გიორგი კახიანი – ქართველმა ხალხმა საქართველოს პარლამენტს ლეგიტიმაცია მიანიჭა, ოპოზიციის გადასაწყვეტია, შემოვლენ თუ არა, არც მათი შემოსვლით და არც არშემოსვლით არაფერი გაფუჭდება

აშშ-ს, ირანთან დაძაბულობის ზრდის ფონზე, ახლო აღმოსავლეთში მეორე ავიამზიდი გადაჰყავს, – ინფორმაციას „როიტერი“ ამერიკელ მაღალჩინოსანზე დაყრდნობით ავრცელებს.წყაროს ინფორმაციით, პენტაგონს შეერთებული შტატების უახლესი და მსოფლიოში უდიდესი ავიამზიდი „ჯერალდ რ. ფორდი“ კარიბის ზღვის აუზიდან ახლო აღმოსავლეთში გადაჰყავს.ამასთან, ჟურნალისტის კითხვაზე, თუ რატომ მიემართება მეორე ავიამზიდი ახლო აღმოსავლეთისკენ, აშშ-ის პრეზიდენტმა, დონალდ ტრამპმა განაცხადა, რომ ის იმ შემთხვევაში იქნება საჭირო, თუ ირანთან შეთანხმების მიღწევა ვერ მოხერხდება.„იმ შემთხვევაში, თუ შეთანხმებას ვერ მივაღწევთ, ის დაგვჭირდება… თუ დაგვჭირდება, მზად გვექნება“, – განაცხადა მან.„როიტერის“ ცნობით, „ჯერალდ რ. ფორდს“, რომლის ბორტზეც ბირთვული რეაქტორია განთავსებული, 75-ზე მეტი სამხედრო თვითმფრინავის განთავსება შეუძლია, მათ შორის ისეთი გამანადგურებლების, როგორიცაა F-18 Super Hornet-ის გამანადგურებლები და E-2 Hawkeye, რომლებიც ადრეული გაფრთხილების სისტემით არიან აღჭურვილები.ცნობისთვის, ამერიკული ავიამზიდი „აბრაამ ლინკოლნი” სპარსეთის ყურეში იანვრის ბოლოდან იმყოფება.

14 თებერვალს, საქართველოში მოსალოდნელია დროგამოშვებით ღრუბლიანი ამინდი, წვიმიანი ამინდია მოსალოდნელი დედაქალაქში და მის შემოგარენში.ყველაზე მაღალი მაჩვენებელი +20 გრადუსი ოზურგეთში დაფიქსირდება, ხოლო ყველაზე დაბალი ტემპერატურა 0 გრადუსი გუდაურში იქნება.რაც შეეხება ამინდს ქალაქების მიხედვით, პროგნოზი ასეთია:სოხუმი +16 გრადუსი,ზუგდიდი +17 გრადუსი,მესტია +7 გრადუსი,ფოთი +19 გრადუსი,ბათუმი +18 გრადუსი,ოზურგეთი +20 გრადუსი,ქუთაისი +17 გრადუსი,ბორჯომი +5 გრადუსი,ბაკურიანი +5 გრადუსი,ცხინვალი +11 გრადუსი,გორი +12 გრადუსი,გუდაური 0  გრადუსი,თელავი +12 გრადუსი,რუსთავი +14 გრადუსი,თბილისი +12 გრადუსი.

სომხეთი ირანთან სტრატეგიული თანამშრომლობის შესახებ შეთანხმებაზე მოლაპარაკებებს აწარმოებს, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.„შეთანხმებას მოლაპარაკებების წარმატებით დასრულებისთავნავე მოეწერება ხელი. კონკრეტული ვადები არ არსებობს, გაზაფხული თუ შემოდგომა“, – აღნიშნა ფაშინიანმა.მანამდე სომხეთში ირანის ისლამური რესპუბლიკის საგანგებო და სრულუფლებიანმა ელჩმა, ხალილ შირგოლამიმ განაცხადა, რომ წელს, თეირანში სომხეთის პრემიერ-მინისტრ ნიკოლ ფაშინიანის ვიზიტის დროს ირანსა და სომხეთს შორის სტრატეგიული თანამშრომლობის შესახებ ყოვლისმომცველი დოკუმენტის ხელმოწერა იგეგმება.

პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, თბილისში ოჯახში ძალადობისა და ოჯახის წევრის მიმართ ჩადენილი გარყვნილი ქმედების ბრალდებით, იორდანიის მოქალაქე, 1980 წელს დაბადებული ს.ა. დააკავეს.საქმეზე ჩატარებული საგამოძიებო მოქმედებებით დადგინდა, რომ ბრალდებული წინასწარი შეცნობით, სისტემატურად ახორციელებდა გარყვნილ ქმედებას საკუთარი არასრულწლოვანი ქალიშვილების მიმართ. გარდა ამისა, დგინდება, რომ დანაშაულში ბრალდებული პირი შვილებზე ფიზიკურადაც ძალადობდა. იმ შემთხვევაში თუ აღნიშნულის შესახებ არასრულწლოვნები მოუყვებოდნენ სხვა პირებს, ბრალდებული სამივე შვილს სიცოცხლის მოსპობით ემუქრებოდა.

რეალურად, საკმაოდ მყარად დგას ოპოზიცია - მე არ მაქვს იმის ამბიცია, რომ შევქმნა პოლიტიკური პარტია, ხვალ ვიყო ვინმეს კონკურენტი და ეს ყველამ უნდა გაიგოს. ამიტომ შეიძლება უფრო მისაღები ვიყო ყველასთვის, როგორც შუამავალი, კოორდინატორი და გარეთ საზოგადოების ხმის გამტანი, რომელიც პოლიტიკურ პარტიულ ლიდერს უფრო გაუჭირდება იმიტომ, რომ ის წარმოადგენს თავის პარტიულ ხედვას, - ამის შესახებ საქართველოს მეხუთე პრეზიდენტმა სალომე ზურაბიშვილმა „რადიო პალიტრის“ ეთერში განაცხადა.მან ისაუბრა ოპოზიციის ერთიანობის მნიშვნელობაზე და აღნიშნა, რომ მნიშვნელოვანია პოლიტიკური ალტერნატივის შექმნა.„მთავარი არის შეიქმნას პოლიტიკური ალტერნატივა, რომ დაინახოს საზოგადოებამ და დაინახონ პარტნიორებმა, რა მოხდება და ვინ იქნება პასუხისმგებელი სტაბილურობაზე, როცა ეს რეჟიმი ჩამოიშლება ან წავა არჩევნებზე, იმიტომ, რომ გათვლის, „შეიძლება მოვიგო ეს არჩევნები“. ვინც კითხულობს, რა გეგმაა - გეგმა რომ ააწყო, უნდა იცოდე შემდეგი ეტაპი, რომელსაც უნდა უპასუხო და ჩვენ არ ვიცით, რომელი იქნება შემდეგი ეტაპი. ჩანს, რომ ეს რეჟიმი ძალიან მყარად არ არის და გადასულია ისტერიულ ქმედებებში, ყოველდღიურად ხან ახალი კანონები, ხან სამ-სამ საათიანი მონოლოგები ტელევიზიაში და ა.შ. მყარ და სტაბილური რეჟიმის განცდას არ გვაძლევს, მათი შიდა დაპირისპირებები „ფული მომიტანე“- რეალურად მთლიანად ფულზე გადასული რეჟიმი...მთავარი დაბრკოლება არის ის, რომ ვერც საზოგადოება და ვერც ჩვენი პარტნიორები ვერ ხედავენ, რომ არის რაღაც ბირთვი, რომელიც კომპეტენტურადაც და პოლიტიკურადაც მზად არის აიღოს პასუხისმგებლობა ამ გარდამავალ, ძალიან რთულ პერიოდზე. ამ ბირთვის ჩამოყალიბებას ხელს უშლის რეჟიმი“, - განაცხადა ზურაბიშვილმა.მან უპასუხა კითხვას: მონაწილეობს თუ არა იმ მოლაპარაკებებში, რომელიც ოპოზიციური ერთობის შექმნას ეხება.„ჯერ ერთი, მე წამოვიწყე ეს მოლაპარაკებები თავის დროზე, არაერთხელ. მე ვარ ინიციატორი იმ ქარტიის, რომელიც ჯერ კიდევ რჩება და მე მგონი, სხვა ალტერნატივა არ გააჩნია, გამაერთიანებელი ვინც მართლა ოპოზიციურად თვლის თავს იმის შესახებ, თუ რა უნდა იყოს ის გარდამავალი პერიოდი და ეს არის მნიშვნელოვანი. ამის იქეთ, ცხადია, რომ პარტიებს ექნებათ თავიანთი ხედვა, რა უნდა იყოს განათლების ნამდვილი რეფორმა, რა უნდა იყოს ეკონომიკის აღზევების ერთ-ერთი ფორმა, ეს არის პარტიული სხვადასხვაობა, რომელიც უნდა შეიქმნას ამ ქვეყანაში და რომელზეც იმედი მაქვს, რომ მოვისმენთ ნამდვილ დებატებს, ეს არის ჩემი ნამდვილი ოცნება, მრავალპარტიული, ნამდვილი დებატები და არა ერთმანეთზე ჭორაობა, მანამდე გვჭირდება წინააღმდეგობის ფრონტი. ამაზე მიდის მოლაპარაკებები ხან ჩემთან, ხან ერთმანეთში და ხან კიდევ სხვა ფორმატში“, - განაცხადა ზურაბიშვილმა და აღნიშნა, რომ „რეალურად, საკმაოდ მყარად დგას ოპოზიცია“.მისი თქმით, ის პოლიტიკური პარტიის შექმნას არ აპირებს.„მე პოლიტიკურ პარტიას ვერ შევქმნი, ჩემთვის ეს დრო დასრულებულია. მე პოლიტიკურ პარტიას დღეს ვეღარ შევქმნი. ჩემი როლი არის სხვა, რომ ვიყო სახელმწიფოს ერთგვარი ინსტიტუციურ წარმომადგენელი იმ ერთიანობისა, რომელიც უნდა გადარჩეს. სწორედ იმიტომ, რომ მე არ მაქვს იმის ამბიცია, რომ შევქმნა პოლიტიკური პარტია, რომ ხვალ ვიყო ვინმეს კონკურენტი და ეს ყველამ უნდა გაიგოს, ამიტომ შეიძლება უფრო მისაღები ვიყო ყველასთვის, როგორც შუამავალი, კოორდინატორი და გარეთ საზოგადოების ხმის გამტანი, რომელიც პოლიტიკურ პარტიულ ლიდერს უფრო გაუჭირდება იმიტომ, რომ ის წარმოადგენს თავის პარტიულ ხედვას“, - განაცხადა სალომე ზურაბიშვილმა.რაც შეეხება სხვა საკითხებს, სალომე ზურაბიშვილმა ისაუბრა დებატებზეც.„პარლამენტის დებატები ხომ ვხედავთ, როგორ ვითარდება, სპორტსმენებსა და უვიცებს შორის, არანაირი არსებითი დებატი არ არსებობს. კომენტარს არ გავაკეთებ, რა ტიპის ოპოზიციაა . მე ვამბობ, რომ არ არსებობს რეალური შინაარსობრივი დებატი კომიტეტებში, ეს მორჩა, დიდი ხანია არ ყოფილა და ალბათ, არასდროს აღარ იქნება ერთპარტიულ პარლამენტში. რაც არ უნდა სხვადასხვა დასახელებები იყოს, ერთპარტიული პარლამენტი გვაქვს დღეს და პრემიერის ასეთ გადმოგდებულ შემოთავაზებაზე რომ „აბა, მოდით, დებატები“ იმიტომ, რომ რაღაც ფორმით სჭირდებათ ამ იზოლაციიდან და ერთპარტიულობიდან სურათის შემსუბუქება, არ ვიცი, მხარდამჭერებისთვის, ვინც დარჩათ, არ ვიცი, მსოფლიოსთვის, სადაც როგორც ჩანს, უნდათ ხელის ჩამორთმევა, რაღაც აღიარება. რა მიზანს ემსახურება (დებატები) ზუსტად ძნელი სათქმელია, მაგრამ ეს არის მათი მიზნის მისაღწევად. არ არსებობს იმის ვარიანტი, რომ ერთ საათიან დებატში, პრემიერთან, რომელიც არ წარმოადგენს სფეროს ექსპერტს, რამეს მიაღწიო. სხვა იქნებოდა, რაც საზოგადოების მოთხოვნაა, რომ გაეხსნათ საზოგადოებრივი მაუწყებელი, რომელმაც როგორც ვიცი, ევროპული მაუწყებლის ორგანიზაციიდან მიიღო რაღაც შენიშვნები. იმათ გაეხსნათ თავისუფალი სივრცე თემატურად- საზოგადოება, ექსპერტები, არაექსპერტები, მშობლები, სტუდენტები, ყველას განეხილა ეს და საზოგადოებრივი აზრი ყოფილიყო ჩამოყალიბებული. ეს შეიძლება ყოფილიყო რეალური დისკუსიის ერთგვარი ნაბიჯი. დანარჩენი ყველაფერი არის ფიგურული სრიალი,“ - განაცხადა ზურაბიშვილმა.მისი თქმით, ის, რომ დებატებში ოპოზიციის ნაწილი მონაწილეობს და ნაწილი არ მონაწილეობს, ამის ერთ-ერთი მიზანი ოპოზიციის დაყოფაა.„ეს ძალიან კარგად იციან. ქვეყნის მართვა ნამდვილად არ იციან და არც არაფერში ჩანს, მაგრამ დაყოფა „იმისთვის, რომ იბატონო“, ეს კარგად იციან. ეს არის ძველი ტექნოლოგია, რომელსაც, რაღაც მომენტში, ყველა რეჟიმი იყენებს“, - განაცხადა ზურაბიშვილმა.