დადგა დრო, რომ მოხდეს მიგრაციის სისტემის ახლებურად გააზრება და ქვეყნის მომზადება ევროპასთან ინტეგტაციის ახალი რეალობისათვის-ამის შესახებ, -,, დიასპორული ინვესტიციების მხარდამჭერი ასოციაციის” პრეზიდენტი ზაალ სარაჯიშვილი საკუთარ ,,ფეისბუქის” გვერდზე წერს.
განცხადებას უცვლელად გთავაზობთ:
,,დღეს ჩვენი საზოგადოება და ქართული დიასპორა აქტიურად საუბრობს ევროპასთან ვიზალიბერალიზაციის საფრთხესთან დაკავშირებით. ეს საკითხი აწუხებს ყველას როგორც ქვეყნის შიგნით, ასევე მის ფარგლებს გარეთაც. როგორც ჩანს დადგა დრო, რომ მოხდეს მიგრაციის სისტემის ახლებურად გააზრება და ქვეყნის მომზადება ევროპასთან ინტეგტაციის ახალი რეალობისათვის, რაც გამოწვეულია ვიზალიბერალიზაციით…
ამიტომაც, ვფიქრობ საჭიროა შეიქმნას ეფექტორი და ქვეყნის განვითარებაზე მორგებული მიგრაციული სისტემა, რაც არ გამოიწვევს საბიუჯეტო სახსრების მნიშვნელოვან ხარჯვას და ამავდროულად საქართველო ისარგებლებს იმ ბენეფიტებით, რაც მიგარციის სწორ მართვას მოაქვს ქვეყნის განვითრებისათვის…
ამისთვის კი პირველ ეტაპზე განსახორცილბელად მიმაჩნია შემდეგი მოქმედებები:
მიგრაციის საკითხებში მთავარ სახელმწიფო სტრუქტურად უნდა განისაზღვროს შინაგან საქმეთა სამინისტრო / Ministry of Internal Affairs of Georgia რომელიც ასევე უხელმძღვანელებს მიგრაციის სამთავრობო კომისიას, ხოლო მინისტრის ვიცე-პრემიერის სტატუსი კი – თავის მხრივ ხელშეუწყობს საქართველოს მთავრობის სახელით მაღალი დონის კომუნიკაცია დაამყარდეს ევროპის ქვეყნების მთავრობებთან მიგრაციის საკითხებთან დაკავშირებით…
ევროპის ქვეყნებში მოქმდე საქართველოს ყველა საელჩოში აუცილებელია დაინიშნოს პოლიციის ატაშეები, ხოლო პოლიციის ატაშეებად კი – გამოცდილი პოლიციელები, რომელებსაც ექნებათ ოპერატიულ-სამძებრო და საგამოძიებო საქმიანობის გამოცდილება (უცხო ენის კარგად ცოდნა და შსს სისტემაში მუშაობის ზოგადი სტაჟის ქონა დღეის მდგომარობით არ არის საკმარისი)…
ჯანდაცვის სამინისტრო Ministry Of Labour,Health&Social Affairs Of Georgia მხრიდან აუცილებელია გააქტიურდეს მუშაობა ევროპაში ლეგალური შრომითი მიგრაციის კონტროლის კუთხით და მოხდეს პირდაპირი კომუნიკაციის განხორციელება ევროპის ქვეყნების შესაბამის სხელმწიფო უწყებებთან. ამას გარდა, ახლებულად უნდა მოხდეს საქართველოში მოქმედი შრომითი მიგრაციების სააგენტოების საქმიანობის გააზრება და შემუშავდეს უახლოესი პერიოდის „შრომითი მიგრაციის სამთავრობო სტრატეგია“…
. „შრომის მიგრაციის შესახებ“ საქართველოს კანონში საჭიროა განხორცილდეს სპეციალური დამატებები საქართველოს ტერიტორიაზე უცხოელთა დასაქმების და მუშაობის პირობებისა და წესების თაობაზე (დღემდე ეს რეგულაციები არ არის !!!), ასევე უნდა დაწესდეს სპეციალური მოსაკრებელი (თუნდაც სიმბოლური) უცხოელის დასაქმების თაობაზე. დღეს პირდაპირი უცხოური ინვესტიციების შემოდინების მიუხედავად ქვეყნიდან ემიგრაცია მზარდია, რაც გამოწვეულია იმით, რომ უცხოელი ინვესტორი ასაქმებს თავის თანამემამულეს და არა საქართველოს მოქალაქეს და ეს არ არის შეზღუდული დღეს მოქმედი კანონმდებლობით (!!!). შესაბამისად შემოდის ინვესტიცია, იქმნება სამუაო ადგილები, მაგრამ საქართველოს მოქალაქეები ვერ საქმდებიან. ეს კი პირდაპირ ეწინააღმდეგება საქართველოს კონსტიტუციის ახალ რედაქციის პრინციპს, რომ „საქართველო სოციალური სახელმწიფოა“.
ევროპიდან დაბრუნებული თუ რეადმისირებული ემიგრანტის რეინტეგრაციის პროცესის ეფექტურად განხორცილებისათვის საჭიროა, რომ სარეინტეგრაციო პროგრამები იყოს ინდივიდუალური და ემიგრანტზე მორგებული, ასევე სარეინტეგრაციო პროგრამა საჭიროა საქრთველოს მოქალაქის ემიგრაციაში ყოფნის დროს მომზადდეს, ხოლო მისი განხორციელება ემიგრანტის დაბრუნებისთავე დაიწყოს და არა ისე როგორც დღეს არის, ემიგრანტის რეინტეგრაციაზე ფიქრი მას შემდეგ იწყება, როდისაც იგი გადმოკვეთს საქართველოს საზღვარს და ოჯახთან/ახლობლებთან ურთიერთობით იჯერებს გულს (უმეტეს შემთხვევაში დანაზოგი ან რეადმისის საკონპესაციო თანხა უკვე დახარჯულია).
ევროპიდან დაბრუნებული თუ რეადმისირებული ემიგრანტისათვის მხარდაჭერაში სახელმწიფო პრიორიტეტი მცირე, საშუალო და საოჯახო ბიზნესის წამოწყებაში დახმარება უნდა გახდეს. ამიტომაც, საჭიროა მოხდეს თითიულ დაბრუნებულ ემიგრანტზე მორგებული ბიზნეს-გეგმის შედგენა, რომელიც თავსებადი იქნება ბიზნესის ხელშემწყობ სამთავრობო პროგრამებთან. ამისთვის საჭიროა შესაბამისი საინფორმაციო-საკონსულტაციო და მონიტორინგის სისტემის შექმნა.
ევროპიდან დაბრუნებული თუ რეადმისირებული ემიგრანტისათვის საჭიროა დადგინდეს ახალი საბაჟო შეღავათები, რადგან დღეს არსებული წესის თანახმად, საქართველოში დაბრუნების შემთხვევაში ემიგრანტს შეუძლია განბაჟების გარეშე შემოიტანოს 15 000 ლარის ღირებულების ნივთები. აშკარაა, რომ 90-იან წლებში მიღებული ეს შეღავათი არ პასუხობს დღევანდელ გამოწმევას, ასევე ევროსთან მიმართებაში ლარის გაუფასურების ფონზე, აუცილებლობას წარმოადგენს დადგენილი ზღვარის გაზრდა.
ევროპიდან დაბრუნების თუ რეადმისირების შემთხვევაში, თუ ემიგრანტი რამოდენიმე წელია (არის შემთხვევები, რომ ათ წელზე მეტია) ცხოვრობს ევროპის ქვეყნებში, იგი აგროვებს გარკვეულ ქონებას და უჩნდება სურვილი მისი სამშობლოში ჩამოტანის, ამიტომაც შესაქმნელია ევროპაში ცხოვრებით დაგროვილი ქონების სამშობლოში ტრანსპორტირების საშეღავათო სისტემა საქართველოს ფოსტის მეშვეობით…
ევროპიდან დაბრუნებული თუ რეადმისირებული ემიგრანტის სასკოლო ასაკის ბავშვების ქართულ სკოლებში რეინტეგრაციისათვის საჭირო სპეციალური შეფასების სისტემა, რომლის მეშვეობით დადგინდება ბავშვის ქართული ენის ცოდნა და განისაზღვრება სპეციალური პროგრამა შესაბამის კლასში სწავლის გაგრძელებისათვის…
ევროპიდან და არამარტო ევროპიდან დაბრუნებული თუ რეადმისირებული ემიგრანტების სამშობლოში რეინტეგრაციისათვის ეფექტურად განხორციელებისათვის საჭიროა დამოუკიდებელი სახელმწიფო სტრუქტურის არსებობა”.