წულუკიანი: იმ მამას, რომელზეც სააკაშვილი საუბრობს არ გავუზრდივარ ისე, რომ საკადრისი პასუხი დავუბრუნო

თბილისის მერიაში აცხადებენ, რომ დედაქალაქის მერი კახა კალაძე აბუ დაბიში იმყოფებოდა და ჯერ გამოფრენას ვერ ახერხებს.„თბილისის მერი შაბათ-კვირას იმყოფებოდა აბუ დაბიში. შექმნილი მდგომარეობიდან გამომდინარე, ჯერჯერობით გამოფრენას ვერ ახერხებს“, – აცხადებენ თბილისის მერიაში.

ქუვეითში აშშ-ის საელჩო საკუთარ მოქალაქეებს მოუწოდებს, საელჩოში მისვლისგან თავი შეიკავონ და სახლებს შეაფარონ თავი.„არ მიხვიდეთ საელჩოში. გადაადგილდით თქვენი საცხოვრებლის ყველაზე დაბალ სართულზე, ფანჯრებისგან მოშორებით. გარეთ არ გახვიდეთ“, – ნათქვამია საელჩოს ვებგვერდზე გამოქვეყნებულ ინსტრუქციაში.საელჩო ასევე მოუწოდებს ქუვეითში მყოფ აშშ-ის მოქალაქეებს, ხმამაღალი აფეთქების ან სირენის გაგონების შემთხვევაში დაუყოვნებლივ თავშესაფარი გადავიდნენ.„გაითვალისწინეთ, რომ მაშინაც კი, თუ რაკეტას ან დრონს ჩამოაგდებენ, მათი ნამსხვრევები მნიშვნელოვან რისკს წარმოადგენს“, – ნათქვამია განცხადებაში.იქამდე ცნობილი გახდა, რომ ქუვეითში, აშშ-ის საელჩოს ტერიტორიაზე თავდასხმა განხორციელდა. „როიტერის“ ცნობით, ტერიტორიაზე მეხანძრეები და სასწრაფო დახმარების მანქანები იმყოფებოდნენ.

ისრაელის მიერ სამხრეთ ლიბანსა და ბეირუთში განხორციელებული საჰაერო თავდასხმის შედეგად, სულ მცირე, 31 ადამიანი დაიღუპა, 140-ზე მეტი კი დაშავდა. ამის შესახებ ინფორმაციას ქვეყნის ჯანდაცვის სამინისტრო ავრცელებს.ისრაელის სამხედროებმა მანამდე აღნიშნეს, რომ მათ დარტყმები განახორციელეს „ჰეზბოლას მაღალი რანგის ტერორისტებზე ბეირუთის რაიონში“ და „ჰეზბოლას ცენტრალურ სამეთაურო პოზიციაზე სამხრეთ ლიბანში“.მათივე ცნობით, „ეს არის საპასუხო ქმედება „ჰეზბოლას“ მიერ ისრაელის მიმართულებით ჭურვების გაშვებაზე“.ამასთან, „ჰეზბოლამ“ დაადასტურა, რომ ლიბანიდან ისრაელის მიმართულებით რაკეტები, ასევე უპილოტო საფრენი აპარატები გაუშვა ირანის სულიერი ლიდერის, აიათოლა ალი ხამენეის მკვლელობის საპასუხოდ.

ირანის ეროვნული უსაფრთხოების უმაღლესი საბჭოს მდივანი ალი ლარიჯანი აცხადებს, რომ ირანი „შეერთებულ შტატებთან მოლაპარაკებას არ დაიწყებს“.ლარიჯანიმ გააკრიტიკა აშშ-ის პრეზიდენტი დონალდ ტრამპი და განაცხადა, რომ მან „ყალბი იმედებით რეგიონი ქაოსში ჩაძირა“ და ახლა ამერიკელი სამხედროების მსხვერპლის გამო ღელავს.„მან საკუთარი სლოგანი „ამერიკა უპირველეს ყოვლისა“ გადააქცია „ისრაელი უპირველეს ყოვლისად“ და ამერიკელი ჯარისკაცები შესწირა ისრაელის ძალაუფლებისადმი სწრაფვას“,- აღნიშნა ლარიჯანიმ.

როცა გაიფიქრებ, რომ სამყარო თითქოს შეიშალა, გაიხსენე, რომ ქართველი ხარ. ჩვენი ისტორია სწორედ ასეთ დროს იწერებოდა – ქაოსის, დიდი დაპირისპირებებისა და გაურკვევლობის ეპოქებში, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.„ჩვენ გვინახავს ომები, კატაკლიზმები და ეპოქები, როდესაც ყველაფერი იშლებოდა და თავიდან იწყებოდა. მაგრამ ერთი რამ არასოდეს შეცვლილა, ქართველს ყოველთვის ჰქონდა ძალა, ყველაზე მძიმე დროსაც კი შეენარჩუნებინა საკუთარი სამშობლო, საკუთარი ღირსება და საკუთარი მემკვიდრეობა.ამიტომ, როცა გაიფიქრებ, რომ სამყარო თითქოს შეიშალა, გაიხსენე, ჩვენ ის ხალხი ვართ, ვინც ქარიშხლებს უძლებს, ფეხზე დგება და ღირსებით აგრძელებს გზას“,- წერს პაპუაშვილი.