ჯანმოს დირექტორი: ვაქცინების უთანასწორო განაწილებას ეკონომიკაზე გამანადგურებელი გავლენა აქვს

ერთ-ერთი უმთავრესი გამოწვევაა რესურსების არაოპტიმალური გამოყენება და ხარისხის უთანაბრობა უნივერსიტეტებში, რომ შევძლოთ როგორც ინფრასტრუქტურული, ისე ადამიანური რესურსების მაქსიმალურად ოპტიმალური გამოყენება, უმაღლესი განათლების სისტემაში უნდა დაინერგოს კონკრეტული პრინციპი – ერთი ქალაქი, ერთი ფაკულტეტი, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში, ინტერპელაციის წესით მოსმენისას განაცხადა.მთავრობის მეთაურის განმარტებით, ეს ძირითადად ეხება თბილისს, ვინაიდან სხვა ქალაქებში მდებარე სახელმწიფო უნივერსიტეტებს არ აქვთ რესურსი, ჰქონდეთ ერთზე მეტი ფაკულტეტი.„თბილისში არის ეს გამოწვევა. არის ჭარბად დაშლილი სისტემა, რაც საბოლოო ჯამში განაპირობებს იმას, რომ უმაღლესი განათლების საერთო ხარისხი არის დაბალი და არადამაკმაყოფილებელი. ამიტომ, ვფიქრობთ, ოპტიმიზაციის მიმართულებით ეს ნაბიჯი უნდა გადაიდგას. თბილისში, ერთ ქალაქში ერთი ფაკულტეტი უნდა იყოს სახელმწიფო უნივერსიტეტებში. ეს არ ეხება კერძო უნივერსიტეტებს. მაგალითად, იურიდიული ფაკულტეტი თბილისში მოქმედებს 4 სხვადასხვა უნივერსიტეტში. ერთ შემთხვევაში დონე არის საშუალო, მეორეში – საშუალოზე დაბალი, მესამეში – საშუალოზე დაბალზე დაბალი და მეოთხეში – კიდევ უფრო დაბალი. ეს არის დღევანდელი მოცემულობა, მაშინ, როდესაც ოპტიმიზაცია მოგვცემს საშუალებას, რომ ძალიან მალე, საშუალოვადიან პერსპექტივაში, თუნდაც 4-წლიან პერსპექტივაში, იურიდიულ ფაკულტეტზე თბილისში უზრუნველვყოთ არსებითად იგივე ხარისხის და დონის განათლება, რაც არის მაგალითად განვითარებულ სახელმწიფოებში, როგორებიც არის პირობითად გერმანია, დიდი ბრიტანეთი და ა.შ. ანუ შეგვიძლია, ოპტიმიზაციის პირობებში თვისებრივად ავამაღლოთ უმაღლესი განათლების ხარისხი ჩვენს სახელმწიფო უნივერსიტეტებში. ამიტომ, ვფიქრობთ, ეს ნაბიჯი აუცილებლად არის გადასადგმელი“, – განაცხადა ირაკლი კობახიძემ.

სურსათის ეროვნულ სააგენტოში შემოსული შეტყობინებების საფუძველზე, სააგენტოს თბილისის დეპარტამენტის ინსპექტორებმა, არაგეგმური ინსპექტირება განახორციელეს ჭავჭავაძის გამზირი N 37-ში არსებული სკოლის და საბავშვო ბაღის, „თანამედროვე განათლების აკადემიის“ კვების ობიექტში.  განცხადებას ამის შესახებ სურსათის ეროვნული სააგენტო ავრცელებს.მათივე ცნობით, შემოწმებისას გამოვლინდა ვადაგასული ფრინველის ხორცი, ეტიკეტირების წესის დარღვევა და კრიტიკული შეუსაბამობა.„ბიზნესოპერატორი დაჯარიმდა და საწარმოო პროცესი შეუჩერდა. სურსათის ეროვნული სააგენტო უწყვეტ რეჟიმში ახორციელებს სკოლებისა და სკოლამდელი აღზრდის დაწესებულებების კვების ბლოკების შემოწმებას.სააგენტო მოუწოდებს მომხმარებელს დარღვევის დაფიქსირების შემთხვევაში, ინფორმაცია დატოვოს ცხელ ხაზზე – 15 01.სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები“, – ნათქვამია სურსათის ეროვნული სააგენტოს განცხადებაში.

გერმანიისთვისაც არ არის მთლად სასიამოვნო და მისაღები კრიტიკა, რომელიც გამოითქმის ელჩი ფიშერის მიმართ, განსაკუთრებით, როცა ცრუობს, რომ, მაგალითად, საქართველოს არ აქვს მონაცემი, ევროკავშირში გაწევრიანდეს და პროცესი შეაჩერა, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკი გამოეხმაურა საქართველოში გერმანიის ელჩის, პეტერ ფიშერის ინტერვიუს „რადიო თავისუფლებასთან“, სადაც ფიშერი აღნიშნავს, რომ „არასდროს დაურღვევია ვენის კონვენცია და არც საქართველოს საშინაო საქმეებში ჩარეულა“.„ხშირად გვავიწყდება, რომ ნებისმიერ ელჩს, პოლიტიკურ ფიგურას აქვს პასუხისმგებლობა კონკრეტული საზოგადოების მიმართ, სადაც იგი მსახურობს, მაგრამ არანაკლები, თუ მეტი არა იმ პოლიტიკური სისტემის მიმართ, რომელმაც გაგზავნა ელჩი ამა თუ იმ ქვეყანაში. ასე რომ, ფიშერისთვის მნიშვნელოვანია, ასევე პასუხი გასცეს კრიტიკას ოპონენტებისას, რომლებიც საკმაოდ მძლავრად არიან წარმოდგენილი გერმანიის პოლიტიკურ სისტემაში. ეს არის ოპოზიციური პარტია. მათ უპასუხა, რომ არ ერევა ქვეყნის შიდა საქმეებში. ზოგადად, მსოფლიოში ახალი პოლიტიკური ხედვის ტრენდი მნიშვნელოვნად შეიცვალა მას შემდეგ, რაც ამერიკის შეერთებულ შტატებში ახალი ადმინისტრაცია მოვიდა. არა შიდა საქმეებში ჩარევას – ვინაიდან ამას ჯაჭვური რეაქცია მოყვება და საკმაოდ რთულ ვითარებაში აგდებს საერთოდ მსოფლიო წესრიგს. გერმანიისთვისაც არ არის მთლად სასიამოვნო და მისაღები კრიტიკა, რომელიც გამოითქმის ელჩი ფიშერის მიმართ, განსაკუთრებით, როცა ცრუობს, რომ, მაგალითად, საქართველოს არ აქვს მონაცემი, ევროკავშირში გაწევრიანდეს და პროცესი შეაჩერა. ამ სიცრუეს მოსდევს შესაბამისი პასუხი, რომელიც, ხშირ შემთხვევაში, ხისტია, ვინაიდან ყველაფერი მოქმედებს იმ პროპაგანდის, ექსტრემიზმის წასახალისებლად, რასაც ვხედავთ. მეტი შიდა პოლიტიკაში ჩარევის მაგალითი არ არსებობს, რაც ჩაიდინა და კიდევ სჩადის ელჩი ფიშერი.ევროპული პერსპექტივა არის გაზომვადი, აწონვადი და ეს აისახება სტატისტიკაშიც, რომელიც ყოველკვირეულად ქვეყნდება სხვადასხვა ინსტიტუტის, მათ შორის ევროსაბჭოს მიერ. ევროსაბჭო როდესაც ეყრდნობა კომპეტენტური ორგანიზაციების ანალიზს, აქვეყნებს ინფორმაციას იმასთან დაკავშირებით, სად დგას საქართველო რეიტინგებში, რომლებიც მნიშვნელოვანია ევროპული სივრცისათვის, ეკონომიკის თემა იქნება ეს, თუ პოლიტიკური თემა. ამ ყველაფერს ფიშერი ხაზს უსვამს. არა მარტო ფიშერს სურს, გადახაზოს ეს ყველაფერი და საკუთარი პოლიტიკური ინტერესის გატარების თემას დაუბრუნდეს, არამედ ყოველთვის, როდესაც საქართველოს საკითხი იხილება რაიმე დონეზე, ბრიუსელის ადმინისტრაცია, ბიუროკრატია სხვა მეთოდებით და სხვა საზომებით ხელმძღვანელობს. თავად ამზადებენ ექსტრემისტულ ჯგუფებს, თავადვე წერენ სცენარს, მერე თავადვე აფინანსებენ ამ სცენარის რეალიზაციას. ხოლო მათ მიმართ სახელმწიფო კანონის შესაბამისად თუ იმოქმედებს, თავადვე აცხადებენ ამ ადამიანებს პოლიტიკურ პატიმრებად. მათ შექმნეს რეალობა, რომელიც რადიკალურად განსხვავდება იმისგან, რაც საქართველოში არსებობს, მათ შორის საერთაშორისო რეიტინგების კუთხით“, – განაცხადა ვოლსკიმ.ვოლსკის კიდევ ერთი კითხვა დაუსვეს პეტერ ფიშერის განცხადებაზე, სადაც ის ამბობს, რომ ელჩის მოვალეობაა, კანონიერი გზით შეაგროვოს ყველანაირი ინფორმაცია ქვეყანასთან დაკავშირებით, რაზეც ვოლსკიმ აღნიშნა:„შეიძლება, ნებისმიერი თემა საკამათო გახადო და ყველაფერზე თქვა, ინფორმაციას ვაგროვებ, დახურულ შეხვედრებს ვაწყობ, მოაქვთ ინფორმაცია, რასაც ვაგზავნი ბერლინში, ბერლინი შემდეგ გეგმავს გარკვეული პოლიტიკური ურთიერთობების საგზაო რუკას საქართველოსთანო? რეალურად, ჩვენ ყველაფერი შედეგების მიხედვით უნდა ავწონოთ. ეს ადამიანი ან ადამიანთა ჯგუფი იტყუება, როცა ამბობს, რომ ვენის კონვენციის მიხედვით მოქმედებს, ვინაიდან, შედეგის მიხედვით თუ ვიმსჯელებთ, ეს არის ცეცხლი ქუჩებში, „მოლოტოვის კოქტეილები“ და საკმაოდ სერიოზული დაფინანსება, რომელსაც ბოროტების, დანაშაულების ჩამდენი ადამიანები იღებენ, ზოგი არასამთავრობოების და ზოგი პირდაპირ დაფინანსების მეშვეობით. მაგალითად, საერთაშორისო სასამართლო რომ შედგეს, შეიძლება, მისმა ადვოკატმა თქვას, რომ ვენის კონვენციას იცავს, მაგრამ ბრალმდებელი აუცილებლად იტყვის და წარმოადგენს ფაქტებს, ვიდეორგოლებს, რა მოჰყვება ვენის კონვენციის ე.წ დაცვას“, – განაცხადა გია ვოლსკიმ.გია ვოლსკიმ ასევე უპასუხა კითხვას, „ფიშერი ამბობს, განმარტებები მომთხოვესო. ვინ მოსთხოვა განმარტებები, საქართველოს საგარეო საქმეთა სამინისტრომ ხომ არა და როგორ აპირებთ ფიშერთან ურთიერთობების გაგრძელებას?“გია ვოლსკის თქმით, ფიშერის მიმართ არის გერმანიის პარლამენტის ოპოზიციური ჯგუფის მოთხოვნა, განმარტებებო გააკეთოს, რას აკეთებს საქართველოში, კონკრეტულად, როგორია მისი ქმედება.„დაპირისპირებები უცხო არ არის დემოკრატიული სამყაროსთვის, მაგრამ ეს დაპირისპირებები შემდეგ სახელმწიფოს წინაადეგ კონკრეტულ ქმედებებად როცა იქცევა, რასაკვირველია, განმარტებების მოთხოვნა შეუძლია ყველას, მათ შორის თქვენც, საგარეო საქმეთა სამინისტროს. არ ვიცი, კონკრეტულად რას ამბობს, მაგრამ მის მიმართ არის გერმანიის პარლამენტის ოპოზიციური ჯგუფის მოთხოვნა, განმარტებებო გააკეთოს, რას აკეთებს საქართველოში, კონკრეტულად, როგორია მისი ქმედება, მაშინ როდესაც ბრალად ედება გერმანია-საქართველოს შორის ურთიერთობების გაფუჭებისათვის აქტიური მოქმედება, შიდა საქმეებში ჩარევა, ექსტრემიზმის წახალისება სიტყვით და საქმით. აქედან გამომდინარე, არ ვიცი, რომელ წყაროს მიუთითებს, მაგრამ განმარტებები მაინტერესებს მეც, თქვენც და ყველას, რას აკეთებს და რატომ ერევა ქვეყნის შიდა საქმეებში. არ ვერევიო თუ ამბობს, ძალიან კარგია, მისასალმებელია და იმედია, ამ განმარტებას შესაბამისი ქმედებები მოჰყვება“.

მიწის ნაკვეთების თანამესაკუთრედ რჩება საქართველოს სახელმწიფო, რაც შეეხება მიწის გასხვისებას, პარტნიორ კომპანიას არ აქვს მიწის გასხვისების არავითარი შესაძლებლობა, – ამის შესახებ საქართველოს პრემიერ-მინისტრმა, ირაკლი კობახიძემ პარლამენტში, ინტერპელაციის წესით მოსმენისას განაცხადა.მისივე თქმით, ეს მიწები შეიძლება, მხოლოდ ერთადერთი დანიშნულებით იყოს გამოყენებული და ეს არის უშუალოდ კონკრეტული დეველოპერული პროექტის განხორციელება.„ესეც არის გარანტირებული იმ ხელშეკრულებით, რომელიც დადებულია სახელმწიფოსა და „იგლ ჰილსს“ შორის. ორივე ნაკვეთი არის არასასოფლო-სამეურნეო დანიშნულების მიწა, რომელსაც მშენებლობის დასრულების შემდეგ, ავტონომიური დატვირთვა აღარ ექნება და ეს მიწა იქნება დამაგრებული შესაბამის შენობა-ნაგებობებზე ანუ, ცალკე მიწას ავტონომიური დატვირთვა აღარ ექნება იმიტომ, რომ ეს არის არასასოფლო-სამეურნეო დანიშნულების მიწა. ერთ-ერთი მესიჯია ამ პროექტის ოპონენტების ის, რომ ქართული მიწა იყიდება უცხოელებზე. ძალიან მარტივად შეიძლება ითქვას, რომ არავითარი ქართული მიწა უცხოელებზე არ იყიდება. ძალიან მარტივია აქ გზავნილი, რომელიც შეგვიძლია, საზოგადოებას გავუზიაროთ“, – განაცხადა პრემიერ-მინისტრმა.პრემიერის თქმით, არავითარი არსებითი პუნქტი აღნიშნული ხელშეკრულებიდან საზოგადოებისთვის უცნობი არ არის.„მე მინდა, გთხოვოთ პარლამენტარებს, თეორიულად წარმოიდგინეთ რაიმე პუნქტი, რაც შეიძლება, იყოს შეტანილი ამ ხელშეკრულებაში და რომელთან დაკავშირებითაც გსურთ ინფორმაციის მიღება. ერთ-ერთი ასეთი თეორიული საკითხი წამოჭრა ერთ-ერთი პარტიის წარმომადგენელმა, მან ეჭვი გამოთქვა, რომ მეჩეთების აშენებაა გათვალისწინებული ამ ხელშეკრულებით. თუნდაც ასეთი თეორიული კითხვები შეგიძლიათ დასვათ, ხომ არ არის რაიმე ასეთი ჩადებული ხელშეკრულებაში და როგორც მეჩეთების შემთხვევაში შეგვიძლია განვმარტოთ, რომ, რა თქმა უნდა, არავითარი მეჩეთების აშენება არაა გათვალისწინებული ამ ხელშეკრულებით, გიპასუხებთ. მეტიც, ზოგადად შეიძლება ითქვას, რომ არავითარი არაკომერციული შინაარსის პუნქტი არაა შეტანილი ხელშეკრულებაში. იგივე ავიღოთ მეჩეთები, ან თუნდაც შეღავათები უცხოელი მყიდველებისთვის. არავითარ შეღავათებს არ ითვალისწინებს ეს ხელშეკრულება, მათ შორის, ბინადრობის ნებართვის გაცემის კუთხით. მით უმეტეს, არავითარი დისკრიმინაციული პუნქტები არ არის შეტანილი საქართველოს მოქალაქეების საზიანოდ. მაგალითად, არ წერია, აქ ვინ შეიძლება იყოს დასაქმებული, მყიდველი და ა.შ. ეს ყველაფერი დარეგულირდება შესაბამისი საბაზრო ურთიერთობებით, ისევე, როგორც ეს ხდება ხოლმე სხვა ინვესტიციების შემთხვევაში. თქვენ შეგიძლიათ, ნებისმიერი თეორიული კითხვა დასვათ, თუ არის რაიმე თეორიული პუნქტი, რაც შეიძლება იყოს შეტანილი ამ ხელშეკრულებაში, რომელიც შესაძლოა, თქვენი აზრით იყოს საზიანო სახელმწიფოსთვის, ჩვენი მოქალაქეებისთვის და მარტივად გიპასუხებთ. ყველა არსებითი საკითხი, რაც არის გათვალისწინებული ამ ხელშეკრულებაში, საზოგადოებისთვის არის ცნობილი და გამომდინარე მაღალი საზოგადოებრივი ინტერესებიდან, ეს ინფორმაცია პირადად მეც გავუზიარე საზოგადოებას,“- განაცხადა მთავრობის მეთაურმა.

ჩვენი ოპონენტები ამბობენ, რომ 12 ათასი დოლარი ეღირება ბინა ამ ტერიტორიებზე – გონიოსა და კრწანისში, ერთსა და იმავეს ამბობენ „ლელო“, „ალტ ინფო“ და „ნაცმოძრაობა“, მათემატიკა არ არის ამ ადამიანების ძლიერი მხარე, არც ჰუმანიტარულ საგნებში არიან ძლიერები, თუმცა მათემატიკაში განსაკუთრებული სისუსტე აღენიშნებათ, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.კობახიძის თქმით, არაბული ინვესტიციის წინააღმდეგ ხელისუფლების ოპონენტებს კოორდინირებულია კამპანია აქვთ წარმოებული.„როდესაც შენდება ბინები, დაახლოებით 80 პროცენტს ყიდულობენ საქართველოს მოქალაქეები და 20 პროცენტს უცხო ქვეყნების მოქალაქეები. ჩვენ ვფიქრობთ, რომ ამ პროექტის მაჩვენებლებიც იქნება დაახლოებით იგივე. ეს არ არის მხოლოდ ჩვენი ზოგადი დასკვნა. აქაც ოპონენტები სპეკულირებენ, რომ ბინის ფასი იქნება ძალიან მაღალი და საქართველოს მოქალაქეებს არ ექნებათ ამ პროექტში ბინების შეძენის შესაძლებლობა. ერთი და იგივე რიცხვებს ატრიალებენ, ჩანს, რომ კოორდინირებულია ეს კამპანია. ამბობენ, რომ 12 ათასი დოლარი ეღირება ბინა ამ ტერიტორიებზე – გონიოსა და კრწანისში, რაც არაფერს ეფუძნება. ერთი და იგივეს ამბობენ „ლელო“, „ალტ ინფო“ და „ნაცმოძრაობა“. მათემატიკა არ არის ამ ადამიანების ძლიერი მხარე, არც ჰუმანიტარულ საგნებში არიან ძლიერები, თუმცა მათემატიკაში განსაკუთრებული სისუსტე აღენიშნებათ. რომ დავთვალოთ, 16 ათასი ბინა საშუალოდ რომ ავიღოთ 100 კვადრატული მეტრი, გამოდის, მილიონ 600 ათასი კვადრატული მეტრი გასაყიდი ფართი, ეს ყველაფერი 12 ათას დოლარად რომ გაყიდოს კომპანიამ, გამოდის, რომ შემოსავალი მარტო ბინების ნაწილში უნდა იყოს 19,2 დოლარი. რამხელა მოგებაზე უნდა გავიდეს კომპანია, საუბარი, კოლოსალურ მოგებაზე. ამ შემთხვევაში სახელმწიფოს მოგების სახით შემოუვა არა 2 მილიარდი ლარი, არამედ 4 მილიარდი დოლარი. რა მასშტაბით არიან აცდენილები ჩვენი ოპონენტები, შეგიძლიათ განსაჯოთ“, – განაცხადა კობახიძემ.