ქართულ-აზერბაიჯანული სამართლებრივი ფორუმის ფარგლებში ღონისძიებები გრძელდება

ევროკავშირმა 2027 წლისთვის რუსული ბუნებრივი აირის იმპორტის ეტაპობრივად შეწყვეტის შესახებ რეგულაციაზე წინასწარ შეთანხმებას მიაღწია.ევროკავშირის საბჭომ ოთხშაბათს განაცხადა, რომ ევროპარლამენტთან მიაღწია შეთანხმებას რუსული გაზის იმპორტის ეტაპობრივი შეწყვეტის შესახებ 2027 წლისთვის, რაც რუსულ ენერგიაზე დამოკიდებულების დასრულების მცდელობის ნაწილია.ევროკავშირის საბჭოს ვებგვერდზე განთავსებული ინფორმაციის მიხედვით, შეთანხმება მოიცავს რუსეთიდან თხევადი ბუნებრივი აირის (LNG) და მილსადენებით გაზის იმპორტის იურიდიულად სავალდებულო, ეტაპობრივ აკრძალვას 2026 წლის ბოლოდან და 2027 წლის შემოდგომიდან.მათივე ცნობით, ახალი წესების დარღვევა გამოიწვევს ჯარიმებს როგორც კომპანიებისთვის, ასევე ფიზიკური პირებისთვის.საბჭო განმარტავს, რომ რეგულაცია წარმოადგენს ევროკავშირის REPowerEU-ს გზამკვლევის ცენტრალურ ელემენტს, რომელიც მიზნად ისახავს რუსულ ენერგიაზე დამოკიდებულების დასრულებას მას შემდეგ, რაც რუსეთმა გაზის მიწოდება იარაღად გამოიყენა და ევროპის ენერგეტიკულ ბაზარზე მნიშვნელოვანი გავლენა მოახდინა.„როიტერის“ ინფორმაციით, ამ დროისთვის ევროკავშირის გაზის იმპორტის 12%-ს რუსეთიდან იღებს, მაშინ როდესაც 2022 წელს რუსეთის უკრაინაში შეჭრამდე ბუნებრივი აირის 45%-ს ევროპა მოსკოვისგან იღებდა.

ფინანსთა სამინისტროს შემოსავლების სამსახურის საბაჟო გამშვები პუნქტი - ,,თბილისის აეროპორტის“ მებაჟე ოფიცრებმა საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებთან კოორდინაციით, ერთობლივად ჩატარებული ღონისძიების შედეგად, თბილისის საერთაშორისო აეროპორტში  მგზავრთა ხელბარგებში  განთავსებული, განსაკუთრებით დიდი ოდენობით, ნარკოტიკული საშუალება ,,კოკაინის“ (საერთო წონა 150 გრამამდე), ასევე სხვადასხვა დასახელების 497 კაფსულა ფსიქოტროპული  მედიკამენტის,  39 გრამი ,, მორფინისა" და ,,კოდეინის" შემცველი ფხვიერი მასის და 1ლიტრი და 200 გრამი ნარკოტიკული საშუალება ,,კეტამინის"  მალულად შემოტანის მცდელობის 4 ფაქტი აღკვეთეს.ოთხი სამართალდამრღვევის მიმართ საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს გადაეცა. 

განათლების რეფორმა ერთ-ერთი უმნიშვნელოვანესი რეფორმაა, რომელსაც ხელისუფლება ატარებს, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს განუცხადა.მისი თქმით, განათლების რეფორმის კონცეფციაც, რომლის პრეზენტაციაც დღეს გაიმართა, საქართველოს პარლამენტის მხრიდან სრული მხარდაჭერა აქვს.„ჩვენს ამომრჩევლებს ზუსტად ის დავპირდით, რომ განათლების რეფორმა პრიორიტეტული იქნებოდა და ამომრჩეველმა მხარი ამას დაუჭირა. რა თქმა უნდა, მნიშვნელოვანია უმაღლესი და ზოგადი განათლების რეფორმა კომპლექსურად და პარალელურად მოხდეს, რადგან ეს ერთი მეორის გაგრძელებაა და ერთმანეთი უნდა შეავსონ. კონცეფციას, რომელიც დღეს გასაჯაროვდა, სრული მხარდაჭერა აქვს საქართველოს პარლამენტის მხრიდან. ინფრასტრუქტურულ საკითხებთან ერთად მთავარია შინაარსი. დღეს ეს შინაარსობრივი მიდგომა იყო წარმოდგენილი როგორც სახელმძღვანელოების, განათლების ხანგრძლივობის, სასკოლო დისციპლინის, სწავლაზე კონცენტრირების მიმართულებით. ეს განათლების ის რეფორმაა, რომელიც ქართველმა ხალხმა დაგვიკვეთა და ამას ქართველი ხალხის დაკვეთით ვასრულებთ“, – განაცხადა პაპუაშვილმა.

ბრიტანული მაუწყებლის წინააღმდეგ დავას ცილისწამებისთვის საქართველოს ხელისუფლება საერთაშორისო სასამართლოებში გეგმავს. საქართველოში კი ძიება სუს-მა ორი მუხლით დაიწყო - საუბარია სამსახურებრივი უფლებამოსილების გადამეტებასა და უცხოეთის ორგანიზაციისთვის მტრულ საქმიანობაში დახმარებაზე.პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე, მარიამ ლაშხი ამბობს, რომ "ქართული ოცნება" არ აპირებს, ქვეყნის წინააღმდეგ მიმართული საერთაშორისო კამპანია უყურადღებოდ დატოვოს."ვხედავთ ამ სიყალბეს და სიცრუის კამპანიის ნაწილში, რომ თავად წყაროც უკვე გაემიჯნა საკუთარ თავს, რაც, კიდევ ერთხელ, სასაცილო მდგომარეობაში აყენებს როგორც საკუთარ თავს, ასევე ამ სიუჟეტის ავტორს. "ქართული ოცნება" არ აპირებს, რომ მსგავსი ტიპის დეზინფორმაცია, ქვეყნის წინააღმდეგ მიმართული საერთაშორისო კამპანია უყურადღებოდ დატოვოს და ყველა ინსტანციაზე მოხდება ამ საჩივრის წაყენება," - აცხადებს მარიამ ლაშხი.

საქართველომ არ მიიღო ევროკავშირის კანდიდატის სტატუსი, თუმცა ჩვენ ვიყავით და კვლავ უნდა ვიყოთ წამყვანი კანდიდატები.  2030 წლისთვის საქართველო მზად იქნება ევროკავშირში გაწევრიანებისთვის. თუმცა, ამჟამად არ ვიცით, შეიცვლება თუ არა ევროკავშირის შეხედულება. ისინი ორმაგი სტანდარტებით ხელმძღვანელობენ. დიალოგია მთავარი, მაგრამ ისინი ჩვენთან დიალოგში არ ერთვებიან.  ზოგჯერ აღიარებენ ამ მთავრობას, ზოგჯერ კი - არა. ეს აბსურდია, - ასე უპასუხა საქართველოს პრეზიდენტმა, მიხეილ ყაველაშვილმა „დოიჩე ველეს“ ჟურნალისტის შეკითხვას, თუ რა დრო დასჭირდება რეალურად საქართველოს ევროკავშირში გაწევრიანებას.მისივე თქმით, იმისათვის, რომ  საქართველო გახდეს ევროკავშირის წევრი სახელმწიფო, ევროკავშირის ბიუროკრატებიდან დაწყებული, ევროპარლამენტის წევრებით დამთავრებული, ყველამ უნდა შეიცვალოს დამოკიდებულება.„მოდით, რამდენიმე ფაქტის შესახებ გიამბობთ. პროტესტი დაიწყო „გამჭვირვალობის კანონთან დაკავშირებით.  ჩემმა ფრაქციამ დააინიცირა ეს კანონი. კანონი გამჭვირვალობას ეხება. კანონი მოითხოვს არასამთავრობო ორგანიზაციების ფინანსების დეკლარაციის წარმოდგენას, თუ მათი ბიუჯეტის 20 პროცენტი საზღვარგარეთიდან მიღებული დაფინანსებაა. არასამთავრობო ორგანიზაციები ვალდებულნი არიან წარმოადგინონ ყველა დოკუმენტაცია და გამჭვირვალეები იყვნენ თავიანთი ხარჯების შესახებ. ამაზე მეტი არაფერია იქ ნათქვამი.ჩვენ შევუერთდით ყველა იმ სანქციას, რაც შეგვეძლო, გარდა იმ სანქციებისა, რომლებიც ეწინააღმდეგება ჩვენს ეროვნულ ინტერესებსა და ეკონომიკურ მდგომარეობას.ჩვენ მხარი დავუჭირეთ გაეროს ყველა რეზოლუციას უკრაინაში ომთან დაკავშირებით. ჩვენ არ გავგზავნეთ მოხალისეები უკრაინაში, რათა არავის დავედანაშაულებინეთ ომში მონაწილეობაში.საქართველომ არ მიიღო ევროკავშირის კანდიდატის სტატუსი, თუმცა ჩვენ ვიყავით და კვლავ უნდა ვიყოთ წამყვანი კანდიდატები“, - განაცხადა მიხეილ ყაველაშვილმა.