ბორის ჩელე ყურუა: ისევ თუ დააპირებენ რუსული კანონისნაირი საბოტაჟის გაკეთებას, ისევ უნდა გამოვიდეთ და უნდა ვურტყათ თავში

თბილისში მიმდინარე ევროპის ჩემპიონატზე ძიუდოში მოქმედი ჩემპიონი გიორგი სარდალაშვილი (60 კგ) ვერცხლის მედლის მფლობელი გახდა – ქართველი ფინალში საფრანგეთის სახელით მოასპარეზე ლუკა მხეიძესთან მტკივნეული ილეთით დამარცხდა.ხვალ, 17 აპრილს, ტურნირზე მედლებისთვის ხუთი ქართველი ძიუდოისტი იბრძოლებს – კაცთა შორის 73 კგ-ში ლაშა შავდათუაშვილი და მიხეილ ბახბახაშვილი, ხოლო ქალებში ეთერ ლიპარტელიანი, ნინო ლოლაძე (ორივე – 57 კგ) და ნინო წიკლაური (63 კგ).წინასწარი შეხვედრები 10:00 საათიდან დაიწყება, ფინალური ბლოკის პირდაპირ რეპორტაჟს კი 16:00 საათიდან საქართველოს პირველი არხი შემოგთავაზებთ.

თბილისის მერის, კახა კალაძის განცხადებით, ქვეყნის ეკონომიკური განვითარება და წინსვლა მშვიდობას მოაქვს, რომლის დასაცავად ხელისუფლება კვლავ მზად არის. ამის შესახებ მან საერთაშორისო სავალუტო ფონდის მიერ გამოქვეყნებული მსოფლიო ეკონომიკის განვითარების გრძელვადიან პროგნოზთან დაკავშირებით დასმული კითხვის პასუხად განაცხადა.„საქართველოსთან მიმართებით რაც პროგნოზებიც არის, ეს შემთხვევითი არ არის. ამას აქვს თავისი ახსნა. როდესაც საუბარია ქვეყნის ეკონომიკურ განვითარებაზე, წინსვლაზე, ეს ყველაფერი მოაქვს მშვიდობას. რა ფასად დაუჯდა საქართველოს მშვიდობის შენარჩუნება, საზოგადოების დიდი ნაწილი კარგად ხედავს და აფასებს. მიუხედავად იმ ყველაფრისა, ჩვენ გვქონდა და გვაქვს ძალიან მტკიცე, პრინციპული პოზიცია, რომ საქართველოს, ქართველი ხალხის ინტერესები უნდა იყოს დაცული და ვერავინ მოგვხვევს თავს, ვერ გვიბრძანებს, რომ ქვეყანაში მეორე ფრონტი გაიხსნას, სანქციებს შევუერთდეთ, რომელიც დამაზიანებელი და დამღუპველი იქნება ჩვენი ქვეყნისთვის, ქართული ეკონომიკისთვის. შესაბამისად, მშვიდობის შენარჩუნებით სახეზეა ის, რომ ქვეყანა ეკონომიკურად იზრდება, წინ მიდის, უფრო მეტი შესაძლებლობები ჩნდება. ეს მოგცვემს შესაძლებლობას, გრძელვადიან პერსპექტივაში, ის ადამიანები, ის ოჯახები, რომელთაც დღეს ჯერ კიდევ უჭირთ, მიიღებს ის ბენეფიტი, რაც ეკონომიკურ განვითარებას მოაქვს“, – განაცხადა კახა კალაძემ.

დედაქალაქის მერის, კახა კალაძის განცხადებით, სიახლე არ არის გავრცელებული ინფორმაცია, რომ ოპოზიციას რევოლუციურ სცენარს „პრაღის სამოქალაქო საზოგადოების ცენტრის“ ერთ-ერთი ლიდერი იგორ ბლაჟევიჩი უწერს.როგორც თბილისის მერმა მედიასთან აღნიშნული თემის კომენტირებისას განაცხადა, წლებია, გარე ძალები საქართველოში სახელმწიფო გადატრიალების მოწყობას სხვადასხვა მეთოდით ცდილობენ. მთავარია, რომ ქვეყნის მოსახლეობა სწორ ანალიზს აკეთებს.„არ უნდა გაგვიკვირდეს. ვიცით, საქართველოსთან დაკავშირებით რა დამოკიდებულება არსებობს – წლების განმავლობაში უამრავი თანხა იხარჯებოდა, რომ გარედან ჩარევებით სახელმწიფო გადატრიალება მოეწყოთ, საზოგადოება დაეპირისპირებინათ, პოლარიზაცია გაეღრმავებინათ. ისინი დღესაც არ ჩერდებიან. ჯერ ჰაკერმანის წიგნს და გარე მითითებებს მიყვებოდნენ.ვიხილეთ რევოლუციის არაერთი მცდელობა, თუმცა ჩვენი ქვეყნის მოსახლეობის უმრავლესობა კარგად აანალიზებს, რა პროცესები მიდის, ვინ არის ჩვენი ქვეყნის რეალური მტერი. ვის რა ინტერესი აქვს საქართველოსთან მიმართებაში. შესაბამისად, ძალიან მნიშვნელოვანია, რომ ქვეყნის მოსახლეობა ყურადღებით აკვირდება პროცესებს და აქვს სწორი ინფორმაცია”, – აღნიშნა კახა კალაძემ.ინფორმაციას თბილისის მერიის პრესსამსახური ავრცელებს.

ფინანსთა სამინისტროს შემოსავლების სამსახურის მებაჟე ოფიცრების მიერ, საბაჟო გამშვებ პუნქტზე „სადახლო საავტომობილო“, უცხო ქვეყნის მოქალაქის ეჭვის საფუძველზე, ბარგისა და ხელბარგის დეტალური დათვალიერების შედეგად, არადეკლარირებული 415 გრამი ოქროს საიუველირო ნაკეთობები გამოვლინდა.საქონლის საერთო საბაჟო ღირებულებამ 103 698  ლარი შეადგინა.საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეგზავნა.

ირანში აცხადებენ, რომ აშშ-თან მოლაპარაკებებში „გარკვეული პროგრესი“ მიღწეულია, თუმცა თეირანის ბირთვული პროგრამის გარშემო უთანხმოება რჩება. ამის შესახებ სააგენტო „როიტერს“ ირანელმა მაღალჩინოსანმა უთხრა.მისივე თქმით, მოლაპარაკებებში პროგრესს ხელი პაკისტანის არმიის მეთაურის თეირანში ვიზიტმა შეუწყო.„ეს ვიზიტი ეფექტური იყო და უთანხმოება შემცირდა ზოგიერთ სფეროებში, თუმცა პრინციპული უთანხმოება ბირთვული საკითხებზე ჯერ კიდევ რჩება. გაჩნდა მეტი იმედი, რომ ცეცხლის შეწყვეტის შეთანხმება გახანგრძლივდება და მოლაპარაკებების მეორე რაუნდი გაიმართება“, – განაცხადა ირანელმა ოფიციალურმა პირმა როიტერთან საუბრისას.მისივე თქმით, ყველაზე რთულ საკითხებად რჩება ირანში არსებული გამდიდრებული ურანის საკითხი და თეირანი ბირთვული პროგრამის შეზღუდვის საკითხი.