გიორგი ვაშაძე – ტრამპის პრეზიდენტობა ნიშნავს ძლიერ ამერიკას და ძლიერ ევროპას, ტყუილად ელოდებიან „ქოცები“, არანაირი „ახალი გადანაწილება“ პუტინის სასარგებლოდ არ მოხდება

აშშ-ის პრეზიდენტი დონალდ ტრამპი აცხადებს, რომ აშშ-მა ირანში სამიზნეების დაახლოებით 75%-ს მიაღწია.ოვალურ კაბინეტში ჟურნალისტებთან საუბრისას თეთრი სახლის ლიდერმა აღნიშნა, რომ აშშ-ის მიერ ჰორმუზის სრუტის ბლოკადა ირანის ეკონომიკას მნიშვნელოვნად ასუსტებს.„ჩვენი სამიზნეების დაახლოებით 75%-ს მივაღწიეთ. ჩვენ მიზნის მიღწევა ცოტა ადრე შევწყვიტეთ, რადგან მათ სურთ გარკვეული მშვიდობა და ჩვენ გვაქვს ბლოკადა, რომელიც 100%-ით ეფექტურია და ისინი ვერანაირ ბიზნესს ვერ აწარმოებენ. მათ ეკონომიკურად და ფინანსურად კარგად არ აქვთ საქმე, ბლოკადის გამო არანაირი ბიზნესი არ აქვთ“, – თქვა ტრამპმა.მისივე თქმით, თუ ირანი სამშვიდობო შეთანხმებას არ დათანხმდება, აშშ კონფლიქტს სამხედრო გზით დაასრულებს.„ახლა ჩვენ უბრალოდ ვსხედვართ და ვუყურებთ, რა შეთანხმებას მიაღწევენ, და თუ მათ არ სურთ შეთანხმების დადება, მაშინ მე სამხედრო გზით დავასრულებ სამიზნეების დანარჩენ 25%-ს. ჩვენ მივაღწიეთ იმ სამიზნეების დაახლოებით 78%-ს, რომელთა მიღწევაც გვინდოდა“, – განაცხადა ტრამპმა.

რომის პაპი ლეო აშშ-სა და ირანს მოუწოდებს, სამშვიდობო მოლაპარაკებები განაგრძონ. მისივე თქმით, მხარეებმა საერთაშორისო სამართალს პატივი უნდა სცენ.„მე მოვუწოდებდი სამშვიდობო დიალოგის გაგრძელებისკენ, რომ ყველა მხარემ ყველაფერი გააკეთოს მშვიდობის ხელშესაწყობად, ომის საფრთხის მოსაშორებლად და საერთაშორისო სამართლის პატივისცემისთვის. როგორც პასტორი, მე არ შემიძლია, ვიყო ომის მომხრე და მინდა, ყველას მოვუწოდო, რომ ძალისხმევა არ დაიშურონ პასუხების მოსაძებნად, რომლებიც მოდის მშვიდობის კულტურიდან და არა სიძულვილისა და განხეთქილებისგან“, – განაცხადა პაპმა აფრიკული ტურნეს შემდეგ რომში დაბრუნებისას.

მეტეოროლოგი კობა ფარტენაძე სოციალურ ქსელში მომდევნო დღეების ამინდის პროგნოზზე წერს:„დღეს დასავლეთ საქართველოში ამინდი უფრო ნოემბერს ჰგავდა, ვიდრე აპრილსა და გაზაფხულს, მაღალ მთაში თოვდა კიდეც, ხვალ იგივე სურათი აღმოსავლეთ საქართველოში გაგრძელდება - მოსალოდნელია წვიმა და ქარი, ასე რომ მთელი ქვეყნის ტერიტორიაზე კვლავ ნალექიანი ამინდი იქნება. 25 აპრილს - გამოიდარებს. 26 აპრილს - უმეტესად უნალექო დღე შენარჩუნდება. 27 აპრილში - ისევ გაუარესდება ამინდი და წვიმა დაბრუნდება. ასე მიილევა აპრილი სტაბილური სითბოს გარეშე, მხოლოდ ხანმოკლე უნალექო პერიოდებით“, - წერს მეტეოროლოგი სოციალურ ქსელში.

უფრო ეფექტური კომუნიკაციისთვის, მიმდინარე წლის პირველი ივლისიდან ამოქმედდება ფერმერული მეურნეობების ერთიანი რეესტრი, ეს არ არის მხოლოდ მონაცემთა ბაზა, ეს არის ინსტრუმენტი, რომელიც დაგვეხმარება, ზუსტად დავინახოთ თითოეული ფერმერის საჭიროება, გავხადოთ სახელმწიფო მხარდაჭერა უფრო მიზნობრივი და დავაჩქაროთ თქვენი პროექტების დაფინანსების პროცესი, – ამის შესახებ საქართველოს პრემიერ-მინისტრმა, ირაკლი კობახიძემ აგროთანადაფინანსების პროგრამის პრეზენტაციაზე სიტყვით გამოსვლისას განაცხადა.მისივე თქმით, ამავდროულად, დამკვიდრდება სისტემური მონიტორინგი, რათა დროულად შევიდეს ცვლილებები იმ პროგრამებში, სადაც ამის საჭიროება გაჩნდება.„ჩვენ ვამკვიდრებთ სისტემურ მონიტორინგს, რაც საშუალებას მოგვცემს, მუდმივად ვადევნოთ თვალი პროგრამის ეფექტიანობას და დროულად შევიტანოთ ცვლილებები იქ, სადაც ამის საჭიროება გაჩნდება. დასასრულს, მინდა ხაზგასმით აღვნიშნო, რომ ძლიერი ფერმერი ნიშნავს ძლიერ სოფელს, ხოლო ძლიერი სოფელი არის ჩვენი ქვეყნის ეკონომიკური სუვერენიტეტისა და ეროვნული უსაფრთხოების გარანტი. ეს პროგრამა არის კიდევ ერთი ძალიან მნიშვნელოვანი ნაბიჯი საქართველოს, როგორც თანამედროვე და ძლიერი აგრარული სახელმწიფოს განმტკიცების გზაზე“, – აღნიშნა პრემიერმა.

„ტრამპ თაუერ თბილისი“ მნიშვნელოვანი სიახლეა ქვეყნის ეკონომიკისთვის და ჩვენი სექტორისთვის, – ამის შესახებ „არქის“ დამფუძნებელმა და სამეთვალყურეო საბჭოს თავმჯდომარემ, ილია წულაიამ საქართველოს პირველი არხის გადაცემა „ბიზნესპარტნიორში“ განაცხადა.წულაიას თქმით, რეგიონში ასეთი პროექტი არ განხორციელებულა და საქართველო არის პირველი.„ამ პროექტზე საკმაოდ დიდი ხანი ვმუშაობდით და ბევრი შეხვედრა გვქონდა. საბოლოო ჯამში, მოხარულები ვართ, რომ ეს პროექტი წარმატებით დავასრულეთ და საბოლოო კონტრაქტი გავაფორმეთ. პროექტის განხორციელებაში ჩართულია მსოფლიოში ყველაზე დიდი და ავტორიტეტული არქიტექტურული კომპანია Gensler-ი და თბილისში რაღაც განსაკუთრებული შეიქმნება.საუბარია დაახლოებით ორი მილიარდი დოლარის ინვესტიციაზე, რომელიც მოიცავს არა მხოლოდ Trump Tower-ს, არამედ მიმდებარე ტერიტორიის განვითარებასაც, რომელიც ახალი დანიშნულება იქნება თბილისისთვის. მიმდებარე ტერიტორიაზე იქნება რესტორნები, კაფეები, მაღალი დონის მაღაზიები, საოფისე კომპლექსი და სასტუმროები. ძალიან ბევრი პოზიტიური ამბავი მოჰყვება ამ პროექტის მშენებლობას. მოლაპარაკება გვაქვს რამდენიმე მსოფლიო ბრენდთან როგორც სასტუმრო, ისე სარესტორნე მიმართულებით და ზოგთან კონტრაქტიც კი გვაქვს უკვე გაფორმებული. ამ ყველაფერს ეტაპობრივად დავაანონსებთ. რეგიონის მასშტაბით ყველაზე მაგარი და მიმზიდველი უბანი გაკეთდება, რომელიც დანიშნულების ადგილი იქნება როგორც უცხოელებისთვის, ისე ქართველებისთვის.გვიხარია, რომ ამ პროექტს ჩვენ ვახორციელებთ პარტნიორებთან ერთად. „ტრამპ თაუერ თბილისი“ არის მესიჯი რეგიონისთვის და მსოფლიოსთვის, რომ საქართველო არის ძალიან ყურადღებით შერჩეული ადგილი, რომელსაც Trump-ის ორგანიზაცია ირჩევს. ქვეყნების და ქალაქების არჩევა ძალიან დიდი სიფრთხილის ფონზე ხდება, – აცხადებს ილია წულაია.„უოლ სთრით ჯორნალის“ ინფორმაციით, ტრამპის ორგანიზაცია საქართველოს დედაქალაქში, ადგილობრივ პარტნიორებთან ერთად, 70-სართულიანი ფეშენებელური საცხოვრებელი კომპლექსის – Trump Tower Tbilisi-ს აშენებას გეგმავს.