ელისო ბოლქვაძის მხარდაჭერით, ქართველი პიანისტები ბუდაპეშტის საკონცერტო სეზონებში მიიღებენ მონაწილეობას

„უსამშობლო“ - როგორც წესი, სწორედ ასე მოიხსენიებს ქართველი ხალხი რადიკალურ ოპოზიციას, რომელიც საკუთარი ქვეყნის ინტერესებს ფსევდოლიბერალური ინტერნაციონალის ამორფულ „ღირებულებებს“ სწირავს, - ამის შესახებ პარლამენტის თავმჯდომარე შალვა პაპუაშვილი სოციალურ ქსელში წერს და სალომე ზურაბიშვილის ინტერვიუს აზიარებს. „უსამშობლო“ - როგორც წესი, სწორედ ასე მოიხსენიებს ქართველი ხალხი რადიკალურ ოპოზიციას, რომელიც საკუთარი ქვეყნის ინტერესებს ფსევდოლიბერალური ინტერნაციონალის ამორფულ „ღირებულებებს“ სწირავს. თუმცა ეს, გამყიდველობის მორიგი დონეა. საქართველოს ექსპრეზიდენტი „საკუთარ“ ქვეყანაზე ისე საუბრობს, თითქოს საქართველო უცხო სახელმწიფო და პაიკია დისტანციურ თამაშში: „თუკი ამერიკას სურს იყოს პირველი, იყოს ძლიერი, მან არ უნდა დაუშვას 3.7 მილიონი მოსახლის მქონე პატარა ქვეყნის მხრიდან დამცირება,“ - ასე უპატივცემულოდ მოიხსენიებს იგი საქართველოს მოქალაქეებს. ოპოზიცია ვერ აფასებს, რომ ნამდვილ პარტნიორობას საფუძვლად უდევს ორმხრივი პატივისცემა და არა მორჩილება“, - წერს პაპუაშვილი.

ომგამოვლილი ბავშვები ბოდიშს არ იხდიან-ამ სიტყვებით დაასრულა მსახიობმა კახა კინწურაშვილმა ვასო აბაშიძის წინ შეკრებილი საზოგადოებისადმი მიმართვა. მსახიობმა ბავშვობის წლები კიდევ ერთხელ გაიხსენა და დევნილობისას განცდილ ტკივილს და მასში ჩასახლებულომის შიშზე ისაუბრა. ახლა მოითხოვენ აწეული თავი დახარო და ბიოდიში მოიხადო, ბოდიში იმისთვის, რომ 8 წლის ასაკში საკუთარი სახლიდან გამოგაგდეს, დახოცილი ადამიანები ნახე, დევნილობა განიცადე, წარსული დაკარგე, ბავშვობა და ახალგაზრდობა გაგიმწარდა და ომის შიში ჩაგისახლდა, რომელიც არსებობას არ გაცლის და თურმე ამისთვის ბოდიშს უნდა ვიხდიდე. ერთხელ ჩემმა მეგობარმა მითხრა, როდესაც ომზე ჰყვები, ყოველთის ბავშვის პერსპექტივიდან აკვირდება და ომის შენი ხედვა ბავშვურიაო. მეც და საქართველოც ომგამოვლილი ბავშვები ვართ, ძლიერი და თავაწეული, ომი ბევრჯერ ვნახე და არასდროს მშვიდობა. ის რაც ახლა საქართველოს ქუჩებში ხდება მშვიდობა არ არის. დღეს დგანან ძლიერი და გაუტეხელი ადამაინები, ამაყად, და იმ ძალას, რომელიც თავს ხელისუფლებას უწოდებს, სწოედ ამ ძლივსგამაგრებული ხერხემლის დალეწვა უნდა და დაუზოგავად წიხლებით დგება. იმისთვის, რომ თავი ჩავხაროთ, ვეღარასდროს შევძლოთ აწევა და თან ბოდიშს ვიხდიდეთ იმისთვის, რომ ასე ამაზრზენად სუსტები ვართ. მე ზუსტად არ ვიცი ამ ბრძოლიდან რამდენად დასახიჩრებული გამოვალ, მაგრამ ერთს ვიტყვი: ომგამოვლილი ბავშვები ბოდიშს არ იხდიან- განაცხადა კინწურაშვილმა. ვასო აბაშიძის სახელობის ახალი თეატრის დასის გეგმა ცნობილია - ხელოვანები სახალხო მანიფესტის ფარგლებში რეგიონალურ ტურნეს იწყებენ.

დონალდ ტრამპს, რუსეთის ლიდერთან, ვლადიმერ პუტინთან უკრაინაში მშვიდობის დამყარების საკითხზე მოლაპარაკებების პროცესში, სამი რეალური ბერკეტი ექნება - სამხედრო, ეკონომიკური და გეოპოლიტიკური. ეს განცხადება კიევ-მოგილიანის აკადემიის ლექტორმა, ანალიტიკური ცენტრის, „უკრაინული პრიზმის“ ექსპერტმა, ალექსანდრე კრაევმა ლატვიის საზოგადოებრივ მაუწყებელთან (LSM+) ინტერვიუში გააკეთა. კრაევის თქმით, პუტინზე გავლენის ამ ბერკეტებს ეფექტურობის სხვადასხვა ხარისხი აქვთ, მაგრამ ყველა მათგანი კარგად მუშაობს. პირველი ბერკეტი სამხედრო ზეწოლას გულისხმობს: „ტრამპი ყოველთვის ამბობდა, რომ თუ რუსეთი მოლაპარაკებებში მონაწილეობას არ მიიღებს, ის უკრაინას გადასცემს ყველა იარაღს, რაც შეერთებულ შტატებს აქვს, გარდა ბირთვულისა. (...) ამიტომ, სრულიად ლოგიკური იქნება, თუ ტრამპი პუტინს ამ მხრიდანაც შეუტევს“. მეორე ასპექტი ეკონომიკურია. მასში იგულისხმება რუსეთზე ზეწოლის გაგრძელება, სანქციების რეჟიმის გაფართოება და პარალელურად - ჩინეთზე ზეწოლაც. უფრო მეტიც, ეს ბერკეტი ამოქმედებულია და უკვე მუშაობს. „ჩვენ ვხედავთ, რომ ჩინეთს აღარ სურს რუსეთის ე.წ „ჩრდილოვანი ტანკერების ფლოტის" დაქირავება და, პრინციპში, მოსკოვთან კონტრაქტების გაფორმების შემცირებას იწყებს. ამას პეკინი 2022 წლიდან აკეთებს. ასე რომ, ტრამპს ეკონომიკური ზეწოლის ინსტრუმენტები ნამდვილად გააჩნია და ისინი საკმაოდ სერიოზულია“, - განმარტა უკრაინელმა ანალიტიკოსმა. კრემლზე გავლენის მოხდენის მესამე ბერკეტი გეოპოლიტიკური ხასიათისაა და გულისხმობს აშშ-სა და ევროკავშირის მზარდ ზეწოლას ჩინეთზე, რათა ერთობლივად აიძულონ რუსეთი, რომ დაჯდეს მოლაპარაკებების მაგიდასთან. „ჩინეთთან სავაჭრო შეთანხმებებისა და ეკონომიკური თანამშრომლობის კუთხით, აშშ პირველ ადგილზეა, ხოლო ევროკავშირი - მეორეზე, მაშინ, როდესაც რუსეთს ჩინეთის სავაჭრო ბრუნვაში მხოლოდ მე-18-20 ადგილი უკავია“, - აღნიშნა ანალიტიკოსმა. „(...) ეს ნიშნავს, რომ, ერთი მხრივ, არსებობს კონკურენცია, მაგრამ დასავლეთთან მეტ-ნაკლებად ადეკვატური თანამშრომლობა არსებობს. თუ ჩინეთს ეს არ სურს, თუ მას სურს რუსეთის დახმარება - შესანიშნავია. მეორეს მხრივ, მას აქვს იაფი ნავთობი და გაზი, მაგრამ ტრამპის, ევროკავშირის მიერ მაქსიმალური სანქციები, დასავლური ბაზრების დახურვა, იქ ვაჭრობისა და მუშაობის შეუძლებლობა და ფაქტობრივად თავად ჩინეთისგან რაიმე აქტიური მოქმედებისთვის მომზადების შეუძლებლობა“, - განაგრძო მან. „ეს ნიშნავს, რომ, ერთი მხრივ, არის კონკურენცია, მაგრამ, ამავე დროს, არსებობს დასავლეთთან მეტ-ნაკლებად ადეკვატური თანამშრომლობის ფუნდამენტი. მეორე მხრივ, რუსეთს აქვს იაფი ნავთობი და გაზი, მაგრამ კრემლს დაწესებული აქვს მაქსიმალური სანქციები აშშ-სა და ევროკავშირის მხრიდან, დასავლური ბაზრები მოსკოვისთვის დახურულია, იქ ვაჭრობა და მუშაობა კი - შეუძლებელი“, - ამბობს კრაევი... ამ ყველაფრის მიუხედავად, რუსული არმია დონეცკის ოლქში წინსვლას აგრძელებს და სულ უფრო მეტ უკრაინულ სოფელსა და ქალაქს აკონტროლებს.

უკრაინაში ნატო-ს სამშვიდობოების განთავსების პერსპექტივას რუსეთი ეწინააღმდეგება. რუსეთის საგარეო საქმეთა სამინისტროში აცხადებენ, რომ უკრაინაში ნატო-ს სამშვიდობო კონტინგენტის გაგზავნა უკონტროლო ესკალაციას გამოიწვევს. გერმანიის თავდაცვის მინისტრმა, ბორის პისტორიუსმა 18 იანვარს ინტერვიუში განაცხადა, რომ გერმანიას, როგორც ნატო-ს უმსხვილეს პარტნიორს ევროპაში, თავისი როლი ექნება. „16 იანვარს ბრიტანულმა მედიამ დაწერა, რომ ბრიტანეთის პრემიერ-მინისტრმა, სტარმერმა და საფრანგეთის პრეზიდენტმა, მაკრონმა იანვრის დასაწყისში დახურული მოლაპარაკებები გამართეს ორი ქვეყნის სამხედრო ნაწილების უკრაინაში გაგზავნის შესახებ. ხოლო 18 იანვარს გერმანიის თავდაცვის მინისტრმა, პისტორიუსმა არ გამორიცხა უკრაინაში გერმანელი ჯარისკაცების გაგზავნის შესაძლებლობა, რათა უზრუნველყოფილი იყოს „გარკვეული დემილიტარიზებული ზონის უსაფრთხოება, რომელიც ექვემდებარება ცეცხლის შეწყვეტას“. შეგახსენებთ, რომ უკრაინაში ნატო-ს ძალების ჩარევა კონფლიქტის უკონტროლო ესკალაციის საფრთხეს ქმნის და კატეგორიულად მიუღებელია რუსეთისთვის“, – აღნიშნა მარია ზახაროვამ.

"უფალო იესო ქრისტე, ძეო ღვთისა, შემიწყალე მე ცოდვილი", - ეს ლოცვა 2000 წლისაა. წმინდა მამების აზრით, ამ ლოცვას მისტიკური ძალა და მნიშვნელობა აქვს. მას წმინდა მოციქულები და წმინდა მამები ამბობდნენ. ჩვენც ხშირად უნდა ვიმეორებდეთ, რადგან იგი წმენდს, ზღუდავს და იცავს გულსა და გონებას ბოროტი გულისთქმებისა და აზრებისაგან. დაუცხრომლად და მთელი გულით წარმოთქმული იესოს ლოცვა, უკვე შინაგანი ლოცვაა, რომელიც ღვთაებრივი ნათლის გამობრწყინების წინაპირობად იქცევა. იესოს ლოცვას წარმოვთქვამთ როგორც ხმამაღლა, ისე - გულში. იგი შეგვიძლია ვიმეოროთ ნებისმიერ ვითარებაში - ვსხედვართ თუ ვწევართ, ვმგზავრობთ, თუ ვჭამთ, გვიჭირს თუ - გვილხინს... და ვამბობთ შეუზღუდავად.