პარასკევი, მარტი 14, 2025

ამომრჩეველთა მინიმუმ 20-25 პროცენტს ამ ქვეყანაში სიცრუის პროპაგანდით, მძიმე ფსიქოლოგიური ტერორით აიძულებენ უცხოელებსა და საქართველოში მათ წარმომადგენლებს უგულშემატკივრონ და მხარი დაუჭირონ – მამუკა მდინარაძე

სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ რა კაცები ვიქნებით, რა პასუხს გავცემთ შთამომავლობას. იმისათვის, რომ მართლები ვიყოთ საკუთარი ქვეყნის და შთამომავლობის წინაშე, ვალდებულები ვართ დავიცვათ ეს ანდერძად ქცეული სიტყვები. – ეს განცხადება “ქართული ოცნების” აღმასრულებელმა მდივნმა, მამუკა მდინარაძემ თელავში სიტყვით გამოსვლას გააკეთა.

“მოგესალმებით მეგობრებო, კახელებო მოგესალმებით უდიდესი პატივისცემით. გილოცავთ ალავერდობას. მივესალმები დავით სონღულაშვილს კიდევ ერთხელ, ბატონ ირაკლის, რომლებიც თქვენი წარმომადგენლები იქნებიან საქართველოს პარლამენტში.

 

ამ გასაოცარი კუთხის, კახეთის ისტორია არის სამშობლოსთვის ბრძოლის და გმირობის ისტორია. მამულის, ენის და სარწმუნოებისათვის ბრძოლის ისტორია. ალბათ ვერავინ წარმოიდგენდა, რომ თანამედროვე, ცივილიზებულ სამყაროშიც ამ გამოწვევის წინაშე ვიქნებოდით და ჩვენ ყველას ერთად ძალიან ხმამაღლა, გამოთქმით და ხაზგასმით, გამოკვეთილად ბევრჯერ გვექნებოდა გასამეორებელი, უდიდესი კახელი, ქართველი კაცის, ილია ჭავჭავაძის სიტყვები, როგორც ქართველი ერის დოქტრინა.

სამი ღვთაებრივი საუნჯე დაგვრჩა ჩვენ მამა-პაპათაგან: მამული, ენა, სარწმუნოება. თუ ამათ არ ვუპატრონეთ რა კაცები ვიქნებით, რა პასუხს გავცემთ შთამომავლობას. იმისათვის, რომ მართლები ვიყოთ საკუთარი ქვეყნის და შთამომავლობის წინაშე, ვალდებულები ვართ დავიცვათ ეს ანდერძად ქცეული სიტყვები.

ფასეულობები და მათ უზრუნველსაყოფად საკუთარი ქვეყნის ღირსება და მხოლოდ ამ ღირსებით მოვახდინოთ მშვიდობის შენარჩუნებაც, კეთილდღეობის უზრუნველყოფაც და ევროპული ოჯახისკენ სრულფასოვანი წევრობისკენ სვლაც.

ყველამ კარგად უნდა გაათვიცნობიეროს, რომ ჩვენ, “ქართული ოცნება” და ქართველი ხალხი ამ ბრძოლაში ვუპირისპირდებით არა ჩვენივე ეთნიკური წარმომავლობის, მაგრამ სინამდვილეში უსამშობლო აგენტურას, დღეს რომ ოპოზიციონერ პოლიტიკოსებად გვევლინებიან, არამედ მათ უფროსებს, რომლებსაც მიზნად აქვთ ჩვენი ქვეყანა შესაწირ პაიკად გამოიყენონ ძალიან დიდ, გლობალურ საჭადრაკო დაფაზე.

აი ამ ბრძოლაში მოუწოდებენ ხალხს სხვისი, ანუ საკუთარი თავის საწინააღმდეგო მხარეს დადგომისაკენ. მართლაც პარადოქსული სიტუაციაა. წარმოიდგინეთ ერთი წამით, საქართველოს ეროვნული ნაკრების და უცხოელების გუნდის დაპირისპირებაში საქართველოს მოქალაქე სხვისკენ რომ იყოს. ამომრჩეველთა მინიმუმ 20-25 პროცენტს ამ ქვეყანაში სიცრუის პროპაგანდით, მძიმე ფსიქოლოგიური ტერორით აიძულებენ უცხოელებსა და საქართველოში მათ წარმომადგენლებს უგულშემატკივრონ და მხარი დაუჭირონ. ამ ხალხს სამწუხაროდ მთელი სერიოზულობით სჯერა, რომ ნებისმიერი ქართული, ეროვნული საქმე სინამდვილეში იმ სახელმწიფოს ინტერესებს ემსახურება, რომელსაც ჩვენი ქვეყნის ტერიტორიების 20 პროცენტამდე აქვს ოკუპირებული. არადა, ამ დროს გულშემატკივრობენ ადამიანებს, რომლებიც ითხოვენ ომს. საკუთარ სამხედროებს რუსეთის წინააღმდეგ ომის დანაშაულში ადანაშაულებენ.

ამ საფუძვლით უჩივიან სტრასბურგში თავის სამშობლოს. მათი პროპაგანდის წარმომადგენლები, ჟურნალისტები თუ პოლიტიკოსები აფხაზებს და ოსებს უწოდებენ მტრებს. ჩვენ ვნახეთ ეს ყველაფერი წინა დღეებში. და რა გახდა, რით ვერ გაარჩიეს მხარეები ურთიერთმიტევების და მობოდიშებისას, რით ვეღარ გაარჩიეს ოკუპანტი, სეპარატისტი და მკვლელი საკუთარი აფხაზი და ოსი დებისგან და ძმებისგან. ასე რატომ წვალობენ, პასუხი არის ძალიან მარტივი. მათი დავალება არ არის შერიგება, ერთიანობა და მშვიდობა და კეთილდღეობა, მათი დავალებაა გაყიდონ და სხვის ინტერესებს შესწირონ საკუთარი სამშობლო, რის საშუალებას არასდროს მივცემთ.

ჩვენ თავის დახრას, დირექტივებით მოქმედებასა, საკუთარი გარანტიების სანაცვლოდ ქვეყნის ინტერესების გვერდზე გაწევას ან ასკინკილით ევროპისკენ სიარულს ნამდვილად არ ვაპირებთ. ვაპირებთ, ორ ფეხზე მყარად, ამაყად ვიმოქმედოთ მხოლოდ საქართველოს ინტერესებიდან გამომდინარე და არანაირი სხვა ინტერესები. და ამას კიდევ უფრო მაღალი ლეგიტიმაციით, 26 ოქტომბერს დაგვავალებს კახეთი, კახელები და ქართველი ხალხი, მთლიანად საქართველო და საქართველო გაიმარჯვებს ყველაზე, ვინც მისი ინტერესების საპირისპიროდ მოქმედებს. ამიტომ, ჩემო კახელებო, ჩემო ძალიან მაგარო ხალხო ტრადიციებით, ჩვენი იდენტობის შენარჩუნებით ევროპისკენ. მხოლოდ მშვიდობით, მხოლოდ ღირსებით და მხოლოდ კეთილდღეობით. ჩვენ კახეთს, ჩვენ მებრძოლ, ჟინიან, ქართველ ხალხს გაუმარჯოს და კიდევ ერთხელ, ჩვენს საქართველოს, ქართულ ოცნებას და მის ახდენას გაუმარჯოს.” – აცხადებს მამუკა მდინარაძე.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

რატი იონათამიშვილი – ოპოზიციის კონფიგურაციას საზოგადოებისთვის არანაირი მნიშვნელობა არ აქვს, ისინი უკვე დამარცხებული არიან

ჩვენ გვყავს რადიკალური ოპოზიცია, რომელსაც არც საკუთარი აზრი გააჩნია და ყველაფერი იმდენად არის ერთმანეთში არეული, რომ მათ კონფიგურაციას საზოგადოებისთვის არანაირი მნიშვნელობა არ აქვს, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა განაცხადა.მისი თქმით, ოპოზიცია უკვე დამარცხებულია.„ისინი ერთადაც და ცალ-ცალკეც იქნებიან უკვე ძალიან დამარცხებული, პირველ რიგში, ქართველი ხალხის მხრიდან. რა თქმა უნდა, ვერდიქტი, რომელიც ჩვენმა საზოგადოებამ მათ წინააღმდეგ გამოიტანა გასაჩივრებას აღარ ექვემდებარება. ეს ადამიანები არიან მარიონეტები, რომლებიც საკუთარი პატრონების დავალებით მოქმედებენ. ამ მოქმედებაში საერთოდ არ აინტერესებთ არც ქვეყნის ინტერესები და არც საკუთარი მხარდამჭერების პოზიციები, მხარდამჭერების, რომლებიც მათთვის თითქმის აღარც არსებობენ. ეს ის ადამიანები არიან, ვინც არანაირ ნდობას და მხარდაჭერას არ იმსახურებენ“, – განაცხადა იონათამიშვილმა.

ალექსანდრე იაშვილი – სომხეთთან რთული მატჩები გველის და „დინამო არენაზე“ დაბრუნება ძალიან ბევრს ნიშნავს

საქართველოს ფეხბურთის ფედერაციის ვიცე-პრეზიდენტმა, ალექსანდრე იაშვილმა ერთა ლიგაზე სომხეთის ნაკრებთან მოახლოებულ შეხვედრებზე ისაუბრა და „დინამო არენაზე“ დაბრუნების მნიშვნელობას გაუსვა ხაზი.„მარტის თამაშები მნიშვნელოვანია, რადგან გვსურს, B დივიზიონში დავრჩეთ. სომხეთის ნაკრების სახით ძლიერი მეტოქე გვყავს და რთულ თამაშებს ველით. ჩვენთვის „დინამო არენაზე“ თამაში ძალიან ბევრს ნიშნავს, სადაც საბერძნეთთან მოგებული შეხვედრის შემდეგ პირველად ვითამაშებთ.ძალიან მნიშვნელოვანია, რომ ეროვნული და ახალგაზრდული ნაკრების ხელმძღვანელები ერთმანთთან მჭიდროდ თანამშრომლობენ. გაიხსენეთ, 2023 წელს, შოტლანდიასთან ეროვნული ნაკრების მატჩის მეორე დღეს ცხრა მოთამაშე ახალგაზრდულ გუნდს შეუერთდა და ევროპის ახალგაზრდულ ჩემპიონატზე ითამაშა. იმის თქმა მსურს, რომ  21-წლამდელთა გუნდი სანაკრებო სისტემაში ძალიან მნიშვნელოვანი კომპონენტია“, – განაცხადა ალექსანდრე იაშვილმა.სომხეთისა და საქართველოს ნაკრებების დაპირისპირების გამარჯვებული უეფას ერთა ლიგის B დივიზიონში დაწინაურდება. 20 მარტს შეხვედრა ერევანში გაიმართება, ხოლო 23-ში – თბილისში. მატჩების პირდაპირ ტელერეპორტაჟებს საქართველოს პირველი არხი შემოგთავაზებთ.

თინა ბოკუჩავა – ივანიშვილის რუსულმა რეჟიმმა ცხრა წელი მიუსაჯა პრეზიდენტ სააკაშვილს ქვეყნის 9-წლიანი აღმშენებლობისთვის

სულ რამდენიმე დღის წინ ივანიშვილის რუსულმა რეჟიმმა ე.წ. პიჯაკების საქმეზე ცხრა წელი მიუსაჯა პრეზიდენტ სააკაშვილს ქვეყნის 9-წლიანი აღმშენებლობისთვის, – ამის შესახებ „ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა.მისივე შეფასებით, სააკაშვილის მიმართ სასამართლო საზღვრის უკანონო კვეთის საქმეზეც მაქსიმალურ სასჯელს გამოიყენებს.„ორშაბათს გამოცხადდება უკვე მეორე გადაწყვეტილებაც და, რა თქმა უნდა, აქაც მაქსიმალურ სასჯელს გამოიყენებს ივანიშვილი პრეზიდენტ სააკაშვილის წინააღმდეგ, რადგან მან არ დათმო ქვეყნის სახელმწიფოებრიობა 2008 წელს. მან შექმნა თანამედროვე ქართული სახელმწიფოს მაგალითი არა მხოლოდ ჩვენი ქვეყნისთვის, არამედ პუტინის რუსეთისთვის, რაც მისთვის იყო უდიდესი საფრთხე როგორც სამეზობლო პოლიტიკისთვის, ისე შიდა პოლიტიკისთვის და ეს არის რეალურად ის ბრალი, რასაც ივანიშვილი უყენებს პუტინის საამებლად მიხეილ სააკაშვილს და უკვე მეოთხე წელია, უკანონო და უსამართლო პატიმრობაში იმყოფება“, – განაცხადა თინა ბოკუჩავამ.

კაია კალასი – მხოლოდ ჩინეთი სარგებლობს სავაჭრო ომებით, რომელსაც აშშ მოკავშირეების წინააღმდეგ აწარმოებს

ვროკავშირის უმაღლესი წარმომადგენელი კაია კალასი თვლის, რომ ჩინეთი „იცინის“ აშშ-ის სავაჭრო ომზე. ამის შესახებ კალასმა „ბლუმბერგთან“ ინტერვიუში განაცხადა.ევროკავშირის უმაღლესი წარმომადგენლის აზრით, მხოლოდ ჩინეთი სარგებლობს სავაჭრო ომებით, რომელსაც აშშ თავისი მოკავშირეების წინააღმდეგ აწარმოებს.„ვინც შორიდან იცინის ან შორიდან აკვირდება – ეს ჩინეთია. ის ნამდვილად იგებს იმით, რომ აშშ სავაჭრო ომს აწარმოებს ევროპასთან“, – განაცხადა კალასმა.უმაღლესმა დიპლომატმა ასევე დაადასტურა ევროკავშირის მზადყოფნა საპასუხო ზომებისთვის, თუმცა მოუწოდა თავშეკავებისკენ, რადგან სავაჭრო ომები, ჩვეულებრივ, იწვევს ინფლაციის ზრდას, რაც მომხმარებლებს აზარალებს.„ჩვენ ვინარჩუნებთ ცივ გონებას და, რა თქმა უნდა, მზად ვართ, ვიმოქმედოთ და დავიცვათ ჩვენი ინტერესები, როცა ეს საჭირო გახდება“, – განაცხადა კაალასმა.აღნიშნული კომენტარი კალასმა მას შემდეგ გააკეთა, რაც აშშ-ის პრეზიდენტმა, დონალდ ტრამპმა განაცხადა, რომ ევროპიდან იმპორტირებულ ყველა სახის ღვინოსა და სხვა ალკოჰოლურ პროდუქტებზე 200%-იან ტარიფს დააწესებს.

გია ვოლსკი – არავისთვის კითხვას აღარ ტოვებს საქართველოს შესაბამისი უწყებების პროფესიონალიზმი, რომლითაც უპირისპირდებიან, მათ შორის, ტერორიზმის საფრთხეებს, ეს დასაფასებელია

კითხვას აღარ ტოვებს საქართველოს შესაბამისი უწყებების პროფესიონალიზმი, რომლითაც უპირისპირდებიან, მათ შორის, ტერორიზმის საფრთხეებს, ეს დასაფასებელია, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკი გამოეხმაურა ეკონომიკისა და მშვიდობის ინსტიტუტის (IEP) მიერ გამოქვეყნებულ ანგარიშს მსოფლიოში „ტერორიზმის ინდექსის დონის“ შესახებ, რომლის მიხედვითაც, საქართველოს სარეიტინგო პოზიცია ექვსი ადგილით გაუმჯობესდა და ნულოვანი დონით, მსოფლიოს რამდენიმე ქვეყანასთან ერთად, ბოლო ადგილზეა.„არავისთვის კითხვას აღარ ტოვებს საკითხი, რასაც ჰქვია საქართველოს შესაბამისი უწყებების მაღალი პროფესიონალიზმი, რომლითაც უპირისპირდებიან საქართველოში გარედან მომავალი საფრთხეების გავრცელებას, მათ შორის ტერორიზმის საფრთხეებს. ვიცით მაგალითები, რამდენად ინტენსიური, საქმიანი და მაღალი დონის არის ჩვენი შესაბამისი უწყებების თანამშრომლობა უცხოელ კოლეგებთან და პარტნიორ ქვეყნებთან. ამას დაფასება სჭირდება.საქართველო სტაბილური ქვეყნის ყველა მაჩვენებელს ინარჩუნებს და აქედან გამომდინარეობს ის შეფასებებიც, რომლებიც საქართველოსთან მიმართებით კეთდება. საქართველოში ტურიზმის დიდი ნაკადია და ყველაზე უსაფრთხო მდგომარეობაა ევროკავშირის ქვეყნებთან შედარებითაც კი. საქართველოს დედაქალაქში და ყველა ქალაქში შეიძლება ქუჩაში ყოფნა უსაფრთხოდ დღის ნებისმიერ დროს, 24 საათის განმავლობაში. ეს ჩვენი სამართალდამცავების, პოლიციის, უსაფრთხოების სამსახურების ინტენსიური, წარმატებული და მაღალპროფესიონალური მუშაობის შედეგია, რაც ყველანაირად დასაფასებელია. სამწუხაროა, რომ ამას საზოგადოების დიდი ნაწილი ვერ ხედავს, განსაკუთრებით ის ადამიანები, რომლებიც ამასთან დაკავშირებით პროფესიონალურად უნდა მსჯელობდნენ და არა პოლიტიკური გადმოსახედიდან აკეთებდნენ შეფასებებს“, – განაცხადა გია ვოლსკიმ.

ბოლო სიახლეები