პარლამენტის ჯანდაცვის კომიტეტის თავმჯდომარის პირველი მოადგილე დიმიტრი ხუნდაძე მიიჩნევს, რომ საქართველო დემოგრაფიული პრობლემის წინაშე დგას და დაგროვებით საპენსიო სისტემაზე გადასვლა აუცილებელია. როგორც მან პარლამენტის პლენარულ სხდომაზე განაცხადა, მსოფლიოში ქვეყნების უმრავლესობა დაგროვებით საპენსიო სისტემაზე სწორედ დემოგრაფიული მდგომარეობის გამო გადავიდა.
“საპენსიო რეფორმაზე მუშაობა ჩვენ ჯერ კიდევ მერვე მოწვევის პარლამენტში დავიწყეთ ეკონომიკის სამინისტროსთან ერთად და არაერთი შეხვედრა გაიმართა ჯანდაცვის კომიტეტში, ეს პროცესი დღესაც გრძელდება, ზოგიერთი პოლიტიკოსი, რომელიც დღეს ამ რეფორმის დაწყების გამო გვაკრიტიკებს, მაშინ იმის გამო გვაკრიტიკებდა, რომ ამ რეფორმის განხორციელებას ვაგვიანებდით.
პროექტის მასშტაბურობისა და შინაარსიდან გამომდინარე, რა თქმა უნდა, ამ რეფორმას გარკვეული რისკები თან სდევს. მოსალოდნელი საფრთხეები, რაც ჩვენს ქვეყანას ელის, ბევრად ურო დიდია, ვიდრე ამ რეფორმაში არსებული რისკები. ბევრჯერ მითქვამს, რომ ქვეყანა დგას დემოგრაფიული პრობლემის წინაშე და კიდევ ერთხელ და ამიტომ საპენსიო რეფორმის განხორციელება აუცილებელია”,- განაცხადა ხუნდაძემ.