დიმიტრი ხუნდაძე: ქვეყანა დემოგრაფიული პრობლემის წინაშე დგას

ირანი ელოდება და მზადაა, წინ აღუდგეს აშშ-ის სამხედროების ნებისმიერ სახმელეთო შემოჭრას, – ამის შესახებ ირანის საგარეო საქმეთა მინისტრმა, აბას არაღჩიმ „ენბისი ნიუსთან“ ინტერვიუში განაცხადა.„ჩვენ დარწმუნებულები ვართ, რომ შეგვიძლია მათთან დაპირისპირება და ეს მათთვის დიდი კატასტროფა იქნება“, – აღნიშნა არაღჩიმ.ირანის საგარეო საქმეთა მინისტრმა ასევე განაცხადა, რომ მისმა ქვეყანამ ისწავლა წინა კონფლიქტებიდან და ახლა უფრო ქმედითი საბრძოლო ძალა ჰყავს, რომელსაც ამერიკელი ჯარების წინააღმდეგ ბრძოლა შეუძლია, თუ ისინი ირანში შეიჭრებიან.„როდესაც ვთქვი, რომ ველოდებით მათ, ეს არ ნიშნავდა, რომ ველოდებით ომის გაგრძელებას. ჩვენ მოვემზადეთ ნებისმიერი სცენარის, ნებისმიერი მოვლენის, ნებისმიერი შესაძლებლობის წინააღმდეგ დასაპირისპირებლად და ვიცით, რომ ამის მოგვარება შეგვიძლია“, – განაცხადა აბას არაღჩიმ.მინისტრის თქმით, ირანი არ ითხოვს ცეცხლის შეწყვეტას და ვერ ხედავს აშშ-თან მოლაპარაკების მიზეზს.„ჩვენ ორჯერ მოვილაპარაკეთ მათთან და ყოველ ჯერზე, ისინი თავს დაგვესხნენ მოლაპარაკებების შუაგულში, არ არსებობს ცეცხლის შეწყვეტის მოთხოვნა და არ არსებობს ჩვენი მხრიდან აშშ-თან მოლაპარაკების მოთხოვნა“, – აცხადებს ირანის საგარეო უწყების ხელმძღვანელი.არაღჩიმ განაცხადა, რომ აშშ-მა ვერ მიაღწია სწრაფ გამარჯვებას და რეჟიმის შეცვლას ირანში, მიუხედავად იმისა, რომ გასულ კვირას აშშ-ისრაელის მიერ განხორციელებული დარტყმის შედეგად უზენაესი ლიდერი აიათოლა ალი ხამენეი მოკლეს.

აშშ-ის პრეზიდენტი დონალდ ტრამპი აცხადებს, რომ ქურთული ოპოზიციური ჯგუფების მიერ ირანის რეჟიმის წინააღმდეგ შეტევის დაწყებას მიესალმება.„ვფიქრობ, შესანიშნავია, რომ მათ ამის გაკეთება სურთ, მე ამას მხარს დავუჭერდი“, – განაცხადა აშშ-ის პრეზიდენტმა.შეკითხვაზე, უზრუნველყოფდა თუ არა აშშ ქურთული ძალების საჰაერო დაფარვას, ტრამპმა განაცხადა, რომ ამას ვერ იტყვის. ტრამპმა ასევე გამოთქვა იმედი, რომ ირანთან ახლოს მდებარე მთავარი საზღვაო მარშრუტი, ჰორმუზის სრუტე, ღია დარჩება.„მათ ფლოტი აღარ ჰყავთ. თქვენ იცით, რომ მათი საზღვაო ფლოტი ახლა ზღვის ფსკერზეა. მე ძალიან ყურადღებით ვაკვირდები ჰორმუზის სრუტეს“, –  განაცხადა აშშ-ის პრეზიდენტმა.მედიის ინფორმაციით, აღნიშნულ საკითხთან დაკავშირებული სამი წყაროს ცნობით, ირანელი ქურთების შეიარაღებული დაჯგუფების ხელმძღვანელები ბოლო დღეებში შეერთებულ შტატებთან კონსულტაციებს ატარებდნენ იმის თაობაზე, უნდა დაესხან თუ არა თავს ირანის უსაფრთხოების ძალებს ქვეყნის დასავლეთ ნაწილში და თუ თავდასხმას გადაწყვეტენ, როგორ უნდა განხორციელდეს ის.

თურქეთის პრეზიდენტს, რეჯეფ თაიფ ერდოღანსა და აზერბაიჯანის პრეზიდენტს, ილჰამ ალიევს შორის სატელეფონო საუბარი შედგა. ინფორმაციას ამის შესახებ აზერბაიჯანული მედია ავრცელებს.მედიის ცნობით, რეჯეფ თაიფ ერდოღანმა ირანის მიერ აზერბაიჯანში, ქალაქ ნახიჩევანზე განხორციელებული თავდასხმა დაგმო და მოძმე აზერბაიჯანელ ხალხს მხარდაჭერა გამოუცხადა.მედიის ინფორმაციით, ილჰამ ალიევმა პრეზიდენტ რეჯეფ თაიფ ერდოღანს მხარდაჭერისთვის მადლობა გადაუხადა.ამასთან, მედიის ცნობით, ერდოღანმა ხაზგასმით აღნიშნა, რომ თურქეთი აზერბაიჯანის მიმართ ურყევ მხარდაჭერას გააგრძელებს.ცნობისთვის, დღეს მედიით გავრცელდა ინფორმაცია, რომ ქალაქ ნახიჩევანის აეროპორტის ტერიტორიაზე ირანული დრონი აფეთქდა. ადგილობრივი მედიის თანახმად, კიდევ ერთი დრონი სოფელ შეკარაბადში შეფრინდა. აზერბაიჯანის პრეზიდენტმა, ილჰამ ალიევმა ნახიჩევანის ავტონომიური რესპუბლიკის ტერიტორიაზე დრონებით თავდასხმას აზერბაიჯანის წინააღმდეგ მიმართული უსაფუძვლო ტერორისტული აქტი და აგრესია უწოდა. მისი თქმით, ირანმა აზერბაიჯანის წინააღმდეგ ტერორისტულიირანის შეიარაღებული ძალების გენერალურ შტაბში უარყვეს აზერბაიჯანის მიმართულებით დრონის გაშვება. შტაბის განცხადებაში ნათქვამია, რომ, გამოძიების მიხედვით, ქმედება სიონისტურმა რეჟიმმა განახორციელა.

ინდური ნავთობგადასამუშავებელი ქარხნები მილიონობით ბარელ რუსულ ნავთობს დაჩქარებული წესით ყიდულობენ. როგორც წყარო იტყობინება, ქვეყანა ცდილობს თავი დააღწიოს ნავთობის მიწოდების დეფიციტს, რომელიც ახლო აღმოსავლეთში მიმდინარე კონფლიქტმა გამოიწვია - ამის შესახებ ინფორმაციას სააგენტო „როიტერი“ ავრცელებს.ინდოეთი ნავთობის იმპორტის დაახლოებით 40%-ს ახლო აღმოსავლეთიდან ჰორმუზის სრუტის გავლით იღებს, ხოლო ნედლი ნავთობის მარაგი ქვეყნის მოთხოვნას დაახლოებით 25 დღისთვის აკმაყოფილებს, რაც მას მიწოდების შოკების მიმართ დაუცველს ხდის. სახელმწიფო ნავთობგადასამუშავებელმა კომპანიებმა, მათ შორის Indian Oil-მა, BPCL-მა, HPCL-მა და MRPL-მა, ტრეიდერებისგან დაახლოებით 20 მილიონი ბარელი რუსული ნავთობი შეიძინეს. მანამდე, ინდოეთმა შეამცირა რუსული ნავთობის შესყიდვები აშშ-ის ზეწოლის ფონზე, მაგრამ არსებულ პირობებში ნავთობგადასამუშავებელი კომპანიები ბაზარზე ბრუნდებიან, რადგან ხელმისაწვდომობა ფასზე უფრო კრიტიკული ხდება.

,,საინტერესოა, რომ უცნობი_ძალის მიერ განხორციელებული თავდასხმა ნახჭევანზე მაშინ მოხდა, როცა პრეზიდენტ ილჰამ ალიევის გადაწყვეტილებით, გააქტიურდა ირანელი დიპლომატების ბეირუთიდან გადაყვანის პროგრამა, აზერბაიჯანის რესპუბლიკის მეშვეობით. ეს უბრალო დამთხვევაა თუ უცნობი_აქტორის მცდელობა, გაამწვავოს ურთიერთობები მეზობლებს შორის და გამოიწვიოს რეგიონის დესტაბილიზაცია?''-წერს ირანის ელჩი ალი მოჯანი.