ავტობუსებისგან ჰაერის დაბინძურებაზე აუდიტის დასკვნას კალაძე ეთანხმება

გუშინ, 29 მარტს, ბზობის დღესასწაულზე, ისრაელის პოლიციამ კათოლიკე სასულიერო ლიდერებს იერუსალიმში, მაცხოვრის წმინდა საფლავის ტაძარში (იგივე აღდგომის ტაძარი - რედ.) შესვლა აუკრძალა, რაც უპრეცედენტო გადაწყვეტილებას წარმოადგენს. აღნიშნული ნაბიჯი უკიდურეს შეშფოთებას იწვევს, რადგან წმინდა ცეცხლის გარდამოსვლის მოახლოებული ცერემონიის წინ გაურკვევლობას ქმნის დაუსაფრთხოების საკითხებზე სერიოზულ ეჭვებს აჩენს.გვიან ღამით გავრცელებულ განცხადებაში ისრაელის პრემიერ-მინისტრმა, ბენიამინ ნეთანიაჰუმ მისი მთავრობის მიერ მიღებული გადაწყვეტილების მიზეზები განმარტა. მისი თქმით, მას შემდეგ, რაც კათოლიკეებს ბზობის ღვთისმსახურებაზე დასწრება აეკრძალათ, შესაბამისმა უწყებებმა მიიღეს მითითება, რომ იერუსალიმის კათოლიკე პატრიარქს აღდგომის ტაძარში რელიგიური მოვალეობების შესრულების უფლება მისცემოდა.წმინდა ცეცხლის გარდამოსვლის ცერემონიის შესახებ საბოლოო გადაწყვეტილებას უახლოეს დღეებში მიიღებენ, თუმცა უკვე ცხადია, რომ დრაკონული შეზღუდვები დაწესდება. გავრცელებული ინფორმაციით, უსაფრთხოების მიზნით, აღდგომის ტაძარი მაქსიმუმ 50 მლოცველისთვის გაიღება, თუმცა ეს მონაცემი ჯერჯერობით ოფიციალურად არ დადასტურებულა.უნდა აღინიშნოს, რომ მაცხოვრის წმინდა საფლავის ტაძარი არ არის ერთადერთი საკულტო ადგილი, რომელსაც მკაცრი ზომები შეეხო - რამდენიმე დღის წინ, უსაფრთხოებასთან დაკავშირებული იმავე გამოწვევების ფარგლებში, მუსლიმი მლოცველებისთვის ალ-აქსას მეჩეთიც დაიკეტა.

ევროკავშირი შეშფოთებულია ფინეთში უკრაინული დრონის ჩამოვარდნით, თუმცა მიიჩნევს, რომ ეს არ წარმოადგენს საფრთხეს წევრი სახელმწიფოს უსაფრთხოებისთვის, – ამის შესახებ ევროკომისიის პრესსპიკერმა თომას რეინიერმა ჟურნალისტებს განუცხადა.მისივე თქმით, ევროკომისია მიიჩნევს, რომ ფინეთში უკრაინული დრონის ინციდენტი უკრაინის წინააღმდეგ რუსეთის აგრესიის პირდაპირი შედეგია.„ჩვენ ძალიან კარგად ვიცით, რა მოხდა და სიტუაციას ყურადღებით ვაკვირდებით. რა თქმა უნდა, ძალიან შეშფოთებული ვართ დრონების შემოჭრით. ასეთ ინციდენტებზე რეაგირება, პირველ რიგში, წევრი სახელმწიფოების პასუხისმგებლობაა“, – განაცხადა თომას რეინიერმა.ამასთან, საგარეო და უსაფრთხოების საკითხებში ევროკომისიის პრესსპიკერის, ანიტა ჰიპერის განცხადებით, ამ ინციდენტის ძირითადი მიზეზი უკრაინის წინააღმდეგ რუსეთის აგრესიაა.„დიპლომატიური თვალსაზრისით, ჩვენი გზავნილი ნათელია. მაშინაც კი, როდესაც ევროკავშირის წევრი სახელმწიფოების თავზე დრონები დაფრინავენ, მთავარი დამნაშავე რუსეთია. რუსეთის გარეშე ეს არ მოხდებოდა“, – აღნიშნა ანიტა ჰიპერმა.ცნობისთვის, 29 მარტს რამდენიმე დრონმა ფინეთის საჰაერო სივრცე დაარღვია. ფინეთის პრემიერ-მინისტრმა პეტერი ორპომ განაცხადა, რომ დრონები, სავარაუდოდ, უკრაინული იყო, რადგან იმავე პერიოდში უკრაინა თავს დაესხა რუსეთის სამიზნეებს ლენინგრადის ოლქში, რომელიც ფინეთს ესაზღვრება. მედიაში გავრცელებული ინფორმაციით, მომხდარის გამო უკრაინამ ფინეთს ბოდიში მოუხადა.

ტარიფების თემა პოლიტიკური დებატებისა და დაპირისპირებისთვის საკმაოდ ნოყიერი ნიადაგია, საქართველოს ხელისუფლებამ ამ პერიოდის განმავლობაში, რაც შეეძლო, ყველაფერი გააკეთა იმისათვის, რომ ეს ტარიფი საზოგადოებისთვის შეღავათიანი ყოფილიყო, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით, საქართველოზე გაცილებით ძლიერი სახელმწიფოს ხელისუფლებებს არ ხელეწიფებათ, ტარიფებში ცვლილება მოახდინონ.„ზოგადად, მსოფლიოში ძალიან მძიმე პროცესები მიდის და ხშირ შემთხვევაში არათუ საქართველოს, არამედ გაცილებით უფრო ძლიერი სახელმწიფოს ხელისუფლებებს არ ხელეწიფებათ, ტარიფებში ცვლილება მოახდინონ“, – აღნიშნა ვოლსკიმ.ცნობისთვის, ელექტროენერგიის სამომხმარებლო ტარიფი ხუთი თეთრით გაიზარდა.

ელექტროენერგიის სამომხმარებლო ტარიფი ხუთი თეთრით გაიზარდა, კომერციული ტარიფი კი- 5-6 თეთრით, – ამის შესახებ საქართველოს ენერგეტიკისა და წყალმომარაგების მარეგულირებელი კომისიის სხდომაზე გახდა ცნობილი.ახალი ტარიფები პირველი აპრილიდან შევა ძალაში.კერძოდ, თბილისში მცხოვრებს აბონენტებს, რომლებიც ყოველთვიურად 0-იდან 101 კილოვატამდე ელექტროენერგიას მოიხმარდნენ და ერთ კილოვატში 15,041 თეთრს იხდიდნენ, პირველი აპრილიდან ტარიფი 20,041 თეთრამდე გაეზრდებათ.დღეის მდგომარეობით, სამომხმარებლო ტარიფები ასეთია:„თბილისი – 0 კვტ.სთ-დან 101 კვტ.სთ-ის ჩათვლით და საერთო მოხმარების მრიცხველის მქონე (საყოფაცხოვრებო) – 15.041 თეთრი;101 კვტ.სთ-დან 301 კვტ.სთ-ის ჩათვლით (საყოფაცხოვრებო) – 19.053 თეთრი;301 კვტ.სთ-დან და მეტი (საყოფაცხოვრებო) – 23.537 თეთრი.რეგიონები – 0 კვტ.სთ-დან 101 კვტ.სთ-ის ჩათვლით და საერთო მოხმარების მრციხველის მქონე (საყოფაცხოვრებო) – 14.731 თეთრი;101 კვტ.სთ-დან 301 კვტ.სთ-ის ჩათვლით (საყოფაცხოვრებო) – 18.708 თეთრი;31 კვტ.სთ-დან და მეტი (საყოფაცხოვრებო) – 23.227 თეთრი.

აჭარის უმაღლესი საბჭოს თავმჯდომარემ თანამდებობა დატოვა. დავით გაბაიძემ გადადგომის შესახებ განცხადება დღეს გააკეთა.დავით გაბაიძემ მადლობა გადაუხადა „ქართულ ოცნებას“, მის დამფუძნებელს, თანამშრომლებს და განაცხადა, რომ გადაწყვეტილება პირადად მიიღო.დავით გაბაიძე უარყოფს, რომ თორნიკე რიჟვაძესთან ახლობლობის გამო მოუწია თანამდებობის დატოვება.„დიდი ხანია, ვფიქრობ ამაზე და გუნდთანაც მქონდა კონსულტაციები. უკვე არასრული ათი წელია, ვხელმძღვანელობდი უმაღლეს საბჭოს და ვფიქრობ, საჭიროა ცვლილებები. რაც შეეხება თორნიკე რიჟვაძის გუნდთან კავშირს, კარგად გახსოვთ, მე მანამდე გავხდი უმაღლესი საბჭოს თავმჯდომარე, ვიდრე თორნიკე რიჟვაძე დაიკავებდა მთავრობის თავმჯდომარის თანამდებობას“, – განაცხადა დავით გაბაიძემ.დავით გაბაიძე გარკვეული დროის შემდეგ უმაღლეს საბჭოს მანდატსაც დატოვებს. მისი თქმით, აქვს სხვა შეთავაზებები, რომლებსაც ამ დროისთვის არ აკონკრეტებს.დავით გაბაიძე ბოლო არჩევნების შემდეგ უმაღლესი საბჭოს თავმჯდომარედ მესამედ იყო არჩეული.