დიდი ბრიტანეთი, გერმანია, საფრანგეთი და იტალია მოუწოდებენ ისრაელს, გაიწვიოს კანონი, რომელიც ისრაელელის მკვლელობაში ბრალდებული პალესტინელების სიკვდილით დასჯას ითვალისწინებს

ეგრეთ წოდებული ალიანსის შეკრებას ვუყურებდი და მათ განცხადებას ვუსმენდი, რომ 26 მაისამდე წავიდნენ რეგიონებში. ნაცვლად იმისა, თბილისში ილაპარაკონ, მართლა როგორი საქართველო უნდათ და რაზე თანხმდებიან, დაახვიეს რეგიონებში. 26 მაისამდე თვითონაც დაისვენეს და „ქოცებიც“ დაასვენეს, – ამის შესახებ „გირჩის“ ლიდერმა, იაგო ხვიჩიამ განაცხადა.მისივე თქმით, აბსურდია ყველაფერი, რასაც ახლა ოპოზიცია აკეთებს.„ზოგადად, ბიძინა ივანიშვილი ჭკვიანი კაცი მგონია და გამოვრიცხავ, არ იცოდეს, ჩერგოს და გვარამიას ალიანსი 2028 წლამდე რომ ვერ მიატანს. შესაბამისად, 2028 წელს თუ აპირებ არჩევნებს, მათ ერთად შეკრებას, დაფინანსებას, კარგად ჩაცმა-დახურვას, გაპიარებას არანაირი შინაარსი არ აქვს, რადგან მანამდე მაინც აფეთქდება ბევრჯერ და ეს ამბავი არ გამოვა. დავუშვათ, გინდა, გეგმა „ბ“ გქონდეს იმ შემთხვევისთვის, როცა ამერიკელებმა, ტრამპმა, ვიღაცებმა მოგთხოვეს ახალი არჩევნების დანიშვნა და გითხრეს, ჩვენთან თუ გინდა სიტუაციის დალაგება, არჩევნები უნდა ჩაატაროო. ამ დროისთვის აორგანიზებ ჯგუფს, ალიანსს, რომელთა ლიდერები არიან ჩერგო, გვარამია და ზუსტად იცი, რომ შანსი არ არის, ამ ხალხისგან რამე გამოვიდეს.ნებისმიერი კოალიცია დაიშლება მას შემდეგ, რაც ეს ხალხი სრულად წარმოაჩენს საკუთარ სახეს კოალიციის შიგნით. რაც არ უნდა ფული ჩაასხა ამაში, დიდი ხანი ვერ იქნება, მაგრამ მოკლევადიან პერსპექტივაში, თუ შემოდგომაზე აპირებ არჩევნებს, გჭირდება ბუა ოპოზიცია. შეიძლება, საერთოდ არ მიიღოს არჩევნებში მონაწილეობა, მაგრამ ბუა ოპოზიციად უნდა იყოს. გჭირდება საკუთარი ჯგუფის მობილიზება, რომელიც პირობითად, მაინც სულ მობილიზებული გაქვს. ასევე გჭირდება სწორი პოზიციის გამართვა ამერიკელებთან, რათა რაღაცნაირად მათთან ურთიერთობა აღდგეს. უკიდურესი აუცილებლობის შემთხვევაში, ამისთვის მათ სთავაზობ – მოდი, დავლაგდეთ ერთმანეთთან და ვატარებ არჩევნებს. ხალხის კიდევ ერთხელ შეცდომაში შეყვანის მიზნით, მანამდე აქეთა მხარეს ყველაფერი გაქვს მომზადებული – ხალხი არ ელოდება არჩევნებს და ასეთი სიტუაციით უცბად ისარგებლო, მიიღო არსებითი უმრავლესობა პარლამენტში, რათა შემდეგ რაც გინდა, ის აკეთო.აქედან გამომდინარე, მინდა, გავაფრთხილო ჩვენი ამომრჩევლები, ხალხი, რომელიც პოლიტიკით არის დაინტერესებული, ყურადღება მიაქციოთ, რომ აბსურდია ეს ყველაფერი, რასაც ახლა ოპოზიცია აკეთებს. ნაცვლად იმისა, ერთმანეთში მოილაპარაკონ, ვის რა უნდა, როგორ უნდა, ამ პერიოდის განმავლობაში ემზადებოდნენ, ლიდერებად ირჩევენ ჩერგოს და გვარამიას, 26 მაისამდე მიდიან რეგიონებში სალაპარაკოდ. 26 მაისს რაღაც მიტინგს ნიშნავენ, რომელსაც დაშლი. მანამდე კიდევ ნებისმიერი პროტესტის ჩახშობას შეუწყობ ხელს, რადგან 26 მაისს გაქვს დანიშნული მიტინგები. ხალხო, მოვემზადოთ არჩევნებისთვის. ჩვენ არ ვიცით, ნამდვილად იქნება თუ –  არა, მაგრამ „ქართული ოცნების“ გეგმა „ბ“ არის, რასაც ვუყურებ. სწორედ ამიტომ დგება ალიანსი, რომელიც დღეს რეგიონებში წავიდა და სწორედ ამიტომ დგება ასეთი შემადგენლობით, რომ არასდროს საფრთხე არ შეუქმნას „ქართული ოცნების“ ერთპიროვნულ მმართველობას“, – განაცხადა იაგო ხვიჩიამ.„ოპოზიციის ალიანსმა“ დღეს განცხადება გააკეთა მობილიზაციის კამპანიასთან დაკავშირებით. „31 მარტს ოპოზიციის ალიანსი ვიწყებთ, ერთობლივ, ეროვნული მობილიზაციის კამპანიას. ეს არის „ოპოზიციის ალიანსის“ ინიციატივა, მაგრამ ეს საქმე არ არის ექსკლუზიურად ჩვენი გასაკეთებელი, ეს არის ყველას გასაკეთებელი საქმე“, – განაცხადეს „ოპოზიციის ალიანსის“ წარმომადგენლებმა.

მაშინაც და დღესაც დამოუკიდებლობის განცდა საგანგებოდ მნიშვნელოვანია, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით,  დღესაც, ადამიანთა ჯგუფია, ვისთვისაც დამოუკიდებლობა სხვანაირად ითარგმნება.„სამწუხაროდ, დღესაც, ადამიანთა ჯგუფია, ვისთვისაც დამოუკიდებლობა სხვანაირად ითარგმნება – დამოკიდებული უნდა იყო რომელიღაც ძალაზე, რომელსაც რესურსი გააჩნია, პროცესებზე გავლენა იქონიოს. მათთვის მნიშვნელობა არ აქვს, ეს გავლენა საქართველოს წინააღმდეგ იქნება მიმართული თუ სასარგებლოდ. მათი მიზანია, ოღონდ იმ ძალების ქვეშ იყოს, რომელთაც გარკვეული ძალა გააჩნიათ და პროცესების მართვა შეუძლიათ. მიუხედავად იმისა, რომ მცირე ჯგუფია, არ ესმით, რა არის საერთო განცდა, როცა ქვეყნის დამოუკიდებლობა, თვითმყოფადობასა და ისტორიულ მემკვიდრეობაზე მიდის საუბარი“, – განაცხადა გია ვოლსკიმ.

მსგავსი ჩარევა სხვა ადგილობრივი ეკლესიის მხრიდან, რომელიც არ უნდა იყოს, ჩვენთვის წარმოუდგენელია და მიგვაჩნია ეს სრულიად შეუძლებლად, - ასე ეხმაურება „ინტერპრესნიუსთან“ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე რუსეთის საგარეო დაზვერვის სამსახურის განცხადებას, სადაც აღნიშნულია, რომ მსოფლიო პატრიარქი ბართლომეოსი საქართველოს მართლმადიდებლურ ეკლესიაზე გავლენის გაძლიერებას ცდილობს და პატრიარქის თანამდებობაზე ორ კანდიდატს უჭერს მხარს.ანდრია ჯაღმაიძის თქმით, „უცნობია ამ გავრცელებული ინფორმაციის საფუძველი“.ცნობისთვის, რუსეთის საგარეო დაზვერვის სამსახურის განცხადებით, კონსტანტინოპოლის პატრიარქი ბართლომეოსი „აგრძელებს მართლმადიდებლობაში განხეთქილების მზაკვრული ხაზის შენარჩუნებას და ამჯერად აპირებს ისარგებლოს სრულიად საქართველოს კათოლიკოს-პატრიარქის ილია II-ის გარდაცვალებით და საქართველოს მართლმადიდებლურ ეკლესიაზე თავისი გავლენა გააძლიეროს“.უწყების განცხადებაში აღნიშნულია, რომ მსოფლიო პატრიარქს სურს საქართველოს მართლმადიდებლური ეკლესიის მეთაურის თანამდებობაზე დაწინაურდეს კანდიდატი, რომელსაც დაეყრდნობა.„ფანარიოტს ვაკანტურ თანამდებობაზე საქართველოს მართლმადიდებლური ეკლესიის ისეთი წარმომადგენლის დაწინაურება სურს, რომელზე დაყრდნობასაც შეძლებს. ბართლომეოსი ამ როლისთვის კანდიდატებად განიხილავს დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი). ის მათ თავის უახლოეს გარემოცვაში წარმოაჩენს, როგორც მისი ნების ყველაზე შესაფერის შემსრულებლებს“, - აღნიშნულია ინფორმაციაში.

რუსეთის პრეზიდენტი ვლადიმერ პუტინი 1-ელ აპრილს მოლაპარაკებებს გამართავს სომხეთის პრემიერ-მინისტრ ნიკოლ ფაშინიანთან, რომელიც მოსკოვში სამუშაო ვიზიტით ჩავა. ინფორმაციას რუსული მედია კრემლის პრესსამსახურზე დაყრდნობით ავრცელებს.„2026 წლის 1-ელ აპრილს მოლაპარაკებები გაიმართება რუსეთის პრეზიდენტ ვლადიმერ პუტინსა და სომხეთის პრემიერ-მინისტრ ნიკოლ ფაშინიანს შორის, რომელიც მოსკოვში სამუშაო ვიზიტით ჩამოვა“, - ნათქვამია კრემლის განცხადებაში.რუსეთის პრეზიდენტის ადმინისტრაციაში აცხადებენ, რომ ლიდერები განიხილავენ რუსეთ-სომხეთის სტრატეგიული პარტნიორობისა და მოკავშირეობის ამჟამინდელ მდგომარეობასა და პერსპექტივებს, ევრაზიის რეგიონში ინტეგრაციულ თანამშრომლობას, ასევე რეგიონული დღის წესრიგის აქტუალურ საკითხებს, კერძოდ, სამხრეთ კავკასიაში ეკონომიკური და სატრანსპორტო-ლოჯისტიკური კავშირების განვითარებას.

ყველა იმ ქვეყნისთვის, რომელსაც ჰორმუზის სრუტის გამო საავიაციო საწვავის მიღება არ შეუძლია, მაგალითად, გაერთიანებულ სამეფოს, რომელმაც უარი თქვა ირანის განადგურებაში მონაწილეობაზე, მაქვს რჩევა. პირველი, იყიდეთ აშშ-სგან, ჩვენ ბევრი გვაქვს და მეორე, მოიკრიბეთ გარკვეული გამბედაობა, წადით სრუტეში და უბრალოდ აიღეთ იგი, – ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.როგორც ტრამპი წერს, საკუთარი თავისთვის ბრძოლის სწავლა უნდა დაიწყონ.„თქვენ უნდა დაიწყოთ საკუთარი თავისთვის ბრძოლის სწავლა. აშშ აღარ იქნება თქვენს დასახმარებლად, ისევე როგორც თქვენ არ იყავით ჩვენთან. ირანი, ფაქტობრივად, განადგურებულია. რთული ნაწილი დასრულებულია. წადით და აიღეთ თქვენი ნავთობი“, – წერს დონალდ ტრამპი.ამასთან, დონალდ ტრამპის თქმით, საფრანგეთი არ უშვებდა ისრაელისკენ მიმავალ სამხედრო მარაგით დატვირთულ თვითმფრინავებს საფრანგეთის ტერიტორიის თავზე.„საფრანგეთი უკიდურესად უსარგებლო იყო „ირანის ჯალათის“ წინააღმდეგ დახმარების კუთხით, რომელიც წარმატებით განადგურდა! აშშ დაიმახსოვრებს!!!“, – წერს დონალდ ტრამპი.