ესპანეთში წყალდიდობის შედეგად დაღუპულთა რიცხვი 95-მდე გაიზარდა

სალომე ზურაბიშვილს უცხოურ პრესასთან დღეში რამდენიმე ინტერვიუ აქვს, ის ცილს სწამებს სხვადასხვა ეთნიკურ ჯგუფებს საქართველოში, რომ მათი გამოყენება ხდება გაყალბებისთვის, ის დაკავებულია დეზინფორმაციით, ზოგიერთმა უცხოელმა კოლეგამაც კი გვითხრა, რომ უკვე თვალში საცემია ქალბატონი სალომეს დესტრუქციული ქმედება საგარეო დონეზე, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა. მისი თქმით, სალომე ზურაბიშვილი დესტრუქციული ქმედებებით არის დაკავებული. „ტელეფონით შეწუხებული ჰყავს ნახევარი სამყარო, ურეკავს, რომ ქვეყანა ჩამოინგრა. სალომე ზურაბიშვილი არ აპირებს მისცეს ჩვენება და ახალი განმარტება მოგვცა სისხლის სამართლის სისტემის, სადაც ამბობს, მე დავაბრალე და მათი ამოცანაა, გამოიძიონო. რატომ უნდა მოვიტანო რამე მტკიცებულებაო, ეს თქვა მან გუშინ. ის წლები იყო პარლამენტის წევრი, არის საქართველოს პრეზიდენტი და ელემენტარულ სამართლებრივ საკითხში ვერ ერკვევა. მან თქვა ერთ-ერთი უცხოურ პრესასთან, რომ არჩევნების გასაყალბებლად გამოიყენებოდა კარუსელი – ერთი პირადობის მოწმობით ხმის მიცემა დაახლოებით 17-ჯერ იყო შესაძლებელიო. ეს არის პირდაპირი ბრალდება, 17 თქვა იმიტომ, რომ რაღაც დაზუსტებული ინფორმაცია აქვს მეთოდოლოგიასთან დაკავშირებით, გამოვიდეს და თქვას, რატომ 17? რატომ არ თქვა 16 ან 19? ან თქვას, რომ ჭორაობდა და ამით იყო დაკავებული საერთაშორისო პრესასთან და ძირს უთხრიდა ქართველების რეპუტაციას ან წარმოადგინოს მტკიცებულებები. ასევე, სალომე ზურაბიშვილმა თქვა, რომ „ოცნებამ“ სავარაუდოდ რუსული სპეცცსამსახურებისგან მიიღო დახმარებაო. არ შეიძლება, ასეთი ჭორაობით იყო ადამიანი დაკავებული. მერე იფიქრა ეტყობა, რომ წარმოედგინა მტკიცებულებები, დაუკავშირდა „ენჯეოებს“ და მიაწოდეს იგივე ვიდეოები და ფოტოები, რომლებიც მათ ატვირთეს და რომლებშიც ბევრი ვერაფერი ვნახეთ. ადამიანმა ცილი დასწამა ცესკო-ს, პროკურატურამ დაიწყო გამოძიება, გამოვიდა პრესკონფერენციაზე და იქაც ცილი დასწამა ყველას. ეს არის იმ სასოწარკვეთილების მაგალითი, რომელსაც ახლა ვხედავთ“, – განაცხადა პაპუაშვილმა.

ზოგიერთი განცხადება, რომელიც სხვადასხვა ევროპელი პოლიტიკოსისგან, დიპლომატისა თუ ქვეყნისგან გვესმის, აჩენს აღქმას, ხომ არ არის სურვილი, რომ მოხდეს რევიზია ეუთო-ოდირის დასკვნისა, ან მისი გვერდის ავლა, – ამის შესახებ საქართველოს პარლამენტის თავმჯდომარემ, „ქართული ოცნების“ პოლიტსაბჭოს წევრმა, შალვა პაპუაშვილმა განაცხადა. მისივე თქმით, ეუთო/ოდირმა მკაფიოდ თქვა, რომ არჩევნები შედგა და საქართველოს ჰყავს არჩეული ხელისუფლება. „მინდა, მოგახსენოთ არჩევნებთან დაკავშირებით დეზინფორმაციის გავრცელების საკითხებზე. პირველი საკითხი: ჩვენ გვესმოდა, რომ ევროკავშირი არჩევნების შეფასების დროს დაეფუძნებოდა ეუთო/ოდირის დასკვვანს. სამწუხაროდ, ზოგიერთი განცხადება, რომელიც სხვადასხვა ევროპელი პოლიტიკოსისგან, დიპლომატისა თუ ქვეყნისგან გვესმის, აჩენს აღქმას, ხომ არ არის სურვილი, რომ მოხდეს რევიზია ეუთო-ოდირის დასკვნისა, ან მისი გვერდის ავლა და დაყრდნობა რაღაც სხვა ანგარიშებზე, რომელიც იქნებოდა, მაგალითად, ადგილობრივი „ენჯეოების“ მიერ მომზადებული, რომლებიც, ვიცით, რომ თავად საარჩევნო მიზნებით ხელმძღვანელობდნენ ამ არჩევნებზე. ეუთო/ოდირმა საკუთარ ანგარიშში წერილობითადაც და ზეპირადაც ბრიფინგზე მკაფიოდ თქვა, რომ ეს არჩევნები შედგა, რომ საქართველოს ჰყავს არჩეული ხელისუფლება, ეს არის მკაფიო ანგარიში და დასკვნა ეუთო/ოდირის და ჩვენი მოლოდინია, რომ ყველა, მათ შორის ევროკავშირი, იქნება ერთგული ეუთო/ოდირის დასკვნის“, – განაცხადა შალვა პაპუაშვილმა.

უნგრეთის საგარეო საგარეო საქმეთა სამინისტროში შვედეთის ელჩი დაიბარეს. ამის შესახებ ინფორმაციას „როიტერი“ ავრცელებს. ცნობილია, რომ ელჩის დაბარება შვედეთის პრემიერ-მინისტრის, ულფ კრისტერსონის მიერ უნგრეთის პრემიერ-მინისტრის, ვიქტორ ორბანის კრიტიკას მოჰყვა. საქართველოში ვიზიტით მყოფმა უნგრეთის პრემიერ-მინისტრმა განაცხადა, რომ არჩევნები იყო თავისუფალი და დემოკრატიული. ორბანის განცხადებას კრისტერსონი გამოეხმაურა და თქვა, რომ უნგრეთის პრემიერ-მინისტრი შვედეთის ან სხვა ევროპული ქვეყნების სახელით არ საუბრობს, არამედ, შესაძლოა, საუბრობდეს რუსეთის სახელით. შვედეთის საგარეო საქმეთა სამინისტროს პრესსპიკერმა დაადასტურა, რომ ელჩი უნგრეთის საგარეო უწყებაში იყო დაბარებული. „ჩვენ გვაქვს კონტაქტი უნგრეთთან ორმხრივი ურთიერთობების ფარგლებში. ორმხრივი დიალოგი არის მნიშვნელოვანი და ურთიერთობების ბუნებრივი ნაწილი“, – განაცხადა მან.

ჩვენ მივესალმებით იმას, რომ ცესკომ მიმართა პროკურატურას, გამომდინარე იქიდან, რომ ძალიან მძიმე ბრალდებები გაჟღერდა სალომე ზურაბიშვილისა და სხვა ადამიანების მხრიდან," - ამის შესახებ "ქართული ოცნების" წევრმა, გივი მიქანაძემ "ღამის კურიერის" ეთერში განაცხადა მისი თქმით, ოპოზიციამ უნდა ითანამშრომლოს გამოძიებასთან და არჩევნების გაყალბებასთან დაკავშირებით შესაბამისი მტკიცებულებები წარმოადგინოს. "ოპოზიციას მოსწონს თუ არ მოსწონს, ისინი უნდა დაემორჩილონ საქართველოს კანონმდებლობას და იმ რეგულაციებს, რაც ქვეყანაში არის დადგენილი. წინასწარ უნდობლობას რომ უცხადებენ სამართალდამცავ ორგანოებს თუ შეთავაზებულ კონკრეტულ ფორმატებს, ეს მიუთითებს იმაზე, რომ მათ წარსადგენი არაფერი არ აქვთ. 2021 წელს სწორედ "ქართული ოცნების" ინიციატივით, პარლამენტში შეიქმნა დროებითი საგამოძიებო კომისია, მე ვიყავი ამ კომისიის თავმჯდომარე და არაერთი მოწოდების მიუხედავად, ისინი არ შემოვიდნენ კომისიაში და, უფრო მეტიც, ერთი კონკრეტული მტკიცებულებაც კი არ წარმოადგინეს დარღვევებთან დაკავშირებით, იმიტომ, რომ ფიზიკურად ასეთი არ არსებობდა. ახლაც იგივე სურათით მივდივართ. ჩვენ მივესალმებით იმას, რომ ცესკომ მიმართა პროკურატურას, გამომდინარე იქიდან, რომ ძალიან მძიმე ბრალდებები გაჟღერდა სალომე ზურაბიშვილისა და სხვა ადამიანების მხრიდან. მათ განაცხადეს, რომ არჩევნები გაყალბდა, ამიტომ თუ ეს ასეა, ნება იბოძონ, მიბრძანდნენ პროკურატურაში ნებისმიერი ადამიანი, რომელიც აცხადებს და კითხვის ნიშნის ქვეშ აყენებს ამ არჩევნების ლეგიტიმურობას, ვალდებულია, რომ ითანამშრომლოს სამართალდამცავ ორგანოებთან და წარუდგინოს მტკიცებულება, რომელიც ამას რაიმე ფორმით მაინც ადასტურებს. მხოლოდ განცხადებების გაკეთება და შემდგომში პასუხისმგებლობისგან "ხელის დაბანა" არ გამოვა, იმიტომ რომ აქ საუბარი არის საზოგადოებისა და ქვეყნის წინაშე პასუხისმგებლობაზე. მინდა სრული პასუხისმგებლობით გითხრათ, რომ პირველ რიგში, ჩვენი ინტერესი არის ყველა საკითხი იქნას დეტალურად გამოძიებული, რომ არ დარჩეს არანაირი კითხვის ნიშანი, როგორც ჩვენს საზოგადოებაში, ასევე ჩვენს პარტნიორებში. არჩევნები შედგა, ამას აღიარებს საერთაშორისო საზოგადოება და ეუთო/ოდირის მიერ გაკეთებული განცხადება პირდაპირ მიუთითებს იმაზე, რომ არჩევნები შედგა და ეს იყო კონკურენტუნარიანი არჩევნები," - განაცხადა გივი მიქანაძემ.

„ქართული ოცნების“ დეპუტატის, კახა კახიშვილის განცხადებით, პრეზიდენტი სალომე ზურაბიშვილი თავს საქართველოს მოქალაქედ არ თვლის. როგორც კახა კახიშვილმა გადაცემაში „იმედი LIVE“ აღნიშნა, აუცილებელია საქართველოს კონსტიტუციას დაემატოს, რომ საქართველოს პრეზიდენტად შეიძლება გახდეს მხოლოდ და მხოლოდ საქართველოში დაბადებული ადამიანი, საქართველოს მოქალაქე, რომელსაც ბოლო 15 წელი მაინც უწყვეტად უცხოვრია საქართველოში. „რასაც მე ვაკვირდები, ამ პროცესებმა, ამ ქალბატონის მოღვაწეობას, მიმიყვანა იმ დასკვნამდე, რომ საქართველოს კონსტიტუციაში კი წერია, რომ საქართველოს პრეზიდენტად შეიძლება გახდეს საქართველოს მოქალაქე და ძალიან ბუნდოვნად წერია, რომელსაც უცხოვრია 15 წელი მაინც საქართველოში. ჩემი აზრით, აუცილებელია დაემატოს, რომ საქართველოს პრეზიდენტად შეიძლება გახდეს მხოლოდ და მხოლოდ საქართველოში დაბადებული ადამიანი, საქართველოს მოქალაქე, რომელსაც ბოლო 15 წელი მაინც უწყვეტად უცხოვრია საქართველოში. ეს ადამიანი არ თვლის თავს საქართველოს მოქალაქედ. ეს ადამიანი, თქვენ ხომ ნახეთ პირველ განცხადებაში, როდესაც ოპოზიციასთან ერთად გამოვიდა და განცხადება გააკეთა. ეს ხომ არის პრეზიდენტი, მესმის, რომ ოპოზიცია შენთან მოვიდა, თქვა, რომ იცი რა, გაგვიყალბეს, ის ქნეს, ეს ქნეს, შენ თუ ხარ არბიტრი, დრო მაინც ხომ გჭირდება, ელემენტარული დრო მაინც, რომ ეს ყველაფერი, რა ინფორმაციაც მიიღე, იმას მოუყარო თავი, დაჯდე შენს მრჩევლებთან ერთად, ანალიზის შედეგად გააკეთო განცხადება და გახსოვთ რა სიტყვები თქვა? მე ამ ქვეყანაში იმიტომ არ ჩამოვსულვარო. ისიც კი არ თქვა, რომ მე ჩემს სამშობლოში არ ჩამოვსულვარო. მე ამ ქვეყანაში იმიტომ არ ჩამოვსულვარო, ანუ, გვამადლის კიდეც მის ჩამობრძანებას, მაგრამ როგორ უყურებს ამ ქვეყანას? ამ ქვეყანას უყურებს როგორც შესაძლებლობების ქვეყანას, თანამდებობრივი შესაძლებლობების ქვეყანას“, - განაცხადა კახა კახიშვილმა. მისივე თქმით, არჩევნების შედეგებზე იყო დამოკიდებული პრეზიდენტის შემდგომი კარიერა. „მეორე თემა. ჩვენ რომ ვსაუბრობთ იმაზე, რომ სალომე ზურაბიშვილი ავანგარდში დგას ამ არჩევნების გაყალბების საკითხზე. ვინმეს ეჭვი გეპარებოდათ? იმიტომ, რომ ამ არჩევნების შედეგებზე იყო დამოკიდებული სალომეს შემდგომი კარიერა. თქვენ იცით, რომ იმ შემთხვევაში, ოპოზიციას რომ მოეგო, როგორც მინიმუმ პრემიერობა უნდოდა ან პრეზიდენტობა. ახლა, „ქართული ოცნების“ გამარჯვების პირობებში ვერც პრეზიდენტი გახდება, ვერც პრემიერი. სამწუხაროდ, ასი ხმაც არ არის, რომ იმპიჩმენტით წავიდეს, მაგრამ ფაქტია, რომ არანაირი კარიერული წინსვლა მას აღარ ექნება და ვერც გააგრძელებს ამ საქმიანობას. ამიტომაც ახლა ცეცხლზე ნავთს ასხამს იმისთვის, რომ გააღვივოს ეს პროცესები, რამენაირად მოხდეს ქვეყანაში ესკალაცია, გადატრიალება, რომ კვლავ რაღაცნაირად იქნებ ვინმემ შესთავაზოს. სხვა საკითხია, როგორ გგონიათ ოპოზიციაში არ იციან მისი რთული ხასიათი? ადამიანი, რომელიც ასე განუდგა იმ გუნდს, რომელმაც ფაქტობრივად გახადა პრეზიდენტი და იმ გუნდს უღალატა ასე. შეიძლება წამოხვიდე გუნდიდან, არაფერია გამორიცხული, მაგრამ ასე უღალატო, რომ ფაქტობრივად გაიმეტო ძალიან ცუდი რაღაცისთვის, ეს ხომ ხასიათზე მეტყველებს. ის ადამიანებიც ხომ ხედავენ, ამათ თუ უღალატა ხვალ ჩვენ რას გვიზამსო. ამიტომაც იყო, რომ არ გამოაცხადებინეს მთავრობის შემადგენლობა არჩევნებამდე, იმიტომ, რომ მიხვდნენ, ამას ახლა გარანტიები რომ მისცენ, შენ იქნები პრემიერიო, შემდეგ ამათ დაერეოდათ. თქვენ იცით ძალიან კარგად, სამწუხაროდ, მისი მძიმე ხასიათი ხომ?“, - თქვა კახა კახიშვილმა.