ევროპარლამენტის გადაწყვეტილებით, ევროკავშირსა და ,,მერკოსურის” ქვეყნებს შორის გაფორმებული ისტორიული სავაჭრო შეთანხმების რატიფიცირება შეჩერდა

მჯერა, რომ ჩვენ იმ ეტაპზე ვართ, როდესაც უკრაინის და რუსეთის ლიდერებს შეუძლიათ, შეხვდნენ და შეთანხმებას მიაღწიონ, – ამის შესახებ აშშ-ის პრეზიდენტმა, დონალდ ტრამპმა დავოსის მსოფლიო ეკონომიკურ ფორუმზე განაცხადა.ტრამპის თქმით, ვლადიმერ პუტინსა და ვოლოდიმირ ზელენსკის შორის „უზარმაზარი სიძულვილი“ არსებობს, თუმცა ორივე მხარეს „სურს შეთანხმების დადება“.„ეს ძალიან რთული ბალანსია. ეს სისხლისღვრაა, საშინელებაა ის, რაც ხდება, ეს დრონების ომია. ჩვენ ეს უნდა შევაჩეროთ. მე მჯერა, რომ ჩვენ იმ ეტაპზე ვართ, როდესაც მათ შეუძლიათ, შეხვდნენ და შეთანხმებას მიაღწიონ. თუ ისინი ამას არ გააკეთებენ, ისინი სულელები იქნებიან. არ მინდა, ვინმეს შეურაცხყოფა მივაყენო, მაგრამ ეს შეთანხმება უნდა შესრულდეს“, – აღნიშნა აშშ-ის პრეზიდენტმა.

ერთ წელიწადში ჩვენმა დღის წესრიგმა გამოიწვია ტრანსფორმაცია, როგორიც ამერიკას 100 წელზე მეტი ხნის განმავლობაში არ უნახავს, – ამის შესახებ აშშ-ის პრეზიდენტმა, დონალდ ტრამპმა დავოსის მსოფლიო ეკონომიკურ ფორუმზე სიტყვით გამოსვლისას განაცხადა.მისივე თქმით, აშშ-ის ეკონომიკა ორჯერ უფრო სწრაფად იზრდება, ვიდრე ამას მსოფლიო სავალუტო ფონდი პროგნოზირებდა.„მხოლოდ ერთი წლის წინ, რადიკალური მემარცხენე დემოკრატების მმართველობის დროს, ჩვენ მკვდარი ქვეყანა ვიყავით. ახლა ჩვენ ვართ ყველაზე ცხელი ქვეყანა მთელ მსოფლიოში. ფაქტობრივად, შეერთებული შტატების ეკონომიკა ორჯერ უფრო სწრაფად იზრდება, ვიდრე გასული წლის აპრილში სავალუტო ფონდი პროგნოზირებდა. ზრდისა და ტარიფების პოლიტიკით ზრდის მაჩვენებელი კიდევ უფრო მაღალი უნდა იყოს. მე ნამდვილად მჯერა, რომ შეგვიძლია, გაცილებით უფრო წინ ვიყოთ ამაზე. ეს ყველაფერი შესანიშნავი ახალი ამბავია და შესანიშნავია ყველა ერისთვის. აშშ პლანეტის ეკონომიკური ძრავია, როდესაც ამერიკა ყვავის, მთელი მსოფლიო ყვავის, ასეთია ისტორია. როდესაც ცუდად მიდის საქმე, ცუდად მიდის ყველასთვის. ყველანი ჩვენს კვალს მიჰყვებით და ჩვენ იმ წერტილში ვართ, სადაც არასდროს ვყოფილვართ.დღეს მინდა, განვიხილო, როგორ მივაღწიეთ ამ ეკონომიკურ სასწაულს, როგორ ვაპირებთ ჩვენი მოქალაქეების ცხოვრების დონის ამაღლებას არნახულ დონემდე და როგორ შეგიძლიათ, თქვენც გააკეთოს ეს ჩვენი მიბაძვით. ევროპის გარკვეულ ადგილებს დღეს ვერც კი იცნობთ. ამაზე დავა შეგვიძლია, მაგრამ არგუმენტები არ არსებობს. ჩემი მეგობრები სხვადასხვა ადგილიდან ბრუნდებიან და ამბობენ, ჩვენ ვერ ვცნობთ მათ. ეს არ არის დადებითი ცვლილება, ეს არის ძალიან უარყოფითი. მე მიყვარს ევროპა და მინდა, ევროპა კარგად იყოს, მაგრამ ის სწორი მიმართულებით არ მიდის“, – განაცხადა ტრამპმა.როგორც დონალდ ტრამპმა სიტყვით გამოსვლისას აღნიშნა, წლების განმავლობაში ვაშინგტონსა და ევროპულ დედაქალაქებში მიაჩნდათ, რომ ქვეყნის განვითარების მხარდაჭერა შესაძლებელი იყო ახალი და განსხვავებული მოსახლეობის იმპორტით.„ბოლო ათწლეულებში ვაშინგტონსა და ევროპულ დედაქალაქებში საზოგადოდ მიღებულ შეხედულებად იქცა, რომ თანამედროვე დასავლური ეკონომიკის ზრდის ერთადერთი გზა იყო მუდმივად მზარდი სამთავრობო ხარჯები, უკონტროლო მასობრივი მიგრაცია და უსასრულო უცხოური იმპორტი. კონსენსუსი იყო, რომ ე.წ. ბინძური სამუშაოები და მძიმე ინდუსტრიები უნდა გადატანილიყო სხვაგან, ხელმისაწვდომი ენერგია უნდა შეცვლილიყო „მწვანე“, ახალი თაღლითობით და ქვეყნების განვითარების მხარდაჭერა შესაძლებელი იყო შორეული ქვეყნებიდან ახალი და მთლიანად განსხვავებული მოსახლეობის იმპორტით. ეს იყო გზა, რომელსაც მძინარე ჯო ბაიდენის ადმინისტრაცია და მრავალი სხვა დასავლური მთავრობა სულელივით მიჰყვა, ზურგი შეაქციეს ყველაფერს, რაც ერებს მდიდარს და ძლიერს ხდის. შედეგი იყო ბიუჯეტისა და ვაჭრობის რეკორდული დეფიციტი და მზარდი სუვერენული დეფიციტი, რომელიც გამოწვეული იყო კაცობრიობის ისტორიაში მასობრივი მიგრაციის უდიდესი ტალღით.ჩვენ არასდროს გვინახავს ამის მსგავსი. სრულიად გულწრფელად ვამბობ, მსოფლიოს მრავალი ნაწილი ნადგურდება ჩვენ თვალწინ და ლიდერებს არც კი ესმით რა ხდება, ხოლო ისინი, ვისაც ესმით, არაფერს აკეთებენ. პრაქტიკულად ყველა ე.წ. ექსპერტი პროგნოზირებდა, რომ ჩემი გეგმები ამ წარუმატებელი მოდელის დასასრულებლად გამოიწვევდა გლობალურ რეცესიასა და გაზრდილ ინფლაციას. თუმცა ჩვენ დავამტკიცეთ, რომ ისინი ცდებოდნენ. ფაქტობრივად საპირისპირო რამ მოხდა. ერთ წელიწადში ჩვენმა დღის წესრიგმა გამოიწვია ტრანსფორმაცია, როგორიც ამერიკას 100 წელზე მეტი ხნის განმავლობაში არ უნახავს. ენერგეტიკული ქარხნების დახურვის ნაცვლად, ჩვენ ვხსნით მათ. არაეფექტური, ზარალიანი ქარის ელექტროსადგურების მშენებლობის ნაცვლად, ჩვენ  მათ ვხურავთ და არცერთს არ ვამტკიცებთ. ბიუროკრატების გაძლიერების ნაცვლად, ჩვენ ვათავისუფლებთ მათ და ისინი პოულობენ სამუშაოს კერძო სექტორში, ორ და სამჯერ მეტ ანაზღაურებას იღებენ, ვიდრე მთავრობაში აიღებდნენ. მათ ვძულდი, როდესაც გავათავისუფლე და ახლა ვუყვარვარ. შიდა მწარმოებლებისთვის გადასახადების გაზრდის ნაცვლად, ჩვენ ვამცირებთ მათ და ვზრდით ტარიფებს უცხო ერებისთვის, რომ დაფარონ ზარალი, რომელიც მათ მოგვაყენეს“, – განაცხადა დონალდ ტრამპმა.

ბელგრადში მიმდინარე ევროპის ჩემპიონატზე წყალბურთში, საქართველოს ნაკრებმა მეორე ჯგუფური ეტაპის დასკვნითი მატჩი თურქეთის ნაკრებთან გამართა და მეტოქე 14:11 დაამარცხა.შეხვედრის სამი მეოთხედი თანაბარ ბრძოლაში წარიმართა, ქართველმა წყალბურთელებმა გადამწყვეტი უპირატესობა დასკვნით მეოთხედში მოიპოვეს, რომელიც 6:2 მოიგო და ევროპის ჩემპიონატზე  მეორე გამარჯვება იზეიმეს.საქართველოს ნაკრები ბელგრადში კიდევ ერთ მატჩს გამართავს – მე-9 ადგილის დასაკავებლად ქართველი წყალბურთელები 22 იანვარს, 18:15 საათზე საფრანგეთს დაუპირისპირდებიან.

საქმე გვაქვს იმ ორმაგ სტანდარტებთან, რაც უკვე ევროპული ბიუროკრატიის მხრიდან არახალია, - განუცხადა „ქრონიკას“ განათლების, მეცნიერებისა და ახალგაზრდულ საქმეთა საპარლამენტო კომიტეტის თავმჯდომარემ, მარიამ ლაშხმა.„მაშინ, როდესაც განიკითხავ ამერიკას შიდა პოლიტიკაში ჩართვის კუთხით, ჩვენ გვახსოვს დღემდე ევროკავშირი როგორ ერევა შიდა პოლიტიკაში“, - აღნიშნა მან.ცნობისთვის, რასაც ევრობიუროკრატები საქართველოსთან მიმართებით აკეთებენ, იგივე არ მოსწონთ შეერთებული შტატებისგან. ბრიუსელი ვაშინგტონს შიდა საქმეებში ჩარევის გამო აკრიტიკებს.

მინდა, ხაზგასმით მოვუწოდო ყველას, ვისაც ფსიქოტროპულ მედიკამენტთან შეხება აქვს – სახელმწიფო ვერ შეეგუება ასეთი მედიკამენტების არასწორ, არადანიშნულებისამებრ გამოყენებას, – ამის შესახებ ჯანდაცვის მინისტრმა, მიხეილ სარჯველაძემ განაცხადა.„ყველას მინდა მოვუწოდო, ვთხოვო და იმავდროულად, ყველა მინდა გავაფრთხილო, თავი შეიკავონ ნებისმიერი არასწორი, არამართლზომიერი ქმედებისგან. მერწმუნეთ, რომ არცერთი ასეთი შემთხვევა არ დარჩება შესაბამისი პასუხის გარეშე“, – აღნიშნა ჯანდაცვის მინისტრმა.მიხეილ სარჯველაძის განმარტებით, ფსიქოტროპული მედიკამენტების მიმართულებით განხორციელებული რეფორმის შედეგად, ფასები მნიშვნელოვნად შემცირდა, შესაბამისად, გაიზარდა ხელმისაწვდომობა მათთვის, ვისაც აღნიშნული მედიკამენტები რეალურად ესაჭიროება. ამასთან, მკაცრად კონტროლდება პრეპარატების გაცემის მართლზომიერება.„მინდა, ვთხოვო ექიმებს, რომლებსაც აქვთ ფსიქოტროპული მედიკამენტის რეცეპტის გამოწერის უფლებამოსილება. არცერთ შემთხვევაში გადაცდომები არ უნდა იქნეს დაშვებული. გარკვეული გადაცდომები თუ იქნება გამოვლენილი და სამწუხაროდ, შეიძლება ასეთი არსებობდეს, ასეთ შემთხვევაში, ბუნებრივია, ჩვენ მოგვიწევს რეაგირება“, – განაცხადა ჯანდაცვის მინისტრმა.