ბათუმში ასამდე უცხოელი წყვილის დაქორწინება იგეგმება

საქართველო აფასებს პარტნიორობას უზბეკეთთან, რომელსაც არა მხოლოდ სანდო და მნიშვნელოვან პარტნიორად, არამედ მეგობრად მივიჩნევთ. ჩვენი ორმხრივი ურთიერთობა წლების განმავლობაში სტაბილურად ვითარდება და ერთობლივი დეკლარაცია სტრატეგიული პარტნიორობის შესახებ ჩვენს ურთიერთობებს ახალ დონეზე აიყვანს, – ამის შესახებ საქართველოს პრემიერ-მინისტრმა, ირაკლი კობახიძემ უზბეკეთის პრეზიდენტ შავკატ მირზიოევთან გამართული გაფართოებული მოლაპარაკებების დროს განაცხადა.მთავრობის მეთაურმა უზბეკეთის მხარეს საქართველოს ძლიერი მხარდაჭერისთვის მადლობა გადაუხადა და აღნიშნა, რომ სტრატეგიული პარტნიორობის შესახებ შეთანხმება პოლიტიკური, სავაჭრო-ეკონომიკური, საინვესტიციო, სამეცნიერო, ტექნიკური, კულტურული, ჰუმანიტარული და სხვა მიმართულებებით თანამშრომლობის ახალ შესაძლებლობებს ქმნის.„მადლობას გიხდით საქართველოს ძლიერი მხარდაჭერისთვის. სტრატეგიული პარტნიორობის შესახებ შეთანხმების ხელმოწერა პირადად თქვენი მხარდაჭერის შედეგია. ერთობლივი დეკლარაცია არის ჩვენს ქვეყნებს შორის არსებული მეგობრობის დასტური და მყარ საფუძველს უქმნის ორმხრივი ურთიერთობებისა და თანამშრომლობის მდგრად განვითარებას პოლიტიკური, სავაჭრო-ეკონომიკური, საინვესტიციო, სამეცნიერო, ტექნიკური, კულტურული, ჰუმანიტარული და სხვა მიმართულებებით. ჩვენი თანამშრომლობის გაძლიერება კიდევ უფრო გაზრდის რეგიონულ სავაჭრო ნაკადებს, ხელს შეუწყობს სატრანსპორტო დერეფნების გამყარებას და ფართო ეკონომიკურ ინტეგრაციას.გულწრფელ მადლობას გიხდით საქართველოს სუვერენიტეტისა და ტერიტორიული მთლიანობის მხარდაჭერისთვის.ძალიან შთამბეჭდავია ის წინსვლა და პროგრესი, რასაც უზბეკეთმა თქვენი ლიდერობით მიაღწია. თქვენ გაქვთ ძლიერი ინსტიტუტები, სახელმწიფო სისტემა და ნათელი ხედვა ქვეყნის განვითარების მიმართულებით. თქვენ სამაგალითო ლიდერი ბრძანდებით და დარწმუნებული ვართ, თქვენი ხელმძღვანელობის პირობებში ჩვენს ქვეყნებს შორის არსებული ორმხრივი თანამშრომლობა და მეგობრობა კიდევ უფრო გაძლიერდება“, – აღნიშნა საქართველოს მთავრობის მეთაურმა.

ევროკავშირი თურქეთთან ვიზალიბერალიზაციაზე მუშაობს. ამის შესახებ ინფორმაციას გამოცემა Politico ევროპელ მაღალჩინოსანზე დაყრდნობით ავრცელებს. გამოცემის ინფორმაციით, ევროკავშირი თურქეთთან სავიზო რეჟიმის ლიბერალიზაციაზე მუშაობს, რაც ანკარაში ევროკავშირის უმაღლესი წარმომადგენლის, კაია კალასის, შინაგან საქმეთა და მიგრაციის საკითხებში ევროკომისრის, მაგნუს ბრუნერისა და გაფართოების საკითხებში ევროკომისრის, მარტა კოსის ვიზიტს მოყვა. კონკრეტული დეტალები უცნობია.

საქართველოს საპატრიარქოში უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III ლათინ კათოლიკეთა კავკასიის სამოციქულო ადმინისტრატორს, ეპისკოპოს ჯუზეპე პაზოტოს და მის თანმხლებ კათოლიკე სასულიერო პირებს შეხვდა, - ამის შესახებ ინფორმაციას საქართველოს საპატრიარქო ავრცელებს და ფოტოებს აქვეყნებს.„შეხვედრას ესწრებოდნენ: სრულიად საქართველოს კათოლიკოს-პატრიარქის ქორეპისკოპოსი, ახალციხისა და ტაო-კლარჯეთის მიტროპოლიტი თეოდორე (ჭუაძე), საპატრიარქოს საგარეო საქმეთა განყოფილების ხელმძღვანელი, ზუგდიდისა და ცაიშის მიტროპოლიტი გერასიმე (შარაშენიძე), კათოლიკოს-პატრიარქის მდივანი, დეკანოზი მიქაელ ბოტკოველი და საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე.ეპისკოპოსმა ჯუზეპემ მის უწმინდესობას და უნეტარესობას მიულოცა კათოლიკოს-პატრიარქად აღსაყდრება და გამოხატა მზაობა ორ ეკლესიას შორის მეგობრული ურთიერთობის განმტკიცებისა.კათოლიკოს-პატრიარქმა სტუმრებს მადლობა გადაუხადა მილოცვისთვის და გაიხსენა ეპისკოპოს ჯუზეპე პაზოტოს თბილი დამოკიდებულება ნეტარხსენებულ კათოლიკოს-პატრიარქ ილია II-ისადმი.შეხვედრაზე ისაუბრეს ზნეობრივი ღირებულებებისა და ოჯახის პატივისცემის თაობაზე, ასევე ბიოეთიკის პრობლემებსა და თანამედროვე გამოწვევებზე, მშვიდობისა და მეგობრული ურთიერთობების მნიშვნელობაზე.მისმა უწმინდესობამ და უნეტარესობამ ხაზი გაუსვა საქართველოში ქრისტიანობის სახელმწიფო რელიგიად გამოცხადებიდან 1700 წლისთავს, რომელიც წელს აღინიშნება.შეხვედრის დასასრულს მხარეებმა ერთმანეთს სამახსოვრო საჩუქრები გადასცეს“, - ნათქვამია ინფორმაციაში. 

ევროკავშირი ბავშვებისთვის სოციალური ქსელებით სარგებლობის შეზღუდვის მასშტაბურ გეგმაზე მუშაობს, – ამის შესახებ „ევრაქტივი“ წერს.გამოცემის წყაროების ცნობით, ინიციატივას ევროკომისიის პრეზიდენტი ურსულა ფონ დერ ლაიენი 16 სექტემბერს, ყოველწლიური მიმართვისას ოფიციალურად წარადგენს.ჯერჯერობით უცნობია, რა მინიმალური ასაკობრივი ზღვარი განისაზღვრება სოციალური მედიის გამოყენებისთვის და როგორ გაკონტროლდება რეგულაციის აღსრულება. წინასწარი ინფორმაციით, ევროკავშირის წევრ ქვეყნებში რამდენიმე ალტერნატიული მოდელი განიხილება, მათ შორის მშობლების სავალდებულო თანხმობის პროცესი და ასევე, ასაკის დადასტურების მკაცრი სისტემების დანერგვა.ცნობისთვის, 2024 წელს ავსტრალია გახდა მსოფლიოში პირველი ქვეყანა, რომელმაც 16 წლამდე ასაკის ბავშვებისთვის სოციალური ქსელებით სარგებლობის აკრძალვა საკანონმდებლო დონეზე დააწესა. ანალოგიური შეზღუდვების მიღებას დიდი ბრიტანეთიც განიხილავს. ევროკავშირის წევრი სახელმწიფოებიდან არასრულწლოვნებისთვის სოციალურ ქსელებზე წვდომის შეზღუდვას ეროვნულ დონეზე უკვე გეგმავენ საფრანგეთი და ესპანეთი.

ლუკა ლოჩოშვილმა „კიოლნში“ სამედიცინო შემოწმება გაიარა და ბუნდესლიგის გუნდის მოთამაშე გახდა – საქართველოს ნაკრებისა და „ნიურნბერგის“ ყოფილი წევრის შესახებ ინფორმაციას Geo Team-ი ავრცელებს.საფეხბურთო პორტალის ცნობით, 28 წლის მცველმა გერმანიის მთავარი საფეხბურთო ლიგის კლუბთან 3-წლიან კონტრაქტს მოაწერა ხელი.ლოჩოშვილმა კარიერა „დინამო თბილისში“ დაიწყო, უთამაშია კიევის „დინამოს“ დუბლშემადგენლობაში, საიდანაც იჯარით სლოვაკურ „ჟილინაში“ გადავიდა. მერე დაბრუნდა „დინამო თბილისში“. ათი მატჩის შემდეგ, 2020 წლის აგვისტოში დატოვა გუნდი და შეუერთდა ავსტრიულ „ვოლფსბერგერს“, სადაც მეტოქის სიცოცხლის გადარჩენისთვის ფიფა-სგან მიიღო სამართლიანი თამაშის ჯილდო.2022 წლის აგვისტოში ლოჩოშვილი იტალიაში შეუერთდა „კრემონეზეს“. ერთი სეზონი იჯარით „სალერნიტანაში“ გაატარა, 2025 წელს კი მეორე ბუნდესლიგის „ნიურნბერგში“ გადავიდა.ლოჩოშვილს უთამაშია საქართველოს ყველა ასაკობრივ (17, 19, 21-წლამდელთა) ნაკრებებში. 2021 წლის სექტემბერში ეროვნულ ნაკრებში სადებიუტო მატჩი ჩაატარა. იყო ევრო 2024-ის მონაწილე.