ცოტნე ზურაბიანი: ამ ნაბიჯის ისტორიულ მნიშვნელობას ვერ დააკნინებს დეზინფორმაციის ის კასკადი, რომელიც ისმის ამჯერად უკვე ელჩების მისამართით

საქართველოს საპატრიარქო წმინდა სინოდისადმი ნიქოზისა და ცხინვალის მიტროპოლიტ ისაიას მიმართვას ავრცელებს, რომელშიც საპატრიარქო კანდიდატად საკუთარი კანდიდატურის დაყენების სურვილს გამოთქვამს.როგორც ის აღნიშნავს, საეკლესიო დებულება საპატრიარქო კანდიდატისთვის ითხოვს საღვთისმეტყველო განათლებას, თუმცა, მიაჩნია, რომ საკითხის მხოლოდ ფორმალურ კუთხით განხილვა არასრულყოფილ სურათს იძლევა.მიტროპოლიტი საკითხზე სინოდს საკუთარ ხედვას წარუდგენს.„მაღალყოვლადუსამღვდელოესო საპატრიარქო ტახტის მოსაყდრევ, მეუფეო შიო, მაღალყოვლადუსამღვდელოესნო მეუფენო,დღევანდელი შეკრება ჩვენი ეკლესიის ისტორიაში განსაკუთრებული პასუხისმგებლობის ჟამია. მსურს, ამ პასუხისმგებლობით აღჭურვილმა, თქვენი ყურადღება შევაჩერო ერთ საკითხზე, რომელიც კანონიკურ სამართლიანობასა და მღვდელმთავრის ხარისხის პატივისცემას ეხება.საეკლესიო დებულება საპატრიარქო კანდიდატისთვის ითხოვს საღვთისმეტყველო განათლებას. თუმცა, მიმაჩნია, რომ ამ საკითხის მხოლოდ ფორმალურ კუთხით განხილვა არასრულყოფილ სურათს იძლევა. მსურს, წარმოგიდგინოთ ჩემი ხედვა, რომელიც ეფუძნება ეკლესიის მრავალწლიან პრაქტიკას:როდესაც 1995 წელს წმინდა სინოდის თანხმობით ხელი დამასხეს ეპისკოპოსად, ეკლესიამ ამით დაადასტურა ჩემი მზაობა მღვდელმთავრობისთვის. ეპისკოპოსი, თავისი არსით, არის ეკლესიის მასწავლებელი. თუ მღვდელმთავარი აკმაყოფილებს ყველა მოთხოვნას ეპარქიის სამართავად და სინოდის წევრობისთვის, ბუნებრივია, მას უნდა ჰქონდეს უფლება, მონაწილეობა მიიღოს საპატრიარქო არჩევნებში.ჩემი სწავლის პერიოდი ქვეყნისთვის ურთულეს წლებს დაემთხვა. მიუხედავად იმისა, რომ სასულიერო აკადემიაში ლექციებს ვესწრებოდი, რეალურმა ვითარებამ აკადემიური სწავლის ნაცვლად სამონასტრო მსახურებისა და უშუალოდ ეპარქიაში მოღვაწეობისკენ მიბიძგა. მიმაჩნია, რომ ათწლეულების განმავლობაში ეპარქიის მართვა და ეკლესიის ერთგული მსახურება არის ის ცოცხალი გამოცდილება, რომელიც არანაკლებ ფასეულია, ვიდრე აკადემიური დიპლომი.ყველა მღვდელმთავარს აქვს კანონიკური უფლება, დააყენოს საკუთარი კანდიდატურა. ამ უფლების შეზღუდვა ფორმალური მიზეზით, გარკვეულწილად, თავად ეპისკოპოსის ხარისხის მნიშვნელობას აკნინებს. თუ ჩვენ მაშინ მიგვაჩნია ღირსად ეპისკოპოსობისა, დღესაც უნდა გვქონდეს უფლება, წარვდგეთ არჩევნებში.ზემოაღნიშნულიდან გამომდინარე, მსურს დავაყენო ჩემი კანდიდატურა. ამ გადაწყვეტილებით მე არ ვეძებ პატივს, არამედ მსურს დავიცვა ის პრინციპი, რომ მღვდელმთავრის მსახურების ნაყოფი და ეკლესიისადმი ერთგულება მისი კომპეტენციის მთავარი საზომია.გთხოვთ, თქვენს მსჯელობაში გაითვალისწინოთ ეს გარემოებები, რათა არჩევნების პროცესი იყოს მაქსიმალურად სამართლიანი და მოიცავდეს ყველა იმ ადამიანს, ვისაც წლებია ეკლესიის ტვირთი მხრებით უტარებია“, - წერია მიმართვაში.შეგახსენებთ, 28 აპრილის სინდოის ოქმის თანახმად, ვინაიდან, საპატრიარქო კანდიდატის ასაკისა და განათლების შესახებ დაკავშირებით არსებობდა აზრთა სხვადასხვაობა, სინოდის სხდომაზე საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) წმინდა სინოდის წევრებს შესთავაზა, გამოეთქვათ მოსაზრებები საკითხების თაობაზე, რათა ჩამოყალიბებულიყო წმინდა სინოდის საბოლოო პოზიცია.აზრთა გამოთქმის შემდგომ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) კენჭისყრაზე დააყენა ზემოაღნიშნულ საკითხებზე მსჯელობის გაგრძელების მიზანშეწონილობა. წმინდა სინოდის უმრავლესობა კენჭისყრით დაეთანხმა საკითხების განხილვის შეწყვეტას.

„პარი სენ-ჟერმენის“ ქართველმა ფეხბურთელმა, ხვიჩა კვარაცხელიამ უეფა-ს ჩემპიონთა ლიგის პირველ ნახევარფინალურ შეხვედრაში მიუნხენის „ბაიერნს“ გაუტანა და ანგარიში 1:1 გახადა.საქართველოს ნაკრების წევრმა თავის გამოჩენა 24-ე წუთზე მოახერხა. მანამდე გოლი „ბაიერნის“ ერთ-ერთმა ლიდერმა, ჰარი კეინმა გაიტანა.ჩემპიონთა ლიგის მიმდინარე სეზონში ეს გოლი ხვიჩა კვარაცხელიასთვის მეცხრეა. მის ანგარიშზე ასევე არის ხუთი საგოლე გადაცემა.

უნგრეთის არჩევნებში გამარჯვებული პიტერ მადიარი უკრაინის პრეზიდენტს, ვოლოდიმირ ზელენსკის უკრაინულ ზაკარპატიის რეგიონში შეხვედრას სთავაზობს, – ამის შესახებ პარტია „ტისას“ ლიდერმა და უნგრეთის მომავალმა პრემიერ-მინისტრმა სოციალურ ქსელში დაწერა.მისივე თქმით, პიტერ მადიარმა უკრაინული ქალაქ ბერეგოვოს მერი მიიღო საკუთარ ოფისში და მათ უკრაინულ ზაკარპატიეს რეგიონში მცხოვრები ეთნიკური უნგრელების მდგომარეობაზე ისაუბრეს.„ჩემს კაბინეტში მივიღე ზოლტან ბაბიაკი, რომელმაც მომაწოდა ინფორმაცია ტრანსკარპატიაში უნგრელების მდგომარეობისა და ომის საშინელებების შესახებ. შევთანხმდით, რომ ტრანსკარპატიაში მცხოვრები უნგრელების ინტერესებშია უნგრეთსა და უკრაინას შორის ურთიერთობების ახალ დონეზე აყვანა. ზემოაღნიშნულიდან გამომდინარე, ივნისის დასაწყისში უკრაინის პრეზიდენტთან, ვოლოდიმირ ზელენსკისთან შეხვედრას ვაპირებ. შეხვედრის მიზანია ტრანსკარპატიაში უნგრელების ყოფნის და სამშობლოში მათი დარჩენის ხელშეწყობა“, – წერს მადიარი.ცნობისთვის, უკრაინაში დაახლოებით 150 000 ეთნიკური უნგრელი ცხოვრობს.

პარლამენტმა 86 ხმით, პირველი მოსმენით მხარი დაუჭირა „ლატარიების, აზარტული და მომგებიანი თამაშობების მოწყობის შესახებ“ კანონში ცვლილების შეტანას. ინფორმაციას ამის შესახებ საქართველოს პარლამენტი ავრცელებს.საქართველოს პარლამენტის ინფორმაციით, კანონპროექტი ითვალისწინებს სანებართვო პირობების დარღვევისთვის განსაზღვრული ჯარიმების ოდენობების გაზრდას. კერძოდ, სამორინეს მოწყობის ნებართვის მფლობელთა მიმართ ჯარიმის ოდენობა – 7 000 ლარის ნაცვლად, განისაზღვრება – 20 000 ლარით.„სათამაშო აპარატების სალონის მოწყობის ნებართვის მფლობელთა მიმართ ჯარიმის ოდენობა – 1 000 ლარის ნაცვლად, განისაზღვრება – 10 000 ლარით.აზარტული კლუბის მოწყობის ნებართვის მფლობელთა მიმართ ჯარიმის ოდენობა – 2 000 ლარის ნაცვლად, განისაზღვრება – 10 000 ლარით.აზარტული ან/და მომგებიანი თამაშების მიწოდების ნებართვის მფლობელთა მიმართ ჯარიმის ოდენობა – 2 000 ლარის ნაცვლად, განისაზღვრება – 10 000 ლარით, ხოლო სისტემურ-ელექტრონული ფორმით სამორინის, სათამაშო აპარატების და ტოტალიზატორის თამაშობების ორგანიზების ნებართვის მფლობელთა მიმართ დაწესებული ჯარიმის ოდენობა – 7 000 ლარის ნაცვლად, განისაზღვრება – 20 000 ლარით.კანონპროექტის ინიციატორია საქართველოს მთავრობა, ავტორი კი – საქართველოს ფინანსთა სამინისტრო“, – ნათქვამია საქართველოს პარლამენტის მიერ გავრცელებულ ინფორმაციაში.

ირანმა ახლახან გვაცნობა, რომ ისინი „კოლაფსის მდგომარეობაში“ არიან, – ამის შესახებ აშშ-ის პრეზიდენტმა, დონალდ ტრამპმა სოციალურ ქსელში დაწერა.„ირანმა ახლახან გვაცნობა, რომ ისინი „კოლაფსის მდგომარეობაში“ არიან. მათ სურთ, რომ ჩვენ „ჰორმუზის სრუტე რაც შეიძლება მალე გავხსნათ“, ვიდრე ისინი ცდილობენ, გაერკვიონ თავიანთი ხელძღვანელობასთან დაკავშირებულ სიტუაციაში (რასაც, მე მჯერა, შეძლებენ!)“, – აღნიშნულია დონალდ ტრამპის განცხადებაში.