხი ამას არასოდეს აპატიებს. ისინი არასოდეს არ მაპატიებენ“, – განაცხადა ზელენსკიმ.მისივე თქმით, უკრაინელებს „არ შეუძლიათ, გაიგონ“, რატომ უნდა სთხოვონ მათ დამატებითი ტერიტორიების დათმობა. უკრაინის პრეზიდენტის თქმით, თუ შეთანხმება უბრალოდ გაყინავს დონბასში არსებულ საბრძოლო ხაზებს, ფიქრობს, რომ უკრაინელი ხალხი ამას მიიღებს.„ვფიქრობ, თუ დოკუმენტში შევიტანთ, რომ დავრჩებით ხაზზე, სადაც ამჟამად ვართ, ხალხი ამას რეფერენდუმზე მხარს დაუჭერს. ეს ჩემი აზრია“, – განაცხადა ზელენსკიმ.ამასთან, უკრაინის პრეზიდენტმა განაცხადა, რომ არაფერი გადაწყვეტილა, თუმცა შესაძლებელია, ახალი საპრეზიდენტო არჩევნები რეფერენდუმთან ერთად ჩატარდეს. ზელენსკის თქმით, ნებისმიერი არჩევნები შესაძლოა, მყიფე ცეცხლის შეწყვეტის დროს ჩატარდეს და ასეთ შემთხვევაში, ის შესაძლოა, კანდიდატი იყოს.„ეს ხალხზე იქნება დამოკიდებული. ვნახოთ, რა სურთ მათ“, – განაცხადა ზელენსკიმ.ზელენსკიმ აღნიშნა, რომ ამ ეტაპზე რუსეთი მხოლოდ ერთდღიან ცეცხლის შეწყვეტაზე დათანხმდა უკრაინისთვის არჩევნების ორგანიზებისა და ჩატარების მიზნით, 60 დღის ნაცვლად, რომელიც ზელენსკის თქმით, საჭიროა. ზელენსკის განცხადებით, რუსეთის პოზიცია აბსურდული და იმის მანიშნებელია, რომ მოსკოვი ნამდვილი მშვიდობისთვის მზად არ არის.

უბედურება, რაც მოხდა, ტრაგედიაა ჩვენთვის. მეორე - ადამიანს, რომელმაც არ იცოდა, დააბრალო და ასეთი ბრალდება წაუყენო, ეს კიდევ მეორე ტრაგედიაა, - ამის შესახებ ყოფილი პრემიერ-მინისტრის, ზურაბ ჟვანიას მეუღლემ ნინო ქადაგიძე-ჟვანიამ „ინტერპრესნიუსს“ განუცხადა, რითაც პროკურატურის მიერ გავრცელებულ ინფორმაციას გამოეხმაურა იმის თაობაზე, მისი შვილი ბესარიონ ჟვანია, ნიკო კვარაცხელიას შეკვეთით მკვლელობის ორგანიზებაში იყო ჩართული, რის გამოც ბუსა ჟვანიაზე ძებნა გამოცხადდა.როგორც ნინო ჟვანია აღნიშნავს, მისი შვილისთვის ცნობილი არ იყო ის ფაქტი, რომ ძმები კაკულიები ნიკო კვარაცხელიას მკვლელობას გეგმავდნენ.„ძალიან მოულოდნელი იყო, ახლა, ეს. ჩვენ არასდროს უარვყოფდით, რომ ურთიერთობა ჰქონდა და ბავშვობის მეგობარი იყო კაკულიასი და ჩვენებებშიც აქვს ეს ყველაფერი ნათქვამი - დანარჩენს რაც შეეხება, ეს ბრალდება სრულიად მიუღებელია, გამოვრიცხავ, რომ რამე იცოდა ბუსამ. ეს რომ სცოდნოდა ბუსას, ამას გამოვრიცხავ. ერთი, უბედურება, რაც მოხდა, ტრაგედია არის ჩვენთვის ყველასთვის და ახლა მეორე - ადამიანს, რომელმაც არ იცოდა, დააბრალო და ასეთი ბრალდება წაუყენო, ეს კიდევ მეორე ტრაგედიაა, მე მგონი“, - განაცხადა ნინო ჟვანიამ.თბილისის პროკურორის, გიორგი მიქაიას განცხადებით, საქართველოს პროკურატურამ ნიკო კვარაცხელიას მკვლელობის საქმე გახსნა. მისი თქმით, პროკურატურა ნიკო კვარაცხელიას შეკვეთით, ჯგუფურად განზრახ მკვლელობის ორგანიზების ფაქტზე გურამ კაკულიას, დავით კაკულიას და ბესარიონ ჟვანიას ბრალდებას წარუდგენს. ყოფილი პრემიერ-მინისტრის, ზურაბ ჟვანიას შვილზე, ბესარიონ (ბუსა) ჟვანიაზე კანონით დადგენილი წესით გამოცხადდება ძებნა.პროკურატურის ცნობით, გურამ და დავით კაკულიებმა ნიკოლოზ კვარაცხელიას შეკვეთით მკვლელობის განზრახვა მათ მეგობარს ბესარიონ ჟვანიას გაანდეს და შეთანხმდნენ მოეხდინათ ნიკოლოზ კვარაცხელიას მკვლელობის ორგანიზება. ბესარიონ ჟვანიამ დაიწყო დანაშაულის ამსრულებლის მოძიება, რა მიზნითაც იგი მის ნაცნობებს ალეკო ჭელიძეს და გიორგი კავილაძეს დაუკავშირდა, შესთავაზა მათ ძმები კაკულიების შეკვეთით მოეხდინათ ნიკოლოზ კვარაცხელიას ჯგუფური მკვლელობა, რაზედაც ისინი დათანხმდნენ. ალეკო ჭელიძე და გიორგი კავილაძე ბესარიონ ჟვანიას ორგანიზებით, 2021 წლის ივლისსა და აგვისტოში სომხეთის რესპუბლიკაში რამდენჯერმე გაემგზავრნენ ამავე ქვეყანაში მყოფი მკვლელობის შემკვეთებთან გურამ და დავით კაკულიებთან შესახვედრად, სადაც ისინი მკვლელობის ორგანიზებისათვის აუცილებელ მითითებებს გასცემდნენ.

აშშ-ის სამხედრო ძალებმა აღმოსავლეთ წყნარ ოკეანესა და კარიბის ზღვაში ნარკოტიკების გადამზიდ სამ გემზე თავდასხმა განახორციელეს. ინფორმაციას „ბიბისი“ აშშ-ის სამხედრო ძალების განცხადებაზე დაყრდნობით ავრცელებს.როგორც აშშ-ის სამხედრო ძალებში აცხადებენ, თავდასხმის შედეგად 11 ადამიანი დაიღუპა.„დაზვერვამ დაადასტურა, რომ გემი წყნარ ოკეანეში ნარკოტრეფიკინგის ცნობილი მარშრუტით მოძრაობდა და ნარკოტრეფიკინგის ოპერაციებში იყო ჩართული“, – ნათქვამია აშშ-ის სამხედრო ძალების განცხადებაში.განცხადებაში აღნიშნულია, რომ ოპერაციაში მონაწილე არცერთი ამერიკელი სამხედრო არ დაშავებულა.ამასთან, აშშ-ის სამხედრო ძალებში აცხადებენ, რომ აშშ ნარკომოვაჭრეების წინააღმდეგ ბრძოლას მომავალშიც აქტიურად გააგრძელებს.ტრამპის ადმინისტრაციის ინფორმაციით, სექტემბრის დასაწყისიდან მოყოლებული აშშ-ის სამხედროებმა 20-ზე მეტი დარტყმა განახორციელეს გემებზე, რომლებიც, სავარაუდოდ, ნარკოვაჭრობაში იყვნენ ჩართული კარიბის ზღვის აუზსა და აღმოსავლეთ წყნარ ოკეანეში, რასაც, სულ მცირე, 130 ადამიანის სიცოცხლე ემსხვერპლა.

დიდი მარხვა თავისი მნიშვნელობით გამოირჩევა ყველა სხვა მარხვისაგან.მისი შესრულებით ვემზადებით ყველაზე დიდი ქრისტიანული დღესასწაულის - ქრისტეს ბრწყინვალე აღდგომის შესახვედრად.ხორციელის, ანუ საშინელი სამსჯავროს კვირის შემდეგ მოდის დიდი მარხვის წინა კვირა, რომელსაც ყველიერის კვირა ეწოდება.როგორც წესი, ყველიერის კვირა მოძრავია. ეს არის მოსამზადებელი პერიოდი დიდი მარხვისთვის. ხსნილია რძის ნაწარმით, კვერცხითა და თევზით ოთხშაბათისა და პარასკევის ჩათვლით და იკრძალება ხორცის მიღება.დიდმარხვის განმავლობაში "დილისა” და "ძილის წინ” ლოცვების შემდეგ იკითხება ეფრემ ასურის ლოცვა. ამ ლოცვას ყველიერის კვირის სამშაბათ საღამოს, ოთხშაბათ დილას, ხუთშაბათ საღამოს და პარასკევ დილას ვამბობთ, შემდეგ კი – შენდობის კვირის საღამოდან მთელი დიდმარხვის განმავლობაში, ვნების კვირის ოთხშაბათ დილის ჩათვლით.ეფრემ ასურის ლოცვას არ ვასრულებთ პარასკევ საღამოდან კვირა დილის ჩათვლით.მართლმადიდებელი ეკლესიის უძველესი ჩვეულებისამებრ, ყველიერის კვირას ქრისტიანები ერთმანეთს სთხოვენ შენდობას. ამიტომ ამ დღეს შენდობის კვირაც ეწოდება.ლოცვა ეფრემ ასურისაუფალო და მეუფეო ცხოვრებისა ჩემისაო, სულსა უქმობისასა და მიმოწვლილველობისასა, მთავრობისმოყვარებისასა და ცუდად მეტყველებისასა ნუ მიმცემ მე (მეტანია).ხოლო სული სიწმიდისა, სიმდაბლისა, მოთმინებისა და სიყვარულისა მომმადლე მე მონასა შენსა (მეტანია).ჰე, უფალო და მეუფეო, მომანიჭე მე განცდა თვისთა ცოდვათა და არა განკითხვად ძმისა ჩემისა, რამეთუ კურთხეულ ხარ შენ უკუნითი უკუნისამდე, ამინ (მეტანია).ღმერთო, მილხინე ცოდვილსა ამას და შემიწყალე მე (მცირე მეტანია 12-ჯერ).უფალო და მეუფეო ცხოვრებისა ჩემისაო, სულსა უქმობისასა და მიმოწვლილველობისასა, მთავრობისმოყვარებისასა და ცუდად მეტყველებისასა ნუ მიმცემ მე.ხოლო სული სიწმიდისა, სიმდაბლისა, მოთმინებისა და სიყვარულისა მომმადლე მე მონასა შენსა.ჰე, უფალო და მეუფეო, მომანიჭე მე განცდა თვისთა ცოდვათა და არა განკითხვად ძმისა ჩემისა, რამეთუ კურთხეულ ხარ შენ უკუნითი უკუნისამდე, ამინ (მეტანია).

საქართველოს ეროვნული ბანკის მონეტარული პოლიტიკის კომიტეტმა, 2026 წლის 11 თებერვლის სხდომაზე, მონეტარული პოლიტიკის განაკვეთი (რეფინანსირების განაკვეთი) უცვლელად, 8%-ზე შეინარჩუნა.„საზოგადოება და ბანკებმა“ ცვლად საპროცენტო განაკვეთზე მიბმული სესხები მიმოიხილა. კერძოდ, 2026 წლის 1-ელი იანვრის მდგომარეობით ცვლად საპროცენტო განაკვეთზე მიბმული 238 380 სესხია გაცემული და მათი აბსოლუტური უმრავლესობა რეფინანსირების განაკვეთზეა მიბმული.შესაბამისად, როგორც „საზოგადოება და ბანკები“ წერს, 238 380 მსესხებელს სესხზე ყოველთვიური შენატანი არ შეეცვლება.ორგანიზაციის მონაცემებით, 238 380 ხელშეკრულებიდან, რაოდენობრივად უმეტესი ნაწილი იპოთეკური და სამომხმარებლო სესხებია - 190 420 (80%), 44 910 ხელშეკრულება (19%) მცირე და საშუალო ბიზნესზე გაცემული სესხებია და დიდ ბიზნესზე ჯამური ხელშეკრულებების 0.90 %-ია გაფორმებული.„ჯამურად, ცვლად საპროცენტო განაკვეთზე 19.201 მლრდ ლარის მოცულობის სესხებია გაცემული. იპოთეკური სესხების მოცულობა 5.828 მლრდ. ლარს შეადგენს და სამომხმარებლო სესხებზე 3.644 მლრდ. ლარი არის გაცემული. მცირე და საშუალო ბიზნესზე ყველაზე დიდი მოცულობის სესხია გაცემული (6.254 მლრდ ლარი), ხოლო დიდ ბიზნესზე 3.415 მლრდ. ლარი.ლარში გაცემული და ცვლად საპროცენტო განაკვეთზე მიბმული იპოთეკური სესხის საშუალო მოცულობა 66 980 ლარს, სამომხმარებლო სესხის 35 200 ლარს, მცირე და საშუალო ბიზნესზე 139 000-ს და დიდ ბიზნესზე გაცემული სესხის მოცულობა 1 707 500 ლარს შეადგენს“,- წერს „საზოგადოება და ბანკები“.ცნობისთვის, ინფლაციამ იანვარში 4.8% შეადგინა. როგორც ორგანიზაცია აღნიშნავს, ეს ძირითადად გამოწვეულია სურსათზე თითქმის 11%-იანი ფასების ზრდით. მათივე შეფასებით, ამ ფონზე, მოსალოდნელი იყო, რომ ეროვნული ბანკი მონეტარულ პოლიტიკას გაამკაცრებდა, თუმცა რეგულატორი ფიქრობს, რომ ფასების შემდგომი ზრდა ნაკლებად მოსალოდნელია.„შიდა და საგარეო რისკების გათვალისწინებით ამ ეტაპზე ვერც რეფინანსირების განაკვეთის შემცირება მოხერხდა. ეროვნული ბანკი ფრთხილ მონეტარულ პოლიტიკას აგრძელებს. ის არ ამკაცრებს პოლიტიკას, რადგან მიიჩნევს, რომ ინფლაციის ძირითადი ნაწილი მის კონტროლს მიღმაა (სურსათი) და ფუნდამენტური ინფლაცია (საბაზო) კონტროლს ექვემდებარება. თუმცა, თუ მაღალი საერთო ინფლაცია გახანგრძლივდა, ეს მიდგომა შეიძლება სარისკო აღმოჩნდეს და საბოლოოდ მაინც მოითხოვოს გამკაცრება, რისი მზაობაც რეგულატორმა დააფიქსირა“,- აღნიშნავენ „საზოგადოება და ბანკებში“.