გთხოვთ გავავრცელოთ-8 წლის ეკატერინეს საზოგადოების დახმარება სჭირდება, ბოლო 2 წელია მძიმე სენს ებრძვის

პოლიტიკოსი თუ უარს ამბობს არალეგიტიმური ხელისუფლების „არჩევნებში“ მონაწილეობაზე, მაშინ მეორე გზა არის მშვიდობიანი დამხობა, მშვიდობიანი რევოლუცია!!! – არანაირი მესამე გზა არ არსებობს!!!, – ამის შესახებ „ნაციონალური მოძრაობის“ პოლიტსაბჭოს თავმჯდომარე ლევან ხაბეიშვილი სოციალურ ქსელში წერს.როგორც ხაბეიშვილი წერს, ის უერთდება პაატა ბურჭულაძის მიერ 4 ოქტომბერს დაანონსებულ აქციას.„გავიგეთ, რომ „ბოიკოტში“ ხართ და მერე?! თუ აქცია, პროტესტის ორგანიზებას არ აკეთებ, წინააღმდეგობის გაწევა, მშვიდობიანად, ხალხის ძალით დამხობასაც არ ემხრობი – აბა რა გინდა?! ვინ ხართ თქვენ მართლა?! რა გზას ადგახართ და რეებს „ბოჟიალებთ“?!ეთერებში სხედხართ და აი ეს იქნება, დაველოდოთ, მოხდება, ევროკავშირი იტყვის, ამერიკა იტყვის…გვაშტერებთ?! გვასულელებთ?!ბრძოლის გამოცხადების გეშინიათ, რადგან ორჯერ უფრო გეშინიათ, რომ დავმარცხდებით?! ამ შიშებით გინდათ ოდესმე გაიმარჯვოთ?! არა ძმებო, ასე არ გამოვა!!!! ან ერთი ადგილის თამაშს მოეშვით და ხალხს აჩვენეთ გზა, ბრძოლა ან უბრალოდ დაბრუნდით „არჩევნებში“ და ნუ წვალობთ უაზროდ!თქვენს შიშებს, თქვენს თავს ვერ ერევით და ბიძინას გინდათ მოერიოთ ასე „მიპარვით“, დალოდებით?! 3-ჯერ ტელევიზორში გამოჩნდით და თავი კიტრებად მოგაქვთ.ცოტა მიწაზე გაიარ-გამოიარეთ და 5-10 კაციანი უსაქმურების კლუბიდან გარეთაც გაიხედეთ. მატარებელი დაიძრა უთქვენოდ და ხალხი უბილეთოდ დაგტოვებთ ივანიშვილთან ერთად, ასეთი პირი უჩანს.ორღობის ჭორიკანებად ჩამოყალიბდით – ყურში ჩურჩული, ამან თქვა, იმან თქვა, ამან „დაალაიქა“, იმან „გააზიარა“, ეს იმას შეხვდა, ეს ამას ესაუბრა და არჩევთ ასე, არამკითხე მოამბესავით არასაჭირო, არასაქმიან თემებს და მხოლოდ სხვისი რევიზიით, გამორკვევით ხართ დაკავებულნი.დიდი საზოგადოებრივი გაერთიანება მწიფდება და ეს შეუიარაღებელი თვალითაც კარგად ჩანს!!!პაატა ბურჭულაძე, რუსთაველის გამზირი – 4 ოქტომბერს გამარჯვების დღედ აცხადებს და მე, როგორც რიგითი საქართველოს მოქალაქე მზად ვარ, ვიყო ამ საქმის ერთი, რიგითი მოსამსახურე. ღმერთმა დალოცოს საქართველო!!!“,- წერს ხაბეიშვილი სოციალურ ქსელში.

მეტეოროლოგი, კობა ფარტენაძე ამინდის განახლებულ პროგნოზზე წერს:ზაფხულის მიწურულს, ამინდი სულ უფრო და უფრო ემსგავსება შემოდგომის დასაწყისს, თუმცა როგორც ხდება ხოლმე ბოლო წლებში სექტემბერი აგვისტოს მსგავსია. მომდევნო თვის ამინდის ანალიზზე შემდეგ დღეებში ვისაუბრებ, მანამ კი გეტყვით, რომ - მომდევნო 3 დღის განმავლობაში საქართველოში ამინდი არასტაბილური იქნება, ხვალ და ზეგ მოიღრუბლება დროდადრო და ზოგან მცირე წვიმაა შესაძლებელი, 21 აგვისტოს კი მთელს ქვეყანაში გაავდრდება და იწვიმებს.22 აგვისტოდან - ცხელი და მზიანი ამინდი კვლავ დაბრუნდება, თუმცა ღამით ტემპერატურა უფრო კომფორტული გახდება, ზღვაზე გარუჯვის ამინდი კვლავ გაგრძელდება და მთაშიც თამამად შეგიძლიათ დაისვენოთ. ფერიცვალებას გილოცავთ",-წერს მეტეოროლოგი.

,,ქვეყანა ტოტალურ ჩაგვრას და შიშს ჰქონდა მოცული, მაშინდელი ხელისუფლების მიერ! ბავშვი ვიყავი, მაგრამ ყველაფერი მახსოვს… მახსოვს, როგორ გაჩნდა მაშინდელ სიბნელეში იმედის ნაპერწკალი. აზვირთდა და დიდ პროტესტად იქცა, მიშას რეჟიმის წინააღმდეგ! ლევან გაჩეჩილაძემ შეძლო რეჟიმის რყევა და ხალხისთვის მომავლის იმედის გაჩენა. “მიშა მოვდივარ… “ საუკუნოდ დარჩება ლევანის ეს ცნობილი გამონათქვამი თანამედროვე ქართულ ისტორიაში. პირადად რამდენიმე თვის წინ გავიცანი. ავად იყო, მაგრამ ბევრი ვისაუბრეთ იმ წარსულზე, რაც გადავიტანეთ. საინტერესო იყო მისი შეფასება იმ პროცესებზე და ოცნებებზე, რაც მას მაშინ ძალას და ბრძოლის ჟინს აძლევდა. მადლობა ბატონო ლევან''-წერს სამგორის მაჟორიტარობის კანდიდატი ზაქარია წიკლაური.

ზაზა პაპუაშვილი ლევან გაჩეჩილაძეზე:..მიყვარს და მეყვარება.. პატივს ვცემდი და ძალიან მომენატრება.. ჩემი თაობის უმაგრესი კაცი იყო.. იყო არის და იქნება კიდეც..ჩემთვის საამაყო კაცი..ყველა საუკეთესო თვისება რაც კი ქართველ კაცს გააჩნია, უხდება და ამშვენებს, გულში ქონდა და თან უხვად..ოჯახიშვილობა..რწმენა..სიკეთე..ვაჟკაცობა..გულწრფელობა..სისუფთავე..შესახედაობა..მომხიბვლელობა..ქართველობა და ქვეყნის სიყვარული ..ეს ის თვისებებია რის გამოც გვიყვარდება და სიცოცხლის ბოლომდე და მას შემდეგაც პატივს ვცემთ ადამიანს..ლაღი..ფრთაშესხმული..რომანტიკოსი..სიცოცხლის ეშხისა და პეწის მოყვარული..ზეიმის კაცი..რთულ სიტუაციაშიდაც ყოველთვის პრაგმატული,გონიერი,ზნეკეთილი წესიერი კაცის რუკით აზროვნებდა..დღეს თუ სახელმწიფო გვაქვს და იმ რთულ,უღმერთო დროს სისხლის კალო არ გაილეწა,ზეწოლის,მუქარის და ღალატის თანხლებით,პოლიტიკურ პროცესში თითქმის მარტოდ დარჩენილი ლევანის გადაწყვეტილების დამსახურებაა!იმ ,,ნასედკა" პოლიტიკოსებზე და ვითომ შინაურ,ორტრაკა გულშემატკივრებზე არც არაფერს ან და რა უნდა ვთქვა?იშრომა..იწვალა..დაიღალა და ბოლოს გაილია იმ ქალაქს დააკლდა სადაც და რა დროსაც ჩვენ დავიბადეთ.. უბოროტოდ გავლილი ბავშვობა და სიჭაბუკე საგზლად რო გვქონდა ულევად.. ქალაქს სადაც წესიერ კაცს ჯერ კიდევ ცნობდნენ, პატივი და ფასი ქონდა მათ არსებობას.. ასეთ ქვეყანას და ქალაქს დააკლდა ლევანი!გაგიმარჯოს ლევან! იმიერიდან, შენი ოჯახის და შენი ქვეყნისთვის შენს ლოცვას გაუმარჯოს!..ცხონდეს შენი სული!ამინ! ,,საქართველო,უპირველეს ყოვლისა" -წერს მსახიობი და ყოფილი პარლამენტარი ზაზა პაპუაშვილი.

ქობულეთის შემოვლით გზაზე მძიმე ავარიის შედეგად 4 პირი დაიღუპა.არსებული ინფორმაციით, ერთმანეთს ორი ავტომობილი შეეჯახა, რის შედეგადაც ერთ-ერთ ავტომობილს ცეცხლი გაუჩნდა.შსს-მ მომხდარზე გამოძიება სისხლის სამართლის კოდექსის 276-ე მუხლით დაიწყო.