გია ვოლსკი – საქართველოს ხელისუფლებასა და აშშ-ს შორის ურთიერთობები არა თუ გაგრძელდება, არამედ გაცილებით უფრო მაღალი ხარისხის რეესტრში გადავა

ლატვიის 24 წლის მოქალაქე, რომელსაც ოჯახი თბილისში ეძებდა, იპოვეს

ექსპერტ, გია ხუხაშვილის განცხადებით, შესაძლებელია, ყოფილი ვიცე-პრემიერი ლევან დავითაშვილი ხელისუფლების გაგზავნილია ერთ-ერთ ქვეყანაში მსხვილ ნავთობკომპანიასთან გაფორმებული ხელშეკრულების დეტალების დასაზუსტებლად.როგორც ხუხაშვილმა „პალიტრანიუსის“ გადაცემაში “360 გრადუსი“ განაცხადა, დავითაშვილი შესაძლოა აზერბაიჯანში იმყოფებოდეს. ასევე, ხუხაშვილმა აღნიშნა, რომ გაზის ტრანსპორტირების ოპერატორი კვლავ კომპანია BP-ია, რის გამოც არ გამორიცხავს, რომ იგი ბრიტანეთშიც იყოს ჩასული.„არ მგონია, რომ დავითაშვილი სადმე გაქცეულიყო. დავითაშვილი შეიძლება კითხვებზე პასუხების გასაცემად ერთ-ერთ ქვეყანაში გაემგზავრა, რომ ამ კონტრაქტთან დაკავშირებით რაღაც დაზუსტებები მოხდეს. ხელისუფლებას თუ არ უნდოდა მისი გაშვება, არ გაუშვებდა. გუშინვე ჩამოართმევდა პასპორტს და დამთავრდებოდა. ხელისუფლების გაგზავნილია - შეიძლება აზერბაიჯანში იყოს წასული, ტრანსპორტირების ოპერატორი ჯერ კიდევ BP-ია და შეიძლება ბრიტანეთში იყოს“,- განაცხადა ხუხაშვილმა.რაც შეეხება "თანაინვესტირების ფონდის" ყოფილი ხელმძღვანელის, გიორგი ბაჩიაშვილის საქმეს და მის გათავისუფლებას, ხუხაშვილის შეფასებით, ბაჩიაშვილს ჰქონდა იმედი, რომ საკითხი სხვაგვარად დარეგულირდებოდა, თუმცა საბოლოოდ, როცა სიტუაციის უპერსპექტივობა იგრძნო, კომპრომისზე წასვლა გადაწყვიტა.„ახალგაზრდა კაცია, როდემდე უნდა მჯდარიყო ციხეში?! ხვდებოდა, რომ ხელისუფალი არასდროს გამოუშვებდა. ახალ და ახალ საქმეებს „შეუკერავდა“. შესაბამისად, გარიგებაზე წავიდა. ბაჩიაშვილის დაპატიმრების მიზანი თავიდანვე ხომ არ ყოფილა ციხეში ჩასმა ან პოლიტიკური დევნა, მოტივი იყო ძალიან ბანალური - ფული, როგორც ჩანს. ფული „აახიეს“, რითაც მისი ციხეში ყოფნის საჭიროება გაქრა.იმედი ჰქონდა, რომ საკითხი სხვანაირად დარეგულირდებოდა. იმედი გადაეწურა, სიტუაციის უპერსპექტივობა იგრძნო და გატყდა“, - განაცხადა ხუხაშვილმა.მისივე თქმით, ბაჩიაშვილის გათავისუფლება საზეიმო მოვლენა არ არის და მას „ერთი ახალგაზრდა კაცის გატეხვის სევდიან ისტორიად“ აფასებს.ხუხაშვილმა ასევე აღნიშნა, რომ მსგავსი გზავნილები შესაძლოა სხვა მაღალჩინოსნებსაც ეხებოდეს და ამავე კონტექსტში ახსენა ყოფილი პრემიერ-მინისტრი ირაკლი ღარიბაშვილი და სახელმწიფო უსაფრთხოების სამსახურის ყოფილი უფროსი, გრიგოლ ლილუაშვილი.ხუხაშვილის თქმით, მაშინ, როდესაც არ არის სამართალი და სასამართლო, ქვეყანა „მაფიოზური ომების არენად“ იქცა.„ყველაფერი იქით მიდის, რომ სისხლიანი გარჩევები დაიწყება. მაფიოზური ომების არენად იქცა ქვეყანა. არ არსებობს, არც სასამართლო, არც სამართალი. სასამართლო ჩაცუცქული არჩევს საქმეებს. ბაჩიაშვილის საქმე არ არის ამის დადასტურება? ჯერ სამოქალაქო საქმე სისხლის სამართალში გადაიტანეს. შემდეგ სპეცოპერაცია ჩაატარეს უცხო ქვეყანაში და ქეჩოთი ჩამოათრიეს. ციხეში სცემეს. „აკაჩავეს“, „აკაჩავეს“ და გატეხეს. ბაჩიაშვილის გათავისუფლებაც არ არის საზეიმო. ეს არის ერთი ახალგაზრდა კაცის გატეხვის სევდიანი ისტორია. ღარიბაშვილსაც ეუბნებიან, გადაიხადე, წადი სახლში. ლილუაშვილსაც იმავეს“,- განაცხადა ხუხაშვილმა.ამ ფონზე, ხუხაშვილის თქმით, საქართველომ დაკარგა სახელმწიფოებრიობის ნიშნები, პარალელურად, მისი შეფასებით, დაპირისპირება მიმდინარეობს ორ კრიმინალურ დაჯგუფებას შორის - მოკლული ბიზნესმენის ლევან ჯანგველაძისა და ყოფილი გენერალური პროკურორის ოთარ ფარცხალაძის ჯგუფებს შორის.მისი შეფასებით, პროცესები უკიდურესად იძაბება და არსებობს საფრთხე, რომ დაპირისპირება სისხლიან ანგარიშსწორებაში გადაიზარდოს.„საქართველომ დაკარგა სახელმწიფოებრიობის ნიშნები როგორც საგარეო პოლიტიკით, ასევე ქვეყნის შიგნითაც. ვიქეცით მაფიოზური ომების არეალად. ჯანგველაძის "ქეისი" რომ ავიღოთ, დღეს ვაკვირდებით ორი დაპირისპირებული კრიმინალური დაჯგუფება ებრძვის ერთმანეთს: ჯანგველაძის და ფარცხალაძის დაჯგუფება. ანუ დაწყებულია მაფიოზური ომი. დენთის სუნი ტრიალებს. უმძიმესი პროცესი მიმდინარეობს. ისე იძაბება სიტუაცია, რომ შეიძლება სისხლიანი გარჩევები ვნახოთ. დღეს, რაც ვნახეთ საქალაქო სასამართლოსთან ეს არ არის სახუმარო. მძიმე შემთხვევაა. მაფიოზური ომების არენად იქცა საქართველო. ხელისუფლებაც კრიმინალიზებულია, რადგან ამ პროცესშია ჩართული“, - განაცხადა ხუხაშვილმა.

გავრცელდა ცნობები ძაღლზე, რომელმაც ზამთრის ოლიმპიურ თამაშებზე მოთხილამურეებთან ერთად გადაკვეთა ფინიშის ხაზი.გამოცემა NPR-ის ინფორმაციით, ძაღლი სახელად ნაზგული (როგორც ჩანს, სახელი „ბეჭდების მბრძანებლის“ პერსონაჟების პატივსაცემად დაარქვეს) 2 წლის ჩეხოსლოვაკიური მგლის ძაღლია. ის თამაშების ერთ-ერთი ორგანიზატორის ნათესავებს ეკუთვნის, რომლებიც შეჯიბრების ჩატარების ადგილთან ახლოს ცხოვრობენ.„ამ დილით ის ჩვეულებრივზე მეტად ტიროდა, რადგან დაინახა, როგორ მივდიოდით. ვფიქრობ, უბრალოდ ჩვენთან ერთად წამოსვლა უნდოდა. ის ყოველთვის ხალხისკენ ისწრაფვის“, - განუცხადა გამოცემას ნაზგულის პატრონმა.NPR აღნიშნავს, რომ ტრასაზე ძაღლის გამოჩენას შეჯიბრების მსვლელობაზე გავლენა არ ჰქონია. „გავიფიქრე: მეჩვენება-მეთქი?“ - თქვა ხორვატმა მოთხილამურემ, ტენა ჰაჯიჩმა, რომელიც ნაზგულს ფინიშთან შეხვდა.

გადაწყვეტილება, რომელიც 6 წელზე მეტი ასაკის ავტომობილების აკრძალვას ეხება, ყოველგვარ ლოგიკას მოკლებულია და უნდა გადაიხედოს,- ამის შესახებ „ხალხის ძალის“ დეპუტატი, დიმიტრი ხუნდაძე სოციალურ ქსელში წერს, რითაც ეხმაურება დადგენილებას, რომლის თანახმად საქართველოში 1-ელი აპრილიდან იკრძალება 6 წელზე მეტი ასაკის M1 კატეგორიის ავტომობილების იმპორტი, პირველადი და დროებითი რეგისტრაცია.როგორც ხუნდაძე წერს, ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს.„გადაწყვეტილება, რომელიც 6 წელზე მეტი ასაკის ავტომობილების აკრძალვას ეხება, ყოველგვარ ლოგიკას მოკლებულია და უნდა გადაიხედოს.ეს ვერც ავტოპარკის განახლებას უზრუნველყოფს და ვერც ეკოლოგიურ მდგომარეობას გააუმჯობესებს. პირიქით, არსებული ძველი მანქანები კიდევ უფრო დიდხანს დარჩება მიმოქცევაში და მეტი ცვეთის და სიძველის გამო, კიდევ უფრო მეტად დააბინძურებს გარემოს. თანაც რეგულაცია არ ეხება დიდი ზომის სატვირთო და სპეციალური დანიშნულების ავტოტრანსპორტს, რომელსაც უფრო მაღალი ცვეთის რეჟიმი აქვს და უფრო მეტად შეუძლია გარემოს დაბინძურება.რეგულაცია განსაკუთრებულ პრობლემებს რეგიონებში შექმნის, სადაც არ არსებობს არც შიდა მუნიციპალური და არც საქალაქთაშორისო საზოგადოებრივი ტრანსპორტი.ასეთი ვითარება განსაკუთრებით დააწვება ტვირთად საშუალო და დაბალი შემოსავლის მქონე მოქალაქეებს. აღარაფერს ვამბობ იმპორტიორებზე, რომელთა საქმიანობა, გარდა შემოსავლისა, ბევრი ოჯახისთვის ქმნის სამუშაო ადგილებს.სანამ რეგულაციას ნეგატიური შედეგი არ მოუტანია, ის უნდა გადაიხედოს. პოლიტიკური ჯგუფი, „ხალხის ძალა", მზად არის ჩაერთოს კონსულტაციებში“,-წერს ხუნდაძე.

გერმანიის კანცლერი „პრაქტიკულად გამორიცხავს“ რუსეთის პრეზიდენტთან, ვლადიმირ პუტინთან ურთიერთობების ნორმალიზაციის შესაძლებლობას. ამის შესახებ ფრიდრიხ მერცმა გერმანულ მედიასთან ინტერვიუში განაცხადა.„როდესაც მე ვუყურებ ამ რეჟიმს და ამ ბრმა ტერორს, მე ნაკლებად მაქვს იმედი. რუსეთის მმართველები ახლო მომავალში ომის გარეშე ვერ გაძლებენ. მათ აუცილებლად უნდა შეინარჩუნონ სამხედრო მანქანა, რადგანაც არ აქვთ გეგმა, რა უნდა მოუხერხო ფრონტიდან დაბრუნებულ ასობით ათასს, მათ შორის მძიმედ ტრავმირებულ, სამხედროს“, – განაცხადა გერმანიის მთავრობის მეთაურმა.მისივე შეფასებით, უკრაინაში მიმდინარე ომის მოლაპარაკებების გზით დასრულების შანსები, პრაქტიკულად არ არსებობს.„ჩემი შეფასებით, ეს ომი მაშინ დასრულდება, როდესაც ერთ-ერთი მხარე იქნება გამოფიტული, ან სამხედრო, ან ეკონომიკური თვალსაზრისით“, – თქვა მერცმა.„გონივრული და ჰუმანიტარული არგუმენტები პუტინს ვერ დაარწმუნებს. ეს მწარე სიმართლეა“, – აცხადებს გერმანიის კანცლერი.მისივე თქმით, სწორედ ამიტომ, ევროპული ძალისხმევა მდგომარეობაში იმაში, რომ რუსეთის სახელმწიფომ ვერ შეძლოს ომის გაგრძელება საომარი საშუალებებით და ვერ შეძლოს მისი დაფინანსების გაგრძელება ეკონომიკურად“, – თქვა გერმანიის მთავრობის მეთაურმა.რუსეთზე საუბრისას მერცმა თქვა: „დღეს ჩვენ ვადევნებთ თვალს, რომ ეს ქვეყანა იმყოფება ღრმა ბარბაროსობაში. უახლოეს მომავალში ეს არ შეიცვლება და ამას უნდა შევეგუოთ“.