ალარ კარისი – გულთბილ სურვილებს ვუგზავნი ქართველ ხალხს, თავისუფლება, ერთხელ მოპოვებული, უნდა იყოს დაცული, დაე, ყოველთვის გქონდეთ ძალა ამის გასაკეთებლად

ეკონომიკა, სიღარიბის დაძლევა, სოციალური მდგომარეობის გაუმჯობესება, ეს არის ჩვენი უმთავრესი ამოცანა, – ამის შესახებ საქართველოს პრემიერ-მინისტრმა, ირაკლი კობახიძემ პირველი არხის გადაცემაში „აქტუალური თემა“ სტუმრობისას განაცხადა.პრემიერის თქმით, ამ ტემპით თუ გაგრძელდება ეკონომიკის ზრდა, უკვე საშუალოვადიან პერსპექტივაში ქვეყანა შესაძლოა, მიუახლოვდეს ევროკავშირის საშუალო დონეს, ეკონომიკური განვითარების კუთხით.„რაც შეეხება ეკონომიკას, ბოლო ოთხი წლის განმავლობაში სწრაფად იზრდება ჩვენი ეკონომიკა. დოლარში საქართველოს ეკონომიკა, სულ მოსახლეზე გაორმაგდა და კიდევ უფრო მეტად გაიზარდა. მხოლოდ ამ ოთხი წლის განმავლობაში გვქონდა უპრეცედენტო ეკონომიკური ზრდა და ჩვენი მთავარი ამოცანა ამ ზრდის შენარჩუნებაა. ჯერ კიდევ ჩამოვრჩებით ევროპულ ქვეყნებს, კეთილდღეობის დონით, მაგრამ თუ გავაგრძელებთ ამ ტემპით ეკონომიკის ზრდას, ჩვენ უკვე საშუალოვადიან პერსპექტივაში შეიძლება, მივუახლოვდეთ ევროკავშირის საშუალო დონეს, ეკონომიკური განვითარების კუთხით და შესაბამისად, სოციალური პირობებიც შეიძლება რადიკალურად გაუმჯობესდეს ჩვენს ქვეყანაში. ჩვენი პროგრამული მიზნების მიხედვით, ჩვენი ამოცანაა, სიღარიბის უმუშევრობის შემცირება მაქსიმუმ 4%-მდე. არცერთმა მაჩვენებელმა არ უნდა გადააჭარბოს 4%-ს. როგორც ახლა მივდივართ, ეს არის აბსოლუტურად მიღწევადი 2028 წლისთვის. ეკონომიკა, სიღარიბის დაძლევა, სოციალური მდგომარეობის გაუმჯობესება, ეს არის ჩვენი უმთავრესი ამოცანა“, – განაცხადა პრემიერმა.

აშშ-ის ერთი წერილის ადრესატი იყო პირდაპირ ხალხი, გვერდი აუარეს ხალხის მიერ არჩეულ ხელისუფლებას და ამ დროს, პრეზიდენტ ტრამპის წერილში პრეზიდენტ ყაველაშვილის სახელზე პირდაპირ საუბარია საქართველოს მთავრობასთან თანამშრომლობის განვითარებაზე, ეს დუბლირება წარმოაჩენს ტრამპის ადმინისტრაციასა და „დიფ სთეითს“ შორის დაპირისპირებას, –  ამის შესახებ საქართველოს პრემიერ-მინისტრმა, ირაკლი კობახიძემ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ განაცხადა.კობახიძის თქმით, მოხარულია, რომ პრეზიდენტის ადმინისტრაციიდან შემოვიდა წერილი, სადაც პირდაპირ არის გამოხატული ღიაობა თანამშრომლობის მიმართ.„საინტერესოა, რომ ამ ორი დღის განმავლობაში ჩვენ ვიხილეთ ორი ერთმანეთისგან განსხვავებული წერილი. ერთი გამოიგზავნა თავდაპირველად სახელმწიფო დეპარტამენტიდან და მეორე გამოიგზავნა პრეზიდენტის ადმინისტრაციიდან. პირველი წერილი იყო დაწერილი „დიფ სთეითის“ მიერ და მეორე წერილი იყო შედგენილი პრეზიდენტ ტრამპის ადმინისტრაციაში. რადიკალური განსხვავება. ეს უკვე აჩვენებს იმ ორთაბრძოლას, დაპირისპირებას, რაც წარიმართება ახალ ადმინისტრაციასა და „დიფ სთეითს“ შორის. სხვანაირად შეუძლებელია ახსნა, როგორ შეიძლება, ასეთი რადიკალურად განსხვავებული წერილები შემოვიდეს საქართველოში. ერთი წერილი, პრაქტიკულად, არ აღიარებდა ხელისუფლებას, გამომდინარე იქედან, რომ ადრესატი იყო პირდაპირ ხალხი, მაშინ, როდესაც გვერდი აუარეს ხალხის მიერ არჩეულ ხელისუფლებას, ამ დროს პრეზიდენტ ტრამპის მხრიდან შემოვიდა წერილი პრეზიდენტ ყაველაშვილის სახელზე, რომლის ადრესატი პირდაპირ არის საქართველოს ხელისუფლება, ადრესატი იყო პრეზიდენტი მიხეილ ყაველაშვილი და იქ პირდაპირ იყო საუბარი საქართველოს მთავრობასთან თანამშრომლობის განვითარებაზე. ეს დუბლირება ერთი და იგივე ხელისუფლების მხრიდან პირდაპირ წარმოაჩენს იმ დაპირისპირებას, რომელიც ახლა წარიმართება ტრამპის ადმინისტრაციასა და „დიფ სთეითს“ შორის. ჩვენ, რა თქმა უნდა, ძალიან მოხარული ვართ, რომ პრეზიდენტის ადმინისტრაციიდან შემოვიდა ასეთი წერილი, სადაც პირდაპირ არის გამოხატული ღიაობა თანამშრომლობის მიმართ და ჩვენ ამას ვითხოვდით. ჩვენ ვისაუბრეთ დახურულ წერილზე და შემდეგ გავაგზავნეთ ღია წერილი პრეზიდენტ ტრამპის მიმართ, ჩემი სახელით გაიგზავნა ეს წერილი“, – განაცხადა ირაკლი კობახიძემ.ამერიკის შეერთებული შტატების პრეზიდენტმა, დონალდ ტრამპმა საქართველოს პრეზიდენტ მიხეილ ყაველაშვილს წერილი გაუგზავნა, რომლითაც დამოუკიდებლობის დღეს ულოცავს. წერილში, რომელიც საქართველოს პრეზიდენტის პრესსამსახურმა გაავრცელა, ტრამპი აღნიშნავს, რომ მისი ადმინისტრაცია ერთგულია, განამტკიცოს საქართველოს მთავრობასთან მშვიდობიანი და ნაყოფიერი ურთიერთობები.

მოხარული ვართ, რომ აშშ-ის პრეზიდენტის ადმინისტრაციიდან შემოვიდა წერილი, სადაც პირდაპირ არის გამოხატული ღიაობა თანამშრომლობის მიმართ და ჩვენ ამას ვითხოვდით, – ამის შესახებ საქართველოს პრემიერ-მინისტრმა, ირაკლი კობახიძემ საქართველოს პირველი არხის გადაცემაში „აქტუალური თემა – მაკა ცინცაძესთან ერთად“ განაცხადა.კობახიძის თქმით, სახელმწიფო დეპარტამენტიდან გამოგზავნილი პირველი წერილი რადიკალურად განსხვავდება მიხეილ ყაველაშვილის სახელზე პრეზიდენტ ტრამპის მხრიდან შემოსული წერილისგან.ირაკლი კობახიძის განმარტებით, ეს წარმოაჩენს დაპირისპირებას, რომელიც ახლა წარიმართება ტრამპის ადმინისტრაციასა და „დიფ სთეითს“ შორის.„საინტერესოა, რომ ამ ორი დღის განმავლობაში ჩვენ ვიხილეთ ორი ერთმანეთისგან განსხვავებული წერილი. ერთი გამოიგზავნა თავდაპირველად სახელმწიფო დეპარტამენტიდან და მეორე გამოიგზავნა პრეზიდენტის ადმინისტრაციიდან. პირველი წერილი იყო დაწერილი „დიფ სთეითის“ მიერ და მეორე წერილი იყო შედგენილი პრეზიდენტ ტრამპის ადმინისტრაციაში. რადიკალური განსხვავებაა. ეს უკვე აჩვენებს იმ ორთაბრძოლას, დაპირისპირებას, რაც წარიმართება ახალ ადმინისტრაციასა და „დიფ სთეითს“ შორის. სხვანაირად შეუძლებელია ახსნა, როგორ შეიძლება, ასეთი რადიკალურად განსხვავებული წერილები შემოვიდეს საქართველოში. ერთი წერილი, პრაქტიკულად, არ აღიარებდა ხელისუფლებას, გამომდინარე იქედან, რომ ადრესატი იყო პირდაპირ ხალხი, მაშინ როდესაც გვერდი აუარეს ხალხის მიერ არჩეულ ხელისუფლებას; ამ დროს პრეზიდენტ ტრამპის მხრიდან შემოვიდა წერილი პრეზიდენტ ყაველაშვილის სახელზე, რომლის ადრესატი პირდაპირ არის საქართველოს ხელისუფლება, ადრესატი იყო პრეზიდენტი მიხეილ ყაველაშვილი და იქ პირდაპირ იყო საუბარი საქართველოს მთავრობასთან თანამშრომლობის განვითარებაზე. ეს დუბლირება ერთისა და იმავე ხელისუფლების მხრიდან პირდაპირ წარმოაჩენს იმ დაპირისპირებას, რომელიც ახლა წარიმართება ტრამპის ადმინისტრაციასა და „დიფ სთეითს“ შორის. ჩვენ, რა თქმა უნდა, ძალიან მოხარული ვართ, რომ პრეზიდენტის ადმინისტრაციიდან შემოვიდა ასეთი წერილი, სადაც პირდაპირ არის გამოხატული ღიაობა თანამშრომლობის მიმართ და ჩვენ ამას ვითხოვდით. ჩვენ ვისაუბრეთ დახურულ წერილზე და შემდეგ გავაგზავნეთ ღია წერილი პრეზიდენტ ტრამპის მიმართ, ჩემი სახელით გაიგზავნა ეს წერილი“, – განაცხადა ირაკლი კობახიძემ.ამერიკის შეერთებული შტატების პრეზიდენტმა, დონალდ ტრამპმა საქართველოს პრეზიდენტ მიხეილ ყაველაშვილს წერილი გაუგზავნა, რომლითაც დამოუკიდებლობის დღეს ულოცავს. წერილში, რომელიც საქართველოს პრეზიდენტის პრესსამსახურმა გაავრცელა, ტრამპი აღნიშნავს, რომ მისი ადმინისტრაცია ერთგულია, განამტკიცოს საქართველოს მთავრობასთან მშვიდობიანი და ნაყოფიერი ურთიერთობები.

ჩინეთში, ქიმიურ ქარხანაში ძლიერი აფეთქება მოხდა, დაღუპულია, სულ მცირე, ხუთი ადამიანი, ასევე არიან დაშავებულები. ამის შესახებ „ბიბისი“ ავრცელებს ინფორმაციას.კერძოდ, შანდუნის პროვინციაში მდებარე ქიმიურ ქარხანაში აფეთქების შედეგად დაიღუპა ხუთი ადამიანი, დაშავდა 19, ექვსი კი დაკარგულად ითვლება.შემთხვევის ადგილზე საგანგებო სამსახურის 200-ზე მეტი თანამშრომელი გაიგზავნა. კომპანიის ვებგვერდზე განთავსებული ინფორმაცის თანახმად, ქარხანა პესტიციდებსა და ფარმაცევტულ პროდუქტებს აწარმოებს.მედიაში გავრცელებულ ვიდეოკადრებში ჩანს, რომ აფეთქებამ მასშტაბური ხანძარი გამოიწვია. ამ დროისთვის აფეთქების გამომწვევი მიზეზი უცნობია. მომხდართან დაკავშირებით მიმდინარეობს გამოძიება.

ენათმეცნიერი, პროფესორი გიორგი გოგოლაშვილი გადაცემაში "შემდეგი გაჩერება" განათლების სისტემაში არსებულ ხარვეზებზე საუბრობს და აღნიშნავს, რომ ბევრ სტუდენტს ქართული ენისა და ლიტერატურის სასკოლო პროგრამიდან ელემენტარული ცოდნაც კი არ აქვს:- უნივერსიტეტში, ბაკალავრიატის პირველ კურსზე, ქართულ ენას ვასწავლი. ზოგჯერ, კლასიკური ნაწარმოებიდან წინადადება მიმაქვს, სტუდენტს დავაწერინებ და ვთხოვ, რომ სიტყვა, არსებითი სახელი გაარჩიოს: "ვინ" ჯგუფის არის თუ "რა" ჯგუფის? სულიერია თუ უსულო? საკუთარია თუ საზოგადო? ეს რომ თქვას, ბავშვმა იმ სიტყვის შინაარსი უნდა იცოდეს. ელემენტარული ქართული სიტყვა არ იცის. სერი, ჩირგვი, ბუჩქი რა არის - ასეთი რაღაცები უჭირთ. საოცრებაა... ძალიან მძიმე დღეში ვართ. წიგნის ფუნქცია დაიკარგა. მაგრამ, ამას ხელს სკოლაც უწყობს. შეიძლება, ბავშვმა სკოლა ისე დაამთავროს და უმაღლეს სასწავლებელში ისე ჩაირიცხოს, რომ მას წაკითხული არ ჰქონდეს ილია, აკაკი, ვაჟა, "ვეფხისტყაოსანი" და უმაღლესი შეფასება მიიღოს? ეროვნულ გამოცდაზე ორ თემას - ერთს პროგრამულს, მეორეს კი არაპროგრამულს სთავაზობენ და ეუბნებიან, რომ იმის მიხედვით თემა დაწეროს. არასაპროგრამოდან ტექსტია მოცემული და კითხვების მიხედვით იქვე წაიკითხავს და დაწერს. ეს ძალიან მარტივია. ბავშვს "ვეფხისტყაოსნიდან" ვეკითხები, სადაურია როსტევანი. შეიძლება, სკოლადამთავრებულმა სტუდენტმა თქვას, რომ არ იცის, როსტევანი რომელი ქვეყნის წარმომადგენელია?! "იყო არაბეთს როსტევან" - პირველივე ფრაზაა. კითხვაზე, რომელ საუკუნეში დაწერა ილია ჭავჭავაძემ "აჩრდილი", მე-5, მე-6, მე-9... ყველა საუკუნეს ასახელებენ. ეს უბედურება გვჭირს. თუ სასკოლო განათლებას ხელი სერიოზულად არ მოვკიდეთ, არაფერი გვეშველება. ბავშვებს ვეუბნები, რომ დაასრულონ ფრაზა: "ცა-ფირუზ ხმელეთ-ზურმუხტო..." ნახევარზე მეტს გაგონილი არ აქვს. საოცრება...თინეიჯერებისათვის ერთი წიგნი გამოვეცი. დავაწერე: ნინველთათვის და ყრმათათვის. "ნინველი" საოცრად ლამაზი სიტყვაა და სულხან-საბა ორბელიანს პირდაპირ აქვს განმარტებული, რომ ასე 11-დან 20 წლამდე ადამიანებს ჰქვია. ყრმა კი - 20-დან 30 წლამდე ადამიანებს. ძალიან მწყდება გული, რატომ დამჭირდა, რომ სიტყვა "თინეიჯერი" გამომეყენებინა? "მეოხებით" შესანიშნავი სიტყვაა, რატომ უნდა დამჭირდეს სიტყვა "სპონსორი"? ქართული სახელები, თვეების, დღეების სახელები დაიკარგა. ეს ყველაფერი ჩვენი დაუდევრობით ხდება.