ბათუმში ასამდე უცხოელი წყვილის დაქორწინება იგეგმება

მძიმე ავარიას გადარჩენილი ლიკა კუჭუხიძე, რომელმაც მეუღლე დაკარგა დედამთილზე ემოციურ პოსტს აქვეყნებს.,,ბევრი მწერს და მეკითხება როგორ არის ჩემი დედამთილი, როგორ უნდა იყოს დედა, რომელმაც ერთადერთი შვილი დაკარგა… ერთადერთი შვილი ჰყავდა ისიც სიმწრით გაზრდილი,  მისი იმედი, მისი ძალა, მისი ცხოვრების აზრი და ეს ყველაფერი დაკარგა. მაგრამ ამ ტკივილში ჩვენ ერთად ვართ, ერთმანეთს ვუჭერთ ხელს…ერთმანეთით გადაგვაქვს ის, რაც არცერთმა დედამ და არცერთმა ადამიანმა არ უნდა გადაიტანოს.ასმუნია 4 წლის წინ გავიცანი. პირველივე დანახვაზე ეტყობოდა როგორი გულის ადამიანი იყო, მაგრამ ბაჩოს ამბის შემდეგ მივხვდი თუ რამხელა დიდი გული ჰქონია. როცა მე საავადმყოფოში ვიწექი, თავის ერთადერთ შვილს ზალაში ტოვებდა დასვენებულს და ჩემთან მოდიოდა რეანიმაციაში…შავ ტანსაცმელს იხდიდა და ფერადებს იცვამდა, რომ მე არაფერი შემემჩნია, არაფერი მეფიქრა ცუდი, რადგან ჩემი ჯანმრთელობის მდგომარეობისთვის საზიანო იყო. მაცინებდა მაშინ, როცა თვითონ ყველაზე მეტად სტკიოდა. მამშვიდებდა მაშინ, როცა თავად იყო დასამშვიდებელი.როცა ბაჩოზე ვეკითხებოდი  რას ჭამდა, როგორ ეძინა უჩემოდ, რითი გაჰყავდა დრო ისე მიყვებოდა, იმდენად დამაჯერებლად მიყვებოდა რომ ვერაფერ ცუდს ვერ ვიფიქრებდი მაგ მომენტში.  ბაჩოს ამბავის გაგების შემდგომ მივხვდი, იმ წუთებში საკუთარ გულს და გულის ტკივილს მალავდა, რომ მე ცუდად არ გავმხდარიყავი და ჩემი გული არ დამემსხვრია.  რამხელა გული უნდა ჰქონდეს დედას, რომ საკუთარი ერთადერთი შვილის ტკივილი გულში ჩაიკეტოს და რძალს დაუდგეს გვერდში…ასმუნიაზე დედამთილივით არასდროს შემიხედავს, თავიდანვე დაქალებივით ვიყავით და დღეს ეს სიტყვა (დედამთილი) საერთოდ აღარ არსებობს.ასმუნია ჩემთვის უბრალოდ დედამთილი არ არის  ის ჩემი მეორე დედაა…და ბაჩოს შემდეგ, ჩემი ყველაზე დიდი საყრდენი.  ყოველთვის მითქვამს და ახლაც ვიტყვი  ჩემი დედუნიას ნაირი ქალი, სახელად „დედა“, არც არასდროს დაბადებულადა ვერც ვერასდროს იარსებებს…“ - წერს ლიკა კუჭუხიძე.

ის, რომ ვთქვათ ჩვენ ისტორიულად გვქონდა გამოწვევები, ერთადერთი, რაც გადაგვარჩენდა და როდესაც გადაგვარჩენდა ეს იყო სწორედ პრაგმატული პოლიტიკა და ნებისმიერი საერთაშორისო გაერთიანებაც გვინდა იმიტომ, რომ საქართველოში იყოს მშვიდობა და განვითარება - ამის შესახებ "რუსთავი 2-ის" ეთერში, გადაცემა "დებატებში", პარტიის "ხალხის ძალა" აღმასრულებელი მდივანი გურამ მაჭარაშვილი.გურამ მაჭარაშვილის განცხადებით, საქართველოს გადარჩენისა და მშვიდობის შენარჩუნების საფუძველი ისტორიულად პრაგმატული პოლიტიკა იყო, ამიტომ, ქვეყნის კურსი მომავალშიც სწორედ ფრთხილ და პრაგმატულ მიდგომას, მათ შორის, რუსეთთან ურთიერთობებში, უნდა ეფუძნებოდეს."ის, რომ ჩვენ ისტორიულად გვქონდა გამოწვევები, ერთადერთი, რაც გადაგვარჩენდა და როდესაც გადაგვარჩენდა ეს იყო სწორედ პრაგმატული პოლიტიკა და ნებისმიერი საერთაშორისო გაერთიანებაც გვინდა იმიტომ, რომ საქართველოში იყოს მშვიდობა და განვითარება. ამას უწოდებდნენ რატომღაც ანტიევროპულ განცხადებას და დღეს უკვე რეალობა გახდა ეს, რომ ასევე სამწუხაროდ, მაგრამ მოცემულობაა, რომ თავად შეერთებული შტატები გამოვიდა 66 საერთაშორისო ხელშეკრულებიდან, მათ შორის ევროპული, მათ შორის, ევროპაში დაფუძნებული საერთაშორისო ხელშეკრულებიდან და გამომდინარე აქედან, ბუნებრივია, რომ ჩვენი პოლიტიკა ყოველთვის იქნება პრაგმატული, და დღეს აქ გამოითქვა პოზიციები, რომ გადარჩენისთვის უნდა ვიღვაწოთ, დიახ, რა თქმა უნდა გადარჩენისთვის. ამ 4 წლის თავზე რომ ვართ ახლა მშვიდობაში, ეს არის სწორედ იმ პრაგმატული პოლიტიკის დამსახურება და აქ ბატონმა ნიკამ ახსენა, რომ სწორია ფრთხილი მიდგომა რუსეთთანო და კი ბატონო, კარგია თუ ამას ეთანხმებით, მაგრამ რომ გვიშლიან რუსეთთან ფრთხილ მიდგომას?" - აცხადებს გურამ მაჭარაშვილი.

საქართველოში სლოვაკეთის პრემიერ-მინისტრის, რობერტ ფიცოს ვიზიტი იგეგმება. ამის შესახებ სლოვაკეთის რესპუბლიკის საგარეო და ევროპულ საქმეთა მინისტრმა, იურაი ბლანარმა საქართველოს საგარეო საქმეთა მინისტრთან, მაკა ბოჭორიშვილთან ერთად გამართულ პრესკონფერენციაზე განაცხადა.იურაი ბლანარის თქმით, მოხარულია, რომ სლოვაკეთსა და საქართველოს შორის ურთიერთობები მყარდება.„მინდა, განვაცხადო, რომ საქართველოსა და სლოვაკეთს შორის ძალიან კარგი ურთიერთობებია. არავითარი პრობლემა არ არსებობს. პარლამენტის თავმჯდომარეც საქართველოს უახლოეს პერიოდში ესტუმრება. ამასთან, დაგეგმილია პრემიერ-მინისტრის ვიზიტიც. მოხარული ვარ, რომ ჩვენი ურთიერთობები მყარდება ახალი საკონსულოების გახსნით, მაგალითად, საკონსულო გაიხსნა ქუთაისში. ურთიერთობების გაუმჯობესება ხდება პირდაპირი საჰაერო მიმოსვლითაც, რომელიც დაინიშნა ბრატისლავიდან ქუთაისამდე და პირიქით. საქართველო ძალიან მიმზიდველია ტურისტული კუთხითაც. მინდა, ხაზგასმით განვაცხადო, რომ სლოვაკეთის რესპუბლიკა სრულად უჭერს მხარს საქართველოს სუვერენიტეტსა და ტერიტორიულ მთლიანობას. თქვენი ქვეყნის ერთიანობისა და სუვერენიტეტისადმი მხარდაჭერას ვაცხადებთ, მიუხედავად იმისა, რომელი ქვეყანა დაარღვევს ტერიტორიულ მთლიანობას“, – განაცხადა იურაი ბლანარმა.მასალა მომზადებულია სინქრონული თარგმანის მიხედვით. 

საქართველოს პარლამენტის თავმჯდომარის მოადგილე გიორგი კახიანი „ქრონიკასთან“ ევროკომისიის მიერ გამოქვეყნებულ კანონის უზენაესობის ინდექსს ეხმაურება, სადაც სისხლის სამართლის სისტემის კორუფციისგან თავისუფლებით საქართველო ევროპის საუკეთესო ოცეულშია.„თავად ევროკომისია ერთის მხრივ გვეუბნება, რომ საქართველო დემოკრატიული სხვადასხვა ინდიკატორის მიხედვით ერთ-ერთი მოწინავე სახელმწიფოა, მაგრამ მეორე მხრივ შეიძლება ისეთი მოცემულობა მივიღოთ, რომ ხვალ რომელიმე ევრობიუროკრატი გამოვიდეს და გაგვაკრიტიკოს დემოკრატიული უკუსვლის გამო. ეს სხვადასხვა გარემოებაზე მეტყველებს. ერთი, რომ მცდელობა აქვთ პოლიტიკური ზეწოლა და გავლენა მოახდინონ ჩვენს ქვეყანაზე, რადიკალურ ჯგუფებს დამატებითი მუხტი შემატონ და ა.შ“, - აღნიშნა კახიანმა.ევროკომისიამ კანონის უზენაესობის ინდექსი გამოაქვეყნა, რომელიც მსოფლიო მართლმსაჯულების პროექტის მიერ არის მომზადებული. კანონის უზენაესობით საქართველო აღმოსავლეთ ევროპის და ცენტრალური აზიის რეგიონში პირველ ადგილზე გავიდა.

ჩინეთი დიდი ქვეყანაა, მას მილიარდზე მეტი ადამიანი ჰყავს, მსოფლიოში სიდიდით მეორე ეკონომიკაა, მათ აქვთ ბირთვული იარაღი, სიგიჟე იქნებოდა, რომ შეერთებულ შტატებსა და ჩინეთს ერთმანეთთან ურთიერთობა არ ჰქონდეთ, – ამის შესახებ აშშ-ის სახელწიფო მდივანმა, მარკო რუბიომ ვიქტორ ორბანთან ერთობლივი პრესკონფერენციისას განაცხადა.მარკო რუბიოს განცხადებით, აშშ-ის განცხადება, რომ მიწოდების ჯაჭვების დივერსიფიკაცია უნდა მოხდეს, სწორია, რადგან ერთ ქვეყანაზე ან ერთ ეკონომიკაზე დაყრდნობა კარგი არ არის, თუმცა ეს არ არის ანტიჩინური პოზიცია.„ჩვენ არ ვთხოვთ არცერთი ქვეყნის ვინმესგან იზოლირებას, გვესმის, რომ მსოფლიოს ყველა ქვეყანა უნდა გაუმკლავდეს თავისი გეოგრაფიის, ეკონომიკის, ისტორიისა და მომავლის გამოწვევების რეალობას, ცხადია, ჩვენ პარტნიორებსა და მეგობრებს გავუზიარებთ შეშფოთებას, რომელიც შეიძლება, გვქონდეს გარკვეულ საკითხებთან დაკავშირებით. აშშ-ს აქვს ვაჭრობა და ურთიერთობები ჩინეთთან, ხოლო შეერთებული შტატების პრეზიდენტი აპრილში ჩინეთში გაემგზავრება. ჩინეთი დიდი ქვეყანაა, მას მილიარდზე მეტი ადამიანი ჰყავს, მსოფლიოში სიდიდით მეორე ეკონომიკაა. მათ აქვთ ბირთვული იარაღი. სიგიჟე იქნებოდა, რომ შეერთებულ შტატებსა და ჩინეთს ერთმანეთთან ურთიერთობა არ ჰქონდეთ. ორ ასეთ დიდ ქვეყანას, გვაქვს თუ არა უთანხმოება? რა თქმა უნდა გვაქვს. ჩვენ მოგვიწევს ამ უთანხმოებების მართვა და ეს ისეთი რამაა, რაზეც ძალიან გულწრფელად, ნათლად და არაერთხელ გვისაუბრია, რომ ეს არ არის კარგი მსოფლიოსთვის“, – განაცხადა რუბიომ.მისივე თქმით, არავისთვის არის კარგი ერთ ქვეყანაზე ან ერთ ეკონომიკაზე დაყრდნობა, განსაკუთრებით კრიტიკული მიწოდების ჯაჭვებისთვის.„ეს რეალობაა. ჩვენ გვინდა მიწოდების ჯაჭვების დივერსიფიკაცია მთელ მსოფლიოში. ჩვენ ამაზე ნათლად ვისაუბრეთ. ეს არ არის ანტიჩინური რამ. ეს უბრალოდ რეალობაა, რომ ერთ წყაროზე ზედმეტად დამოკიდებულება კარგი არ არის, განსაკუთრებით მაშინ, როდესაც წარსულში არსებობდა სურვილი, რომ ეს ერთმანეთის წინააღმდეგ ბერკეტად გამოგვეყენებინა. თუმცა, ჩვენ ამ საკითხებს აშშ-ის ეროვნული ინტერესების კონტექსტში განვიხილავთ და სწორედ ამიტომ შევხვდით ჩინელებს და შევძელით ზოგიერთ სავაჭრო საკითხზე ურთიერთგაგების მიღწევა. ეს ორმხრივი ინტერესი იყო. ამიტომ, გეოპოლიტიკა რთულია, რადგან ის მოითხოვს სერიოზულობას, რადგან ამ საკითხებს რეალური შედეგები მოჰყვება“, – განაცხადა რუბიომ.