უმრავლესობის ლიდერის არჩილ თალაკვაძის განცხადებით, “ქათული ოცნების” სურვილია პარლამენტმა ერთიანი რეზოლუციის მიღება შეძლოს.
” ვენი მიზანი არის ერთიანი ძლიერი რეზოლუციის მიღებაა, სადაც მკაცრი შეფასებები მიეცემა არჩილ ტატუნაშვილის და გიგა ოთხოზორიასთან დაკავშირებულ მძიმე დანაშაულებს. ასევე იქნება კონკრეტული მოთხოვნები და ქმედებები, რომელიც უნდა მოჰყვეს ამ ფაქტს. ეს არის გამოძიების ჩატარება,სართაშორისო მონიტორინგის დაშვება ოკუპირებულ ტერიტორიებზე და პირველ რიგში ცხედრის დაუყოვნებლივ გადმოცემა. კონსულტაციები დაწყებულია. მზად ვართ ნებისმიერ ოპოზიციურ პარტიას მოვუსმინოთ და მივიღოთ შეჯერებული გადაწყვეტილბები, როდესაც საქმე ეხება ჩვენი სიცოცხლის ხელყოფას”- განაცხადა არჩილ თალაკვაძემ.
ანაოგიური განცხადება გააკეთა პარლამენტის თავჯდომარემაც. ირაკლი კობახიძის თქმით, უმრავლესობის მიზანია ისაა, რომ ოკუპირებულ ტერიტორიებზე მიმდინარე მოვლენებს საერთო ხედვა დაუპირისპირონ.
“ჩვენ გვაქვს უკვე კონსულტაციები და ეს კონსულტაციები გაგრძელდება ოპოზიციის წარმომადგენლებთან, რა თქმა უნდა ეს არის ჩვენი საერთო ტკივილი, ჩვენი მიზანია რომ საერთო ხედვა დავუპირისპიროთ იმ სამწუხარო მოვლენებს რომელსაც ჩვენ ვაკვირდებით ოკუპირებულ რეგიონებში. იმედი მაქვს რომ შევჯერდებით ოპოზიციასთან და იმედი მაქვს რომ შესაძლებელი გახდება ერთი კარგი რეზოლუციის მიღება პარლამენტის მიერ ამ საკითხთან დაკავშირებით.”-განაცხადა ირაკლი კობახიძემ.
თავის მხრივ “ევროპული საქართველოს” ლიდერი დავით ბაქრაძე საპარლამენტო პარტიებს შორის შეთანხმების აუცილებლობაზე საუბრობს და იმედოვნებს, რომ პარლამენტი ერთობლივი რეზოლუციის შემუშავებას შეძლებენ.
“პარლამენტმა უნდა შეძლოს ერთი ძლიერი სახელმწიფოებრივი რეზილუციის მიღება ამიტომ ამ მიმათულებით ჩვენ მზად ვართ ყველა ნაბიჯის გადასადგმელად. ჩვენ გვქონდა კონსულტაციების პირველი რაუნდი უმრავლესობასთან. ვფიქრობ, რომ მათი განწყობა შესაბამისია და ვფიქრობ, რომ ერთიან დოკუმენტზე შეჯერებას შევძლებთ. არჩილ ტატუნაშვილის საკითი არ არის ერთი პარტიის საკითხი. ქართულმა სახელმწიფომ უნდა გასცეს პასუხი ოკუპირებულ ტერიტორიაზე არსებულ სიტუაციას”-განაცხადა დავით ბაქრაძემ .
უმცირესოლის ლიდერის განცხადებით, კონსულტაციები ამ თემაზე ” ნაციონალურ მოძრაობასთანაც” გაიმართა.
დღეს ევროპულმა საქართველომ უმრავლესობას ტატუნაშვილთან დაკავშირებით რეზოლუციის საერთო დოკუმენტის შექმნა შესთავაზა.
ბიუროს გუშინდელ სხდომაზე დეპუტატებმა ერთ საკითხს მიძღვნილ რეზოლუციის ორი პროექტი განიხილეს.
ორივე დოკუმენტი ტატუნაშვილის სიცოცხლის ხელყოფას ეხება. რეზოლუციის ერთი პროექტი მმართველმა გუნდმა მოამზადა, მეორე კი ოპოზიციამ.
საპარლამენტო უმრავლესობამ ტატუნაშვილის სიცოცხლის ხელყოფის შესახებ რეზოლუცია 2 მარტს დაარეგისტრირა.
არჩილ ტატუნაშვილი 22 თებერვალს დილით ახალგორიდან გაიტაცეს, 23 თებერვალს, გამთენიისას კი, დეფაქტო ცხინვალის ინფორმაციით, ის სუნთქვის უკმარისობით გარდაიცვალა.