ბრაზილიაში „ქრისტეს“ გადასარჩენად მაყურებელი სცენაზე ავარდა. ვიდეო

უნგრეთმა უკრაინისა და მოლდოვის ევროკავშირში გაწევრიანების შესახებ განაცხადების განხილვა შეაფერხა, – ამის შესახებ „პოლიტიკო“ წერს.როგორც გამოცემა წერს, უნგრეთმა შეაჩერა მნიშვნელოვანი პროცედურული ნაბიჯი, რომელიც საჭირო იყო უკრაინაისა და მოლდოვის ევროკავშირში გაწევრიანების მოლაპარაკებების წინ წასაწევად.„პოლიტიკო” ანონიმურ წყაროზე დაყრდნობით იუწყება, რომ ბუდაპეშტმა წინააღმდეგობა გაუწია ევროპულ საბჭოსა და ევროკომისიაში ევროკავშირის 27 წევრი ქვეყნის სახელით მომზადებული ერთობლივი წერილის გაგზავნას. გამოცემის ცნობით, ეს წერილი ევროკავშირის ქვეყნების საერთო პოზიციას ასახავდა და მისი მიღება 27-ვე წევრი სახელმწიფოს მხარდაჭერას მოითხოვს. დიპლომატების თქმით, უნგრეთი ერთადერთი ქვეყანა იყო, რომელმაც ამ ნაბიჯს მხარი არ დაუჭირა. აღნიშნულ საკითხს მომავალ კვირას კვლავ განიხილავენ.როგორც „პოლიტიკო” წერს, მიუხედავად იმისა, რომ უნგრეთის პრემიერ-მინისტრის, პეტერ მადიარის მთავრობას უკრაინისთვის მოლაპარაკებების პირველი კლასტერის გახსნისთვის ხელი არ შეუშლია, ბუდაპეშტმა ბრიუსელში გასულ კვირას გამართული ევროკავშირის ლიდერების შეხვედრის დასკვნით დოკუმენტში ევროკავშირში უკრაინის გაწევრიანებასთან დაკავშირებული ფრაზის – „რაც შეიძლება მალე“ – ამოღება მოითხოვა. ერთ-ერთი დიპლომატის განცხადებით, უნგრეთის პოზიცია აჩვენებს, რომ ქვეყანა არ უჭერს მხარს პროცესის დაჩქარებას.მადიარმა განაცხადა, რომ უკრაინისთვის მოლაპარაკებების ყველა ეტაპის სწრაფად გახსნას არ ეთანხმება.„სულ ექვსი ბლოკია და ჩვენ არ ვფიქრობთ, რომ მათი ერთდროულად გახსნა კარგი იდეაა – ნაწილობრივ იმიტომ, რომ პირველ ბლოკზე ჯერ მელანიც კი არ არის გამშრალი, და ნაწილობრივ იმიტომაც, რომ ეს არასწორ გზავნილს გაუგზავნის დასავლეთ ბალკანეთის ქვეყნებს – სერბეთს, ალბანეთს, მონტენეგროს და ჩრდილოეთ მაკედონიას, რომლებმაც წლები დახარჯეს ევროკავშირში გაწევრიანებისთვის“, – განაცხადა მადიარმა.

ირანის პრეზიდენტის თქმით, ირანის სარაკეტო პროგრამა არ შედის შეერთებულ შტატებთან გაფორმებულ ურთიერთგაგების მემორანდუმში და არც მომავალში იქნება მისი ნაწილი.„ჩვენი რაკეტების შესახებ დისკუსია მემორანდუმში არ არსებობს და არც არასდროს იარსებებს“, – განაცხადა ფეზეშქიანმა.ირანის პრეზიდენტმა ასევე აღნიშნა, რომ სარაკეტო პროგრამა ქვეყნის თავდაცვისთვის აუცილებელია.„ჩვენ რომ რაკეტები არ გვქონოდა, რომლებსაც თავდაცვისთვის ვიყენებთ, ისრაელი და შეერთებული შტატები ირანს გაანადგურებდნენ“, – აღნიშნა ფეზეშქიანმა ისლამაბადში ვიზიტის დროს, სადაც შეხვედრები გამართა პაკისტანის ოფიციალურ პირებთან.

საპრეზიდენტო არჩევნები როცა აღარ არსებობს, ძალიან დიდი დრო რჩება ხოლმე პოლიტიკური არდადეგებისთვის და ამ დროს იწყება ძირითადად შლის პროცესი, – ამის შესახებ პოლიტიკოსმა ცოტნე კობერიძემ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ განაცხადა.„საარჩევნო კამპანია როცაა, არსებობს რესურსები, ადამიანს დაჰპირდებიან სიაში ყოფნას ან რაღაც რესურსი იქნება, ზოგადად არჩევნებია, ივენთია და ეს მაინც შეკვრას იწვევს ხოლმე, მერე კი ძირითად მიმდინარეობს შლა. ახლა მოკვდა ყველანაირი იმედი, რომ ვადამდელი არჩევნები იქნება, ჩემი აზრით, იმის იქით კონსტიტუციით ჩანიშნული არჩევნები არ არის 2028-მდე და ეს პოლიტიკისთვის ზედმეტად დიდი დროა, განსაკუთრებით, თუ ინსტიტუტურად წარმოდგენილი არ ხარ ან პარლამენტში, ან სადღაც, სადაც მიმდინარედ მოახერხებ არსებობას. ამიტომ, მერე გაჩნდა ასეთი საკითხები, ახლა ზუსტად, ეს ბოლო სამი თვეა, რაც მიდის – „ჩემი ოქრო ჩემთან“. ყველას უნდა, ვინც გრძნობს, რომ რაღაც ტიპის პოტენციალი გააჩნია, ეს დაიბრუნოს. ამიტომ ახლა მიდის ფიქრი იმ ხმებზე, რასაც ფიქრობს „ნაციონალური მოძრაობა“, რომ მას წაერთვა და გაეყო. ამიტომ იყო მთავარი დებატი მიშას და ნიკა მელიას შორის. ნიკა მელიაც და მიშაც გრძნობენ, რომ მხოლოდ მათ აქვთ პირადი რაღაც ტიპის რესურსი. 2028 წლის არჩევნებისკენ დაიწყო ყველამ ყურება, რომ იქ გააცოცხლებს თავის რესურსს და ამიტომ დაიწყეს ერთმანეთში ეს გადანაწილება. სხვა ყველას განიხილავენ, როგორც პარაზიტს და უნდათ, ეს პარაზიტები, რაღაცნაირად, გაარკვიონ და ჩამოიხსნან ერთმანეთშიც კამათით, უბრალოდ, ერთმანეთთან ზღვარს გადებენ, ვინ სად მიდის“, – განაცხადა კობერიძემ.ამ განცხადებით ცოტნე კობერიძემ გადაცემის წამყვანის შეკითხვას უპასუხა, ცდილობს თუ არა „ნაციონალური მოძრაობა“ კონსერვატორულ პლატფორმაზე გადაპორტირებას.კობერიძის თქმით, „ნაცმოძრაობას“ გარდა ამისა, აქვს განცდა, რომ მისი ხმების გაზიარება მოხდა „ქართულ ოცნებასთან“ მიმართებაშიც და რეგიონებშიც „ქართულმა ოცნებამ“ მას ხმები წაართვა.„იმიტომ, რომ „ნაციონალური მოძრაობა“ იყო დიდი პარტია, რომელსაც ზოგი მხარს უჭერს, რადგან სტატუსკვოს ცვლილებას აძლევს ხმას და ამიტომ აძლევდა ხმას, მაგრამ იდეოლოგიურად და ღირებულებითად, დიდწილად, რაც საქართველოში, ჩემი აზრით, პოპულისტურია და ბევრ ადამიანს მოსწონს ძირითადად, იმას იზიარებს და ამ ნაწილშიც, მათი აზრით, კვეთა აქვთ „ქართული ოცნების“ ხმებთან, რომლითაც გაიძარცვნენ, წაერთვათ ასეთი ხმები და რაღაცნაირად მისი დაბრუნების მცდელობა აქვთ“, – განაცხადა კობერიძემ.

ჩვენი მთავარი ამოცანაა 2028 წლისთვის კოლექტიური „ნაცმოძრაობის“ სრული განეიტრალება და თავად ძალიან გვეხმარებიან ამ ამოცანის მიღწევაში. მადლობა თითოეულ მათგანს ამისათვის, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.კობახიძის თქმით, რადიკალური ოპოზიცია წარმოადგენს ანტისახელმწიფოებრივ დაჯგუფებას, უცხოური აგენტურას და რაც მეტად იქნება მორღვეული ეს პოლიტიკური ძალა, მით უკეთესი იქნება ქართული დემოკრატიისთვის.„ყველაზე საინტერესო ის არის, რომ ამ ადამიანებს ერთმანეთი არ უნდათ და უნდათ, რომ ისინი მოუნდეს საზოგადოებას. ეს წარმოუდგენელია. ერთმანეთი როცა არ გინდათ, საზოგადოებას ვერ მოუნდებით. ეს არის ძალიან მარტივი რეალობა, რომელიც აისახა 2024 წლის, 2025 წლის, 2020 წლისა და 2021 წლის არჩევნებზე. ისინი ამ რეალობას ვერ გასცდნენ, რაც, საბოლოო ჯამში, ძალიან კარგია. ეს არის რადიკალური ოპოზიცია, ანტისახელმწიფოებრივი დაჯგუფება, უცხოური აგენტურა. შესაბამისად, რაც მეტად იქნება მორღვეული ეს პოლიტიკური ძალა, მით უკეთესი ქართული დემოკრატიისა და ჩვენი პოლიტიკური სისტემისთვის. ჩვენი მთავარი ამოცანაა 2028 წლისთვის კოლექტიური „ნაცმოძრაობის“ სრული განეიტრალება. თავად ძალიან გვეხმარებიან ამ ამოცანის მიღწევაში და მადლობა თითოეულ მათგანს ამისათვის“,  – განაცხადა პრემიერმა.

პარტია „გახარია საქართველოსთვის“ ლიდერის, გიორგი შარაშიძის განცხადებით, სახალხო დამცველი ხალხთან ერთად უნდა იყოს იქ, სადაც ადამიანის უფლებები ირღვევა.ასე მიმართა დეპუტატმა ლევან იოსელიანს პარლამენტში სახალხო დამცველის ანგარიშის განხილვისას.მისი შეფასებით, სახალხო დამცველი არ უნდა იყოს „კაბინეტური თანამდებობა“ და რეალური ავტორიტეტის მოსაპოვებლად საჭიროა პრინციპულობა, გამბედაობა, მიუკერძოებლობა და დამოუკიდებლობა.“კონტრ კითხვა დამისვით, ვერ მივხვდი რა უნდა გამეკეთებინა იმისთვის, რომ ჩემი რეკომენდაციების დიდი ნაწილი შესრულებულიყო. მე გეტყვით, რაც უნდა გაგეკეთებინათ. ძალიან ბევრს საუბრობთ რეკომენდაციებზე და ბევრს წერთ, როგორც ჩანს. მინდა გაგახსენოთ, რომ მწერალთა კავშირის თავმჯდომარედ კი არ აურჩევიხართ პარლამენტს. თქვენ ხართ სახალხო დამცველი და თქვენი ვალდებულებაა ის, რომ ხალხთან ერთად უნდა იყოთ 24 საათი. ასევე მინდა შეგახსენოთ, რომ სახალხო დამცველი არ არის კაბინეტური თანამდებობა. სახალხო დამცველს რეალური ავტორიტეტი, რომ ჰქონდეს როგორც ხალხში, ისე ხელისუფლებაში, ის უნდა იყოს პრინციპული, გამბედავი, მიუკერძოებელი და დამოუკიდებელი. ამისთვის არ არის საკმარისი მხოლოდ კონსტიტუციით მინიჭებული უფლებამოსილების შესრულება. ამისთვის არის საჭირო ყოფნა იქ, სადაც ირღვევა ადამიანის უფლებები.დღეს, რომ დანაშაული მოხდეს, თქვენს ანგარიშს უნდა დაველოდოთ ერთი წლის შემდგე? ჩვენ და ხალხი თქვენგან გმირობას ითხოვს! დიახ, გმირობას, კაცობას და ვაჟკაცობას! ამისთვის საჭიროა ადამიანებთან ყოფნა. დიახაც, მაღაროელებთან ყოფნა, სასამართლოებში ყოფნა, დემონსტრაციებზე ყოფა, სადაც ადამიანებს უსამართლოდ და სასტიკად უსწორდებიან. სამწუხაროდ, თქვენ არ ხართ ასეთი სახალხო დამცველი“, - განაცხადა შარაშიძემ.