გიორგი შერმადინის “უნიკახა“ ევროლიგაში დამარცხდა

საქართველოს ტექნიკური უნივერსიტეტის რექტორი, აკადემიკოსი დავით გურგენიძე მწუხარებას გამოთქვამს ტექნიკის მეცნიერებათა დოქტორის, სერტიფიცირებულ ენერგომენეჯერის (CEM, AEE USA) და ენერგოაუდიტორის (ENSI, ნორვეგია), საქართველოს ენერგეტიკის აკადემიის აკადემიკოსის და ამავე აკადემიის პრემიის ლაურეატის, ამერიკის შეერთებული შტატების ინჟინერ-ენერგეტიკოსთა საერთაშორისო ასოციაციის (AEE) წევრის და ამავე ასოციაციის უმაღლესი ხარისხის წოდების „Legend in Energy” მფლობელის, საქართველოში გაეროს ინდუსტრიული განვითარების ორგანიზაცია UNIDO-ის ეროვნული ექსპერტის - პროფესორ თენგიზ ჯიშკარიანის გარდაცვალების გამო და სამძიმარს უცხადებს ჯიშკარიანების ოჯახსა და ენერგეტიკის ფაკულტეტს.ინფორმაციას საქართველოს ტექნიკური უნივერსიტეტი აქვრცელებს.„ახალგაზრდა თაობების გამორჩეული მასწავლებელი და მენტორი, პროფესორი თენგიზ ჯიშკარიანი შესანიშნავი მკვლევარი და ღირსეული მოქალაქე იყო. მისი მრავალწლიანი საქმიანობა მჭიდროდ იყო დაკავშირებული საქართველოს ტექნიკურ უნივერსიტეტთან და ჩვენს ქვეყნაში ენერგეტიკის დარგის განვითარებასთან. განსაკუთრებულად აღსანიშნავია თენგიზ ჯიშკარიანის წვლილი ენერგოეფექტურობის, ენერგომენეჯმენტისა და თანამედროვე ენერგეტიკული მიდგომების დანერგვაში. როგორც საერთაშორისო დონის ექსპერტი და მრავალი პრესტიჟული ორგანიზაციის წევრი, ის ღირსეულად წარმოადგენდა საქართველოს გლობალურ პროფესიულ სივრცეში, რაც მისი საქმიანობის მნიშვნელობასა და მასშტაბს კიდევ ერთხელ უსვამს ხაზს.შეუძლებელია არ აღინიშნოს პროფესორ თენგიზ ჯიშკარიანის გამორჩეული შემოქმედებითი ნიჭი და ჯაზური მუსიკისადმი მისი დიდი სიყვარული - მრავალი წლის განმავლობაში ის ლეგენდარული საუნივერსიტეტო ორკესტრისა და „გეპეის ჯაზის“ წევრი იყო და შეუდარებელი ოსტატობით ასრულებდა საქსოფონის პარტიებს.ვუსამძიმრებ ბატონი თენგიზ ჯიშკარიანის ოჯახს, ახლობლებს, მეგობრებს, კოლეგებს, საქართველოს ენერგეტიკის აკადემიას და საქართველოს ტექნიკური უნივერსიტეტის ენერგეტიკის ფაკულტეტს“, - აღნიშნულია რექტორის, აკადემიკოს დავით გურგენიძის სამძიმარში.

აშშ ირანის ელექტროსადგურებსა და ენერგოინფრასტრუქტურაზე იერიშებს ხუთი დღით აჩერებს.ამის შესახებ დონალდ ტრამპი სოციალურ ქსელში წერს.„მოხარული ვარ, გაცნობოთ, რომ ბოლო ორი დღის განმავლობაში ამერიკის შეერთებულ შტატებსა და ირანს შორის გაიმართა ძალიან კარგი და პროდუქტიული მოლაპარაკებები, რომლებიც მიმართულია ახლო აღმოსავლეთში არსებული კონფლიქტის სრული და საბოლოო მოგვარებისკენ. ამ ღრმა, დეტალურ და კონსტრუქციული დიალოგის ტონისა და შინაარსის საფუძველზე, რომელიც მთელი კვირის განმავლობაში გაგრძელდება, მე დავავალე ომის დეპარტამენტს, რომ ხუთი დღის ვადით გადადოს ნებისმიერი სამხედრო იერიში ირანის ელექტროსადგურებსა და ენერგეტიკულ ინფრასტრუქტურაზე. ეს გადაწყვეტილება დამოკიდებულია მიმდინარე მოლაპარაკებების წარმატებაზე“, – აღნიშნავს ტრამპი.

სომხეთის საგარეო საქმეთა მინისტრი არარატ მირზოიანი მიიჩნევს, რომ სომხეთ-თურქეთის დიალოგმა მიაღწია საკმარის სიმწიფეს, რაც საჭიროა ორ ქვეყანას შორის დიპლომატიური ურთიერთობების დამყარებისა და საზღვრის სრულად გახსნისთვის.როგორც „არმენპრესი“ იუწყება, სომხეთის საგარეო საქმეთა მინისტრმა ამის შესახებ განაცხადა ეროვნული ასამბლეის საგარეო ურთიერთობათა მუდმივი კომიტეტის სხდომაზე გამოსვლისას.„თურქეთ-სომხეთის დიალოგმა მიაღწია იმ სტადიას, რომ მიმდინარე პროცესების პარალელურად შესაძლებელია საბოლოო შედეგის მიღწევაც. კერძოდ, ორ ქვეყანას შორის დიპლომატიური ურთიერთობების დამყარება და საზღვრის სრული გახსნა. აქ არ არსებობს არანაირი უთანხმოება და ჩვენ ამის შესახებ ვაცნობებთ ჩვენს თურქ პარტნიორებს“, – განაცხადა მირზოიანმა.

პირველ რიგში, ქართველი ერის მხრიდან ვიხილეთ დიდი სიყვარულის გამოხატვა. ამ დღეებმა აჩვენა, რომ ქართველი არის ქრისტიანი, ქართველი ერი კი არის ერი და არა უბრალოდ სოციუმის ნაკრები. ეს არის ის, რაც ქვეყნის შიგნით და მის გარეთ ყველამ დაინახა, – ამის შესახებ პარლამენტის თვითმმართველობის კომიტეტის თავმჯდომარემ ირაკლი ქადაგიშვილმა საქართველოს პირველ არხს განუცხადა.ქადაგიშვილის თქმით, როცა საუბარია საქართველოზე, ამ ქვეყნის შეფასებასა და ურთიერთობაზე, ყველამ უნდა გაითვალისწინოს, რომ ეს არის ერი თავისი უდიდესი ტრადიციით, რომელიც დამყარებულია ქრისტიანობაზე, აწმყოსა და მომავალზე.„რეალური, ჭეშმარიტი პროგრესი სწორედ ქრისტიანობაშია. პოლიტიკურ ბრძოლას, სხვადასხვა აზრს და კონკურენციას არაფერი გააუქმებს, მაგრამ ამ დღეებმა გვანახა ის ძირითადი ჩარჩო, სადაც უნდა მიმდინარეობდეს საქართველოს აწმყოსა და მომავალზე ფიქრი. ანუ, ჩანდა, რა უნდა ქართველ ერს. ვიღაცას ჰგონია, რომ საქართველოს ევროპა უნდა და თან ყველაფრის ფასად – საქართველოს ევროპა უნდა იმის ფასად, რა ფასეულობაზეც ევროპა შეიქმნა. საქართველოს ცივილიზაცია უნდა სწორედ იმ ფასად, რა ცივილიზაციური აზრიც იესო ქრისტემ კაცობრიობაში შემოიტანა. ეს ყველამ კარგად უნდა გაითვალისწინოს და დაინახოს. ქართველმა ხალხმა, პირველ რიგში, თქვა, რომ ჩვენ ვართ ქართველები და ამ ქართველობით გვინდა აწმყოც და ჩვენი მომავალიც. ვინმეს თუ ჰგონია, რომ ჰუმანიზმი წარმოიშვა არაქრისტიანობის ნიადაგზე, ძალიან ცდება. ეს ფასეულობები როგორც ქართველშია კოდიფიცირებული, ასეა ევროპელი ხალხებისთვისაც. ეს ფასეულობა საბოლოო ჯამში თავის სიტყვას იტყვის. ასეთი გამორჩეული, ბუმბერაზი ადამიანი როცა მიდის, ყოველთვის რჩება გარკვეული სიცარიელე და კითხვა, მის გარეშე როგორი იქნება ხვალინდელი დღე. ქრისტიანობა კერპთაყვანისმცემლობა არ არის, პატრიარქი ყოველთვის ამას ამბობდა. ამბობდა, რომ რასაც აკეთებდა, უფლის ძალით აკეთებდა. ამიტომ, სასოწარკვეთა ცუდი რამეა. ჩვენ მისი მემკვიდრეობა კარგად უნდა დავინახოთ და ერმა პასუხისმგებლობით გავაგრძელოთ ცხოვრება. დიდია პასუხისმგებლობა ეკლესიის და თითოეული იმ ადამიანის მიმართ, ვინც ეს ყველაფერი განიცადა და გულთან მიიტანა. უფლის ეკლესიაა და სამყაროც უფლისაა. იმედით უნდა ვუყუროთ ხვალინდელ დღეს“, – აღნიშნა ირაკლი ქადაგიშვილმა.

კრემლი აშშ-ს აფრთხილებს, რომ ირანში, რუსეთის მიერ აშენებულ ატომურ ელექტროსადგურზე დარტყმამ, შესაძლოა, „გამოუსწორებელი“ შედეგები გამოიწვიოს.კრემლის პრესსპიკერმა, დიმიტრი პესკოვმა აშშ-ის პრეზიდენტის, დონალდ ტრამპის განცხადებასთან დაკავშირებით დასმულ კითხვაზე პასუხად განაცხადა, რომ რეგიონში „კატასტროფულად დაძაბული“ ვითარების მოგვარება მხოლოდ პოლიტიკური და დიპლომატიური გზით არის შესაძლებელი.მისივე თქმით, ბირთვულ ობიექტებზე ნებისმიერ დარტყმას უკიდურესად საშიში და, შესაძლოა, გამოუსწორებელი შედეგები მოჰყვება.პესკოვის განცხადებით, რუსეთმა აშშ-ს „შესაბამისი სიგნალი გადასცა“.ცნობისთვის, აშშ-ის პრეზიდენტმა დონალდ ტრამპმა განაცხადა, რომ ირანს ჰორმუზის სრუტის გასახსნელად 48-საათიან ვადას აძლევს.„ირანი „ჰორმუზის სრუტეს“ 48 საათის განმავლობაში თუ არ გახსნის, აშშ დაარტყამს და გაანადგურებს მათ სხვადასხვა ელექტროსადგურს, დაწყებული ყველაზე დიდით“, – განაცხადა დონალდ ტრამპმა.