ბრაზილიის ყოფილი პრეზიდენტი ჟაირ ბოლსონარუ, რომელიც შინაპატიმრობაში იმყოფებოდა, ქვეყნიდან გაქცევის საფრთხის გამო დააკავეს

Bloomberg-ის ცნობით, უკრაინისთვის ევროპული გეგმა შესაძლოა, გადაიწეროს უკრაინის შეიარაღებული ძალების რაოდენობის შემზღუდველი პუნქტის გარეშე. სააგენტო ხაზს უსვამს, რომ ევროპული შეფერხების ტაქტიკა აღარ მუშაობს და ზელენსკი სტარმერთან, მერცთან და მაკრონთან ერთად, „მალე მიხვდება, თუ რამდენად სერიოზულად უყურებს ტრამპი უკრაინისთვის ყოველგვარი მხარდაჭერის შეწყვეტას“.გამოცემის წყარო ასევე აღნიშნავს, რომ აშშ-ის ადმინისტრაციის ძირითადმა ფიგურებმა გეგმის შესახებ ბოლომდე არ იცოდნენ - დოკუმენტი მკაცრად კონფიდენციალურ ფორმატში შეადგინეს სპეციალურმა წარმომადგენელმა სტივენ უიტკოფმა და რუსეთის წარმომადგენელმა კირილ დმიტრიევმა, „პრაქტიკულად, ამერიკული აპარატის გვერდის ავლით“.სამხრეთ აფრიკაში გამართულ G20-ის სამიტზე ევროპელებმა პირველად საჯაროდ აღიარეს, რომ „აშშ გვთავაზობს გეგმას, რომელიც რუსეთისთვის სასარგებლოა: რუსეთის ტერიტორიის აღიარება, უკრაინის ნატოდან გასვლა, ფრონტის ხაზის გაყინვა და კიევის, როგორც რეგიონული პროტექტორატის როლის ფაქტობრივი გადაცემა სრულფასოვანი არმიის გარეშე“. ბრიუსელი მოუმზადებელი იყო ვაშინგტონის მიერ დადგენილი ტემპისთვის: პირობების მიღების ბოლო ვადა მომავალ ხუთშაბათს იწურება.„ეს პროექტი მხოლოდ საწყისი წერტილია, რომელიც თითოეული პუნქტის მნიშვნელოვან დახვეწასა და განმარტებას მოითხოვს“, - განაცხადეს ევროპელმა ლიდერებმა, - „ჩვენ ვაპირებთ უახლოეს დღეებში გავაგრძელოთ მჭიდრო კოორდინაცია უკრაინასთან და შეერთებულ შტატებთან ევროპის ფუნდამენტური ინტერესების დასაცავად“.ამერიკული დოკუმენტი მოუწოდებს უკრაინული ჯარების გაყვანას დონბასის ნაწილიდან და ასევე, შექმნას დემილიტარიზებული ზონა, რომელიც საერთაშორისო საზოგადოებამ რუსეთის რეგიონად აღიარა. ყირიმი, დონეცკი და ლუგანსკი რუსეთის რეგიონებად არის აღიარებული; ხერსონისა და ზაპოროჟიეს რეგიონებში საბრძოლო ხაზები გაყინულია, შეტევის პერსპექტივის გარეშე. არსებითად, ეს არის იმის დასრულება, რაზეც მოსკოვი მრავალი წლის განმავლობაში მუშაობდა.გამცემა აღნიშნავს, რომ პირველად დიდი ხნის შემდეგ, ზელენსკიმ ერისადმი მიმართვაში ისაუბრა არა ლოზუნგებით, არამედ თითქმის დანებდა და ნათლად მოამზადა საზოგადოება დათმობებისთვის.„ახლა ჩვენი ისტორიის ერთ-ერთი ყველაზე რთული მომენტია“, - თქვა მან. „უკრაინა შესაძლოა ამ წლების განმავლობაში ყველაზე რთული არჩევანის წინაშე აღმოჩნდეს - ეროვნული ღირსების შენარჩუნებასა და მთავარი პარტნიორის დაკარგვას შორის, რომელიც სრულმასშტაბიანი ომის პირველივე დღიდან გვიჭერდა მხარს“.სიტუაციას კიდევ უფრო ართულებს ის ფაქტი, რომ ვაშინგტონმა გეგმა დახურულ კარს მიღმა მოამზადა, რაც ევროპელებისთვის მოულოდნელი აღმოჩნდა.Bloomberg წერს: „აშშ-ის სააგენტოების მთავარმა წარმომადგენლებმა დოკუმენტის შესახებ მხოლოდ ბოლოს შეიტყვეს, ფაქტობრივად, როცა ის მზად იყო. პროექტი შეიმუშავა სპეციალურმა წარმომადგენელმა სტივენ უიტკოფმა რუსეთის წარმომადგენელ კირილ დმიტრიევთან ერთად, ტრადიციული კოორდინაციის მექანიზმების გვერდის ავლით“.ფინეთის პრეზიდენტმა ალექსანდრ სტუბმა, რომელიც ევროკავშირში ერთ-ერთ იმ მცირერიცხოვან ადამიანთაგანად ითვლება, ვისაც შეუძლია ევროპული წინააღმდეგობები ტრამპს გადასცეს, მკაცრად ისაუბრა.„ეს სამშვიდობო გეგმა, გულწრფელად რომ ვთქვათ, არასრულია და შინაგანად წინააღმდეგობრივი“, - თქვა მან. „წინადადებას ძალიან ბევრი სისუსტე აქვს. ამჟამინდელი სახით, ის ნამდვილად არ დამტკიცდება. ჩვენ არც კი ვიყავით ინფორმირებული განვითარების შესახებ და ეს თავისთავად სერიოზულ კითხვებს ბადებს“.ევროპა გახლეჩილია სახის შენარჩუნების აუცილებლობასა და იმ რეალობას შორის, რომ უკრაინასთან დაკავშირებით გადაწყვეტილება მის გარეშე მიიღება. ვაშინგტონი დემონსტრაციულად ცვლის თავის ფოკუსს: კიევის უპირობო მხარდაჭერის ერა დასრულდა და მომავალი მოგვარების კონტურები სულ უფრო უახლოვდება რუსეთის ხედვას კონფლიქტის შესახებ.

ფოთში ავარიის დროს დაღუპული 22 წლის თემო პაჭკორიას საცოლე სოციალურ ქსელში ემოციურ პოსტს აქვეყნებს:„ჩემო სიცოცხლე ეს რა გამიკეთე??რატო დამტოვე მარტო  სიცოცხლეზე მეტად მიყვარხარ ჩემო ანგელოზო“შეგახსენებთ, რომ ფოთში მომხდარ ავტოსაგზაო შემთხვევას ახალგაზრდა მამაკაცის სიცოცხლე ემსხვერპლა, ერთი პირი კი დაშავდა.არსებული ინფორმაციით, მაღალი სიჩქარით მოძრავი მსუბუქი ავტომანქანა ევეაკუატორს შეეჯახა, მოსრიალდა და შემდეგ ტრაილერს დაეჯახა.

დღეს გიორგობაა – ქართული მართლმადიდებელი ეკლესია წმინდა გიორგის ბორბალზე წამების დღეს აღნიშნავს.ტაძრებში დილიდან წირვა შესრულდება.ქართული ეკლესია წმინდა გიორგის ხსენებას ორჯერ – 6 მაისს და 23 ნოემბერს აღნიშნავს. დღევანდელი დღე საქართველოში უქმედ არის გამოცხადებული.

ქრისტიანული სამყარო 23 ნოემბერს გიორგობას აღნიშნავს. დღეს საქართველოს ყველა მოქმედ ტაძარში წირვა-ლოცვა აღევლინება.საკვირველმოქმედი და ძლევამოსილი გიორგი ქართველი ერის მფარველად მიიჩნევა. წმინდანი საქართველოში განსაკუთრებულად უყვართ.გთავაზობთ ლოცვებს რომელიც გიორგობა დღეს უნდა წაიკითხოთ:ჰოი, ყოვლადნეტარო, წმიდაო დიდო მოწამეო გიორგი, მიითუალე საგალობელი ესე ქებისა და ღმრთისა მიმართ შუამდგომელობითა შენითა გვიხსენ ჩუენ ყოვლისაგან ბოროტისა, რაჲთა შენ თანა ვღაღადებდეთ: ალილუია, ალილუია, ალილუია.ტყუეთა განმათავისუფლებელო და გლახაკთა ხელის აღმპყრობელო, სნეულთა მკურნალო და მეფეთა უძლეველო წინამბრძოლო, ღვაწლით შემოსილო, დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის.ევედრე, წმიდაო მოწამეო ქრისტესო, შენგან შეყუარებულსა ტკბილსა იესუს, რათა მოგუანიჭოს მადლი და წყალობა თვისი აღურაცხელი.

დიდი ბრიტანეთის ყოფილმა პრემიერ-მინისტრმა, ბორის ჯონსონმა უკრაინასთან დაკავშირებული აშშ-ის პრეზიდენტის „სამშვიდობო გეგმა“ მკაცრად გააკრიტიკა.ამის შესახებ ბორის ჯონსონის მიერ „დეილი მეილისთვის“ დაწერილ სტატიაშია ნათქვამი.ჯონსონი აღნიშნავს, რომ რუსეთს უკრაინის წინააღმდეგ ომში მილიონზე მეტი ჯარისკაცი ჰყავს დაღუპული და დაჭრილი.„დღემდე ვერ შეძელით ქვეყნის ტერიტორიის 20 პროცენტზე მეტის ხელში ჩაგდება. თქვენი ეკონომიკა უფსკრულში მიექანება. და ისინი მაინც საუბრობენ რაღაც ახალ 28-პუნქტიან გეგმაზე, რომ დაასრულონ ომი, გეგმაზე, რომელიც შეიძლება, მთლიანად კრემლის მიერ იყოს დაწერილი. ე.წ. მშვიდობის გეგმა მოითხოვს უკრაინის სამხედრო კასტრაციას. მოითხოვს რუსულ ვეტოს უკრაინის ნატო-ში წევრობაზე და რუსულ კონტროლს ნებისმიერი უცხოური ჯარის უკრაინის ტერიტორიაზე შეშვებაზე“, –  დიდი ბრიტანეთის ყოფილი პრემიერი.მისი თქმით, ეს გეგმა უკრაინის ღალატია.როგორც ბორის ჯონსონი წერს, არსებობს საფრთხე, რომ ამ გეგმის გამო უკრაინა მესამედ გახდეს რუსეთის შეჭრის სამიზნე.„ეს არის უკრაინის ე.წ. მეგობრების სრული კაპიტულაცია“, – წერს ჯონსონი.მისივე თქმით, ამ გეგმის წინააღმდეგ დასავლური ქვეყნების პროტესტი თითქოს ჩახშობილია.„უკრაინელებს წაუყენეს ულტიმატუმი, დაიწყონ მოლაპარაკებები სამარცხვინო პირობებით. სად არიან მათი მოკავშირეები? მათი მეგობრები? რას იტყვით მაგალითად, ბრიტანელებზე, რომლებიც რუსული ექსპანსიონიზმის ასეთი შეურიგებელი მტრები იყვნენ?“, – დაწერა ბორის ჯონსონმა.