შარლ მიშელი: ისრაელმა უნდა დაიცვას საერთაშორისო სამართლის წესები, თუ მას არ სურს, რომ საერთაშორისო საზოგადოების მხრიდან იზოლაციაში მოექცეს

ნავთობის ფასების ზრდით რუსეთი დღეში 150 მილიონი დოლარის დამატებით შემოსავალს იღებს, – ამის შესახებ ინფორმაციას „ფაინენშელ თაიმსი“ ავრცელებს.გამოცემის თანახმად, აშშ-ირანის ომის დაწყების შემდეგ სპარსეთის ყურის ნავთობის მწარმოებლებმა ენერგეტიკული შემოსავლებიდან მილიარდობით დოლარი დაკარგეს, თუმცა ერთი ქვეყანა, რუსეთი, ამით სარგებლობს. ნავთობის გაყიდვიდან რუსეთი დღეში 150 მილიონ დოლარამდე დამატებით ბიუჯეტის შემოსავალს იღებს.რუსულ ნავთობზე მოთხოვნა ჩინეთიდან და ინდოეთიდან იზრდება, რასაც ახლო აღმოსავლეთში გეოპოლიტიკური დაძაბულობა უწყობს ხელს.მარტის ბოლოსთვის რუსეთის პროგნოზირებული მთლიანი მოგება 3.3-4.9 მილიარდი დოლარი იქნება.

ისრაელის ჯანდაცვის სამინისტროს ცნობით, ბოლო 24 საათის განმავლობაში ირანთან კონფლიქტის შედეგად საავადმყოფოებში 213 დაშავებული გადაიყვანეს.საავადმყოფოებში მყოფთაგან ოთხის მდგომარეობა საშუალო სიმძიმისაა, ხოლო 196-ის – დამაკმაყოფილებელი. ამასთან, 13 ადამიანი შფოთვის გამო მკურნალობდა. ისრაელის ჯანდაცვის უწყება დაზიანებების მიზეზებს არ აკონკრეტებს.როგორც ისრაელის მედია წერს, ზოგიერთი ადამიანი, შესაძლოა, თავშესაფრისკენ გადაადგილების დროს დაშავდა და არა ირანიდან ან ლიბანიდან რაკეტების გაშვების პირდაპირი ზემოქმედებით.სამინისტრო ასევე აცხადებს, რომ ირანთან ომის დაწყებიდან კლინიკებში 2 975 ადამიანი მოათავსეს, რომელთაგან 85 ამჟამადაც საავადმყოფოშია. ეს რიცხვი მოიცავს როგორც მშვიდობიან მოქალაქეებს, ასევე ჯარისკაცებს. ისრაელის თავდაცვის ძალებმა ლიბანიდან „ჰეზბოლას“ თავდასხმების შედეგად სულ 13 დაჭრილის შესახებ განაცხადეს. ჰოსპიტალიზებული პირებიდან ცხრა მძიმე მდგომარეობაშია, ათი – საშუალო სიმძიმის, ხოლო 64 – დამაკმაყოფილებელ მდგომარეობაში.

ირანის „ისლამური რევოლუციის გუშაგთა კორპუსი“ აშშ-ის ავიამზიდ „აბრაამ ლინკოლნზე“ რაკეტებითა და დრონებით თავდასხმის შესახებ ავრცელებს ინფორმაციას.ირანული მედიის ცნობით, თავდასხმის შედეგად ავიამზიდი დაზიანდა და თანმხლებ გემებთან ერთად იძულებული გახდა,  რეგიონული წყლებიდან უკან დაეხია.ოფიციალური განცხადების თანახმად, ზუსტი ოპერაციის დროს, რომელშიც ჩართული იყო თანამედროვე რაკეტები და დრონები, გემს ომანის ზღვაში, ირანის საზღვაო საზღვრებიდან დაახლოებით 340 კილომეტრში დაარტყეს.

თბილისის ვაკის მაცხოვრის ფერისცვალების სახელობის ტაძრის წინამძღვარი, მამა შალვა კეკელია ათონის მთიდან კადრებს აზიარებს და მორწმუნეებს მიმართავს.„ახლა წმინდა მთაზე ვიმყოფები და ისეთი ადგილი უნდა განახოთ, რომელიც ყველას ძალიან გიყვართ. ვინც უყურეთ წმინდა პაისის სერიალს და ბევრმა მისი ცხოვრება ისედაც იცით, მინდა საოცარი ადგილი განახოთ - ულამაზესი ადგილი, სადაც წმინდა პაისი ათონელი მის მოძღვართან ერთად მოღვაწეობდა... ამ ბილიკებზე დადიოდა წმინდა პაისი, ეს არის მისი კელია. ალბათ, რამდენჯერ აუვლია ეს კიბეები და რამდენი ადამიანი გადაურჩენია... შეეწიოს ჩვენს ქვეყანას, ჩვენს ერს, ჩვენს სამშობლოს, ღმერთმა შეგვაძლებინოს ყველას, წმინდა, პატიოსანი და ერთგული მსახურება ღვთის წინაშე“, - ამბობს მამა შალვა კეკელია.ვრცლად, ნახეთ ვიდეო:

რა ვითარებაა სოფელ კურსებში და მოსალოდნელია თუ არა მიწის განმეორებითი ჩამოსვლა - სტიქიის ზონაში, ამ დრომდე რჩებიან გეოლოგები.მეწყერმა, რომელიც გუშინ ჩამოწვა, სოფელში მთლიანად გაანადგურა 10 საცხოვრებელი სახლი, ევაკუირებულია 45 ოჯახი. საერთო ჯამში, სტიქიამ 58 ჰექტარი ფართობი მოიცვა. დანგრეული სახლების გარდა, ეზოებში დიდი ნაპრალებია, წაქცეულია ხეები, დაზიანებულია ავტომობილები და გზები. დაშავებული არავინაა. გეოლოგებთან ერთად, სოფელ კურსებში რჩებიან შსს-ს სხვადასხვა დანაყოფის წარმომადგენლები და შესაბამისი ტექნიკა. შექმნილია საგანგებო შტაბი.ტყიბულის მუნიციპალიტეტის მერის, დავით კუბლაშვილის განცხადებით, გეოლოგების პირველადი დასკვნა უახლოეს დღეებში იქნება ცნობილი."ადგილზე მუშაობენ გეოლოგების ჯგუფი, რომელსაც დაემატათ დამატებით სპეციალისტები. სავარაუდოდ, ძალიან მალე გვექნება ჩვენი გეოლოგების პირველადი, შემაჯამებელი დასკვნა.საგანგებო შტაბი 24-საათიან რეჟიმში აგრძელებს მუშაობას. აქტიურ კომუნიკაციაში ვართ ევაკუირებულ მოსახლეობასთან. ისინი, ვისაც ამის საჭიროება გააჩნდა, უკვე განთავსებულნი არიან სასტუმროებში", - განაცხადა დავით კუბლაშვილმა.