ბათუმში, აეროპორტის გზატკეცილზე ავტოსაგზაო შემთხვევას 2 მოზარდის სიცოცხლე ემსხვერპლა

უკრაინას ამართლებს ომი ყველაფერში, მედიაც შეუძლიათ დახურონ, პოლიტიკოსებიც დაიჭირონ, პარტიებიც აკრძალონ, ეკონომიკაც ვარდება, კი ბატონო, ომია, მოლდოვაში ხომ არ არის ომი?იქ რა ხდება, იქ რით ამართლებენ პოლიტიკოსების დაჭერას, პარტიების აკრძალვას, თან ყოველგვარი საფუძვლის გარეშე, ეკონომიკის ვარდნას და ა.შ. – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-ზე დებატებში განაცხადა.მთავრობის მეთაურის შეფასებით, მოლდოვა არის ერთ-ერთი ყველაზე განუვითარებელი სახელმწიფო ინსტიტუტების სიძლიერის თვალსაზრისით.ირაკლი კობახიძემ ინფლაციის კუთხით საქართველოსა და მოლდოვის მაჩვენებლები შეადარა და აღნიშნა, რომ ამ კუთხით მოლდოვაში კატასტროფული ვითარებაა.„ინფლაცია რომ ავიღოთ, ბოლო სამი წლის განმავლობაში ჩვენთან ინფლაცია სამომხმარებლო ფასებზე იყო 8%-ზე ნაკლები, რაც არის იდეალური მაჩვენებელი. მიიჩნევა, რომ სასურველია, წელიწადში 2-3% მაინც იყოს ინფლაცია. სჯობს, 4%-ს არ გადააჭარბოს და სწორედ ამ პარამეტრებში ზის სამწლიან პერსპექტივაში ჩვენი ქვეყანა. მოლდოვაში ამ სამ წელიწადში ინფლაცია იყო 28%, რაც ნიშნავს კატასტროფას. რეალური ეკონომიკა მცირდება, ინფლაცია გაქვს 28%, შესაბამისად, ნომინალური ეკონომიკა მხოლოდ ინფლაციის ხარჯზე გაიზარდა. ისიც კი, რაც დაემატა მოლდოვას ნომინალურ ეკონომიკაში, დაემატა მხოლოდ ინფლაციის ხარჯზე. სრული კატასტროფა არის ეკონომიკური თვალსაზრისით შექმნილი მოლდოვაში. კი ბატონო, უკრაინას ამართლებს ომი ყველაფერში, მედიაც შეუძლიათ დახურონ, პოლიტიკოსებიც დაიჭირონ, პარტიებიც აკრძალონ, ეკონომიკაც ვარდება, კი ბატონო, ომია, მოლდოვაში ხომ არ არის ომი?იქ რა ხდება, იქ რით ამართლებენ პოლიტიკოსების დაჭერას, პარტიების აკრძალვას, თან ყოველგვარი საფუძვლის გარეშე, ეკონომიკის ვარდნას და ა.შ. მოლდოვა არის ერთ-ერთი ყველაზე განუვითარებელი სახელმწიფო ინსტიტუტების სიძლიერის თვალსაზრისით მოშლილია სისტემა, კორუფცია ყვავის, ერთ-ერთი ყველაზე კორუმპირებული ქვეყანაა. მოლდოვაზე კორუმპირებული ქვეყანაა უკრაინა. ეს არის მთლიანობაში ვითარება“, – განაცხადა ირაკლი კობახიძემ.

ირანი ჰორმუზის სრუტეზე კონტროლის შენარჩუნებას გააგრძელებს, – ამის შესახებ ირანის საგარეო საქმეთა მინისტრის მოადგილემ განაცხადა.ყასემ ღარიბაბადის განცხადებით, ირანი გააგრძელებს კონტროლის შენარჩუნებას ჰორმუზის სრუტეზე. მან გააკრიტიკა ევროკავშირის მიერ დაწესებული ახალი სანქციები იმ პირებისა და ორგანიზაციების მიმართ, რომლებიც თეირანის მიერ სრუტეზე სუვერენიტეტის განმტკიცების პოლიტიკაში მონაწილეობენ.ღარიბაბადმა ევროკავშირის ამ გადაწყვეტილებას თაღლითური ნაბიჯი უწოდა.მანამდე, ევროკავშირის უმაღლესმა წარმომადგენელმა განაცხადა, რომ წევრმა ქვეყნებმა სანქციები დაუწესეს რამდენიმე ირანელ პირსა და ორგანიზაციას, რომლებიც, ბრიუსელის შეფასებით, ჰორმუზის სრუტეში საზღვაო მიმოსვლის შეზღუდვაში მონაწილეობდნენ.ევროკავშირის ცნობით, თეირანმა სრუტე ფაქტობრივად დახურა მიმდინარე წლის თებერვალში ომის დაწყების შემდეგ.„ირანი არ ანიჭებს მნიშვნელობას ამ პოლიტიკურ და თვალთმაქცურ ევროპულ ნაბიჯს და გააგრძელებს ჰორმუზის სრუტეზე სუვერენიტეტის შენარჩუნებისა და თავისი სუვერენული უფლებების განხორციელების სტრატეგიას“, – დაწერა ღარიბაბადმა სოციალურ ქსელში.

აშშ-მა ომანის სანაპიროსთან ირანისკენ მიმავალი სანქცირებული ტანკერი შეაჩერა. ამის შესახებ აშშ-ის ცენტრალური სარდლობის მიერ გავრცელებულ განცხადებაშია აღნიშნული.ოფიციალურ განცხადებაში ნათქვამია, რომ აშშ-ის ძალებმა 8 ივნისს ომანის ყურეში შეაჩერეს ნავთობის ტანკერი, რომელმაც დაარღვია ირანის წინააღმდეგ მოქმედი ბლოკადა და ირანის პორტისკენ მიემართებოდა. გავრცელებული ინფორმაციით, ტანკერი Marivex 2025 წლის დეკემბერში აშშ-ის ფინანსთა სამინისტროს მიერ დაწესებულ სანქციების სიაში შეიყვანეს ირანთან დაკავშირებული საქმიანობის გამო.„სიენენის“ მიერ მოპოვებული საგანგებო სიგნალის ჩანაწერის მიხედვით, ეკიპაჟის წევრები აცხადებდნენ, რომ გემზე ხანძარი გაჩნდა მას შემდეგ, რაც, მათი მტკიცებით, ის აშშ-ის საზღვაო ძალების თავდასხმის სამიზნე გახდა.„გემზე ხანძარია და ვიძირებით. აშშ-ის საზღვაო ძალებმა დაგვარტყეს. რაკეტა ძრავის განყოფილებას მოხვდა. გთხოვთ, დაგვეხმარეთ. ეკიპაჟის 24-ვე წევრი ინდოელია“, – ნათქვამია საგანგებო შეტყობინებაში.ამ დროისთვის ინფორმაცია ეკიპაჟის წევრების მდგომარეობისა და შესაძლო მსხვერპლის შესახებ ოფიციალურად არ ვრცელდება.

ფინანსთა მინისტრი ლაშა ხუციშვილი საქართველოში საფრანგეთის რესპუბლიკის საგანგებო და სრულუფლებიან ელჩს, ოლივიე კურტოს შეხვდა.უწყების ინფორმაციით, საუბარი შეეხო საქართველოსა და საფრანგეთს შორის არსებული თანამშრომლობის პროექტებს, მათ შორის საფრანგეთის განვითარების  სააგენტოსთან (AFD) პარტნიორობით, საინვესტიციო პროექტების მიმართულებით, მიმდინარე და დაგეგმილ პარტნიორობას.სამინისტროს ცნობით, მხარეებმა დაადასტურეს ორმხრივი მზადყოფნა თანამშრომლობის შემდგომი გაგრძელებისთვის.შეხვედრას დაესწრნენ ფინანსთა მინისტრის მოადგილე ეკატერინე გუნცაძე, საქართველოში საფრანგეთის საელჩოს ეკონომიკური სამსახურის უფროსი ჰუგო დებრუა და საფრანგეთის განვითარების სააგენტოს (AFD) სამხრეთ კავკასიის რეგიონული ოფისის დირექტორი ფანი დელპი.

„მადრიდის „რეალის“ გულშემატკივრები ხმაურიან ტრანსფერს ელოდებიან იმის გათვალისწინებით, რომ პრეზიდენტად ხელახლა არჩეულმა ფლორენტინო პერესი „გალაქტიკოს“ ქომაგებს 150 მილიონ ევროდ შეფასებული მოთამაშის დამატებას შეჰპირდა“, – წერს ფრანგული გამოცემა Foot01.ესპანურმა პრესამ სწრაფად გაამხილა ამ ფეხბურთელის სახელი – მაიკლ ოლისე. მაგრამ „რეალი“ მის ალტერნატივად ხვიჩა კვარაცხელიას 150 მილიონიან გარიგებასაც განიხილავს. „ბაიერნი“ ოლისეს გაშვებას კოლოსალური შეთავაზების შემთხვევაშიც არ აპირებს.25 წლის კვარაცხელიამ საფრანგეთის დედაქალაქში ყველა შესაძლო ტიტული მოიგო, დიდ შეხვედრებშიც გამორჩეულია და დაცვაშიც კარგად თამაშობს. ამიტომაა ძალიან მიმზიდველი ჟოზე მოურინიოსთვის, რომელიც ქართველის კანდიდატურას „რეალის“ დირექტორთა საბჭოში მაშინვე დათანხმდა.თუმცა, კვარაცხელიას გაშვებას „პარი სენ-ჟერმენში“ არ აპირებენ, რადგან იციან, რომ ქართველი გუნდისთვის შეუცვლელია. ტრანსფერზე გავლენის მოხდენის ერთადერთი ფაქტორი იქნება, თუ კვარაცხელია კლუბის დატოვების სურვილს თავად გამოთქვამს“.