გიორგი კვირიკაშვილი დაღუპული ბავშვის ოჯახს უსამძიმრებს

მსოფლიო ძიუდოს ერთ-ერთი ყველაზე გავლენიანი მწვრთნელი ახალი გამოწვევისთვის ემზადება. საქართველოს ეროვნული ნაკრების ოქროს ხანისა და თაობის არქიტექტორი - ლაშა გუჯეჯიანი, ტაშკენტში ჩავიდა, სადაც უზბეკეთის ძიუდოს ფედერაციაში დაიწყებს მუშაობას და ეროვნულ ნაკრებს ჩაიბარებს. მიუხედავად იმისა, რომ ოფიციალური კონტრაქტი ჯერ არ გაფორმებულა, მისი დანიშვნა მხოლოდ დროის საკითხია.გუჯეჯიანმა საქართველოს ვაჟთა ნაკრებიდან წასვლის შესახებ გასულ კვირას, სოციალური ქსელის მეშვეობით განაცხადა და წერტილი დასვა ეპოქას, რომლის დროსაც საქართველო მსოფლიო ძიუდოს ერთ-ერთ მთავარ ჰეგემონად იქცა. 40 წლის სპეციალისტმა აღნიშნა, რომ ეს გადაწყვეტილება რთული, თუმცა აუცილებელი იყო.მისი ხელმძღვანელობით საქართველოს ნაკრებმა უპრეცედენტო წარმატებებს მიაღწია. ტოკიოს ოლიმპიადაზე ლაშა ბექაურმა ოქრო მოიპოვა, ხოლო ვაჟა მარგველაშვილმა, ლაშა შავდათუაშვილმა და გურამ თუშიშვილმა - ვერცხლის მედლები. ოთხი წლის შემდეგ, პარიზში, ბექაურმა ტიტული დაიცვა, ტატო გრიგალაშვილმა და ილია სულამანიძემ კი აქტივს კიდევ ორი ვერცხლი შემატეს. მსოფლიოსა და ევროპის მრავალრიცხოვან ტიტულებთან ერთად, გუჯეჯიანმა შექმნა თანამედროვეობის ერთ-ერთი უძლიერესი გუნდი.უზბეკეთი, რომელიც ბოლო წლებში ძიუდოს ინფრასტრუქტურასა და ელიტურ პროგრამებში უდიდეს ინვესტიციებს დებს, გუჯეჯიანისთვის იდეალური პლატფორმაა. მათ შთამბეჭდავი გამოცდილება აქვთ უცხოელ სპეციალისტებთან თანამშრომლობის - მანამდე ნაკრებს ილიას ილიადისი (ჯარჯი ზვიადაური) ავარჯიშებდა, რომელმაც უზბეკურ ძიუდოს მძლავრი საძირკველი ჩაუყარა, მოგვიანებით კი მარკო სპიტკამ მნიშვნელოვანი როლი ითამაშა დიორა კელდიოროვას ოლიმპიურ ტრიუმფში.სანამ გუჯეჯიანი ტაშკენტში ახალ ოლიმპიურ ციკლს დაიწყებს, საქართველოს ძიუდოს ფედერაციას ურთულესი ამოცანა აქვს - იპოვოს შემცვლელი მწვრთნელისთვის, რომელმაც ქვეყნის ისტორიაში ყველაზე წარმატებული ეპოქა შექმნა.

28 ივლისს პოლონეთის საკონსტიტუციო ტრიბუნალმა არაკონსტიტუციურად ცნო ციფრული საკითხების მინისტრის ბრძანებაში შეტანილი ცვლილებები, რომლებიც საზღვარგარეთ რეგისტრირებული ერთნაირსქესიანი ქორწინებების შესახებ ჩანაწერების პოლონეთის სამოქალაქო რეესტრში შეტანის ნებართვას იძლეოდა.ამის შესახებ პოლონური ტელემაუწყებელი Polsat News-ი იტყობინება.მინისტრის ბრძანებაში შეტანილი ცვლილებები სამოქალაქო მდგომარეობის აქტების დოკუმენტების ფორმებს შეეხებოდა. ისინი საზღვარგარეთ რეგისტრირებული ერთნაირსქესიანი ქორწინებების მოწმობებიდან ამონაწერების პოლონეთის სამოქალაქო რეესტრში რეგისტრაციის საშუალებას იძლეოდა.გადაწყვეტილება ერთხმად მიიღო 3 მოსამართლესგან შემდგარმა კოლეგიამ, რომელსაც საკონსტიტუციო ტრიბუნალის პრეზიდენტი, ბოგდან შვენჩკოვსკი თავმჯდომარეობდა.საკითხებთან ერთად, დოკუმენტმა სარეგისტრაციო ფორმებში არსებული ველები — „ქალის მონაცემები“ და „მამაკაცის მონაცემები“ – გენდერულად ნეიტრალური ველით – „მამაკაცის/ქალის მონაცემები“, შეცვალა. ახალი ფორმები ვრცელდებოდა როგორც ქორწინების რეესტრის სრულ და მოკლე ამონაწერებზე, ასევე ცნობებზე, რომელიც ადასტურებს, არის თუ არა პირის მონაცემები შეტანილი სამოქალაქო მდგომარეობის აქტების რეესტრში.ივნისის დასაწყისში, ოპოზიციური პარტია „კანონი და სამართლიანობის “ (PiS), დეპუტატთა ჯგუფმა, პარლამენტარ მარჩინ ვარხოლის წარმომადგენლობით, ეს რეგულაცია საკონსტიტუციო ტრიბუნალში გასაჩივრა. ისინი ამტკიცებდნენ, რომ დოკუმენტი ეჭვქვეშ აყენებდა ქორწინების, როგორც ქალისა და კაცის კავშირის, კონსტიტუციურ განმარტებას.რეგულაციის თანახმად, ცვლილებები ძალაში 2026 წლის 23 აგვისტოს, ოფიციალური გამოქვეყნებიდან სამი თვის შემდეგ უნდა შესულიყო. თუმცა, Polsat News-ის ცნობით, სამოქალაქო რეესტრის ბევრმა სამსახურმა ახალი წესების გამოყენება უკვე დაიწყო. 

თბილისის მერიის ტრანსპორტისა და ურბანული განვითარების სააგენტოს განცხადებას ავრცელებს.„საბურთალოს რაიონში, სავაჭრო ცენტრ „სითი მოლის“  მიმდებარედ არსებული ქაოსური საგზაო მოძრაობიდან გამომდინარე, გადაადგილების ახალი სქემა შემუშავდა.აღნიშნულ რთულ კვანძზე შეფერხებით მოძრაობდა, როგორც კერძო ავტომობილები, ისე საზოგადოებრივი ტრანსპორტი. განსაკუთრებულად გართულებული იყო მოძრაობა 18-მეტრიანი ავტობუსებისთვის, რომელთაც ავტომანქანების საცობში ურთულდებოდათ მანევრირება, შეფერხება კი მგზავრებში დიდ უკმაყოფილებას იწვევდა.ცვლილებები დაიგეგმა იმისთვის, რომ ნაკადები გადაეწყოს, განიმუხტოს ქაოსური მოძრაობა და გაიზარდოს საგზაო უსაფრთხოება, რათა მძღოლებმა გადაადგილებისას ერთმანეთს ხელი არ შეუშალონ და გადანაწილდნენ სხვადასხვა მიმართულებით.მუნიციპალური ტრანსპორტის შეუფერხებლად გადაადგილების მიზნით, თავხელიძის ქუჩიდან ვაჟა-ფშაველას გამზირზე ავტობუსის ზოლი დაემატება, თუმცა არ შეიცვლება სამანქანო ზოლების რაოდენობა არცერთი მიმართულებით. ასევე, ქავთარაძის ქუჩაზე გამტარუნარიანობის გაზრდის მიზნით, დაემატება ერთი სამანქანო ზოლი, ყაზბეგის გამზირზე კი საგზაო მოძრაობა უცვლელი რჩება.აქვე აღვნიშნავთ, რომ სატრანსპორტო კვანძის სირთულიდან გამომდინარე, საგზაო მონიშვნების დახაზვით პროცესი არ სრულდება. გადაადგილების ახალი სქემის მონიტორინგი ინტენსიურ რეჟიმში გაგრძელდება“, - წერია განცხადებაში.

საქართველოსა და რეკონსტრუქციისა და განვითარების საერთაშორისო ბანკს (IBRD) შორის ხელი მოეწერა შეთანხმებას, რომელიც ითვალისწინებს 35 მლნ. აშშ დოლარის მოცულობის ფინანსური რესურსის გამოყოფას „საქართველოში საბანკო რეზოლუციისთვის მზადყოფნის პროექტისთვის“. დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და მსოფლიო ბანკის რეგიონულმა დირექტორმა სამხრეთ კავკასიაში, როლანდ პრაისმა. ინფორმაციას ფინანსთა სამინისტრო ავრცელებს.უწყების ცნობით, ხელმოწერის ცერემონიას დაესწრნენ ეროვნული ბანკის პრეზიდენტი ნათია თურნავა, ფინანსთა მინისტრის მოადგილე ეკატერინე გუნცაძე, სებ-ის პირველი ვიცე-პრეზიდენტი ეკატერინე მიქაბაძე, ფინანსთა სამინისტროს, ეროვნული ბანკისა და მსოფლიო ბანკის წარმომადგენლები.მსოფლიო ბანკის მიერ დამტკიცებული პროექტი სარეზოლუციო ფონდისთვის ქმნის 35 მილიონი აშშ დოლარის ოდენობის წინასწარ შეთანხმებულ საკრედიტო ხაზს.მსოფლიო ბანკის ჩართულობით პროექტის ფარგლებში განხორციელებული სამუშაო და სამომავლოდ დაგეგმილი ღონისძიებები ხელს შეუწყობს სებ-ის რეზოლუციის ჩარჩოს შემდგომ სრულყოფას, ეფექტიანობის ზრდასა და საუკეთესო საერთაშორისო პრაქტიკასთან დაახლოებას.ამასთან, საკრედიტო ხაზი სარეზოლუციო ფონდისთვის დამატებითი ფინანსური დაცვის მექანიზმია მისი სამიზნე ნიშნულამდე შევსების პერიოდში და ხელს შეუწყობს სარეზოლუციო პროცესის დროულად და ეფექტიანად განხორციელებას.

საპარლამენტო პოლიტიკური ჯგუფის "ხალხის ძალა" თავმჯდომარის მოადგილე, გურამ მაჭარაშვილი მიხეილ სააკაშვილის AI გეგმებს ეხმაურება და აღნიშნულს არასერიოზულად აღიქვამს."ნაცმოძრაობის" მხარდამჭერები ალბათ ჩანაწერებს აკეთებენ იმისთვის, თუ როგორ ქმნის საკუთარ ასლს სააკაშვილი, რათა მომავალმა თაობებმა არ დაკარგონ სააკაშვილის გადაწყვეტილება გაფრენა-აფრენის თაობაზე. ის მართალია საპყრობილეშია, მაგრამ ამბობს, რომ ამავდროულად გარეთ არის. შიგნითაც არის, გარეთაც არის. მოუნდება იტყვის, რომ დაპატიმრებული ვარ, მოუნდება იტყვის არჩეული ვარ პრეზიდენტად, ან პოლიტსაბჭოს თავმჯდომარედ. საკუთარი ასლის შექმნა უნდა, მაგრამ საკუთარ ასლზეც კი იეჭვიანა და თქვა, რომ ჩემზე უკეთესი იქნება, მაგრამ მე ვიქნებიო. აი, როგორ პიროვნებაზე გვეუბნება ევრობიუროკრატია, რომ თურმე საზოგადოებამ ხმა უნდა მისცეს," - აღნიშნა გურამ მაჭარაშვილმა.ყოფილი პრეზიდენტის ციფრული ილუზია და ალტერნატიული რეალობა - "ჩემზე კარგად გამოიყურება, მაგრამ მე ვარ" - მიხეილ სააკაშვილი მის ავატარს ხელოვნურ ინტელექტს აკეთებინებს. საკუთარი ციფრული ანალოგის შექმნა პატიმარმა პრეზიდენტმა სასამართლო პროცესზე დააანონსა. თავი ნელსონ მანდელასთანაც გააიგივა და თქვა, რომ მის მსგავსად საპატიმროდან პირდაპირ ხელისუფლებაში მოვა. ექსპრეზიდენტის მორიგი უტოპიური განცხადებები, მმართველ გუნდს აფიქრებინებს, რომ პალატიდან საკანში დაბრუნებული მიხეილ სააკაშვილის მდგომარეობა დამძიმდა. სწორედ ამიტომ საპარლამენტო უმრავლესობის წარმომადგენლები პენიტენციურ დაწესებულებას სააკაშვილის ხელახლა გამოკვლევისკენ მოუწოდებენ.