გიორგი ვაშაძე – ივანიშვილის მმართველობის შედეგი: მტრებს ვიმატებთ, მეგობრებს ვკარგავთ და ქვეყანას სრული კატასტროფა ემუქრება

კუბა წარუმატებელი ქვეყანაა. მათ აუცილებლად უნდა გააფორმონ შეთანხმება, – ამის შესახებ აშშ-ის პრეზიდენტმა, დონალდ ტრამპმა ჟურნალისტებს Air Force One-ის ბორტზე განუცხადა.მისივე თქმით, კუბის საკითხთან დაკავშირებით მოლაპარაკებებს სახელმწიფო მდივანი მარკო უძღვება.„კუბა ამჟამად წარუმატებელი ქვეყანაა. ახლა კუბასთან ვსაუბრობთ. რუბიო კუბასთან საუბრობს და მათ აუცილებლად უნდა დადონ შეთანხმება, რადგან ეს ნამდვილად ჰუმანიტარული საფრთხეა. ჩვენ ბევრი შესანიშნავი კუბელი ამერიკელი გვყავს და ისინი ძალიან ბედნიერები იქნებიან, როდესაც შეძლებენ უკან დაბრუნებას და ნათესავების მოკითხვას“, – განაცხადა ტრამპმა. 

ანასტასია მეტელკინამ და ლუკა ბერულავამ საქართველოს ზამთრის ოლიმპიურ თამაშების არსებობის ისტორიაში პირველი მედალი მოუტანეს. ემოციურ  კადრებს საქართველოს ფიგურული ციგურაობის ფედერაცია ავრცელებს.„საქართველოს ოლიმპიური ნაკრების დელეგაცია აღნიშნავს ისტორიულ შედეგს - მომენტი, როცა ანასტასიამ და ლუკამ საქართველოსთვის ზამთრის ოლიმპიადის პირველი მედალი აიღეს!“

არქეოლოგებმა 2001 წელს ირანში აღმოჩენილი ძველი ფლაკონის შიგთავსი შეისწავლეს და დაასკვნეს, რომ მასში უძველესი ტუჩსაცხი ინახებოდა. სტატია ამ კვლევის შესახებ ჟურნალში Scientific Reports გამოქვეყნდა.არსებული ინფორმაციით, არქეოლოგებმა ფლაკონი ირანის სამხრეთ-აღმოსავლეთით, ქალაქ ჯიროფტის მახლობლად იპოვეს. ის ქლორიტისგან არის დამზადებული. რადიონახშირბადულმა ანალიზმა აჩვენა, რომ კოსმეტიკური ნივთიერების ასაკი 3 600 წელს შეადგენს. კოსმეტიკური ნივთიერების ძირითადი კომპონენტი დაფქული ჰემატიტი იყო.მეცნიერები ვარაუდობენ, რომ ჯიროფტში აღმოჩენილი არტეფაქტი დღეს ჩვენთვის ცნობილი უძველესი ტუჩსაცხია.

მძიმე ავარიას გადარჩენილი ლიკა კუჭუხიძე, რომელმაც მეუღლე დაკარგა დედამთილზე ემოციურ პოსტს აქვეყნებს.,,ბევრი მწერს და მეკითხება როგორ არის ჩემი დედამთილი, როგორ უნდა იყოს დედა, რომელმაც ერთადერთი შვილი დაკარგა… ერთადერთი შვილი ჰყავდა ისიც სიმწრით გაზრდილი,  მისი იმედი, მისი ძალა, მისი ცხოვრების აზრი და ეს ყველაფერი დაკარგა. მაგრამ ამ ტკივილში ჩვენ ერთად ვართ, ერთმანეთს ვუჭერთ ხელს…ერთმანეთით გადაგვაქვს ის, რაც არცერთმა დედამ და არცერთმა ადამიანმა არ უნდა გადაიტანოს.ასმუნია 4 წლის წინ გავიცანი. პირველივე დანახვაზე ეტყობოდა როგორი გულის ადამიანი იყო, მაგრამ ბაჩოს ამბის შემდეგ მივხვდი თუ რამხელა დიდი გული ჰქონია. როცა მე საავადმყოფოში ვიწექი, თავის ერთადერთ შვილს ზალაში ტოვებდა დასვენებულს და ჩემთან მოდიოდა რეანიმაციაში…შავ ტანსაცმელს იხდიდა და ფერადებს იცვამდა, რომ მე არაფერი შემემჩნია, არაფერი მეფიქრა ცუდი, რადგან ჩემი ჯანმრთელობის მდგომარეობისთვის საზიანო იყო. მაცინებდა მაშინ, როცა თვითონ ყველაზე მეტად სტკიოდა. მამშვიდებდა მაშინ, როცა თავად იყო დასამშვიდებელი.როცა ბაჩოზე ვეკითხებოდი  რას ჭამდა, როგორ ეძინა უჩემოდ, რითი გაჰყავდა დრო ისე მიყვებოდა, იმდენად დამაჯერებლად მიყვებოდა რომ ვერაფერ ცუდს ვერ ვიფიქრებდი მაგ მომენტში.  ბაჩოს ამბავის გაგების შემდგომ მივხვდი, იმ წუთებში საკუთარ გულს და გულის ტკივილს მალავდა, რომ მე ცუდად არ გავმხდარიყავი და ჩემი გული არ დამემსხვრია.  რამხელა გული უნდა ჰქონდეს დედას, რომ საკუთარი ერთადერთი შვილის ტკივილი გულში ჩაიკეტოს და რძალს დაუდგეს გვერდში…ასმუნიაზე დედამთილივით არასდროს შემიხედავს, თავიდანვე დაქალებივით ვიყავით და დღეს ეს სიტყვა (დედამთილი) საერთოდ აღარ არსებობს.ასმუნია ჩემთვის უბრალოდ დედამთილი არ არის  ის ჩემი მეორე დედაა…და ბაჩოს შემდეგ, ჩემი ყველაზე დიდი საყრდენი.  ყოველთვის მითქვამს და ახლაც ვიტყვი  ჩემი დედუნიას ნაირი ქალი, სახელად „დედა“, არც არასდროს დაბადებულადა ვერც ვერასდროს იარსებებს…“ - წერს ლიკა კუჭუხიძე.

ის, რომ ვთქვათ ჩვენ ისტორიულად გვქონდა გამოწვევები, ერთადერთი, რაც გადაგვარჩენდა და როდესაც გადაგვარჩენდა ეს იყო სწორედ პრაგმატული პოლიტიკა და ნებისმიერი საერთაშორისო გაერთიანებაც გვინდა იმიტომ, რომ საქართველოში იყოს მშვიდობა და განვითარება - ამის შესახებ "რუსთავი 2-ის" ეთერში, გადაცემა "დებატებში", პარტიის "ხალხის ძალა" აღმასრულებელი მდივანი გურამ მაჭარაშვილი.გურამ მაჭარაშვილის განცხადებით, საქართველოს გადარჩენისა და მშვიდობის შენარჩუნების საფუძველი ისტორიულად პრაგმატული პოლიტიკა იყო, ამიტომ, ქვეყნის კურსი მომავალშიც სწორედ ფრთხილ და პრაგმატულ მიდგომას, მათ შორის, რუსეთთან ურთიერთობებში, უნდა ეფუძნებოდეს."ის, რომ ჩვენ ისტორიულად გვქონდა გამოწვევები, ერთადერთი, რაც გადაგვარჩენდა და როდესაც გადაგვარჩენდა ეს იყო სწორედ პრაგმატული პოლიტიკა და ნებისმიერი საერთაშორისო გაერთიანებაც გვინდა იმიტომ, რომ საქართველოში იყოს მშვიდობა და განვითარება. ამას უწოდებდნენ რატომღაც ანტიევროპულ განცხადებას და დღეს უკვე რეალობა გახდა ეს, რომ ასევე სამწუხაროდ, მაგრამ მოცემულობაა, რომ თავად შეერთებული შტატები გამოვიდა 66 საერთაშორისო ხელშეკრულებიდან, მათ შორის ევროპული, მათ შორის, ევროპაში დაფუძნებული საერთაშორისო ხელშეკრულებიდან და გამომდინარე აქედან, ბუნებრივია, რომ ჩვენი პოლიტიკა ყოველთვის იქნება პრაგმატული, და დღეს აქ გამოითქვა პოზიციები, რომ გადარჩენისთვის უნდა ვიღვაწოთ, დიახ, რა თქმა უნდა გადარჩენისთვის. ამ 4 წლის თავზე რომ ვართ ახლა მშვიდობაში, ეს არის სწორედ იმ პრაგმატული პოლიტიკის დამსახურება და აქ ბატონმა ნიკამ ახსენა, რომ სწორია ფრთხილი მიდგომა რუსეთთანო და კი ბატონო, კარგია თუ ამას ეთანხმებით, მაგრამ რომ გვიშლიან რუსეთთან ფრთხილ მიდგომას?" - აცხადებს გურამ მაჭარაშვილი.