ანა ნაცვლიშვილი ბათუმში, თავშესაფრის ძაღლს მოეფერა

ფინანსთა სამინისტროს შემოსავლების სამსახური გადასახადის გადამხდელებს აცნობებს, რომ მიმდინარე წლის 1 დეკემბრიდან არამეწარმე ფიზიკური პირისგან საქონლის შესყიდვის აღრიცხვა  ელექტრონულ ფორმატში განხორციელდება, რაც მატერიალური დოკუმენტის ნაცვლად, ელექტრონული შესყიდვის აქტის გამოწერას ითვალისწინებს.ახალი მექანიზმის ფარგლებში, არამეწარმე ფიზიკური პირისგან საქონლის შესყიდვის შემთხვევაში, შესყიდვის აქტს თავად მყიდველი მხარე გამოწერს შემოსავლების სამსახურის ავტორიზებული მომხმარებლის გვერდიდან -https://eservices.rs.geელექტრონულ დოკუმენტში აისახება იგივე რეკვიზიტები, რასაც ითვალისწინებს არსებული მატერიალური ფორმის დოკუმენტი. მას, ასევე დაემატა ანგარიშსწორების ფორმისა და ანაზღაურების მდგომარეობის მითითების შესაძლებლობა.მნიშვნელოვანი სიახლეა, შესყიდვის აქტის ელექტრონულად დადასტურების მექანიზმიც, რომელიც მონაწილე მხარეს შესყიდვის ოპერაციის დადასტურების სამ ალტერნატიულ საშუალებას სთავაზობს:·         მობილურ ტელეფონზე მიღებული ერთჯერადი კოდის მყიდველისთვის მიწოდებას და მყიდველის მიერ მისი სისტემაში შეყვანით დოკუმენტის დადასტურებას;·         გამყიდველის მიერ მობილურ ტელეფონზე მიღებული ბმულის საშუალებით დოკუმენტის დადასტურებას;·         გამყიდველის მიერ ავტორიზებული მომხმარებლის გვერდიდან დოკუმენტის დადასტურებას.ასევე, სიახლეა ის, რომ გადასახადის გადამხდელს ნებაყოფლობით შეუძლია გამოიყენოს  ელექტრონული შესყიდვის აქტი არამეწარმე ფიზიკური პირისგან მომსახურების შესყიდვის შემთხვევაშიც.ელექტრონული შესყიდვის აქტის გამოწერა შესაძლებელია არაუგვინეს საქონლის შესყიდვის დღის შესაბამისი თვის მომდევნო თვის ბოლო რიცხვისა, ხოლო მისი დადასტურება ან უარყოფა -  ოპერაციის განხორციელების თვიდან მომდევნო ორი თვის განმავლობაში.შესყიდვის აქტის გამოწერა საჭირო არ არის შემდეგ შემთხვევებში:·         თუ ფიზიკური პირისგან შეიძენთ ისეთ ქონებას, რომლის საკუთრების უფლება შესაბამის მარეგისტრირებელ ორგანოში რეგისტრაციას ექვემდებარება. მაგალითად, ბინას, მიწას ან ავტომობილს;·         თუ საქონლის გამყიდველს აღნიშნულ ოპერაციაზე უკვე გამოწერილი აქვს სასაქონლო ზედნადები, ნავთობპროდუქტების სპეციალური საგადასახადო ანგარიშ-ფაქტურა ან საგადასახადო დოკუმენტი;·         თუ ფიზიკური პირისგან შეიძენთ ხე-ტყეს, რომელზეც მოქმედებს ხე-ტყის მოძრაობისა და ნაშთების აღრიცხვის სპეციალური წესი.ახალი ელექტრონული შესყიდვის აქტი მარტივად იქნება ინტეგრირებადი საბუღალტრო პროგრამულ სისტემებში, რაც ხელს შეუწყობს შესყიდვის ოპერაციების აღრიცხვის გამარტივებას, დოკუმენტების გაციფრულებასა და პროცესის გამჭვირვალობის უზრუნველყოფას.განხორციელებული სიახლის შესახებ, შემოსავლების სამსახურის ვებგვერდზე არსებული ელექტრონული პორტალის https://www.rs.ge/Meetingsspace- ,,შეხვედრების სივრცე" დახმარებით, მიზნობრივ ჯგუფებთან შეხვედრები აქტიურ რეჟიმში მიმდინარეობს.

ტელეკომპანია „ფორმულას“ თანამშრომლების ინფორმაციით, ბიზნესცენტრ „დელისის“ შენობაში გაჩენილი ხანძრის გამო, ტელეკომპანიის სტუდიებსა და ნიუსრუმშიც დაკვამლიანებაა.არხის ჟურნალისტის, სოფო ვარდიაშვილის ინფორმაციით, ნიუსრუმში ახლა 22 ჟურნალისტი იმყოფება, მათთან ავიდნენ სახანძრო-სამაშველო ბრიგადის წარმომადგენლები, რომლებმაც ადგილზე დარჩენა ურჩიეს და უთხრეს, რომ ახლა ყველაზე უსაფრთხო ადგილას არიან.„ნიუსრუმში ახლა 22 ადამიანი ვართ. ამ ეტაპზე კარგად ვართ. ახლა სახანძრო-სამაშველოს თანამშრომლები ამოვიდნენ და გვითხრეს, რომ აქ ვართ ყველაზე უსაფრთხოდ. კარი გვაქვს დაკეტილი იმიტომ, რომ ძლიერი კვამლია ყველა მხრიდან. ლიფტი გათიშეს. ჩვენ ვცადეთ კიბით ჩასვლა, რაც იყო ძალიან საშიში, იმიტომ, რომ კვამლის გამო ხილვადობა საერთოდ არ იყო და უკან ამოვბრუნდით. ველოდებით შემდეგ ინსტრუქციას“, - განაცხადა სოფო ვარდიაშვილმა.

საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე ქართული დიპლომატიის დღე აღინიშნა. ღონისძიების ფარგლებში ასლან აბაშიძისა და გიორგი ლობჟანიძის წიგნის - „დიპლომატიური და საკონსულო სამართალი“ - პრეზენტაცია გაიმართა.ინფორმაციას საქართველოს ტექნიკური უნივერსიტეტი ავრცელებს.უნივერსიტეტის ცნობით, გამოცემა წარმოადგენს პირველ ქართულენოვან ნაშრომს, რომელშიც დიპლომატიური და საკონსულო სამართალი ერთიან სასწავლო კონტექსტშია წარმოდგენილი. წიგნის მიზანია, სტუდენტებს მიაწოდოს საგარეო ურთიერთობათა სფეროში სპეციალიზებული ცოდნა და ხელი შეუწყოს საერთაშორისო სამართლის ამ ორი ურთიერთდაკავშირებული მიმართულების საფუძვლიან შესწავლას.სტუ-ის სამართლისა და საერთაშორისო ურთიერთობების დეკანის, პროფესორ ივანე გიორგაძის თქმით, წიგნში განხილულია დიპლომატიური და საკონსულო სამართლის ძირითადი პრინციპები, ნორმები და ინსტიტუტები. ამასთანავე, გადმოცემულია სხვადასხვა სახელმწიფო ორგანოს შექმნისა და ფუნქციონირების სამართლებრივი საფუძვლები, რომელთა საქმიანობაც, საერთაშორისო სამართლის ზოგად პრინციპებთან ერთად, დიპლომატიური და საკონსულო სამართლის ნორმებით რეგულირდება.„ქართული დიპლომატიის დღის აღნიშვნა და წიგნის - „დიპლომატიური და საკონსულო სამართალი“ - წარდგენა ჩვენი ფაკულტეტისთვის განსაკუთრებული მნიშვნელობის მოვლენაა. ეს გამოცემა მნიშვნელოვანი შენაძენია ქართულენოვანი აკადემიური ლიტერატურისთვის, რადგან დიპლომატიურ და საკონსულო სამართალს ერთიან სასწავლო-სამეცნიერო კონტექსტში წარმოაჩენს და მკითხველს საშუალებას აძლევს, სიღრმისეულად გაეცნოს საგარეო ურთიერთობათა სამართლებრივ საფუძვლებს, შესაბამის ინსტიტუტებსა და საერთაშორისო პრაქტიკას. განსაკუთრებით მნიშვნელოვანია, რომ ნაშრომი ხელს შეუწყობს სამართლისა და საერთაშორისო ურთიერთობების მიმართულების სტუდენტებისთვის პროფესიული ცოდნის გაღრმავებას და ამ სფეროში ქართულენოვანი საგანმანათლებლო რესურსების გამდიდრებას.თანამედროვე საერთაშორისო ურთიერთობების პირობებში დიპლომატიური და საკონსულო სამართლის ცოდნას განსაკუთრებული მნიშვნელობა ენიჭება. შესაბამისად, მსგავსი აკადემიური ნაშრომების შექმნა არა მხოლოდ სასწავლო პროცესის ხარისხის გაუმჯობესებას, არამედ დარგში სამეცნიერო კვლევების განვითარებასა და მომავალი დიპლომატებისა და სამართლის სპეციალისტების პროფესიულ მომზადებასაც ემსახურება“, - განაცხადა ივანე გიორგაძემ.სტუ-ის ინფორმაციით, გამოცემა მკითხველს სთავაზობს დიპლომატიური და საკონსულო საქმიანობის სამართლებრივი მექანიზმების სისტემურ მიმოხილვას და მნიშვნელოვან სასწავლო რესურსს წარმოადგენს როგორც საერთაშორისო ურთიერთობების, ისე სამართლის მიმართულებით. წიგნი განკუთვნილია სამართლისა და საერთაშორისო ურთიერთობების ფაკულტეტების სტუდენტებისთვის, დიპლომატიურ სამსახურში დასაქმებული პირებისთვის, დარგის სპეციალისტებისა და საკითხით დაინტერესებული მკითხველთა ფართო წრისთვის. გამოცემის რედაქტორები არიან საქართველოს მეცნიერებათა ეროვნული აკადემიის აკადემიკოსი როინ მეტრეველი და პროფესორი რომან შენგელია, ხოლო რეცენზენტები - პროფესორები დავით გეფერიძე და ნინო ბოჭორიშვილი.

აშშ-ის ყოფილი პრეზიდენტის, ბარაკ ობამას განცხადებით, შაულედურ არჩევნებში ამომრჩეველმა მხარი იმ ლიდერებს დაუჭირა, რომლებიც არსებულ გამოწვევებს კონკრეტული გადაწყვეტილებებით უპასუხებენ.„დღეს საღამოს ამერიკელი ხალხის გზავნილია, რომ მათ სურთ პოლიტიკა, რომელიც ხალხს აერთიანებს და არა ყოფს“, – წერს აშშ-ის 44-ე პრეზიდენტი.მისივე თქმით, ახლა მნიშვნელოვანია შემდგომი ზიანის თავიდან აცილება.„მიუხედავად იმისა, რომ ამ ადმინისტრაციას კიდევ ორი წელი აქვს, ახლა ჩვენი საქმეა აქტიური მუშაობა, შევიტანოთ ცვლილებები ყველგან, სადაც ამის შესაძლებლობა გვაქვს, თავიდან ავიცილოთ შემდგომი ზიანი და ჩავუყაროთ საფუძველი მომავალს“, – განაცხადა ობამამ.ცნობისთვის, 3 ნოემბერს აშშ-ში შუალედური არჩევნები გაიმართა. პირველადი შედეგებით, როგორც სენატში, ისე წარმომადგენელთა პალატაში დემოკრატიული პარტია ლიდერობს. ხმების დათვლა კვლავ მიმდინარეობს.

საქართველომ მართლმსაჯულების სისტემის ფართო რეფორმა უნდა დაიწყოს, – ამის შესახებ ევროკომისიის ანგარიშშია ნათქვამი, რომელიც დღეს უნდა გამოქვეყნდეს.ამასთან, არსებული ინფორმაციით, ანგარიშში ნათქვამია, რომ იუსტიციის უმაღლესი საბჭო ვენეციის კომისიის რეკომენდაციების შესაბამისად უნდა გარდაიქმნას.„გარდა ამისა, უნდა შეიქმნას კეთილსინდისიერების შემოწმების საგანგებო სისტემა, რომელშიც საერთაშორისო ექსპერტებს გადამწყვეტი როლი ექნებათ. შემოწმება უნდა შეეხოს როგორც კანდიდატებს, ისე მართლმსაჯულების სისტემაში ყველა მაღალ თანამდებობაზე ამჟამად დანიშნულ პირებს, განსაკუთრებით იუსტიციის უმაღლესი საბჭოს წევრებს, უზენაესი სასამართლოსა და საერთო სასამართლოების თავმჯდომარეებს“, – ნათქვამია ევროკომისიის ანგარიშში, რომელიც დღეს უნდა გამოქვეყნდეს.გაფართოების შესახებ ევროკომისიის ანგარიში დღეს უნდა გამოქვეყნდეს, თუმცა მანამდე ვრცელდება ანგარიშის სხვადასხვა ნაწილი. ანგარიშში აღნიშნულია, რომ „პრეზიდენტმა შეიწყალა რამდენიმე პირი, რომლებიც საქართველოში აქციებთან დაკავშირებით უკანონოდ იყვნენ დაკავებული და დანაშაული აღიარეს, მიუხედავად ამისა, ბევრი სხვა პირი პატიმრობაში რჩება“. ამასთან, დოკუმენტში ნათქვამია, რომ „საქართველოს პრემიერის განცხადება, რომ მთავრობა 2028 წლამდე არ იმოქმედებს გაწევრიანების მოლაპარაკებების გახსნის მიმართულებით, ეწინააღმდეგება კონსტიტუციით განსაზღვრულ პრიორიტეტებს“. ანგარიშში ასევე აღნიშნულია, რომ „ხელისუფლების გაცხადებულ სწრაფვას საქართველოს ევროკავშირში გაწევრიანებისკენ ეწინააღმდეგებოდა ჩართულობა მტრულ რიტორიკაში, მანიპულაციურ ნარატივებსა და შეთქმულების თეორიებში“.