![](https://tiflisnews.ge/wp-content/uploads/2024/04/Screenshot-2024-04-20-220801.png)
“ვოი, მამულო… შენ თუ არ იქენ, მტვრად ქცეულა მსოფლიო რუკა” – ტარიელ ხარხელაური
ტარიელ ხარხელაურის ფეისბუქგვერდზე ემოციური ლექსი ქვეყნდება. ხევსური პოეტის პოეზიის მოყვარულებს დიდი სიამოვნება გელით.
***
“დღეს ჩემი ქვეყნის ყველა ძარღვი არის გახსნილი,
და შეუწყვეტლივ მოდის სისხლი ყველა წყლულიდან,
დგას საქართველო დაბზარული და, თავდახრილი,
სხვა საქართველო შემომკვნესის ღრმა წარსულიდან.
იმ საქართველოს დღევანდელი არაფრით არ ჰგავს,
იმ საქართველოს ახლანდელი აღარც ჩრდილია,
გამოიღვიძეთ ქართველებო! – სამშობლოს ვკარგავთ,
ვკარგავთ თუ… უკვე დავკარგეთ და, გარდაცვლილია.
ვერ შევეგუე ჩემს მამულში სხვა თესლის წანწალს,
არ ეკადრება არც მამულს და არც ჩემს ღირსებას,
სამშობლოს იქით სიყვარული მამულის არ მწამს,
კვნესის გული და სინანულის ცრემლით ივსება.
ვოი მამულო, გაძარცვულო უფლის ტაძარო,
ვოი მამულო, რა მწუხარედ რეკვენ ზარები,
ყველა კარები ჩამოხსნილი მხვდება საძვალის
და ძვალთა ნაცვლად აკლდამებში ჰყეფენ ქარები.
ვოი მამულო, დანაცრულა ყველა მზე თუკი
არ განკურნულა ყველა წყლული შენი ღიობის,
შენ თუ არ იქენ, მტვრად ქცეულა მსოფლიო რუკა,
მთელი სამყარო ამ შეშლილი კაცობრიობის.
შენში ვარ – უფრო მენატრები, უფრო მწყურიხარ,
მწუხრისას შენ წინ მუხლს ვიდრეკ და მკერდზე გეხები,
ვოი მამულო, ტკივილებით ისე სრული ხარ,
ჭრიალი მესმის დაღუნული შენი ხერხემლის.
დავიღალე და, შენც დაგღალე მოთქმით, გოდებით,
იმედი უფლის – სხვა საშველი არ ჩანს არსაით,
გავდივარ შენგან, საწყისს ჩემსას ვუახლოვდები,
და მიმაქვს გული, მიმაქვს გული ცივი ქვასავით
– შუაღამეა, ფერგადასულს შევყურებ ცარგვალს,
დედამიწაზე გალეული მთვარის ჩრდილია,
გამოიღვიძეთ ქართველებო! – სამშობლოს ვკარგავთ,
ვკარგავთ თუ … უკვე დავკარგეთ და, გარდაცვლილია…”
ტარიელ ხარხელაური
![](http://tiflisnews.ge/wp-content/uploads/2024/04/უუუუ.png)
About Post Author
ქეთევან ნინუა
Comments
VIDEO: სპეციალური საწოლი ლაშა ტალახაძისთვის – ვრცელდება სახალისო ვიდეო
პარიზის ოლიმპიადა დღეს ოფიციალურად იხსნება. ქართველი სპორტსმენები უკვე საფრანგეთში არიან. 2024 წლის ზაფხულის ოლიმპიადას პარიზი მასპინძლობს, შეჯიბრებებში 28 ქართველი სპორტსმენი...
დავით თორდია-ჩვენ ქართველები არ ვაპირებთ აფხაზი ძმების, მათი ოჯახების, შვილების დახოცვას, ჩვენ გვინდა მშვიდობა და შერიგება- აფხაზეთი საქართველოა
,,ამერიკა გვეუბნება არ ელაპარაკო რუსეთს, არ ელაპარაკო აფხაზებს და აგერ ასე ვართ ჭაობში 30 წელია ამ გაბუტვის და რუსების გინების...
„ვიპოვეთ, ჯანმრთელად და კარგად არიან“ – სვანეთში გაუჩინარებული ბიჭების ნათესავი მიმართვას ავრცელებს
სვანეთში დაკარგული ახალგაზრდები ცოცხლები არიან. სასიხარულო ინფორმაცია სოციალურ ქსელში ვრცელდება. "თავისი ფეხით ჩავიდნენ ზემო სვანეთიდან ქვემოში!.. ჯანმრთელად და კარგად არიან,...
როგორი იქნება თბილისის ცენტრალური სადგურის განახლებული ბაქნები (ფოტოები)
თბილისის ცენტრალური რკინიგზის სადგურის N2 და N3 ბაქნები განახლდება. ამასთან დაკავშირებით „საქართველოს რკინიგზამ“ სახელმწიფო შესყიდვა 21 ივლისს გამოაცხადა. ტენდერში წინადადებების...
85 წლისამ ფარიკაობა ისწავლა, 100 წლისამ კი ველოსიპედის ტარება – რა იყო ფრანგი ქალის ბედნიერების საიდუმლო
ჟანა კალმანი მსოფლიოში ერთ-ერთი ყველაზე ცნობილი ფრანგი ქალი გახდა, რომელმაც პრესისა და ფოტოგრაფების ყურადღება საკუთარი ხანგრძლივი ცხოვრებით არაერთხელ მიიპყრო. ქალმა...
“ყოვლისმომცველი მიდგომა დანაშაულის პრევენციისთვის” – თბილისი საერთაშორისო კონფერენციას მასპინძლობს
საერთაშორისო კონფერენცია დანაშაულის პრევენციის, არასაპატიმრო სასჯელთა აღსრულებისა და პრობაციის სააგენტოს დღეს – 25 ივლისს გაიხსნა. მისი მიზანია უწყებათაშორისი თანამშრომლობის გაღრმავება...