0
0
ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ქვეყანა „მზადყოფნის მაღალ დონეზეა ნებისმიერი სცენარისთვის, როგორც თავდაცვითი, ისე შეტევითი თვალსაზრისით“. მან პირობა დადო, რომ ნებისმიერი ფრონტიდან ისრაელის წინააღმდეგ განხორციელებული აგრესიისთვის ძალიან მძიმე საფასურს გადაიხდიან. ინფორმაციას The Times Of Israel-ი ავრცელებს.
„მას შემდეგ, რაც გუშინ გავანეიტრალეთ „ჰეზბოლას“ მეთაური [ფუად შუკრი], დღეს დადასტურდა „ჰამასის“ მეთაურის, მოჰამედ დეიფის ლიკვიდაციაც. დეიფი პასუხისმგებელი იყო 7 ოქტომბრის საშინელ ხოცვა-ჟლეტაზე და ასევე ისრაელის მოქალაქეების წინააღმდეგ განხორციელებულ მრავალ სასიკვდილო თავდასხმაზე. წლების განმავლობაში ის ისრაელისთვის ნომერ პირველი ძებნილი იყო. მისი ლიკვიდაცია ადასტურებს ჩვენ მიერ დამკვიდრებულ მარტივ პრინციპს: ვინც ჩვენ გვტკენს, მათ ვავნებთ“, – განაცხადა ნეთანიაჰუმ .
