ბელარუსის პრეზიდენტი ალექსანდრე ლუკაშენკო თბილისშია

თბილისში დასრულდა მსოფლიო ჩემპიონატი პარაძიუდოში, რომლის ბოლო დღეს გუნდური შეჯიბრება გაიმართა და საქართველოს პარაძიუდოს ნაკრები მსოფლიო ჩემპიონი გახდა. მცირემხედველთა შორის, J2 კატეგორიის ფინალში, ქართველმა პარაძიუდოისტებმა ნეიტრალური დროშით გამომსვლელი გუნდი 4:2 დაამარცხეს.საქართველოს ნაკრების შემადგენლობაში რევაზ ჩიკოიძე, გიორგი ქალდანი, ზვიად გოგოჭური, ზურაბ ზურაბიანი, ლევანი გუგავა, და ბაჩუკი შელია ასპარეზობდნენ.ტურნირი საქართველოს სპორტის სამინისტროს და თბილისის მერიის მხარდაჭერით ჩატარდა, მედია მხარდაჭერას საქართველოს საზოგადოებრივი მაუწყებელი უზრუნველყოფდა. მსოფლიო ჩემპიონატში რეკორდული რაოდენობის, 44 ქვეყნის, 312-მა პარაათლეტმა მიიღო მონაწილეობა.

თბილისში, ნაძალადევის რაიონში ხანძარი იყო.ცეცხლი გიორგი ვენეცკის ქუჩაზე, ერთსართულიანი, ხის კონსტრუქციის სახლს გაუჩნდა.როგორც „ტიფლისნიუსს“ საგანგებო სიტუაციების მართვის სამსახურში განუცხადეს, ამ წუთებში, ხანძარი ლიკვიდირებულია.შემთხვევის შედეგად არავინ დაშავებულა.

„თავსმოხვეულმა კონფლიქტმა და აფხაზეთში წარმოებულმა ომმა ქვეყანას უმძიმესი მემკვიდრეობა დაუტოვა - ადამიანური დანაკარგი, განადგურებული ოჯახები, დევნილობა, დაკარგული სახლები, დაობლებული შვილები, ტრავმა, რომელიც თაობებს გადაეცემა. ოფიციალური წყაროების მიხედვით, შეიარაღებულ დაპირისპირებას ათასობით ადამიანის სიცოცხლე შეეწირა, ხოლო 300 ათასზე მეტი ადამიანი იძულებული გახდა, საკუთარი სახლ-კარი დაეტოვებინა და დევნილად ქცეულიყო. ამ ციფრების მიღმა კი თითოეული ადამიანის სიცოცხლე დგას, ამიტომ ჩვენ არ უნდა შევხედოთ ომს მხოლოდ სტატისტიკის თვალით. ომი არის დედის ცრემლი, შვილის მონატრება, მამის არდაბრუნება, დაცარიელებული სახლი, დაკარგული ბავშვობა და წართმეული მომავალი“, - ამის შესახებ საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ სოხუმის დაცემის დღეს, საქართველოს ტერიტორიული მთლიანობისთვის დაღუპული გმირებისთვის პატივგების ღონისძიებაზე განაცხადა.ინფორმაციას საქართველოს ტექნიკური უნივერსიტეტი ავრცელებს.მისივე ცნობით, 1993 წლის 27 სექტემბერს აფხაზეთში განვითარებული ტრაგიკული მოვლენებიდან 33 წლისთავთან დაკავშირებით, საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ, სტუდენტებმა და ადმინისტრაციის წარმომადგენლებმა გმირთა მემორიალი, ასევე საქართველოს ეროვნული გმირების - ჟიული შარტავასა და გურამ გაბისკირიას ბიუსტები გვირგვინებით შეამკეს. უნივერსიტეტის წარმომადგენლებმა პატივი მიაგეს აფხაზეთის ომში დაღუპულთა ხსოვნას და კიდევ ერთხელ გაიხსენეს ის ადამიანები, რომლებმაც ქვეყნის ტერიტორიული მთლიანობისთვის ბრძოლას საკუთარი სიცოცხლე შესწირეს.როგორც სტუ-ის რექტორმა განაცხადა, 1993 წლის 27 სექტემბერი, სოხუმის დაცემის დღე, საქართველოს უახლეს ისტორიაში ერთ-ერთი უმძიმესი თარიღია. აკადემიკოს დავით გურგენიძის თქმით, 27 სექტემბერს შეიარაღებულ კონფლიქტს მსხვერპლი და მოსახლეობის მასობრივი იძულებით გადაადგილება მოჰყვა. ჟიული შარტავა, რომელიც იმ პერიოდში აფხაზეთის ავტონომიური რესპუბლიკის მინისტრთა საბჭოს თავმჯდომარე იყო, და სოხუმის მერი გურამ გაბისკირია სოხუმის დაცემის დროს დაიღუპნენ. ორივეს საქართველოს ეროვნული გმირის წოდება მიენიჭა.„1993 წლის 27 სექტემბერს ჟიული შარტავამ, გურამ გაბისკირიამ და მათმა თანამებრძოლებმა სოხუმის დატოვებაზე უარი თქვეს. ისინი ბოლომდე დარჩნენ იმ ადამიანებთან, ვის წინაშეც პასუხისმგებლობა ჰქონდათ აღებული. იმ დღეს ჟიული შარტავა და გურამ გაბისკირია თანამებრძოლებთან ერთად დახვრიტეს. ასევე, მინდა განსაკუთრებული პატივისცემით გავიხსენო ყველა ის გმირი, რომელთა სახელებიც ჩვენი ეროვნული მეხსიერების ნაწილია - გენო ადამია, მამია ალასანია, რაულ ეშბა, ალექსანდრე ბერულავა. მამა ანდრია (ანდრია ყურაშვილი), იური (გიორგი) ანუა და ყველა ის ადამიანი, ვინც აფხაზეთის მიწაზე საკუთარი სიცოცხლის ფასად დაიცვა ადამიანური ღირსება და სამშობლო.ბაბუშერას ტრაგედია, გუმისთის ბრძოლები, ტამიშის ბრძოლა, კამანის ტრაგედია და სოხუმის უკანასკნელი დღეები ჩვენი ისტორიის ის ფურცლებია, რომელთა დავიწყების უფლება არ გვაქვს. ჩვენ უნდა ვასწავლოთ მომავალ თაობებს, რომ ომი არ არის რუკაზე გავლებული ფრონტის ხაზი. ომი არის ადამიანის სიცოცხლე. ომი ანგრევს ეკონომიკას, განათლებას, კულტურას, ოჯახებს. ჩვენ არ უნდა დავივიწყოთ აფხაზეთი. არ უნდა დავივიწყოთ იქ დაღუპულები. არ უნდა დავივიწყოთ დევნილი ოჯახების ტკივილი. მაგრამ ამავე დროს, ჩვენი ყველაზე დიდი პასუხისმგებლობაა, რომ მომავალ თაობებს ომის ნაცვლად მშვიდობიანი განვითარების, განათლების, შრომისა და ერთიანობის ქვეყანა დავუტოვოთ.ნათელი და მარადიული ხსოვნა აფხაზეთში დაღუპულ ყველა ჩვენს თანამოქალაქეს. ღმერთმა მშვიდობა და კეთილდღეობა მისცეს საქართველოს და ჩვენს ხალხს“, - განაცხადა დავით გურგენიძემ.

27 სექტემბერი უმძიმესი თარიღია ჩვენი ქვეყნის ისტორიაში, დიდება და პატივი იყოს სამშობლოს დამოუკიდებლობისთვის ბრძოლაში დაღუპული ქართველი გმირების, ომს შეწირული მშვიდობიანი მოსახლეობის“,- ამის შესახებ თბილისის მერი კახა კალაძე სოციალურ ქსელში წერს.სოხუმის დაცემის დღესთან დაკავშირებით, თბილისის მერმა კახა კალაძემ საქართველოს პრემიერ მინისტრ ირაკლი კობახიძესთან, პრეზიდენტ მიხეილ ყაველაშვილთან და პარლამენტის თავმჯდომარე შალვა პაპუაშვილთან ერთად, საქართველოს ტერიტორიული მთლიანობისთვის ბრძოლაში დაღუპულ გმირთა მემორიალი გვირგვინით შეამკო.„33 წელი გავიდა იმ დღიდან, როცა საქართველომ დაკარგა არა მხოლოდ ქალაქი, არამედ ქვეყნის გული.ვერ გაანელა დრომ ის ტკივილი, რომელიც ამ ომმა დაგვიტოვა – დაღუპული ადამიანები, ასობით ათასი დევნილი, დაკარგული ისტორიული მიწა და, რაც ყველაზე მთავარია, სურვილი – საკუთარ სახლში დაბრუნების.მჯერა, ჩვენი გმირების ბრძოლას უკვალოდ არ ჩაუვლია. ოკუპაცია დროებითია, სამშობლო კი მარადიული.ჩვენი ვალია, ისეთი ძლიერი, მშვიდობიანი და გაერთიანებული ქვეყნის შენება, სადაც დაბრუნება ყველასთვის ღირსეული და სასურველი იქნება. აფხაზეთი იყო, არის და იქნება საქართველო!“, – წერს კალაძე სოციალურ ქსელში. 

როდესაც ვცდილობთ, ჯვარს გავექცეთ, მოვიშოროთ, ჩვენ ვშორდებით ქრისტეს ჯვარს, ჩვენ ვშორდებით თვით უფალს, მაგრამ როდესაც ჩვენ მოთმინებით, სიმდაბლით, ლოცვით ვღებულობთ, ვზიდავთ ჩვენ ჯვარს, მაშინ ეს ჯვარი ჩვენთვის აუცილებლად სულის მარგებელი გახდება, – ამის შესახებ საქართველოს კათოლიკოს-პატრიარქმა, უწმინდესმა და უნეტარესმა, შიო მესამემ სამების საკათედრო ტაძარში ქადაგებისას განაცხადა.პატრიარქმა მართლმადიდებლებს ჯვართამაღლების დღესასწაული მიულოცა და ამ დღის მნიშვნელობაზე ისაუბრა.„თქვენო აღმატებულებავ, აფხაზეთის ავტონომიური რესპუბლიკის მთავრობის თავმჯდომარევ, თქვენო აღმატებულებავ აფხაზეთის ავტონომიური რესპუბლიკის უზენაესი საბჭოს თავმჯდომარევ, მაღალყოვლად უსამღვდელოესო მეუფეო, ძვირფასო მამებო, ძმებო და დებო გილოცავთ ჯვართამაღლების დიდებულ დღესასწაულს, დღეს ვფიქრობთ უფლის ჯვარზე მის მნიშვნელობაზე და ძალაზე. შეგვეწიოს ყველას მისი ძალა და მადლი ცხოველსმყოფელისა ჯვარისა.უფალი იესო ქრისტე ნებსით მოკვდა ჯვარზე ჩვენ ცოდვილებისთვის დამნაშავეებისთვის რომ გადაგვარჩინოს, გვიხსნას და გვაცხონოს და აი, ჩვენ როდესაც თაყვანს ვცემთ მაცხოვრის ჯვარს, ჩვენ თაყვანს ვცემთ პირველ რიგში აი, ამ სიყვარულის ღვაწლს, დიდი თავგანწირული სიყვარულის ღვაწლს. სწორედ ეს სიყვარული აღსრულდა, ეს ღვაწლი აღსრულდა ჯვარზე. ჩვენ ასევე ჯვრის თაყვანისცემით თაყვანსა ვცემთ ჩვენი მკვდრეთით აღდგომის იმედს და სიხარულს. რადგან, როდესაც იესო ქრისტე ჯვარზე მოკვდა და საფლავი დაიბეჭდა, თითქოს ყველაფერი დასრულდა. მაგრამ სწორედ ამ დროს აღდგა უფალი ჩვენი იესო ქრისტე და ჩვენი იმედიც სწორედ ამაშია. რომ ცოდვის უფსკრულიდან დაცემულობის უფსკრულიდან ჩვენ შეიძლება აღვდგეთ ქრისტიანული ცხოვრებისთვის. და ღმერთთან თანაზიარებისთვის.მძიმე და დიდი იყო ჯვარი, რომელზეც ჯვარს ეცვა უფალი ჩვენი იესო ქრისტე. თქვენ იცით, ის ხისგან იყო დამზადებული და მას შემდეგ სხვადასხვა ადამიანები აკეთებდნენ ასეთი დიდი ზომის ჯვრებს და ერთობლივი ძალისხმევით მიაბრძანებდნენ იერუსალიმში და გოლგოთის გზაზე აჰქონდათ. ზოგს თავიანთ სენაკებაში ჰქონდა, მაგალითად ღირს ალექსი შუშანიას სენაკში ჰქონდა და მხრებზე იდებდა ლოცვის დროს. აი, ჩვენს წინაშე აღმართულია თხოთის ჯვარი. თქვენ იცით, რომ თვით წმინდა ნინომ, მეფე მირიანმა, დედოფალმა ნანამ აღმართეს ეს ჯვრები. პირადად მცხეთის მთაზე აიტანეს.მაგრამ ჯვარი ქრისტესი არ არის მხოლოდ ხისგან ან სხვა რაიმე მასალისგან დამზადებული. არსებობს ასევე სულიერი ჯვარიც, რომელიც შედგება ადამიანთა ცოდვებისგან და განსაცდელებისგან, მწუხარებებისგან, სნეულებებისგან ოჯახური სირთულეებისგან. და როდესაც ადამიანი სცოდავს და ამ ცოდვაში ჯიუტად ყოფნას განაგრძობს მაშინ, ამ ჯვრებს, ამ თავის ჯვარს ამძიმებს. ხოლო როცა ადამიანი ცოდვას ებრძვის და ამარცხებს, მაშინ ის თავის ჯვარს ამსუბუქებს.ეს რას ნიშნავს? როდესაც ჩვენ ვცდილობთ ჯვარს გავექცეთ, მოვიშოროთ, ჩვენ ვშორდებით ქრისტეს ჯვარს, ჩვენ ვშორდებით თვით უფალს. მაგრამ როდესაც ჩვენ მოთმინებით, სიმდაბლით, ლოცვით ვღებულობთ, ვზიდავთ ჩვენ ჯვარს, მაშინ ეს ჯვარი ჩვენთვის აუცილებლად სულის მარგებელი გახდება. მაშინ ჩვენ ამ ცხოვრებისეულ გზაზე ვივლით ქრისტესთან ერთად და გვექნება ნამდვილი სულიერი სიხარული. აღდგომის სიხარული. ამიტომ ვეცადოთ, ვებრძოლოთ ცოდვას და ნუ ვიქნებით სულმოკლენი ჩვენი ჯვრის ზიდვაში. მაშინ უფალი ჩვენთან იქნება, ჩვენ ვივლით ქრისტეს გზით და ასე ამ სიხარულით ყოველთვის უფალთან ვიქნებით. მოგვმადლოს ეს უფალმა ჯვრის ძალითა და მადლით“,- განაცხადა საქართველოს კათოლიკოს-პატრიარქმა.შიო მესამემ სოხუმის დაცემის დღეზეც ისაუბრა.„დღეს ჩვენ ვიხსენებთ სამწუხარო და ტრაგიკულ მოვლენას ჩვენი უახლესი ისტორიისა. შესრულდა 33 წელი აფხაზეთის ომიდან, სოხუმის დაცემიდან. ამ საშინელმა ომმა მოიტანა 30 000 მდე დაღუპული ადამიანი, ასობით ათასი განდევნილი თავისი მიწა-წყლიდან, თავისი კუთხიდან, სახლიდან, მხოლოდ იმიტომ, რომ ქართველია. ომის შემდეგ, უკვე კოდორის გზაზე სიარულისას, კიდევ რამდენიმე ათასი ადამიანი დაიღუპა. რა თქმა უნდა, ჩვენ ვფიქრობთ, რომ ესეც დიდი ჯვარია ღვთისგან დადებული და არ არის შემთხვევითი, რომ სწორედ ამ დღეს დაემთხვა სოხუმის დაცემა და იოანე ოქროპირის ხსენებაც ხომ სწორედ ამ დღეს არის, რომელიც დაკრძალული იყო აფხაზეთში. დღეს ჩვენ ვფიქრობთ ამ ომზე და ალბათ, მე მახსენდება კათოლიკოს პატრიარქ ილია მეორის სიტყვები – რომ იმ ომში არავინაა გამარჯვებული, აფხაზებიც და ქართველებიც დამარცხდნენ. ჩვენ თუ გვინდა რომ ეს ჯვარი ღირსეულად ვზიდოთ და მარგებელი იყოს ჩვენთვის, რომ ერი კვლავ გაერთიანდეს და გადარჩეს ქართველობაც და აფხაზობაც, ჩვენი გზა არის სიყვარული, შენდობა, ურთიერთპატიება. მე ძალიან ვხარობ იმით, რომ დღეს ყველა ადამიანი საქართველოში ამ განწყობით არის. ეს გვაერთიანებს, ასეთი დამოკიდებულება აფხაზების და აფხაზეთის მიმართ. და იმისადმი, თუ როგორ უნდა განვითარდეს ჩვენი შემდგომი ცხოვრება და ერთად ყოფნა. კიდევ ერთხელ გილოცავთ დღევანდელ დღეს ჯვართამაღლებას.დღეს ჩვენ აღვასრულეთ პანაშვიდი, მოვიხსენიეთ ყველა, ვინც დაიღუპა ომში, აფხაზებიც და ქართველებიც. ასევე გავიხსენეთ ცხინვალში გარდაცვლილი ჩვენი მეომარი ძმები და დები. ღმერთმა აცხონის მათი სულები. ღმერთმა დაგლოცოთ და გაგაძლიეროთ. ჯვრის ძალამ და მადლმა გაგაძლიეროთ ყველანი. ჯვრის ძალით და მადლით ღმერთმა დალოცოს, გაამთლიანოს, გადაარჩინოს და გააძლიეროს სრულიად საქართველო. ამინ“,- აღნიშნა შიო მესამემ.