„ვარ ქართული ოცნების გუნდის წევრი და დარწმუნებული ვარ, საქართველოს გამარჯვებისთვის კიდევ ბევრ წარმატებულ ნაბიჯს გადავდგამთ!“ – ერეკლე ღვინიანიძე

2026 წლის ათასწლეულის ინოვაციის კონკურსი გამოცხადდა. ამის შესახებ ინფორმაციას ათასწლეულის ფონდი ავრცელებს.მათივე ცნობით, ათასწლეულის ინოვაციის კონკურსი დღეს საქართველოში ერთ-ერთი ყველაზე პოპულარული კონკურსია საბუნებისმეტყველო-საინჟინრო STEM დარგებით და ინოვაციებით დაინტერესებული ახალგაზრდებისთვის.„კონკურსი 2014 წელს დაფუძნდა და მისი მიზანია, ხელი შეუწყოს ინოვაციების, საბუნებისმეტყველო-საინჟინრო STEM დარგების პოპულარიზებას ახალგაზრდებში და საქართველოში ადამიანური კაპიტალის განვითარებას. კონკურსის ამოცანაა, გამოავლინოს სკოლის მოსწავლეებისგან შემდგარი გუნდები, რომლებიც წარმოადგენენ ინოვაციურ პროექტებს საბუნებისმეტყველო მეცნიერებების, ტექნოლოგიების და ინჟინერიის (STEM) დარგებში.პროექტების წარდგენა შესაძლებელია შემდეგ კატეგორიებში: კოსმოსი და ავიაცია, კიბერტექნოლოგიები და უსაფრთხოება, გარემოს დაცვა, ენერგეტიკა და კლიმატის ცვლილება, ჯანდაცვა და კვება, გამოყენებითი ტექნოლოგიები და აპლიკაციები (მობილური აპლიკაციები, ფინანსური ტექნოლოგიები, საბანკო აპლიკაციები, ხელოვნური ინტელექტი, ა.შ), რობოტექნიკა.კონკურსში მონაწილეობის მიღება შეუძლიათ 13-17 წლის უფროსკლასელებს. კონკურსში მონაწილეობის მიღება შესაძლებელია გუნდურად. გუნდში წევრების მინიმალური რაოდენობაა ორი, ხოლო მაქსიმალური – ოთხი. გუნდის წევრები შეიძლება იყვნენ როგორც ერთი საჯარო ან კერძო სკოლიდან ან სხვადასხვა სკოლებიდან. კონკურსანტების პროექტებს შეაფასებს დამოუკიდებელი ჟიური. პირველ ადგილზე გასული გუნდი 2027 წლის ზაფხულში გაემგზავრება NASA-ში, აშშ-ში და მონაწილეობას მიიღებს საზაფხულო სკოლაში. მეორე და მესამე ადგილზე გასულ გუნდები, ასევე, მონაწილეობას მიიღებენ საერთაშორისო STEM ბანაკებში ანდა დაჯილდოვდებიან სხვადასხვა პრიზებით.კონკურსს ტრადიციულად ახორციელებს ათასწლეულის ფონდი, საქართველოში აშშ-ის საელჩოს და საქართველოს განათლების, მეცნიერების და ახალგაზრდობის სამინისტროსთან თანამშრომლობით. კონკურსის ოფიციალური პარტნიორები არიან საქართველოს ინოვაციებისა და ტექნოლოგიების სააგენტო (GITA) და „ლიბერთი ბანკი“. კონკურსის ფინალისტებს სხვადასხვა პრიზს გადასცემენ კონკურსის პარტნიორი ორგანიზაციები და კომპანიები“, – ნათქვამია ათასწლეულის ფონდის ინფორმაციაში.მათივე ცნობით, კონკურსისთვის ანკეტების წარდგენის ბოლო ვადაა 2026 წლის პირველი ივნისი.„კონკურსის შესახებ დეტალები იხილეთ ფონდის ვებგვერდზე. დამატებითი ინფორმაციისთვის, დაუკავშირდით კონკურსის მენეჯერს, ნინო ჯაფარიძეს, ტელ.: +995 591 21 82 82, ელფოსტა: mia@millennium.org.ge“, – აღნიშნულია ათასწლეულის ფონდის ინფორმაციაში.

ძალიან კონკრეტული გზავნილი გვაქვს საზოგადოებისთვის, ჩვენ ქართული სცენარით უნდა დავიბრუნოთ ჩვენი სამშობლო უკან, – ამის შესახებ „ოპოზიციური ალიანსის“ ერთ-ერთმა ლიდერმა, გიორგი ვაშაძემ განაცხადა.ვაშაძის თქმით, ეს არის ქართველი ხალხის გადასაწყვეტი.„ჩვენი თაობის ისტორიული მისიაა, საქართველო გავიყვანოთ სამშვიდობოს, გავხდეთ ევროკავშირის წევრი, გავაძლიეროთ ეკონომიკა. ამისთვის გვჭირდება ერთ მუშტად შეკვრა. 26 მაისს გვინდა, ყველანი ერთად შევიკრიბოთ რუსთაველზე და ძალიან მკაფიოდ ვთქვათ ჩვენი გზავნილი, პირველ რიგში, საქართველოს მოსახლეობისთვის. ის, რაც დღეს ხდება ქვეყანაში, არ არის ნორმალური. ჩვენ არ გვინდა იზოლაციაში მოქცეული ქვეყანა, არ გვინდა დამოუკიდებლობა შებღალული საქართველო. ჩვენ გვინდა მძლავრი, ძლიერი, რეგიონში ლიდერი საქართველო. ჩვენ გვაქვს ჩვენი გზა, ალიანსს აქვს ძალიან მკაფიო ნაბიჯები დაგეგმილი. პირველი დიდი ნაბიჯი არის 26 მაისი. დანარჩენს გვაჩვენებს დრო, დარწმუნებული ვარ, მოვა ის დრო, როცა ერთ მუშტად შეკრული ქართველი ხალხი უარს ეტყვის იმ უბედურებას, რომელიც მოიტანა „ქართულმა ოცნებამ“, – განაცხადა გიორგი ვაშაძემ.ამასთან, ვაშაძეს ჰკითხეს ყოფილი პრეზიდენტის, სალომე ზურაბიშვილის იმ განცხადებაზე, რომ სურს, „ქართული ოცნების“ წასვლა არჩევნებით მოხდეს.„საყოველთაო მობილიზაცია, თავისუფალი არჩევნები, ხელისუფლების ცვლილება, სწრაფი განვითარება, ევროკავშირში ინტეგრაცია, ეკონომიკური კეთილდღეობა ყველასთვის. ჩვენ არ ვყოფთ ადამიანებს პოლიტიკური შეხედულებებით, „ქართული ოცნებისგან“ განსხვავებით. გვინდა, ბედნიერად ცხოვრობდეთ ამ ქვეყანაში. არასოდეს გავყოფთ ადამიანებს და პოლიტიკური შეხედულების გამო ციხეში არ გავუშვებთ, სხვებს არ დავაჯილდოებთ. ყველა იქნება თანაბარი კანონის წინაშე. ეგეთი ქვეყანა იქნება მას შემდეგ, რაც ჩვენ გავიმარჯვებთ ქართველ ხალხთან ერთად“, – აღნიშნა ვაშაძემ.

მომავალ თვეში დანიშვნის შემდეგ, უნგრეთის ახალი მთავრობა მკაცრ მიგრაციულ პოლიტიკას შეინარჩუნებს, – ამის შესახებ უნგრეთის საპარლამენტო არჩევნებში გამარჯვებული პარტია „ტისას“ ლიდერმა, პეტერ მადიარმა განაცხადა.მადიარის მტკიცებით, ევროკომისიის პრეზიდენტს და ყველა ევროპელ ლიდერს ნათლად განუცხადებს, რომ უნგრეთი ძალიან მკაცრ პოზიციას დაიკავებს არალეგალურ მიგრაციასთან დაკავშირებით და არ მიიღებს არანაირ პაქტს ან განაწილების მექანიზმს.„ჩვენ შევინარჩუნებთ სამხრეთ სასაზღვრო ღობეს. რა თქმა უნდა, ასევე შევავსებთ ახლა არსებულ ხვრელებს, რადგან ამ სასაზღვრო ღობეზე ხვრელებია. ვიქტორ ორბანისგან განსხვავებით, ჩვენ არ გავათავისუფლებთ უნგრეთის ციხეებიდან 2 200 საბოლოოდ გასამართლებულ ადამიანით მოვაჭრეს, არ გადავიყვანთ მიგრანტებს სლოვაკეთის საზღვარზე, თუ ეს არის ის, რაც ჩვენ სლოვაკ სოციალისტ მეგობარს საარჩევნო კამპანიაში სურს. ჩვენ გულწრფელად ვსაუბრობთ და ნამდვილად გვსურს, დავიცვათ ჩვენი ქვეყანა და ევროპა არალეგალური მიგრაციისგან. არსებობს მიგრაციის ლეგალური ფორმები და ისინი უნდა იყოს დაცული“, – აღნიშნა პეტერ მადიარმა.

ავიაკომპანიებს, შესაძლოა, მაისის ბოლოს ევროპაში რეისების გაუქმება მოუწიოთ საავიაციო  საწვავის დეფიციტის გამო, – ამის შესახებ საერთაშორისო საჰაერო ტრანსპორტის ასოციაციაში აცხადებენ.ასოციაციამ  მთავრობებს მოუწოდა, მოამზადონ კონკრეტული, კარგად კოორდინირებული გეგმა საწვავზე ლიმიტის დაწესების შესაძლო საჭიროების შემთხვევაში.„მაისის ბოლოს, შესაძლოა, ევროპაში ფრენების გაუქმება დაიწყოს საწვავის ნაკლებობის გამო. ეს პროცესი აზიის გარკვეულ ნაწილში უკვე მიმდინარეობს. მნიშვნელოვანია, რომ ხელისუფლებებს ჰქონდეს კარგად კოორდინირებული გეგმები იმ შემთხვევისთვის, თუ რაციონირება აუცილებელი გახდება“, – აღნიშნავს საერთაშორისო საჰაერო ტრანსპორტის ასოციაციის  გენერალური დირექტორი ვილი უოლში.როგორც „სიენენი“ წერს, ირანთან ომის დაწყებიდან საავიაციო საწვავის ფასი დაახლოებით გაორმაგდა.

მეუფე პეტრემ ბრძანა, რომ არ ნანობს იმ განცხადებებს, რაც პატრიარქზე გააკეთა. ეს არის ძალიან დიდი მინუსი და ეს არ არის ის, რასაც პატრიარქი მისგან ელოდა, - განაცხადა საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ.მისი თქმით, ის ბრალდებები, რაც პეტრე ცაავამ პატრიარქის მისამართით გააჟღერა, ვერ დაამტკიცა, ამიტომ ეს ცილისწამებაა და არა მხილება, როგორც თავად ცაავა ამბობს.„ამ ბრალდებებს წლების განმავლობაში იმეორებდა, თუმცა საქმე საქმეზე რომ მიდგა, ამის დასამტკიცებლად მას ხელთ არაფერი აღმოაჩნდა. ამიტომ, სიტყვა, რომ თითქოს ვინმე ამხილა, შეიძლება სხვანაირად ვთქვათ, რომ მან ცილი დასწამა.მეუფე პეტრე ყველაზე აკეთებს ასეთ განცხადებებს, ვინც კი ეგულება პატრიარქის ერთგულად და მხარდამჭერად და მამა გიორგი ზვიადაძეც სწორედ ასეთი იყო წლების განმავლობაში. ამიტომ არ ერიდება მის მიმართ ასეთ არაკორექტულ გამონათქვამებს. მისგან ასეთი გამონათქვამები გვახსოვს სხვადასხვა მეუფის მიმართ, მოსაყდრის მიმართ, კონკრეტულად ჩემ მიმართ“, - განაცხადა დეკანოზმა.ცნობისთვის, პეტრე ცაავამ განაცხადა, რომ წარსულში, კათოლიკოს-პატრიარქ ილია მეორის მისამართით გაკეთებულ შეურაცხმყოფელ განცხადებებს არ ნანობს.