გურამ მაჭარაშვილი – სისხლის სამართლის კოდექსი საგამოძიებო კომისიაზე გამოუცხადებლობის გამო შესაბამის სასჯელს ითვალისწინებს, სად არის აქ პოლიტიკური დევნა?

ირანის პრეზიდენტი მასუდ ფეზეშქიანი აცხადებს, რომ პატივს სცემს აშშ-ის პრეზიდენტის, დონალდ ტრამპის მიერ შეთავაზებულ ცეცხლის შეწყვეტის შეთანხმებას იმ შემთხვევაში, თუ ისრაელიც იმავეს გააკეთებს.„სიონისტური რეჟიმი თუ არ დაარღვევს ცეცხლის შეწყვეტის შეთანხმებას, ირანიც არ დაარღვევს“, – განაცხადა ფეზეშქიანმა მალაიზიის პრემიერ-მინისტრთან, ანვარ იბრაჰიმთან სატელეფონო საუბრისას.დონალდ ტრამპმა დღეს დაწერა, რომ ისრაელსა და ირანს შორის ცეცხლის შეწყვეტის შესახებ შეთანხმება ძალაში შევიდა და მოუწოდა ირანსა და ისრაელს, არ დაარღვიონ შეთანხმება.ამასთან, ტრამპის თქმით, „ისრაელი ირანზე თავდასხმას არ აპირებს, ყველა თვითმფრინავი უკან დაბრუნდება, ცეცხლის შეწყვეტა ძალაშია“.

მივემგზავრები ნატოს სამიტზე, სადაც, უარეს შემთხვევაში, გაცილებით მშვიდი პერიოდი მექნება, ვიდრე ის, რაც ახლახან გამოვიარე ისრაელთან და ირანთან დაკავშირებით, - განაცხადა აშშ-ის პრეზიდენტმა, დონალდ ტრამპმა.„მოუთმენლად ველი შეხვედრას ჩემს ძალიან კარგ ევროპელ მეგობრებთან და სხვებთან. იმედია, ბევრს მივაღწევთ!“ - დასძინა დონალდ ტრამპმა. 

საქართველოს ტექნიკური უნივერსიტეტის მხიარულთა და საზრიანთა გუნდმა - „შერეკილები“ მორიგი წარმატება მოიპოვა და ბორჯომის მხიარულთა და საზრიანთა კლუბის ფესტივალის ერთ-ერთი გამარჯვებული გახდა. ამის შესახებ ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, მხიარულთა და საზრიანთა საუნივერსიტეტო გუნდმა, რომელიც 8 წევრს აერთიანებს, ბოჯომის ფესტივალის ვიცე-ჩემპიონის ტიტული დაისაკუთრა.როგორც სტუ-ის სტუდენტური სერვისების, კულტურისა და სპორტის დეპატამენტის ხელმძღვანელი ლევან ფიფია აღნიშნავს, მხიარულთა და საზრიანთა საუნივერსიტეტო გუნდის წარმატება იმ დიდი მხარდაჭერის შედეგია, რაც ახალგაზრდებს მუდმივად აქვთ უნივერსიტეტის ადმინისტრაციისა და უშუალოდ რექტორის, აკადემიკოს დავით გურგენიძის მხრიდან.„ბორჯომის მხიარულთა და საზრიანთა კლუბის ფესტივალზე ჩვენი საუნივერსიტეტო გუნდი - „შერეკილები“ - პირველ სამეულში მოხვდა და დამსახურებულად მოიპოვა ვიცე-ჩემპიონის ტიტული. ამ მორიგ გამარჯვებას ვულოცავთ „შერეკილების“ რვავე წევრს, მათ გულშემატკივარ სტუდენტებსა და პროფესორ-მასწავლებლებს. ჩვენი გუნდის წარმატება სწორედ იმ დიდი მხარდაჭერის შედეგია, რაც ახალგაზრდებს მუდმივად აქვთ უნივერსიტეტის ადმინისტრაციისგან და უშუალოდ რექტორის, აკადემიკოს დავით გურგენიძის მხრიდან. მეორე მხრივ კი, მხიარულთა და საზრიანთა საუნივერსიტეტო გუნდი, შექმნის დღიდან, ძალისხმევას არ იშურებს, იყოს კრეატიული და, მაღალი კონკურენციის ფონზე, დაუღალავი შრომით მიაღწიოს წარმატებებს. შედეგი სახეზეა - „შერეკილები“ ერთ-ერთ საუკეთესო გუნდად ჩამოყალიბდა და წლევანდელ სტუდენტურ ფესტივალზე პირველი ადგილის მოპოვების შემდეგ, ბორჯომის ფესტივალზეც წარმატებას მიაღწია. კიდევ ერთხელ ვულოცავთ გამარჯვებას ჩვენს გუნდს და ჩვენს უნივერსიტეტს - წინ არაერთი წარმატება გველის!“, - ამბობს ლევან ფიფია.ცნობისათვის, ბორჯომის მხიარულთა და საზრიანთა ფესტივალი საქართველოს მხიარულთა და საზრიანთა კლუბის ეროვნული ფედერაციის ორგანიზებითა და ბორჯომის მუნიციპალიტეტის მერიის მხარდაჭერით ჩატარდა.

შევხდი ფილიპ ფინკს „გერმანიის სოციალ-დემოკრატიული პარტიიდან“, რათა განმეხილა ქართველი ხალხის ბრძოლა დემოკრატიული და ევროპული მომავლისთვის, – ამის შესახებ პარტია „გახარია საქართველოსთვის“ ლიდერმა, გიორგი გახარიამ სოციალურ ქსელში დაწერა.როგორც გახარია აღნიშნავს, შეხვედრაზე ყურადღება გამახვილდა „გერმანიის სოციალ-დემოკრატიულ პარტიასთან“ პარტიის „საქართველოსთვის“ თანამშრომლობის გაძლიერებაზე.„შევხდი ფილიპ ფინკს „გერმანიის სოციალ-დემოკრატიული პარტიიდან“, რათა განმეხილა საქართველოსადმი ევროპის სოციალ-დემოკრატიული სოლიდარობის გაღრმავება და ქართველი ხალხის ბრძოლა თავისი დემოკრატიული და ევროპული მომავლისთვის. ჩვენ ყურადღება გავამახვილეთ „გერმანიის სოციალ-დემოკრატიულ პარტიასთან“ პარტიის „საქართველოსთვის“ თანამშრომლობის გაძლიერებაზე და „ევროპელი სოციალისტების პარტიაში“ წევრობისკენ გზაზე წინსვლაზე“, – წერს გახარია.

13 ივნისის შემდეგ, ირანის თავდასხმის შედეგად, ისრაელში 28 ადამიანი დაიღუპა, 3 000-ზე მეტი კი დაშავდა.სრაელის სამედიცინო სამსახურის წარმომადგენლების ცნობით, მათ შორის არის დღეს დილით განხორციელებული თავდასხმისას დაღუპული ოთხი ადამიანი.ისრაელის თავდაცვის ძალების ცნობით, ომის დაწყებიდან ირანმა ისრაელის მიმართულებით დაახლოებით 550 ბალისტიკური რაკეტა და დაახლოებით 1 000 დრონი გაუშვა, რომელთა უმეტესობაც ისრაელის თავდაცვის ძალებმა მოიგერიეს. ამასთან, დასახლებულ რაიონებში სულ მცირე 31 ბალისტიკური რაკეტა ჩამოვარდა, მხოლოდ ერთი უპილოტო საფრენი აპარატი მოხვდა საცხოვრებელ კორპუსს.ამასთან, ხელისუფლების ცნობით, 9 000-ზე მეტი ადამიანი იძულებული გახდა, დაეტოვებინა დაზიანებული და დანგრეული სახლები.