ელდარ შენგელაია იუბილარია. ცნობილ რეჟისორს იუბილეს შვილიშვილი, ნატალია ჯუღელი, სოციალურ ქსელში ულოცავს და ბაბუის ბავშვობის ფოტოს გვიზიარებს.
ელდარ შენგელაია 1933 წელს თბილისში დაიბადა. იგი ქართველი მსახიობის, ნატო ვაჩნაძის და რეჟისორ ნიკოლოზ შენგელაიას შვილია.
წიგნში “მოგონებები და შეხვედრები“, რომელიც ნატო ვაჩნაძის ავტორობით გამოვიდა, იგი ამბობს; “რა ცოტა რამაა საჭირო იმისთვის, რომ მსახიობი გახდე. გარეგნობა, ახალგაზრდობა. მაყურებელმა რატომღაც უმალ მიგიღო, შენმა თვალებმა, ცრემლებმა ააღელვა, ღიმილმა მოხიბლა… რამდენმა ვარსკვლავმა ჩაიქროლა ეკრანზე და გაქრა. იმისთვის, რომ შემორჩე, საჭიროა ბედნიერი მენატურიდან შრომისმოყვარე მსახიობის გზა გაიარო“.
ქართული კინოს გამორჩეული სილამაზე და უკვდავი “მარგალიტა” – არიადნა შპრინკის, იგივე არიადნა შენგელაიას 20-წლიანი თანაცხოვრება ელდარ შენგელაიასთან, განქორწინება და ბრწყინვალე კარიერა
გოგონა „ვარსკვლავებით მოჭედილი ოჯახიდან“ – ვინ არის ნატა ვაჩნაძის შვილთაშვილი და არიადნა შენგელაიას შვილიშვილი, ზღაპრული სილამაზის ნატალია ჯუღელი
1957-59 წლებში მუშაობდა კინოსტუდია „მოსფილმში“. 1960 წლიდან გადავიდა კინოსტუდია „ქართულ ფილმში“. თავისი სადებიუტო ფილმი მან გადაიღო თამაზ მელიავასთან ერთად 1963 წელს. „თეთრი ქარავანი“ მწყემსთა ცხოვრების სირთულეს აღწერს. შენგელაიას შემდეგი ნამუშევარი იყო დავით კლდიაშვილის მოთხრობის, „მიქელას“ ეკრანიზაცია. მოგვიანებით, 1977 წელს, ის კვლავ დაუბრუნდა კლდიაშვილის შემოქმედებას და გადაიღო „სამანიშვილის დედინაცვლი“. შენგელაიამ სახელი გაითქვა დრამატურგ რეზო გაბრიაძესთან თანამშრომლობით. მათ ერთობლივად შექმნეს კომედიური ფილმები „არაჩვეულებრივი გამოფენა“ და „შერეკილები“.
“ქართული კინო განსაკუთრებული ფენომენია, მან უფრო ადრე მოიპოვა დამოუკიდებლობა, ვიდრე ქვეყანამ სახელმწიფოებრიობა. მარტო ის რად ღირს, რომ პარიზში, პომპიდუს ცენტრში, მოეწყო ქართული კინოს 100 საუკეთესო ფილმის ჩვენება.
რაც შეეხება პარლამენტში ჩემ ყოფნას, ეს ყველასთვის დიდი ტკივილის, 1989 წლის 9 აპრილის ტრაგედიის შემდეგ მოხდა. მე იმ კომისიაში ვიყავი, რომელიც ამ ტრაგედიის მიზეზებზე მუშაობდა და სახელმწიფო მანქანა დამნაშავედ ცნო. ხალხმა მოინდომა ჩემი პარლამენტში ყოფნა. შემდგომში ზურაბ ჟვანიას ფაქტორი იყო გადამწყვეტი, როცა ვიცე-სპიკერის პოსტი მეკავა” – ამბობდა რეჟისორი