არ არის აუცილებელი ყოველდღე რუსთაველის გამზირზე ყოფნა, მაგრამ ეს ყველაფერი თუ გესმის, საკუთარ რაღაცნაირ გრაფიკს შეადგენ – ზურაბ ჯაფარიძე

სალომე ზურაბიშვილი მხოლოდ იმიტომ მოიგონეს, რომ იციან, სააკაშვილი გარკვეულ წრეში, განსაკუთრებით ახალგაზრდებში, პოპულარული არ არის, სისხლი აქვს ხელებზე, – ამის შესახებ პარლამენტის ვიცე-სპიკერმა, გია ვოლსკიმ განაცხადა.მისივე თქმით, სალომე ზურაბიშვილის ქარტიამ ვერ იმუშავა, მიზეზი კი თაღლითობა და პოლიტიკური უნიათობა იყო.„რამდენიმე მცდელობა იყო, რომ სალომე ზურაბიშვილი ჩაეყენებინათ ოპოზიციის გამაერთიანებლად. მოხდა ისე, რომ ადამიანები, რომლებიც მას ბილწი და უკანასკნელი სიტყვებით ლანძღავდნენ, მივიდნენ და ხელი მოუწერეს იმ ქარტიაზე, რომელიც მის ლიდერობას აღიარებდა. იგი დაასახელებდა მთავრობას, დროებითი მთავრობის თავმჯდომარეს, მინისტრებს, გაშლიდა ქოლგას და ამ ქოლგის ქვეშ მოაქცევდა ყველას, ვისაც სწრაფვა ევროპისკენ ჰქონდა. ამასთან დაკავშირებით ქარტია მოიგონეს, ყველამ ხელი მოაწერა, მაგრამ გაერთიანება ვერ შეძლეს, რადგან თაღლითობა და პოლიტიკური უნიათობაა. სალომე ზურაბიშვილისგან ის ფრინველი ვერ შეიქმნა, „არა შეჯდა მწყერი ხესა, არა იყო გვარი მისი მისი“.ოპოზიციას, შეიძლება, გაერთიანების პერსპექტივა აქვს, მაგრამ, გაერთიანების მიუხედავად, იდეა არ იცვლება. სალომე ზურაბიშვილი მხოლოდ იმიტომ მოიგონეს, რომ იციან, სააკაშვილი გარკვეულ წრეში, განსაკუთრებით ახალგაზრდებში პოპულარული არ არის, სისხლი აქვს ხელებზე. უნდათ, რომ ისეთი ადამიანი შემოიყვანონ, როგორიც სალომე ზურაბიშვილია, ასევე პაატა ბურჭულაძე, რომლებიც თითქოსდა მსოფლიოში ცნობილები არიან. ადამიანი პრეზიდენტის დროშით დადის და ამბობს, რომ პრეზიდენტია, ეს რაღაც გარკვეულ ფსიქოლოგიურ საკითხებთანაც არის დაკავშირებული. ვერ იქნება ლიდერი და ლიდერი რომც იყოს, ვერ განახორციელებს ვერაფერ ახალს, გარდა იმ რევოლუციური გეგმის პროპაგანდისა, რომელიც საქართველოს დანგრევას უპირებს. როგორ წარმოუდგენიათ, ვინ შეიძლება ამის გამაერთიანებელი იყოს, ზოდელავა და ბურჭულაძე, თუ ბურჭულაძე ცალკე, სააკაშვილი, სალომე ზურაბიშვილი, თინა ბოკუჩავა, თუ ვინ? რომელი შეიძლება, განიხილებოდეს გამაერთიანებელ ფაქტორად? ყველა ერთია, ნებისმიერი ადამიანი სათავეში ჩაუყენე, გეგმა არ იცვლება. შესაკრებთა გადანაცვლებით ჯამი არ იცვლება. ასე რომ, რეალობაში სალომე ზურაბიშვილის კარტიც უკვე გათამაშდა და ვფიქრობ, ამას თავადვე ხვდება, არაფერი დარჩენია, გარდა იმისა, ყოველდღე იძახოს, რომ საქართველოში ისაა პრეზიდენტი“, – განაცხადა ვოლსკიმ.

ევროპარლამენტის გადაწყვეტილებით, ევროკავშირსა და ,,მერკოსურის” ქვეყნებს შორის გაფორმებული ისტორიული სავაჭრო შეთანხმება ევროკავშირის უმაღლეს სასამართლოს გადაეგზავნება. შესაბამის წინადადებას ევროდეპუტატებმა დღეს გამართულ კენჭისყრაზე დაუჭირეს მხარი. რეზოლუციის მიხედვით, ევროპარლამენტი ევროკავშირის სასამართლოს სთხოვს, გადაამოწმოს, შეესაბამება თუ არა შეთანხმების ცალკეული ნაწილები ევროკავშირის ხელშეკრულებებს. მთავარ სადავო საკითხს წარმოადგენს  შეთანხმებაში ჩადებული მექანიზმი, რომელიც ბრაზილიას, არგენტინას, პარაგვაისა და ურუგვაის მისცემს შესაძლებლობას, გაასაჩივრონ ევროკავშირის კანონმდებლობა, თუ ის საფრთხეს შეუქმნის შეთანხმებით მინიჭებულ ბაზარზე წვდომას. კრიტიკოსები ამბობენ, რომ ეს შეიძლება, მომავალში მდგრადობისა და გარემოს დაცვის წესებსაც შეეხოს. სასამართლოს შესაძლოა, ერთ წელზე მეტი დასჭირდეს დასკვნის გამოსატანად და შესაძლოა, შეთანხმებაში ცვლილებების შეტანას გახდეს საჭირო. ამ დროის განმავლობაში რატიფიკაციის პროცესი შეჩერდება. მიუხედავად ამისა ევროპარლამენტარები შიშობენ, რომ ევროკომისიამ შესაძლოა მაინც სცადოს შეთანხმების დროებითი ამოქმედება. ევროპარლამენტში კენჭისყრა გაიმართა სტრასბურგში ფერმერების მწვავე პროტესტის ფონზე.

ნატო გადამწყვეტია არა მხოლოდ ევროპის, არამედ აშშ-ის თავდაცვისთვისაც. აშშ რომ იყოს უსაფრთხოდ, საჭიროა უსაფრთხო არქტიკა, უსაფრთხო ატლანტიკა და უსაფრთხო ევროპა. ყველა პოლიტიკოსმა და სამხედრომ ეს იცის, – ამის შესახებ ნატო-ს გენერალურმა მდივანმა, მარკ რუტემ განაცხადა.რუტემ ასევე ისაუბრა გრენალდნიის გარშემო აშშ-სა და ნატო-ელ მოკავშირეებს შორის არსებულ დავაზე და აღნიშნა, რომ ამ საკითხზე დახურულ კარს მიღმა მუშაობს.კითხვაზე ახსენდება თუ არა მას შემთხვევა, როდესაც ნატო-ს ერთი მოკავშირე მეორეს ტერიტორიულ მთლიანობას ემუქრება, მარკ რუტემ საბერძნეთსა და თურქეთს შორის დაძაბულობა დაასახელა.„იყო სხვა მომენტებიც, როდესაც ალიანსის შიგნით იყო დაძაბულობა და ჩემი წინამორბედები არასდროს აკეთებდნენ ამაზე საჯარო განცხადებებს. ეს შეუძლებელია, რადგანაც როგორც კი ამას გავაკეთებ, უკვე ვეღარ შევძლებ სხვა ლიდერებთან ერთად დაძაბულობის ხარისხის შემცირებას. სწორედ ამის გამო ვერ მოისმენთ ამ საკითხზე ჩემს კომენტარს. თუმცა, დარწმუნებული იყავით, რომ მე ამ საკითხზე დახურულ კარს მიღმა ვმუშაობ. ამას საჯაროდ ვერ გავაკეთებ“, – განაცხადა რუტემ.მისივე თქმით, ერთადერთი გზა, რომლითაც შესაძლებელია გრენლანდიის გარშემო დავის მოგვარება, არის გონივრული  დიპლომატია. ნატო-ს გენერალური მდივნის თქმით, არქტიკის უსაფრთხოებასთან დაკავშირებით როგორც აშშ-ის პრეზიდენტი, ისე ევროპელი მოკავშირეები მართლები არიან.„ჩვენ უნდა დავიცვათ არქტიკა. ვიცით, რომ საზღვაო გზები იხსნება, ვიცით, რომ რუსეთი და ჩინეთი ძალიან გააქტიურებულები არიან არქტიკაში. პრეზიდენტი ტრამპი მართალია, ჩვენ მეტი უნდა გავაკეთოთ არქტიკის დასაცავად რუსეთის და ჩინეთის ზეგავლენისგან“, – განაცხადა რუტემ.

იუსტიციის მინისტრის, პაატა სალიას მოადგილედ თამარ ზოდელავა დაინიშნა.ინფორმაციას საქართველოს იუსტიციის სამინისტრო ავრცელებს.„თამარ ზოდელავა პროფესიით იურისტია. განათლება მიღებული აქვს ივანე ჯავახიშვილის სახელობის თბილისის სახელმწიფო უნივერსიტეტში, შპაიერის ადმინისტრაციული მეცნიერებების უნივერსიტეტსა და ბრემენის უნივერსიტეტში. აქვს საერთაშორისო ორგანიზაციებსა და სახელმწიფო უწყებებში საქმიანობის მრავალწლიანი გამოცდილება. სხვადასხვა პერიოდში მუშაობდა „გერმანიის საერთაშორისო თანამშრომლობის საზოგადოების“ (GIZ) პროექტების მენეჯერად. მინისტრის მოადგილედ დანიშვნამდე იკავებდა სსიპ „სახელმწიფო გრანტების მართვის სააგენტოს“ თავმჯდომარის თანამდებობას“, – ნათქვამია იუსტიციის სამინისტროს ინფორმაციაში.

აშშ-ის სახელმწიფო დეპარტამენტმა დონალდ ტრამპის ინაუგურაციიდან ერთი წლის აღსანიშნავად 12 თვეში შესრულებული სამუშაო შეაჯამა.სოციალურ მედიაში გამოქვეყნებულ შეჯამებაში ტრამპის პრეზიდენტობის პირველი წლის მთავარ მიღწევებად დასახელებულია: დანაშაულებებში ბრალდებული უცხო ქვეყნის მოქალაქეებისთვის ვიზების გაუქმება, ვენესუელის პრეზიდენტისა და მისი მეუღლის დაკავების ოპერაცია, აშშ-ში მიგრაციის შეზღუდვა და არასამთავრობო ორგანიზაციების ინდუსტრიული კომპლექსის დაშლა.„უცხო ქვეყნის მოქალაქეებს 100 ათასზე მეტი ვიზა გაუუქმდათ – უმეტესად იმ პირებს, რომლებმაც ჩაიდინეს ისეთი დანაშაულები, როგორებიცაა თავდასხმა, ქურდობა და ნასვამ მდგომარეობაში ავტომობილის მართვა, ან მხარს უჭერდნენ ძალადობას ამერიკის მოქალაქეების წინააღმდეგ.სახელმწიფო დეპარტამენტმა „კარტელ დე ლოს სოლესი“ უცხოურ ტერორისტულ ორგანიზაციად გამოაცხადა, ხოლო პრეზიდენტ ტრამპის ბრძანებით, წარმატებით განხორციელდა ბრალდებული ნარკოტერორისტების, ნიკოლას მადუროსა და სილია ფლორესის დაკავების ოპერაცია, როგორც ამერიკული მართლმსაჯულებისგან გაქცეული დამნაშავეების.მთელი მთავრობის ჩართულობით განხორციელებული ძალისხმევის შედეგად, რომელიც მიზნად ისახავს მასობრივი მიგრაციის შეჩერებას, სამხრეთ საზღვარზე დაფიქსირებული საზღვრის უკანონო გადაკვეთის შემთხვევები იანვრიდან 99%-ით შემცირდა.სახელმწიფო დეპარტამენტმა ხელი მოაწერა შვიდ „უსაფრთხო მესამე ქვეყნის“ შეთანხმებას დეპორტაციების დაჩქარებისა და გამარტივებისთვის.საიმიგრაციო ვიზების გაცემა შეჩერებულია მსოფლიოს 75 ქვეყანაში, ვიდრე სახელმწიფო დეპარტამენტი ამკაცრებს შემოწმების პროცედურებს, რათა ახალი მიგრანტები არ იქცნენ ამერიკის საზოგადოებისთვის ფინანსურ ტვირთად.სახელმწიფო დეპარტამენტის მხარდაჭერით მოქმედმა სპეციალიზებულმა დანაყოფებმა დააკავეს უცხოური ტერორისტული ორგანიზაციების მთავარი ფიგურები, მათ შორის სინალოას კარტელის ლიდერი ეფრაინ სანჩეს კაბანიასი, MS-13-ის ლიდერი ალვარო ოსირის აკოსტა ბუსტილიო და „ტრენ დე არაგუას“ ადგილობრივი ლიდერი „ჩინო სან ვისენტე“.სახელმწიფო დეპარტამენტმა „ანტიფას“ ოთხი რადიკალური ჯგუფი უცხოურ ტერორისტულ ორგანიზაციად გამოაცხადა, რათა ამ ჯგუფებს ჩამოერთვათ ძალადობის, ტერორისა და დაშინების განხორციელებისთვის საჭირო რესურსი.სახელმწიფო დეპარტამენტმა ხელი შეუწყო პრეზიდენტის მშვიდობის გეგმის განხორციელებას ღაზაში – დასრულდა ომი, დაბრუნდნენ მძევლები და გაიზარდა ჰუმანიტარული დახმარების ხელმისაწვდომობა.სახელმწიფო დეპარტამენტმა ლიბანის, ეგვიპტისა და იორდანიის „მუსლიმთა ძმობის“ დანაყოფები უცხოურ ტერორისტულ ორგანიზაციებად გამოაცხადა „ჰამასის“ მატერიალური მხარდაჭერისა და ტერორისტული აქტების გამო“, – ნათქვამია ჩანაწერში.აქვე აღნიშნულია, რომ სახელმწიფო დეპარტამენტის რეორგანიზაცია განხორციელდა 21-ე საუკუნის გამოწვევებთან გასამკლავებლად – გაძლიერდა საელჩოები და რეგიონული ბიუროები, გამარტივდა კატასტროფებზე რეაგირება, შიდა ოფისების თითქმის 45% გაუქმდა და დეპარტამენტი ამერიკის ინტერესებზე გადაეწყო.ჩანაწერში ასევე ნათქვამია, რომ, პრეზიდენტ ტრამპის მითითებით, სახელმწიფო დეპარტამენტმა დაიწყო აშშ-ის გაყვანა ათეულობით საერთაშორისო ორგანიზაციიდან, რომლებიც „ავრცელებენ მავნე იდეოლოგიებს, ფლანგავენ სახსრებს და მოქმედებენ ამერიკელი ხალხის ინტერესების წინააღმდეგ“.„აშშ-მა წარმატებით წაახალისა ტვირთის გაზიარება ევროპელ მოკავშირეებთან და ნატო-ს წევრებისგან მიიღო ვალდებულება, რომ 2035 წლისთვის თავდაცვაზე მშპ-ის 5% დახარჯავენ. ეს გადაწყვეტილება ყოველწლიურად დამატებით ტრილიონ დოლარს მოიტანს შეკავებისა და თავდაცვისთვის.სახელმწიფო დეპარტამენტმა უცხოური დახმარება ამერიკის ინტერესებს დაუქვემდებარა – დაშალა კორუმპირებული არასამთავრობო ორგანიზაციების ინდუსტრიული კომპლექსი და პარტნიორი ქვეყნები თვითკმარობისკენ მიმართა ახალი ორმხრივი ჯანდაცვის შეთანხმებებით.სახელმწიფო დეპარტამენტმა შეამცირა 1.8 მილიარდი დოლარის არასაჭირო კონტრაქტები და წინა ფისკალურ წელთან შედარებით 100 მილიონი დოლარი დაზოგა სამსახურებრივ მგზავრობებზე.დიპლომატიური უსაფრთხოების სამსახურმა მხარი დაუჭირა ვაშინგტონის „უსაფრთხო და ლამაზი ქალაქის“ სამუშაო ჯგუფსა და მემფისის უსაფრთხოების სამუშაო ჯგუფს. განხორციელდა ათასზე მეტი დაკავება, ამოღებულ იქნა ასობით არალეგალური იარაღი და მფლობელებს დაუბრუნდათ ოცზე მეტი მოპარული ავტომობილი.სახელმწიფო დეპარტამენტის მხარდაჭერით სამართალდამცავმა ორგანოებმა მექსიკაში ამოიღეს თითქმის 350 ტონა მეტამფეტამინი, პერუში გაანადგურეს 80 000 ჰექტარზე მეტი არალეგალური კოკას პლანტაცია და სალვადორში ამოიღეს 1 516 ფუნტი კოკაინი.პრეზიდენტ ტრამპის მმართველობის პირობებში სახელმწიფო დეპარტამენტმა მნიშვნელოვანი როლი შეასრულა კონგოს დემოკრატიულ რესპუბლიკასა და რუანდას შორის ისტორიული სამშვიდობო შეთანხმების მოლაპარაკებასა და განხორციელებაში, რომელმაც დაასრულა 30-წლიანი ომი – შეთანხმებას ხელი თეთრ სახლში მოეწერა.სახელმწიფო დეპარტამენტმა მშვიდობის ინსტიტუტს სახელი შეუცვალა და უწოდა „დონალდ ჯ. ტრამპის მშვიდობის ინსტიტუტი“, რაც ასახავს პრეზიდენტის უპრეცედენტო მიღწევებს მსოფლიო მშვიდობის საქმეში.ტრამპის ადმინისტრაცია გააგრძელებს ამერიკელი ხალხისთვის გამარჯვებების მოტანას და ყოველთვის პირველ ადგილზე დააყენებს ამერიკას“, – ნათქვამია სახელმწიფო დეპარტამენტის მიერ სოციალურ ქსელში გამოქვეყნებულ შეჯამებაში.