გიორგი ჩხიკვაძე მსოფლიო ჩემპიონია

სტატისტიკის ეროვნული სამსახურის მონაცემებით, წელს 6 თვეში ჩინეთიდან ავტომობილების იმპორტი წლიურად 66%-ით გაიზარდა და ისტორიული მაქსიმუმი დაფიქსირდა.ამასთან, აღსანიშნავია, რომ ჩინეთი საქართველოსთვის ავტომობილების იმპორტიორ ქვეყნებს შორის უკვე მესამე ადგილზეა.უფრო კონკრეტულად, საქსტატის მონაცემებით, წელს იანვარ-ივნისში ქვეყანაში 4 185 ერთეული (38.473 მლნ აშშ დოლარი) ჩინური ავტომობილი შემოვიდა, 2025 წლის იგივე პერიოდში კი ეს მაჩვენებელი 2 521 ცალი (21.710 მლნ აშშ დოლარის ღირებულების) იყო.შედარებისთვის, 2024 წელის 6 თვეში საქართველოში ჩინეთიდან 1 393 ერთეული (22.777 მლნ აშშ დოლარის) მანქანა შემოვიდა, 2023 წლის იგივე პერიოდში 852 ავტომობილი (10.729 მლნ აშშ დოლარის), 2022 წლის იანვარ-ივნისში კი 348 (2.632 მლნ აშშ დოლარის) ერთეული.სტატისტიკიდან ჩანს, რომ 2026 წლის 6 თვის მდგომარეობით, ჩინური ავტომობილების ღირებულება ზოგად ჭრილში წლიურად მომატებულია.უფრო კონკრეტულად, 2026 წლის იანვარ-ივნისის იმპორტის მონაცემებით, ერთი ერთეული ჩინური ავტომობილის საშუალო ღირებულება, დაახლოებით 9.2 ათასი აშშ დოლარი იყო, 2025 წლის იგივე საანგარიშო პერიოდში 8.6 ათასი აშშ დოლარი. (შენიშვნა: ფასი დათვლილია საშუალო მაჩვენებლებით, შესაბამისად მარკის, მოდელისა და წლოვანების მიხედვით, ღირებულება შესაძლოა უფრო მეტი ან ნაკლებიც იყოს).რაც შეეხება მთლიანობაში მსუბუქი ავტომობილების იმპორტს, 2026 წლის იანვარ-ივნისში საქართველოში ჯამში, 100 616 ერთეული (1.614 მლრდ აშშ დოლარი შეადგინა) ავტომობილი შემოვიდა, რაც წინა წლის იგივე პერიოდთან შედარებით, 12.3%-ით ნაკლებია. საქსტატის მონაცემების მიხედვით, გასული წლის 6 თვეში მანქანების იმპორტმა 114 778 ერთეული (1.938 მლრდ აშშ დოლარი) შეადგინა.ამასთან, აღსანიშნავია რომ წელს საანგარიშო პერიოდში შემოსული ავტომობილების 4.1% ჩინეთზე მოდის.

ლინდსი გრემს ომი უყვარდა. ხუმრობით ვამბობ, თუმცა ამაში სასაცილო არაფერია, მაგრამ მას არასდროს უნახავს ომი, რომელიც არ მოსწონებია. ის ამ საკითხით ძალიან იყო გატაცებული, – ამის შესახებ აშშ-ის პრეზიდენტმა, დონალდ ტრამპმა გარდაცვლილი სენატორის, ლინდსი გრემის დაკრძალვის ცერემონიაზე განაცხადა.მისივე თქმით, ეს „კარგი მიზეზების“ გამო ხდებოდა.ამასთან, როგორც ტრამპმა აღნიშნა, ბოლო პერიოდში გრემი ირანთან შეთანხმების მომხრე იყო და აღნიშნავდა, რომ შეთანხმების დადებისთვის კარგი დრო იყო.„ლინდსის შემთხვევაში ეს ძალიან საინტერესოა – ირანის საკითხზე ის, როგორც იტყვიან, ყოველთვის ძალიან მკაცრი პოზიციის იყო,  მაგრამ ბოლო რამდენიმე კვირის განმავლობაში პოზიცია შეიცვალა. ფიქრობდა, რომ შეთანხმების მიღწევა თუ შესაძლებელია, ამ შემთხვევაში გარიგების დადება უკეთესია, ვიდრე ქვეყნის დარჩენილი ნაწილის უბრალოდ განადგურება“, – აღნიშნა ტრამპმა.აშშ-ის პრეზიდენტის თქმით, რუსეთ-უკრაინის ომთან დაკავშირებით ლინდსი გრემს უფრო „მებრძოლი“ და ხისტი პოზიცია ჰქონდა და ის მიმდინარე თვის დასაწყისში უკრაინაში იმყოფებოდა.ამასთან, ტრამპმა გრემს უწოდა „დიდი პოლიტიკოსი“, რომელსაც „ადამიანების გაერთიანება შეეძლო“.„ჩვენი ურთიერთობა ცოტა რთულად დაიწყო, მაგრამ შემდეგ ის სულ უფრო და უფრო ახლოვდებოდა. საბოლოოდ, ეს მართლაც შესანიშნავ მეგობრობაში გადაიზარდა“, – აღნიშნა დონალდ ტრამპმა.მისივე თქმით, პირველი საპრეზიდენტო ვადის განმავლობაში გრემი მას ჯარის გაძლიერებაში ეხმარებოდა.

ირანში საჯაროდ სიკვდილით დასაჯეს ორი მამაკაცი, რომლებიც ბრალდებულები იყვნენ წელს მასშტაბურ ანტისამთავრობო დემონსტრაციებში მონაწილეობაში, - ინფორმაციას CNN-ი ადამიანის უფლებათა დამცველებზე დაყრდნობით ავრცელებს.ადამიანის უფლებათა აქტივისტების საინფორმაციო სააგენტოს (HRANA) ცნობით, აბოლფაზლ სეფაჰი ბაჯანი და ამირჰოსეინ საფარი ჰოსეინაბადი სიკვდილით გამთენიისას, ალი ხანის მოედანზე დასაჯეს.ორივე მამაკაცი იმ 14 ადამიანს შორის იყო, რომლებსაც სიკვდილით დასჯა დემონსტრაციებთან დაკავშირებულ საქმეზე მიესაჯათ.ირანის ხელისუფლებამ მომიტინგეებს ბრალი დასდო „უსაფრთხოების ძალების წინააღმდეგ ძალადობაში, ცეცხლსასროლი იარაღისა და ცეცხლგამჩენი მოწყობილობების გამოყენებაში, საზოგადოებრივი ქონების დაზიანებასა და მოკლულთა ცხედრების დაწვაში“.

მსოფლიო ჩემპიონატის შემდეგ Transfermarkt-მა ფეხბურთელების ფასები განაახლა. საქართველოს ნაკრებისა და პსჟ-ს გარემარბის ხვიჩა კვარაცხელიას ღირებულება, რომელსაც მუნდიალზე მონაწილეობა არ მიუღია, ისევ 140 მილიონი ევროა.პირველი ათეული ასე გამოიყურება1-2. ერლინ ჰოლანი (მანჩესტერ სიტი) - 220 მლნ1-2. ლამინ იამალი (ბარსელონა) – 220 მლნ3. კილიან მბაპე (რეალი) – 200 მლნ4. მაიკლ ოლისე (ბაიერნი) – 170 მლნ5. ჯუდ ბელინგემი (რეალი) – 160 მლნ6. პედრი (ბარსელონა) – 150 მლნ7-10. ხვიჩა კვარაცხელია (პსჟ) – 140 მლნ7−10. ვინისიუსი (რეალი) – 140 მლნ7−10. ვიტინია (პსჟ) – 140 მლნ7−10. ჟოაო ნევეში (პსჟ) – 140 მლნ

საქართველოს ტექნიკურ უნივერსიტეტში, ტრადიციულად, სამეცნიერო და აკადემიურმა წრეებმა პირველი ქართული კოსმოსური ობიექტის დღე აღნიშნეს. ამის შესახებ ინფორმაციას სტუ ავრცელებს. უნივერსიტეტის ცნობით, 27 წლის წინ, 1999 წლის 23 ივლისს, დამოუკიდებელი საქართველოს ისტორიაში პირველად, ქართული სამეცნიერო საზოგადოება და საქართველოს მოქალაქეები უმნიშვნელოვანესი საინჟინრო და სამეცნიერო მოვლენის მომსწრენი გახდნენ - ღია კოსმოსში სანაოსნოდ პირველი ქართული კოსმოსური ობიექტი - დიდგაბარიტიანი გასაშლელი რეფლექტორი გაუშვეს. ამით ქართული საინჟინრო მეცნიერების ისტორიაში ახალი ეპოქა დაიწყო.დიდგაბარიტიანი გასაშლელი რეფლექტორის გენერალური კონსტრუქტორი საქართველოს მეცნიერებათა ეროვნული აკადემიის ნამდვილი წევრი, აკადემიკოსი, გენერალ-მაიორი ელგუჯა მეძმარიაშვილია. პროექტი განხორციელდა საქართველოს ტექნიკურ უნივერსიტეტში, სადაც გასაშლელი რეფლექტორის შექმნაზე, ელგუჯა მეძმარიაშვილის უშუალო ხელმძღვანელობით, სტუ-ის მეცნიერთა და ინჟინერთა ჯგუფი მუშაობდა. როგორც უნივერსიტეტში აღნიშნავენ, ეს არ არის მხოლოდ წარსული წარმატება - ეს საყრდენი წერტილია მომავლის საინჟინრო გამოწვევების გადასაჭრელად.დიდგაბარიტიანი გასაშლელი რეფლექტორის გენერალურ კონსტრუქტორს, მასთან ერთად უნივერსიტეტის მეცნიერთა ჯგუფსა და საქართველოს სამეცნიერო საზოგადოებას ღირსშესანიშნავი თარიღი საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ მიულოცა.როგორც რექტორმა აღნიშნა, კოსმოსური ტექნოლოგიები გლობალურად განიხილება, როგორც ერთ-ერთი წამყვანი მიმართულება, რომელიც აერთიანებს ინჟინერიას, მასალათმცოდნეობას, ინოვაციას, ავტომატიკას, კიბერუსაფრთხოებასა და მონაცემთა დამუშავებას. იმ ფაქტმა, რომ საქართველო უკვე 27 წელია, რაც კოსმოსურ ქვეყნებს შორისაა, საფუძველი შექმნა რამდენიმე მნიშვნელოვანი პერსპექტივისთვის, როგორიცაა: ინოვაციური კვლევითი ცენტრების განვითარება, საინჟინრო განათლების ახალი სტანდარტის დანერგვა, საერთაშორისო თანამშრომლობის გაღრმავება, ტექნოლოგიური ინტეგრაცია და სტარტაპ ეკოსისტემის გაძლიერება, რაც საქართველოს ტექნიკური უნივერსიტეტის საგანმანათლებლო და სამეცნიერო მისიის შემადგენელი ნაწილია. დავით გურგენიძის განცხადებით, საქართველოს ტექნიკურმა უნივერსიტეტმა და მისმა მეცნიერთა ჯგუფმა ჯერ კიდევ 27 წლის წინ გააკეთეს ხმამაღალი განცხადება იმის შესახებ, რომ შეეძლოთ სივრცითი ტექნოლოგიების მიმართულებით ახალი კვლევები ჩაეტარებინათ და შესაბამისი ცოდნა მომავალი თაობებისთვის გადაეცათ. მსოფლიო მნიშვნელობის პროექტის განხორციელებამ აჩვენა, რომ ეროვნული განათლება და მეცნიერება ასევე უნდა იყოს ორიენტირებული სისტემურ ინჟინერიაზე, მექატრონიკაზე, კოსმოსურ ტექნოლოგიებზე და რომ გლობალური ინიციატივები, მათ შორის სატელიტური კომუნიკაციები და რადიოასტრონომია, საქართველოსთვის ქმნის შესაძლებლობას, ჩაერთოს საერთაშორისო პროექტებში. რექტორის თქმით, ამ უდიდესმა მიღწევამ აჩვენა, რომ საქართველოში შესაძლებელია განვითარდეს ახალი ტექნოლოგიური ბიზნესი, რომელიც მოიცავს კოსმოსურ სისტემებს, მიკროსატელიტებს და მონაცემთა ანალიტიკას. სტუ-ის ინფორმაციით, საქართველოს ტექნიკურ უნივერსიტეტში დაწყებული მასშტაბური ექსპერიმენტის - „დიდგაბარიტიანი გასაშლელი რეფლექტორის“ ისტორია დღესაც წარმატებით გრძელდება. აკადემიკოსი, გენერალ-მაიორი ელგუჯა მეძმარიაშვილი, ინჟინრებთან და მეცნიერ-მკვლევრებთან ერთად, სტუ-ის ადმინისტრაციის მხარდაჭერით, კოსმოსურ ნაგებობებსა და სამხედრო-საინჟინრო კონსტრუქციებზე მუშაობას წარმატებით აგრძელებს.