ტოჩინოშინმა მაკე კოში გაიფორმა

გაზაფხულის სუპერტურნირის დასრულებამდე ორი დღით ადრე, ტოჩინოშინმა უარყოფითი ბალანსი გაიფორმა. ქართველმა მებრძოლმა მე-8 მარცხი კოტოშოგიკუსგან იწვნია და შემდეგი ტურნირისთვის წოდებაში დაქვეითება ელოდება. ექს-ოძეკების დაპირისპირებაში კოტოშოგიკუმ შეჯახებისთანავე მოიპოვა უპირატესობა და ტოჩინოშინი იორიკირის ილეთით გადაიყვანა დოჰიოს მიღმა.
ქართველს ხუთი მოგება და რვა მარცხი აქვს. ჰარუ ბაშოს დასრულებამდე ლევან გორგაძეს კიდევ ორი ორთაბრძოლის ჩატარება მოუწევს. ტოჩინოშინი, რომელიც აღმოსავლეთის მე-9 მაეგაშირას სტატუსით ასპარეზობს, რანგში დაქვეითების მიუხედავად უმაღლეს მაკუუჩი დივიზიონში დარჩება და შემდეგ ბაშოზე შედარებით დაბალი სტატუსის მქონე მებრძოლებს შეხვდება, რაც მას დაწინაურების შანსს გაუზრდის.

Comments

კომენტარები