ბიძინა ივანიშვილი: თბილისი კრებს ჩვენი სამშობლოს ყველა კუთხის შვილებს და ქართული მრავალფეროვნებაც ყველაზე მეტად აქ იგრძნობა, თბილისის ისტორიული მნიშვნელობა, არა მხოლოდ საქართველოსთვის, ევროპისთვისაც ძალიან დიდია!

გერმანიის კანცლერი აცხადებს, რომ ირანი საერთაშორისო ტერორიზმის ცენტრია, რომელიც უნდა დაიხუროს. ამის შესახებ ფრიდრიხ მერცმა პრესკონფერენციაზე განაცხადა.„ირანი საერთაშორისო ტერორიზმის ცენტრია და ეს ცენტრი უნდა დაიხუროს, ამერიკელები და ისრაელელები კი ამას საკუთარი გზით აკეთებენ. რაც უფრო მალე დასრულდება მოლების რეჟიმი, მით უფრო მალე დასრულდება ომი.სამხედრო მოქმედებების შეწყვეტა სრულად რეჟიმსა და ე.წ. რევოლუციის გუშაგთა კორპუსზეა დამოკიდებული. ვიდრე ეს ასე არ მოხდება, ვვარაუდობ, რომ ისრაელი და ამერიკა გააგრძელებენ ამ რეჟიმისგან დაცვას, რადგან ამ რეჟიმის მიერ შექმნილი საფრთხე ქვეყნისა და რეგიონის ფარგლებს სცილდება“, – აღნიშნა მერცმა.

აღდგომის მარხვაში ეკლესიაში ზეთის კურთხევის საიდუმლო ანუ შვიდგზის ზეთისცხება სრულდება. როგორც მამა იოანე მჭედლიშვილი აღნიშნავს, ზეთისცხებასთან დაკავშირებით, აკრძალვა არ არსებობს, მაგრამ ადამიანმა მადლი, რომ შეიგრძნოს ამისთვის ის ქრისტიანულად უნდა ცხოვრობდეს.„შვიდგზის ზეთისცხებასთან დაკავშირებით, არანაირი აკრძალვა არ არსებობს, მაგრამ მადლი, რომ შეიგრძნოს ადამიანმა, ამისთვის მან ქრისტიანულად უნდა იცხოვროს. თუ ქრისტიანულად ადამიანი არ ცხოვრობს, რა აზრი აქვს ზეთს აცხებენ თუ სხვა რამე საშუალებას. ადამიანი თუ თავის ცოდვებს არ ნანობს, აღმსარებელი არ არის, მადლი არ იქნება. როცა ადამიანი აღმსარებელია, ნანობს მის ცოდვებს, ეს უკვე დიდი მადლია და დიდი სიკეთე მოაქვს ზეთისცხებას.მისი თქმით, შვიდგზის ზეთისცხებას დიდი მადლი მოაქვს.„შვიდგზის ზეთისცხება, ეს არის ერთ-ერთი საიდუმლო, რომელიც სრულდება მარხვის პერიოდში. წესი ის იყო, რომ ეს არის ადამიანების საკურნებლად.ზოგადად მარხვა იმისთვის არის, რომ ადამიანი როცა მარხულობს, უფრო მეტი იფიქროს სულიერზე და მოუძლურების ჯამს შვიდგზის ზეთისცხების სახით სრულდება, რომ განიკურნოს ადამიანი. მთელი შინაარსია ამაში და როდესაც მიხვალ, არც ზიარებულხარ, არც აღსარება ჩაგიბარებია და არც მღვდელთან ყოფილხარ ზეთს იცხებ და გგონია რაღაც მოხდება შინაარსი გამოცლილი აქვს ამას.არ ცხოვრობს ადამიანი ქრისტიანულად და ჰგონია, რომ როცა ზეთს იცხებს ყველაფერი კარგად იქნება, თუმცა ვინც მოსულა არავისთვის უარი არ გვითქვამს, მთავარია ამას შინაარსი ჰქონდეს“,- ამბობს მამა იოანე მჭედლიშვილი.

UFC-ის მსუბუქი წონის ქართველი ჩემპიონის ილია თოფურიას ყოფილი მეუღლე ჯორჯინა უზგატეგუი სოციალურ ქსელში დიდხნიანი პაუზის შემდეგ პოსტს აქვეყნებს და ქალებს ქალთა დღეს ულოცავს.„დღეს, ქალთა საერთაშორისო დღეს, მინდა გავიხსენო ერთი მნიშვნელოვანი რამ, რომ ნამდვილი სიძლიერე ყოველთვის ხმამაღალი არ არის, ზოგჯერ ის ჩვენში ჩუმად ცხოვრობს. ქალთა დღეს, მინდა ჩავეხუტო ყველა ქალს, რომლებსაც ცხოვრების გარკვეულ მომენტში მოუწიათ უფრო ძლიერები ყოფილიყვნენ, ვიდრე ოდესმე წარმოედგინათ.დაე, არასდროს დავკარგოთ ჩვენი არსი და ის, რაც უნიკალურებად გვაქცევს: ზრუნვის, ზრდისა და განვითარების უნარი. დაე, ამ დღემ შეგვახსენოს, რომ სიმშვიდე ძალაა, რომ სიცოცხლე უკვე არის მოტივაცია. გილოცავთ ქალთა დღეს!" - წერს ჯორჯინა უზკატეგუი.

ირანის საგარეო საქმეთა სამინისტროს პრესსპიკერმა, ისმაილ ბაღაიმ ირანის მხრიდან თურქეთის, აზერბაიჯანისა და კვიპროსის წინააღმდეგ ნებისმიერი სახის თავდასხმა უარყო და მას „ცრუ დროშის ოპერაცია“ უწოდა.„ჩვენი თავდაცვა არანაირად არ უნდა იქნეს განმარტებული, როგორც რეგიონის რომელიმე ქვეყნის მიმართ მტრული დამოკიდებულება. რაც შეეხება აზერბაიჯანის ისლამურ რესპუბლიკას, თურქეთსა და კვიპროსს, შეიარაღებული ძალების გენერალურმა შტაბმა ნათლად და ოფიციალურად განაცხადა, რომ ირანის ტერიტორიაზე ან ჩვენი შეიარაღებული ძალების მონაწილეობით მსგავსი ინციდენტები არ მომხდარა. კვიპროსთან დაკავშირებით დიდი ბრიტანეთის ოფიციალურმა ხელისუფლებამაც კი დაადასტურა, რომ მსგავსი ინციდენტი არ მომხდარა“, – განაცხადა ირანის საგარეო საქმეთა სამინისტროს პრესსპიკერმა.ამასთან, ისმაილ ბაღაის თქმით, აშშ-ის სამხედრო ყოფნა რეგიონში უსაფრთხოების წყაროს არ წარმოადგენს, არამედ პირიქით, რეგიონის ქვეყნებს შორის განხეთქილების მიზეზია.„აშშ-ის სამხედრო ყოფნა რეგიონში არანაირად არ წარმოადგენს უსაფრთხოების ან სტაბილურობის წყაროს. პირიქით, აშშ-ის სამხედრო ყოფნა რეგიონის ქვეყნებში მხოლოდ დაუცველობისა და ქვეყნებს შორის განხეთქილების მიზეზია. ის ისლამურ ქვეყნებს შორის უთანხმოებას იწვევს“, – განაცხადა ირანის საგარეო უწყების წარმომადგენელმა.მისივე თქმით, „აგრესორებისთვის“ არ აქვს მნიშვნელობა, ირანელების რომელ ნაწილს დაესხმებიან თავს და ირანის რომელი ეთნიკური ჯგუფი ან რომელი ნაწილი დაზარალდება.

ჩვენი ექსპორტი ირანში არის ნახევარ პროცენტზე ნაკლები საერთო ვაჭრობაში და იმპორტი ირანიდან არის 1.4%. ასეთ დროს როცა საუბრობენ, რომ საქართველო გამოიყენება ირანული სანქციების გვერდის ავლისთვის, ეს არის, ერთი, რომ ტყუილი და მეორე, ეს არის ჩვენი ეროვნული ინტერესების მიზანმიმართული დაზიანების მცდელობა, –  ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.პრემიერმა უპასუხა კითხვას, რომელიც  საჯარო განცხადებებით ირანის თემის აქტუალიზაციას და სხვადასხვა დეზინფორმაციული ნარატივის გავრცელებას ეხებოდა.„ესეც არის საქართველოს მტრობა. ამიტომ ვსაუბრობთ ჩვენ იმაზე, რომ არ შეიძლება, უცხოელმა აგენტებმა საქართველოში განსაზღვრონ რაიმე პოლიტიკური კუთხით. მათ შორის, საუბარი იყო იმაზე, რომ თითქოს საქართველო გამოიყენება სანქციების გვერდის ავლისთვის. ჯერ ჰქონდათ კამპანია რუსეთთან დაკავშირებით. დადასტურდა ყოველ ჯერზე, რომ ყველა ეს განცხადება იყო აბსოლუტური ტყუილი, თუმცა მაინც აგრძელებდნენ და, მგონი, დღემდე აგრძელებენ. რაც შეეხება ირანს. ირანთან რომ აიღოთ ვაჭრობის მონაცემები, ნახავთ, რომ ჩვენი ექსპორტი ირანში არის ნახევარ პროცენტზე ნაკლები საერთო ვაჭრობაში და იმპორტი ირანიდან არის 1.4%. ასეთ დროს როცა საუბრობენ ეს ადამიანები, რომ საქართველო გამოიყენება ირანული სანქციების გვერდის ავლისთვის, ეს არის, ერთი, რომ ტყუილი და მეორე, ეს არის ჩვენი ეროვნული ინტერესების მიზანმიმართული დაზიანების მცდელობა. რა თქმა უნდა, ისინი ვერ დააზიანებენ ჩვენს ეროვნულ ინტერესებს, თუმცა რა აზრი უტრიალებთ ამ ადამიანებს, ეს არის აბსოლუტურად ცხადი. ეს მონაცემები უკვე ადასტურებს იმას, რომ ასეთი განცხადებები არის ყალბი. სანქციების გვერდის ავლა, ნახევარ პროცენტიანიც რომ არ არის ჩვენი ექსპორტი და 1.4% რომ არის იმპორტი, არის სრული ტყუილი, თუმცა ისინი მაინც ახერხებენ ასეთ პირობებშიც საქართველოს ეროვნულ ინტერესებზე თავდასხმას. ამიტომ ვამბობთ ჩვენ მარტივად, რომ ესენი არიან უცხოელი აგენტები, საზოგადოებამაც უნდა იცოდეს ამის შესახებ.თინა ხიდაშელმა გააკეთა განცხადება და ერთ დღეში სცადა მისი უარყოფა. ერთ დღეში დაადასტურა, რომ ტყუილი თქვა,  თითქოს ასეთი განცხადება არ გაუკეთებია, წინა დღეს თუ 2 დღით ადრე ჰქონდა გაკეთებული. ეს განცხადება საჯაროა და გვარცელდა კიდეც. ერთ დღეში როცა გიწევს საკუთარი ტყუილის უარყოფა, აქედან ჩანს, რომ შენ მიზანმიმართულად აზიანებ საქართველოს ეროვნულ ინტერესებს. ეს ტრაგედიაა, სერგო ორჯონიკიძის საქმის გაგრძელებაა, რასაც აკეთებს ეს ქალბატონი.საქართველოს პარლამენტის წინ იკრიბება ხოლმე 100 ადამიანი და აკეთებს ქართული სახელმწიფოს საწინააღმდეგო განცხადებებს. ყველაფერს სჭირდება მართვა. როდესაც ადამიანი გამოდის და საუბრობს უნივერსიტეტზე, რომელსაც ავტორიზაციაც კი არ აქვს მინიჭებული და როდესაც აქ ცდილობს, რომ საქართველოს სახელმწიფოს რაღაც დააბრალოს, აქედან ჩანს, რა მძიმეა უცხოელი აგენტის ბედი, რა მძიმეა ქართველი ახალი სერგო ორჯონიკიძეების ბედი. ეს ადამიანები, „საერთაშორისო გამჭვირვალობა“, თინა ხიდაშელი და ა.შ. არიან იმაზე მძიმე მდგომარეობაშიც კი, ვიდრე იყო 1921 წელს სერგო ორჯონიკიძე. სხვას ვერაფერს ვერ შევადარებ“, –  აღნიშნა ირაკლი კობახიძემ.