განათლების სამინისტრო სასკოლო სახელმძღვანელოების საჯარო განხილვას იწყებს

ალეკო ელისაშვილის დამნაშავედ წარმოჩენის უსუსური და აბსურდული მცდელობა, - ასე აფასებენ ადვოკატები - არჩილ ჩოფიკაშვილი, გიორგი რეხვიაშვილი ოპოზიციონერი პოლიტიკოსის ალეკო ელისაშვილის მიმართ წაყენებულ ახალ ბრალს „ტერორისტული აქტის ჩადენის მეორე ეპიზოდზე“.დაცვის მხარე მიიჩნევს, რომ პროკურატურის მიერ, დღეს გასაჯაროებული ეგრეთ წოდებული მტკიცებულებები, კადრები, ვერცერთ შემთხვევაში ვერ ადასტურებს ფაქტთან ალეკო ელისაშვილის შემხებლობას და კავშირს.„სუს-ი ისევ კომიკურ მდგომარეობაშია! ტერორიზმის საქმე ვერ შეკერეს და სასამართლოში შარშან მომხდარ ხანძარს, რომლის შესახებაც ამ დრომდე არავის არაფერი სმენია, ალეკო ელისაშვილს ედავებიან.თანაც მაშინდელი ხანძარი, რომლის გამოძიებაც ერთი წლის განმავლობაში ნივთის დაზიანების მუხლით მიდიოდა, ერთი წლის თავზე ტერორიზმად იქცა და მის უკანაც პოლიტიკოსის კვალი დაადგინეს.პროკურატურის მიერ, დღეს გასაჯაროებული ეგრეთ წოდებული მტკიცებულებები, (კადრები) ვერცერთ შემთხვევაში ვერ ადასტურებს ამ ფაქტთან ალეკო ელისაშვილის შემხებლობას და კავშირს. კომიკურია ისიც, რომ თავად პროკურატურის მიერ ჩატარებული ექსპერტიზის დასკვნითვე (26.02.2026) აღნიშნული კადრები ადამიანის იდენტიფიკაციისთვის უვარგისია.სინამდვილეში ეს არის გაგრძელება იმ კამპანიის, რომლის მიზანიცაა ოპოზიციონერი პოლიტიკოსის დისკრედიტაცია და საზოგადოების თვალში მისი სისხლის სამართლის დამნაშავედ წარმოჩენა.ალეკო ელისაშვილის დემონიზაციის მიზანი, ამასთანავე არის მისი, როგორც პოლიტიკოსის განეიტრალება, სახელმწიფო უსაფრთხოების სამსახურის შეფის შურისძიება და რუსული განაჩენის დე ფაქტო აღსრულება.მიმდინარე საქმეში არ არსებობს რეალური დასაბუთება, რომელიც დაადასტურებდა ალეკო ელისაშვილის ტერორისტობას, შესაბამისად ხელისუფლებას ახალი საქმის შეკერვა დასჭირდა ბრალის დამაჯერებლობის გაზრდისთვის.კომიკურია ისიც, რომ მთავარი მტკიცებულება პარასკევს ციხეში ჩატარებული ოდოროლოგიური (სუნის) ექსპერტიზაა, რომელიც არ წარმოადგენს უტყუარ მტკიცებულებას, ვინაიდან ტარდება ძაღლის მეშვეობით, რომელმაც ამ შემთხვევაში ერთი წლის წინ აღებულ სუნის ნიმუშზე იმუშავა და არ არსებობს მისი ზუსტი მეცნიერული მეთოდოლოგია და დასაბუთება”, - აღნიშნულია განცხადებაში.

,,დაუმთავრებელი სიყვარულის ისტორია — საქართველოსში ირანის ისლამური რესპუბლიკის საელჩოს ფასადზემხოლოდ ერთი კვირა რჩებოდა მათ ქორწილამდე… საქორწილო კაბა მზად იყო, მოსაწვევები — გაგზავნილი, ოჯახები კი ბედნიერ დღეს ელოდნენ… მაგრამ უეცრად, ამერიკისა და ისრაელის თავდასხმის შედეგად ისფაჰანში, სიძე-პატარძალი, თავიანთ მშობლებთან ერთად, სიცოცხლეს გამოესალმნენ. ისინი იყვნენ წარმოშობით ქართველი ირანელები — ცოცხალი ხიდი ორ კულტურას, ორ ქვეყანას, ორ იდენტობას შორის. დღეს ეს ხიდი, მათზე გლოვის ნიშნად, დათალხულია… ეს არ არის მხოლოდ ერთი ოჯახის ტრაგედია; ეს არის ჭრილობა ყოველი ადამიანის გულზე — ჭრილობა, რომელიც საზღვრებს სცდება და გულებს აერთიანებს. ვიწვევთ საქართველოს მოქალაქეებს პარასკევს, 3 აპრილს, 10:00-დან 16:00 საათამდე, ირანის ისლამური რესპუბლიკის საელჩოში, რათა დატოვონ ჩანაწერი სამძიმრის წიგნში, გამოხატონ სოლიდარობა და თანაგრძნობა ირანელი ხალხის, განსაკუთრებით კი ფერეიდანის ქართული წარმოშობის თემისადმი. სამძიმრის წიგნი, მას შემდეგ, რაც მასში აისახება ქართველი ხალხის სიტყვები,გადაეცემა ფერეიდანის მუზეუმს,რათა ეს სოლიდარობა დარჩეს ჩვენი ორი ხალხის საერთო ისტორიაში. მოდით, ერთად ვიყოთ სიცოცხლის, თანაგრძნობისა და ჰუმანიზმის ხმა''-ამის შესახებ სოციალურ ქსელში წერს საქართველოში ირანის ისლამური რესპუბლიკის ელჩი სეიედ ალი მოჯანი.

საქართველოს პრემიერ-მინისტრი ირაკლი კობახიძე აცხადებს, რომ აშშ-ის სახელმწიფო მდივანთან, მარკო რუბიოსთან პროდუქტიული სატელეფონო საუბარი ჰქონდა და მხარეებმა „პარტნიორობის გადატვირთვისა“ და კავკასიის რეგიონში საქართველოს როლის შესახებ ისაუბრეს.„სახელმწიფო მდივანთან, მარკო რუბიოსთან პროდუქტიული სატელეფონო საუბარი მქონდა. ჩვენ განვიხილეთ ჩვენი პარტნიორობის გადატვირთვისა და სამხრეთ კავკასიაში საქართველოს, როგორც ძლიერი პარტნიორის, როლის გაძლიერების მნიშვნელობა. ერთგული ვართ საქართველო-აშშ-ის კავშირების განმტკიცების, რეგიონული სტაბილურობისა და დაკავშირებადობის ხელშეწყობის მიმართ“, – წერს ირაკლი კობახიძე.აშშ-ის სახელმწიფო მდივანს, მარკო რუბიოსა და საქართველოს პრემიერ-მინისტრს, ირაკლი კობახიძეს შორის სატელეფონო საუბრის შესახებ ინფორმაცია აშშ-ის სახელმწიფო დეპარტამენტმა გაავრცელა.დეპარტამენტის ცნობით, „სახელმწიფო მდივანი მარკო რუბიო დღეს ესაუბრა საქართველოს პრემიერ-მინისტრ ირაკლი კობახიძეს. მათ განიხილეს ორმხრივი ინტერესის სფეროები, მათ შორის კავკასიისა და შავი ზღვის რეგიონში უსაფრთხოება“.

აშშ-ის პრეზიდენტი დაინტერესებულია, რომ არაბულმა ქვეყნებმა ირანის წინააღმდეგ მიმდინარე ომი დააფინანსონ, – ამის შესახებ თეთრი სახლის პრესმდივანმა ქეროლაინ ლევიტმა ჟურნალისტებთან საუბრისას განაცხადა.ლევიტს ჰკითხეს, არის თუ არა დონალდ ტრამპი დაინტერესებული, რომ არაბულ ქვეყნებს მოუწოდოს, დააფინანსონ აშშ-ის სამხედრო ოპერაცია ირანში, რაზეც ლევიტმა აღნიშნა, რომ არ სურს მოვლენებს წინ გაუსწროს, თუმცა ტრამპს ეს იდეა აქვს.„ეს იდეა, ვიცი, მას აქვს და ამის შესახებ მისგან კიდევ ბევრს გაიგებთ“, – აღნიშნა მან.ლევიტს ასევე ჰკითხეს ომის ხანგრძლივობაზეც. მისი თქმით, პრეზიდენტმა თავიდანვე განაცხადა, რომ ირანში ოპერაცია დაახლოებით ოთხიდან ექვს კვირამდე გაგრძელდებოდა.„დღეს ოცდამეათე დღეა. ასე რომ, გამოთვალეთ, რამდენი დრო რჩება პენტაგონს ოპერაცია ეპიკური მრისხანების მიზნების სრულად მისაღწევად“, – განაცხადა ლევიტმა.

სახელმწიფო აქტიურად ჩაერევა იმ პროცესში, რომ რაც შეიძლება მეტად და ეფექტიანად იქნეს დაცული მომხმარებლის ინტერესი. ვფიქრობთ, რომ გაფართოვდეს წრე მედიკამენტებისა, რომლებზეც დაწესებული იქნება რეფერენტული ფასები, – ამის შესახებ საქართველოს ჯანდაცვის მინისტრმა, მიხეილ სარჯველაძემ განაცხადა.მიხეილ სარჯველაძემ მედიკამენტებზე რეფერენტული ფასების დადგენის მექანიზმზე ისაუბრა და განმარტა, რომ ფასების გადახედვა მუდმივად მიმდინარეობს, ამ ეტაპზე კი მედიკამენტებზე რეფერენტული ფასები სამართლიანად არის დადგენილი.„კონკრეტულ მედიკამენტზე ფასის ცვლილების საჭიროება თუ გამოიკვეთა, ამას დადგენილი პერიოდულობით განვიხილავთ და გადაწყვეტილებას არ ვაყოვნებთ. ჩვენთვის მთავარი მომხმარებლის ინტერესია და მიგვაჩნია, რომ უკვე დადგენილი ფასები სამართლიანია“, – განაცხადა მიხეილ სარჯველაძემ, რომლის კომენტარსაც ჯანდაცვის სამინისტრო ავრცელებს.მისივე თქმით, მთავარი პრიორიტეტია, რომ მედიკამენტები საქართველოში ხელმისაწვდომი იყოს იმავე ფასად, რა ფასადაც ისინი შესაბამის ოთხ სახელმწიფოში იყიდება.