გიორგი კახიანი პრემიერისთვის ბაიდენის მიერ მიწვევის გაუქმებაზე: მოწვევა გაკეთდა იმისათვის, რომ შემდეგ გაუქმებულიყო და ეს სალაპარაკო თემა გამხდარიყო ოპოზიციისთვის

საქართველოს პრეზიდენტმა, მიხეილ ყაველაშვილმა ზამთრის ოლიმპიური თამაშების გახსნისადმი მიძღვნილ ღონისძიებაზე აშშ-ის ვიცე-პრეზიდენტ ჯეი დი ვენსსა და აშშ-ის სახელმწიფო მდივან მარკო რუბიოსთან შეხვედრის შესახებ ისაუბრა.ყაველაშვილის თქმით, მათთან ძალიან თბილი, გულწრფელი კომუნიკაცია შედგა, რომელიც მოიცავდა საქმიან საუბარსაც.„პირველ დღეს იყო საერთაშორისო ოლიმპიური კომიტეტის საზეიმო ვახშამი, სადაც ქვეყნის ლიდერებთან ერთად იყვნენ ოლიმპიური კომიტეტის პრეზიდენტები წარმოდგენილი. საკმაოდ დიდი მასშტაბის ღონისძიება იყო, სადაც გვქონდა შესაძლებლობა ერთმანეთთან გასაუბრების. ამ ფორმატში სასიამოვნო იყო, რომ მომესალმა მარკო რუბიო, ჯეი დი ვენსი, პატარა, თბილი, გულწრფელი და პოზიტიური საუბარი შედგა. ძალიან თბილად მოიხსენია ჩვენი ქვეყანა ამერიკის ვიცე-პრეზიდენტმა. გაკვირვებული ვიყავი, თუ რამდენად ჰქონდა ინფორმაცია, რომ ვართ ქრისტიანული ქვეყანა, ტრადიციების მიმდევარი, პატრიარქიც კი ახსენა.  შემდეგ ამას მოაყოლა, რომ ლოცვის დღე, 17 მაისი დააფუძნეს სულ ახლახან. რომ ვუთხარით, 10 წლის წინ, ზუსტად 17 მაისი პატრიარქის ინიციატივით  ოჯახური სიწმინდის დღედ არის საქართველოში გამოცხადებული, ძალიან გაუხარდა და ესიამოვნა.ასეთი გულწრფელი, თბილი ურთიერთობა იყო, შეიმჩნეოდა კიდეც, მგონი საზოგადოებამ ნახა სურათები. როცა საუბრობ ოჯახურ ღირებულებებზე, ტრადიციებზე, მით უმეტეს, ქრისტიანულ ღირებულებებზე, ძალიან თამამები ვართ ქართველები, რადგან ამხელა ქრისტიანული ისტორიის მქონე ერი ვართ. ისიც განვუცხადეთ,  რომ 1 700 წელს აღვნიშნავთ წელს და საკმაოდ დიდი ღონისძიებები უნდა ჩატარდეს საქართველოში ამასთან დაკავშირებით. რა თქმა უნდა, ამ ყველაფერს ძალიან სასიამოვნოდ ისმენდა. შედგა მცირე საქმიანი საუბარიც, მისი მხრიდან გაჟღერებული იყო, რომ დიახ, ისინი ფლობენ ინფორმაციას და აუცილებლად მოხდება უფრო მჭიდრო ურთიერთობების განახლება. რა თქმა უნდა, ბევრი პროცესი მიმდინარეობს მსოფლიოში. განაცხადა, რომ ისინი ინფორმირებული არიან, კიდევ მეტ ინფორმაციას იღებენ და აუცილებლად, ამ კონტექსტში, რომ ასეთი თბილი საუბარი შედგა, ეცდებიან, განაახლონ ჩვენთან ურთიერთობა“ , – განაცხადა მიხეილ ყაველაშვილმა „იმედის კვირასთან“ ინტერვიუში.მიხეილ ყაველაშვილის განმარტებით, კიდევ ერთ შეხვედრაზე მარკო რუბიომ აღნიშნა, რომ უდიდესი ნეგატივის მატარებელი იყო წინა ადმინისტრაცია საქართველოსთან მიმართებით.„ეს იყო პირველი დღე და ძალიან დიდი მნიშვნელობა ჰქონდა ასევე მეორე დღეს, როცა უკვე მხოლოდ ქვეყნის ლიდერები ვიყავით წარმოდგენილი იტალიის პრეზიდენტის საზეიმო მიღებაზე, იტალიის პრეზიდენტის სასახლეში. იქ უფრო მეტი სივრცე და დროც იყო. მე ვიმყოფებოდი საგარეო საქმეთა მინისტრთან და ჩემს მეუღლესთან ერთად. მეორე დღეს გვქონდა შესაძლებლობა, ისევ გვქონოდა გასაუბრების საშუალება. ჯეი დი ვენსი მოგვესალმა, სახელმწიფო მდივანი მარკო რუბიო ცოტა მეტ ხანს შეჩერდა ჩვენთან, საუბარი უფრო მეტად სიღრმისეული, უფრო საქმიანი გამოდგა. მან აღნიშნა – მინდა, ჩვენმა საზოგადოებამ იცოდეს – რომ საკმაოდ დიდი ნეგატივი დახვდათ წინა ადმინისტრაციისგან საქართველოსთან მიმართებაში. არც მინდა, ის სიტყვა გამოვიყენო, პირდაპირ შეიძლება, არ ითარგმნება ინგლისურიდან, უფრო სიმყრალესთან. აღნიშნა, რომ უდიდესი ნეგატივის მატარებელი იყო ის წინა ადმინისტრაცია ჩვენთან მიმართებით. თავად ხვდებიან, რომ ეს იყო არარეალური და არაშესაბამისი ჩვენს ქვეყანასთან მიმართებით. აღნიშნა, რომ წინა ორშაბათს სწორედ ამ თემის განხილვას ჰქონდა ადგილი, მათ ძალიან კარგად გააანალიზეს ეს პროცესი, პროცესში არიან, რომ გაწმინდონ ეს ნეგატივი ჩვენს ურთიერთობებში და ისინი უახლოეს მომავალში აუცილებლად მოემზადებიან სათანადოდ, რათა ჩვენი ურთიერთობები შედგეს“, – განაცხადა მიხეილ ყაველაშვილმა.მიხეილ ყაველაშვილის თქმით, მარკო რუბიოც საკმაოდ გაცნობიერებული იყო იმ საკითხში, რაზეც ჯეი დი ვენსთან ისაუბრა – საერთო ღირებულებებზე და იმასთან დაკავშირებით, რომ ტრამპი ზუსტად ამ ღირებულებებით პოზიციონირებდა, ვიდრე გაიმარჯვებდა და შემდგომაც.„ჩვენი დამოკიდებულება ღიაა, ჩვენ საზოგადოებას ვესაუბრებით, ამ ეტაპისთვის ყველამ იცის ჩვენი გზავნილი, რომ გვინდა ნორმალური, ჯანსაღი ურთიერთობების წარმოება, როგორც გვაქვს ჩვენს პარტნიორებთან. რა თქმა უნდა, განსაკუთრებული მნიშვნელობა აქვს აშშ-ს, რადგან არის საკმაოდ ძლიერი ქვეყანა, დომინირებს მსოფლიოში. ის, რომ ჩვენ სტრატეგიული პარტნიორობა გვქონდა და სწორედ იმ წინა ადმინისტრაციის მიზანმიმართული ქმედებებისა და ძალებისა, რომლებიც დღესაც ცდილობენ, ბევრი პროცესი დააზიანონ, ალბათ უწევთ მათ ამ ძალებთან ბრძოლა, ამ კონტექსტში იყო განხილული. პირდაპირ თქვა, რომ წინა ორშაბათს გვქონდა ზუსტად ამ თემასთან დაკავშირებით განხილვები და იმდენად დიდი ნეგატივი იყო, რომ დრო სჭირდებათ, ამ ყველაფერს ჩაუღრმავდნენ, ყველაფერი გააანალიზონ და სათანადო, როგორც მათ ქვეყანას ეკადრება, ისეთი ურთიერთობები დაამყარონ საქართველოსთან. განაცხადა კიდევაც, რომ ტექნიკურ ჯგუფსაც მოამზადებენ, რათა გაანალიზებულ რეჟიმში, ჩვენი ურთიერთობების სუფთა ფურცლიდან დაწყება იყოს შესაძლებელი“, – განაცხადა მიხეილ ყაველაშვილმა.

ხელოვნური რძის პროდუქტის მიღება და დღის განმავლობაში რამდენჯერმე განვითარებული ღებინება უნდა იყოს პირველი ნიშანი მშობლისთვის, რომ ბავშვს სამედიცინო დახმარება სჭირდება, - განაცხადა იაშვილის სახელობის ბავშვთა ცენტრალური საავადმყოფოს კლინიკურმა დირექტორმა ივანე ჩხაიძემ.მისი თქმით, დღის განმავლობაში ღებინების რამდენიმეჯერ განვითარება ბავშვის გაუწყლოების რისკს ზრდის.„თუ ბავშვს ხელოვნური კვების პროდუქტის მიღების შემდეგ დაეწყო ღებინება, ეს პერიოდი შეიძლება იყოს ნახევარი საათიდან გაცილებით უფრო მეტი დროის განმავლობაში და პირდაპირ უკავშირდება ამ ხელოვნური რძის პროდუქტის მიღებას, მაშინ პირველ რიგში უმჯობესია მიმართონ სამედიცინო დაწესებას ან ექიმს. რა თქმა უნდა, ერთჯერადი ღებინება საშიში არ არის, მას არ შეუძლია გამოიწვიოს რაღაც მნიშვნელოვანი ძვრები და ბავშვის მდგომარეობის დამძიმება, მაგრამ თუ ეს ღებინება რამდენჯერმე განვითარდა დღის განმავლობაში, მაშინ გაუწყლოების რისკი არის ძალიან მაღალი“, - განაცხადა ჩხაიძემ.სურსათის ეროვნულმა სააგენტომ გუშინ გაავრცელა განცხადება, სადაც ნათქვამია: სურსათის ეროვნულმა სააგენტომ მულტინაციონალური კომპანიიდან „დანონი ნუტრიცია“ მიიღო შეტყობინება „დანონის“ პროდუქციის კონკრეტული პარტიების ბაზრიდან გამოთხოვის შესახებ, რაც განპირობებულია პრევენციით, კონკრეტულად, ევროპის სურსათის უვნებლობის ორგანოს (EFSA) ახალი სახელმძღვანელო მითითებებით და არ უკავშირდება სურსათის უვნებლობის სტანდარტების დარღვევას“.

ზამთრის ოლიმპიურ თამაშებზე ფიგურული ციგურაობის გუნდურ ასპარეზობაში თავისუფალი პროგრამა წარმოადგინა საქართველოს სახელით მოასპარეზე ანასტასია გუბანოვამ.მან თავისი პროგრამა მაღალ დონეზე შეასრულა და მსაჯებმა მისი გამოსვლა 140.17 ქულით შეაფასეს.

ჩვენი ერთ-ერთი უმთავრესი მიღწევა 2012 წლის შემდეგ არის ბიზნესის თავისუფლება. დღესაც ეს პრინციპი არის განუხრელად უზრუნველყოფილი და ამ პროცესშიც, როცა საქმე ეხება ფასებს, ეს პრინციპი განუხრელად იქნება დაცული, – ამის შესახებ საქართველოს პრემიერ-მინისტრმა, ირაკლი კობახიძემ „იმედის კვირასთან“ ინტერვიუში განაცხადა.მთავრობის მეთაურის თქმით, პროცესში სახელმწიფო უსაფრთხოების სამსახურის ჩართვის ერთადერთი ამოცანა ინფორმაციის მიღებაა, რათა გაირკვეს, რეალურად როგორ წარმოიქმნება ფასნამატი.„ამას არ ჰქონდა არავითარი რეპრესიული მიზანი და დატვირთვა. შესაბამისად, აქ შიშის საფუძველი არავის აქვს. ჩვენი ერთ-ერთი უმთავრესი მიღწევა 2012 წლის შემდეგ არის ბიზნესის თავისუფლება. დღესაც ეს პრინციპი არის განუხრელად უზრუნველყოფილი და ამ პროცესშიც, როცა საქმე ეხება ფასებს, ეს პრინციპი განუხრელად იქნება დაცული. ამას ვამბობდით ყველა შეხვედრაზე, როგორც საჯაროდ, ასევე დახურულ კარს მიღმა. ყველას ვეუბნებოდით, რომ ბიზნესის თავისუფლება არის მთავარი და წამყვანი პრინციპი და ამასთან, ყველამ ერთად – ჩვენ, ბიზნესმა – ჩვენი საერთო სოციალური პასუხისმგებლობით უნდა ვიზრუნოთ კონკრეტული პრობლემის გადაჭრაზე. საბოლოო ჯამში, მარტო ეკონომიკის ზრდა არ არის ჩვენი თვითმიზანი. თუ ფასებზე არ აისახა, მაგალითად მხოლოდ ეკონომიკის ზრდა და ამის შესაბამისად ხელფასის ზრდა არ არის გამოსავალი. ჩვენ კომპლექსურად უნდა შევხედოთ ვითარებას და ყველამ ერთად უნდა ვიმოქმედოთ სოციალური პასუხისმგებლობით. ეს არის ჩვენი მოწოდება ბიზნესის მიმართ. რა თქმა უნდა, არავითარი ჩარევა, მით უმეტეს, უხეში ჩარევა ბიზნესის თავისუფლებაში. სწორედ ბიზნესის თავისუფლების პირობებში ჩვენ ყველამ ერთად – ხელისუფლებამ  და ბიზნესმა – ერთად უნდა ვიპოვოთ გამოსავალი და შევეცადოთ ფასების შემცირებას“, – განაცხადა პრემიერ-მინისტრმა.

ძალიან რთული იყო გასული ორი წელი, გაგრძელდა ის პოლიტიკა საქართველოსთან მიმართებით, რომელსაც მანამდეც აწარმოებდა ევროპული ბიუროკრატია, – ამის შესახებ საქართველოს პრემიერ-მინისტრმა, ირაკლი კობახიძე POSTV-სთან ინტერვიუში განაცხადა.როგორც მთავრობის მეთაურმა აღნიშნა, მათ შორის ევროპული ბიუროკრატიის მხრიდან იყო ჩარევა საქართველოს დემოკრატიულ არჩევნებში.„პირდაპირ ევროკავშირის ელჩი გამოვიდა შესაბამისი განცხადებებით. 4 ოქტომბერს, როდესაც საჯაროდ გამოცხადდა დამხობის მცდელობა, ამასაც ღია მხარდაჭერა გამოუცხადა ევროპულმა ბიუროკრატიამ, მისი პრესსპიკერის სახით“, – განაცხადა ირაკლი კობახიძემ.ამასთან, კობახიძის თქმით, ორი წლის განმავლობაში იყო რევოლუციის მცდელობები, რომელიც წარუმატებლად დასრულდა და ეს აჩვენებს ხელისუფლების სიძლიერეს.„ჩვენ ამ ორი წლის განმავლობაში შევძელით, პირველ რიგში, „გამჭვირვალობის კანონის“ მიღება, ეს იყო რთული პროცესები, რომელიც გამოიარა ჩვენმა მთავრობამ, დამტკიცებიდან ძალიან მალევე. თუ რას ხმარდებოდა ქვეყნის გარედან შემოსული თანხები, ეს იყო უამრავი პროპაგანდისტული ხაზი, მათ შორის, მიმართული სახელმწიფო ინსტიტუტების, მართლმადიდებელი ეკლესიის, სოციალური ინსტიტუტების  წინააღმდეგ და მიმართული იყო, მათ შორის, სიძულვილის დათესვისკენ. ჩვენ ამას ვერ დავუშვებდით. ეს არ იყო იოლი. აქაც იყო რევოლუციის მცდელობები, რომელიც წარუმატებლად დასრულდა და ეს აჩვენებს ხელისუფლების სიძლიერეს. ჩვენ ორი არჩევნები მოვიგეთ, რაც, ბუნებრივია, არის იმ პოლიტიკის შედეგი, რომელსაც ჩვენ ვაწარმოებთ. ამას ხედავს საზოგადოება“, – განაცხადა პრემიერმა.