გიგი უგულავა ამერიკული „ფარას“ ზუსტადი ანალოგის გადმოტანაზე: არსებობს ორიგინალი და არსებობს იმისი ასლი, ამიტომ ორიგინალისგან ასლი ყოველთვის განსხვავდება

„ოპოზიციური ალიანსის“ ერთ-ერთი ლიდერის, ნიკა გვარამიას ინფორმაციით, ე.წ. საბოტაჟის საქმე, რომელიც ოპოზიციონერი პოლიტიკოსების წინააღმდეგ არის აღძრული, "უცაბედად" 11 ივნისს გადმოინიშნა“.ნიკა გვარამიას თქმით, ეს ხდება იმ ფონზე, როცა ევროკავშირი მოლაპარაკების მთავარ ნაწილად ადამიანის უფლებების პრობლემას მიიჩნევს.„საინტერესოა ხომ, უვიზო რეჟიმის გაუქმების საკითხის დადგომის და მოლაპარაკებების დაწყების პარალელურად, საბოტაჟის სამარცხვინო და გამოგონილი საქმე, სადაც ლამის მთელი ქართული პოლიტიკური ლიდერშიპი სამართლდება, რომ დაჩქარდა?25 ივნისს ჩანიშნული პროცესი პროკურატურის მოთხოვნით „უცაბედად" 11 ივნისს გადმოინიშნა. და ეს იმ ქვეყანაში, სადაც პროცესები უსასრულოდ იწელება, მით უმეტეს, ზაფხულში. და ეს იმ ფონზე, როცა ევროკავშირი მოლაპარაკების მთავარ ნაწილად ადამიანის უფლებების პრობლემას მიიჩნევს და მნიშვნელოვან წილად სწორედ ამაზე „ჰკიდია" უვიზო მიმოსვლის ბედი.ახლა თქვენ თავად გადაწყვიტეთ, სინამდვილეში, რა უნდა და რას აპირებს „ქართული ოცნება“,- წერს ნიკა გვარამია.ცნობისთვის, ე.წ. საბოტაჟის საქმეზე მიხეილ სააკაშვილს, გიორგი ვაშაძეს, ნიკა გვარამიას, ნიკა მელიას, ზურაბ გირჩი ჯაფარიძეს, ელენე ხოშტარიას, მამუკა ხაზარაძესა და ბადრი ჯაფარიძეს აქვთ ბრალდება წარდგენილი. უფრო კონკრეტულად, გიორგი ვაშაძეს და ზურაბ გირჩი ჯაფარიძეს ბრალი სისხლის სამართლის კოდექსის 318-ე მუხლის პირველი ნაწილით და 319-ე მუხლით წარედგინათ, რაც საბოტაჟს და უცხო ქვეყნისათვის მტრულ საქმიანობაში დახმარებას გულისხმობს.აღნიშნული სასჯელის სახედ და ზომად 7-დან 15- წლამდე თავისუფლების აღკვეთას გულისხმობს. ელენე ხოშტარიას ბრალდება საქართველოს სისხლის სამართლის კოდექსის 318-ე მუხლის პირველი ნაწილით, 319-ე მუხლით და 321-ე პრიმა მუხლის პირველი ნაწილით წარედგინა, რაც საბოტაჟის, აღნიშნული დანაშაულისთვის მატერიალური რესურსების მიწოდებას და უცხო ქვეყნისათვის მტრულ საქმიანობაში დახმარებას გულისხმობს. ნიკა გვარამიას, ნიკა მელიას, მამუკა ხაზარაძეს და ბადრი ჯაფარიძეს ბრალდება საქართველოს სისხლის სამართლის კოდექსის 318-ე მუხლის პირველი ნაწილით წარედგინათ, რაც საბოტაჟს გულისხმობს. მიხეილ სააკაშვილს ბრალდება სისხლის სამართლის კოდექსის 317-ე მუხლით აქვს წარდგენილი, რაც საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ მოწოდებას გულისხმობს. აღნიშნულ საქმეში გიორგი ვაშაძეს და ზურაბ გირჩი ჯაფარიძეს აღკვეთის ღონისძიების სახით 30 000-ლარიანი, მამუკა ხაზარაძესა და ბადრი ჯაფარიძეს კი 1 მილიონი ლარი გირაო აქვთ შეფარდებული.

„ოპოზიციის ალიანსი“ აგრძელებს მუშაობას, ვინაიდან ალიანსის მთავარი ამოცანა არის ძლიერი სტრუქტურის შექმნა და ივანიშვილის რეჟიმის დასუსტება ბოლომდე, ვიდრე ეს შესაძლებელი იქნება, – ამის შესახებ „ოპოზიციის ალიანსის“ ერთ-ერთმა წევრმა, გიორგი ბუტიკაშვილმა განაცხადა.მისი თქმით, ალიანსის საერთო კამპანიაში ჩაერთვება ყველა პარტია, რომლისთვისაც ერთობაა მნიშვნელოვანი.„ნებისმიერი გზავნილი, რასაც შეიძლება, ტელევიზიით ვისმენდეთ, საერთო საქმეს აზიანებს. ამიტომ ყურადღებას არც ვაქცევ ამ განცხადებებს. ჩვენი კამპანიაა დასაგეგმი, ამაზე დღესაც იყო კომუნიკაცია, ამ კამპანიას რეგიონებშიც გავაგრძელებთ. ნებისმიერი პარტია, რომელიც, მიიჩნევს, რომ საერთო საქმე და ერთობა მნიშვნელოვანია, ამ საერთო კამპანიაში ჩაერთვება“, – განაცხადა ბუტიკაშვილმა.როგორც ბუტიკაშვილმა აღნიშნა, ნებისმიერი, ვისაც ბზარი შეაქვს საზოგადოებრივ მოთხოვნაში, თვითონ დაზარალდება.„მთავარია საქმე, რასაც ხალხი ითხოვს. ნებისმიერი, ვინც ამ ერთობას, ამ საქმეს გაჰყვება, გააკეთებს საქმეს და ხალხს დაუმტკიცებს, რომ შეუძლიათ მუშაობა და ერთობლივად გადაწყვეტილების მიღება, ის ჯგუფი იქნება ცვლილების მომტანი. ამიტომ ნებისმიერი პარტია, რომელიც ალიანსშია ან არ არის და ცდილობს ან შეიტანს ბზარს საზოგადოებრივ მოთხოვნაში, თავად დაზიანდება“, – აღნიშნა ბუტიკაშვილმა.

საქართველოს ტექნიკურ უნივერსიტეტში, ინფორმატიკისა და მართვის სისტემების ფაკულტეტისა და „STEM ინოვატორთა ასოციაციის“ ორგანიზებით STEM პროექტების კონკურსის ფინალური ტური გაიმართა. ინფორმაციას სტუ ავრცელებს.უნივერსიტეტის ცნობით, კონკურსმა, როგორც წინა წლებში, წელსაც დიდი ინტერესი გამოიწვია და მასში საქართველოს სხვადასხვა რეგიონის 54 საჯარო სკოლა ჩაერთო. მონაწილე გუნდებმა გამოფინეს თანამედროვე ტექნოლოგიებსა და ინოვაციებზე დაფუძნებული პროექტები, რომელთა შორის საუკეთესო 16 გუნდი ფინალურ ეტაპზე გადავიდა.სტუ-ის ინფორმატიკისა და მართვის სისტემების ფაკულტეტის დეკანის თქმით, კონკურსის ფარგლებში მოსწავლეებმა მრავალფეროვანი და პრაქტიკული მნიშვნელობის მქონე ნამუშევრები წარადგინეს. როგორც პროფესორი თალიკო ჟვანია აცხადებს, პროექტები მოიცავდა ისეთ მიმართულებებს, როგორებიცაა რობოტოტექნიკა, ხელოვნური ინტელექტის ელემენტებზე დაფუძნებული სისტემები, ჭკვიანი ტექნოლოგიები, ავტომატიზაცია, გარემოს დაცვის ინოვაციური მიდგომები და უსაფრთხოების თანამედროვე გადაწყვეტილებები. განსაკუთრებული ყურადღება დაეთმო საზღვრისპირა სოფლების ეკოლოგიური მდგომარეობისა და უსაფრთხოების გაუმჯობესებისკენ მიმართულ ინიციატივებს, რომლებიც ადგილობრივი პრობლემების ტექნოლოგიური გზებით გადაჭრას ისახავს მიზნად.„წარმოდგენილმა პროექტებმა კიდევ ერთხელ წარმოაჩინა ახალგაზრდების შემოქმედებითი აზროვნება, ტექნიკური უნარები და ინოვაციური ხედვა. მონაწილე მოსწავლეებმა არა მხოლოდ თეორიული ცოდნა, არამედ პრაქტიკული მიდგომები და რეალური გამოწვევების გადაჭრის შესაძლებლობებიც წარმოადგინეს. STEM პროექტების კონკურსი მიზნად ისახავს მეცნიერების, ტექნოლოგიების, ინჟინერიისა და მათემატიკის მიმართულებების პოპულარიზაციას, მოსწავლეებში კვლევითი და საინჟინრო უნარების განვითარებას, ასევე ახალგაზრდა თაობის დაინტერესებას თანამედროვე ტექნოლოგიებით. ორგანიზატორების განცხადებით, მსგავსი ღონისძიებები ხელს უწყობს მომავალი მეცნიერების, ინჟინრებისა და ინოვატორების გამოვლენასა და მათი პროფესიული განვითარების მხარდაჭერას. წარმოდგენილი პროექტების მრავალფეროვნება და ხარისხი ნათლად ადასტურებს, რომ საქართველოში იზრდება ახალი თაობა, რომელსაც აქვს ცოდნა, მოტივაცია და პოტენციალი, შექმნას ინოვაციური გადაწყვეტილებები როგორც ადგილობრივი, ისე გლობალური გამოწვევებისთვის“, - აცხადებს თალიკო ჟვანია.STEM პროექტების კონკურსის ფინალურ ეტაპზე გასულ 16 გუნდს შორის გამარჯვებულები სპეციალურმა ჟიურიმ გამოავლინა. კონკურსის მაღალი დონისა და წარმოდგენილი ნამუშევრების ხარისხის გათვალისწინებით, პირველი ადგილი ორ გუნდს შორის განაწილდა. პირველი ადგილი დაიკავეს გორის მუნიციპალიტეტის სოფელ ფლავის საჯარო სკოლის და სოფელ ბერშუეთის საჯარო სკოლის გუნდების მიერ წარმოდგენილმა პროექტებმა - „წყალმომარაგების სისტემის ავტომატიზაცია და კულტურული მემკვიდრეობის არქივი“ და „საზღვრისპირა სოფელში უსაფრთხოების მონიტორინგი“. გუნდებს წარმოადგენდნენ მოსწავლეები: ანა ბერიანიძე; მარიამ ბერიანიძე; გიორგი ზაუტაშვილი; ელენე გლურჯიძე; გიორგი ელიზაბარაშვილი; რუსუდან ტატულაშვილი; ბარბარე ნიკოლაშვილი და თამუნა არჩუაძე. მენტორი თეა ხუროშვილი. მეორე ადგილზე გავიდა თელავის N7 საჯარო სკოლის გუნდი - ნიკო ლომაშვილის, ლიკა კუპატაძის, ზურა ხავაზურაშვილისა და მარაიმ ლაგაზაურის შემადგენლობით, პროექტით - „მღვიმეების მკვლევარი რობოტი“, მენტორ ნათია ბაღათრიშვილის ხელმძღვანელობით. მესამე ადგილზე გავიდა ვლადიმირ კომაროვის თბილისის ფიზიკა-მათემატიკის 199 საჯარო სკოლის გუნდი ინდირა ნატრიაშვილის მენტორობით და ლევან თულაშვილის, ლუკა მელაძის, ზურა ბერიძის შემადგენლობით, პროექტით - „რობოტული ხელი“.კონკურსის ფარგლებში დაწესებული იყო სპეციალური პრიზებიც. სან-დიეგოს სახელმწიფო უნივერსიტეტი-ის მიერ დაწესებული 500-დოლარიანი ფულადი ჯილდო ორ გამორჩეულ გუნდს გადაეცა. ერთ-ერთი გამარჯვებული გახდა ქართულ-ამერიკული საერთაშორისო სკოლა „პროგრესი“, პროექტისთვის „მარკშეიდერი – ბზარების დეტექცია“, ხოლო მეორე – ვახტანგ პაპუნიძის სახელობის დაბა ქედის საჯარო სკოლის გუნდი, რომელმაც პროექტი „ბენზინის ხარისხის დადგენა“ წარმოადგინა.ასევე, STEM ინოვატორთა ასოციაცია-ის მიერ დაწესებული 500-ლარიანი სპეციალური პრიზი გადაეცა მერაბ კოსტავას სახელობის ზუგდიდის N2 საჯარო სკოლის გუნდს პროექტისთვის „ბიბლიოთეკის ციფრული მოწყობა“.გამარჯვებული გუნდებისთვის ორგანიზატორებმა მნიშვნელოვანი წამახალისებელი პრიზებიც დააწესეს. პირველი ადგილის მფლობელ გუნდებს საქართველოს ტექნიკური უნივერსიტეტი-მა პროექტების შემდგომი განვითარების მიზნით ტექნიკის მაღაზიათა ქსელში გამოსაყენებელი 2000-ლარიანი ვაუჩერები გადასცა, ხოლო STEM ინოვატორთა ასოციაციამ გუნდებს სამი 3D პრინტერი აჩუქა. მესამე ადგილზე გასულ გუნდს უნივერსიტეტმა 1000-ლარიანი ვაუჩერი გადასცა.დაჯილდოების ცერემონიაზე გამარჯვებულებს წარმატება მიულოცა საქართველოს ტექნიკური უნივერსიტეტის სამეთვალყურეო საბჭოს თავმჯდომარემ, პროფესორმა ზურაბ გუდავაძემ. მისი განცხადებით, მსგავსი კონკურსები ახალგაზრდებში ინოვაციური აზროვნების, ტექნოლოგიური უნარებისა და სამეცნიერო ინტერესების განვითარებას უწყობს ხელს, ხოლო მოსწავლეების მიერ წარმოდგენილი პროექტები ნათლად აჩვენებს, რომ საქართველოს ჰყავს ნიჭიერი და პერსპექტიული თაობა, რომელსაც შეუძლია თანამედროვე გამოწვევებზე ეფექტიანი და პრაქტიკული გადაწყვეტილებების შეთავაზება.„დღევანდელმა კონკურსმა კიდევ ერთხელ დაგვანახვა, რამდენად დიდი პოტენციალი აქვს ჩვენს ახალგაზრდობას. წარმოდგენილი პროექტები გამოირჩეოდა როგორც ინოვაციური იდეებით, ისე მათი პრაქტიკული დანიშნულებით. განსაკუთრებით მნიშვნელოვანია, რომ მოსწავლეები თანამედროვე ტექნოლოგიებს რეალური პრობლემების გადასაჭრელად იყენებენ და ქმნიან ისეთ გადაწყვეტილებებს, რომლებიც საზოგადოებისთვის სასარგებლო შეიძლება გახდეს.საქართველოს ტექნიკური უნივერსიტეტი მომავალშიც გააგრძელებს ახალგაზრდა თაობის მხარდაჭერას, STEM განათლების პოპულარიზაციასა და იმ ინიციატივების ხელშეწყობას, რომლებიც მეცნიერების, ტექნოლოგიების, ინჟინერიისა და მათემატიკის სფეროებში ახალი შესაძლებლობების შექმნას ემსახურება. დარწმუნებული ვარ, დღევანდელ მონაწილეთა შორის არიან მომავალი მეცნიერები, ინჟინრები და გამომგონებლები, რომლებიც მნიშვნელოვან წვლილს შეიტანენ ქვეყნის განვითარებაში. ყველა მონაწილეს ვულოცავ წარმატებას და ვუსურვებ ახალი იდეების განხორციელებასა და კიდევ უფრო დიდ მიღწევებს“, – განაცხადა ზურაბ გუდავაძემ.

,,გუშინ გორის სტალინის მუზეუმის ხელმძღვანელობის მოწვევით, მომეცა შესაძლებლობა მომენახულებინა ეს მცირე ზომის, თუმცა ისტორიულად უაღრესად მნიშვნელოვანი მუზეუმი — ადგილი, რომელიც მსოფლიოს თანამედროვე ისტორიის ერთ-ერთი ყველაზე გავლენიანი და ამავე დროს ყველაზე საკამათო ფიგურის გაცნობას ემსახურება. ისტორიით დაინტერესებული ადამიანისთვის იოსებ სტალინის ცხოვრებისა და პიროვნების შესწავლა ყოველთვის საინტერესოა. რთული ბავშვობა, სასიამოვნო ხმა, წინააღმდეგობებით სავსე ცხოვრება და გამორჩეული ნებისყოფა — ამ ყველაფერმა ჩამოაყალიბა პიროვნება, რომელმაც საბჭოთა კავშირი მსოფლიო ძალად აქცია. თუმცა მისი სახელი ასევე მჭიდროდ არის დაკავშირებული მეოცე საუკუნის მრავალ პოლიტიკურ ტრაგედიასთან, ტკივილთან და წინააღმდეგობასთან. მუზეუმის პროფესიონალმა გიდმა დიდი გულწრფელობითა და სიზუსტით ისაუბრა არა მხოლოდ სტალინის ეპოქის მიღწევებზე, არამედ მის მძიმე და მტკივნეულ მხარეებზეც, მათ შორის მრავალი ინტელექტუალის, მეცნიერისა და საზოგადო მოღვაწის ბედზე, რომლებიც იმდროინდელი პოლიტიკური გარემოს მსხვერპლნი გახდნენ. სწორედ ეს დაბალანსებული მიდგომა ანიჭებს მუზეუმს განსაკუთრებულ ისტორიულ და საგანმანათლებლო მნიშვნელობას. მუზეუმში განსაკუთრებული ინტერესი გამოიწვია იმ ისტორიულმა მონათხრობებმა, რომლებიც სტალინისა და ჩერჩილის ურთიერთობებსა და მეორე მსოფლიო ომის დასრულების შემდგომი მსოფლიო წესრიგის ფორმირებას შეეხებოდა. ეს პერიოდი დღემდე მრავალი კვლევისა და დისკუსიის საგანია და გვახსენებს, თუ რაოდენ დიდი გავლენა შეიძლება ჰქონდეს რამდენიმე ლიდერის გადაწყვეტილებას მილიონობით ადამიანის ბედზე. ჩემთვის ასევე ძალიან საინტერესო იყო მუზეუმში დაცული სამი უნიკალური ირანული ექსპონატის ხილვა. პირველი — ისფაჰანში ნაქსოვი დახვეწილი ხალიჩა, რომელზეც სტალინის პორტრეტია გამოსახული. მეორე — ირანული ხალიჩა, რომელიც სტალინის პირად ჯავშანვაგონში იყო დაგებული; სწორედ ამ ვაგონით გადაადგილდებოდა იგი მეორე მსოფლიო ომის წლებში. მესამე ექსპონატი კი შირაზული ხელოვნების შესანიშნავი ნიმუშია — ხათამის ტექნიკით შესრულებული ჩარჩო სტალინის გამოსახულებით. ეს ექსპონატები ირანსა და საბჭოთა კავშირს შორის ისტორიული ურთიერთობების გარკვეულ ეპიზოდებსაც გვახსენებს. მეორე მსოფლიო ომის შემდგომ წლებში, განსაკუთრებით რთული დიპლომატიური მოლაპარაკებების პერიოდში, ორივე მხარემ მნიშვნელოვანი გადაწყვეტილებები მიიღო, რომლებმაც რეგიონული სტაბილურობისა და პოლიტიკური პროცესების განვითარებაზე მნიშვნელოვანი გავლენა იქონია. მუზეუმის ხელმძღვანელობასთან საუბრისას გამოვთქვი მოსაზრება, რომ სტალინის ეპოქასთან დაკავშირებული დოკუმენტების ციფრული არქივის შექმნა მნიშვნელოვანი ნაბიჯი იქნებოდა ისტორიული კვლევების განვითარებისთვის. ასევე გამოვხატე მზადყოფნა, რომ სურვილის შემთხვევაში შესაძლებელი იქნებოდა იმ პერიოდის შესახებ ირანული დიპლომატიური და ისტორიული მასალების ნაწილის გაცნობა ქართველი მკვლევრებისთვის. გორის სტალინის მუზეუმის მონახულება ჩემთვის მხოლოდ ისტორიული ექსკურსია არ ყოფილა. ეს იყო შესაძლებლობა, კიდევ ერთხელ დავფიქრებულიყავი იმ ეპოქაზე, როდესაც ცალკეული ლიდერების გადაწყვეტილებები ხალხებისა და სახელმწიფოების ბედს განსაზღვრავდა. ეს არის ისტორიის პერიოდი, რომლის მრავალი ასპექტი ჯერ კიდევ საჭიროებს კვლევას, გააზრებასა და ღია დიალოგს''-ინფორმაციას ამის შესახებ ირანის ელჩი ალი მოჯანი წერს

ყველაფერი ნათელია, ვხედავთ ცუდ და მძიმე ტენდენციას, რაც ევროკავშირშია. ევროკავშირი საქართველოსთან მიმართებით მთელ რიგ საკითხებს ზეწოლისა და შანტაჟისათვის იყენებს, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.მისი თქმით, გარკვეული საკითხებია, რომლებზეც საქართველოს ის პოზიცია ვერ ექნება, რაც შეიძლება, ევროკავშირის გარკვეულ წარმომადგენლებს უნდოდეთ.„ტექნიკური ხასიათის შეხვედრებია, რომლებიც შეიძლება, დაახლოებით ერთი წლის განმავლობაში გაგრძელდეს და ემსახურება იმას, რომ საქართველოზე გარკვეული ზეწოლა მოახდინონ. გარკვეული საკითხებია, რომლებზეც საქართველოს ის პოზიცია ვერ ექნება, რაც შეიძლება, ევროკავშირის გარკვეულ წარმომადგენლებს უნდოდეთ, ანუ ევროკავშირის საგარეო პოლიტიკურ ვექტორთან მთლიანად შეერთება. ეს ავტომატურად ნიშნავს, რომ რუსეთს უნდა დავუწესოთ სანქციები, სავიზო რეჟიმები. ევროკავშირიდან გვეუბნებიან, რომ გააუქმეთ უვიზო რეჟიმები ჩინეთთან, რუსეთთან და ასე შემდეგ. ისეთ შეზღუდვებს გვიწესებენ, რაც ევროკავშირის პირდაპირ ინტერესში არ შედის და საქართველოს ინტერესში ხომ საერთოდ არ შედის. ყველაფერი სწორედ ზეწოლისათვის კეთდება. ამ ომის განმავლობაში, როდესაც საქართველომ თავისი ეროვნული ინტერესების დაცვა დაიწყო, ევროკავშირის სტრუქტურებში ვიღაცები სწორედ ამას არ გვპატიობენ. სწორედ აქედან გამომდინარეობს საქართველოზე ასეთი გაუთავებელი ზეწოლები“, – განაცხადა ირაკლი ქადაგიშვილმა.კითხვაზე, რა განსხვავებაა მოსკოვსა და ამ ზეწოლას შორის, ირაკლი ქადაგიშვილი ამბობს, რომ „რუსეთსაც არ მოეწონა სომხეთის პოლიტიკა და სანქციები დაუწესა. აქაც რაღაც არ მოსწონთ და გვეუბნებიან, სანქციას დაგიწესებთ უვიზო რეჟიმის გაუქმების სახითო. ამას, რეალურად, ევროკავშირთან დაახლოებასთან კავშირი არ აქვს“.