სახელმწიფო და „დელტა“ უპილოტო საფრენი აპარატების წარმოებას წლის ბოლომდე დაიწყებენ

სახიფათო თამაშის ტრენდმა, რომლის დროსაც არასრულწლოვნები ერთმანეთს გონებას მიზანმიმართულად აკარგვინებენ, მსოფლიო მოიცვა. ბავშვები ამ ბოროტ ხუმრობას მობილური ტელეფონებით იღებენ და სოციალურ ქსელებში ავრცელებენ.ტრენდს, რომელსაც თამაშთან რეალურად არაფერი აქვს საერთო, უკვე ათობით მსხვერპლი და ასობით დაშავებული ჰყავს. მას სხვადასხვა ქვეყანაში სხვადასხვა სახელი აქვს. გამონაკლისი არც საქართველოა.მოზარდების გარკვეული ჯგუფების ამ სახიფათო ინტერესის მძიმე შედეგებზე ექიმები საუბრობენ. თამაშს საქართველოშიც არაერთი დაზარალებული ჰყავს. სპეციალისტები ამბობენ, რომ ოფიციალური სტატისტიკის მიღმა რეალური მაჩვენებელი გაცილებით მაღალია, რადგან ბავშვები ხშირ შემთხვევაში ამ ბოროტი ხუმრობისა და მისი შედეგების შესახებ არაფერს ამბობენ.„აშშ-ში დაფიქსირებულია 72 გარდაცვალების შემთხვევა. ეს არის სიკვდილთან თამაში და არავინ იცის გადარჩები თუ არა. სულ მინიმუმ 8 შემთხვევა იყო, რაც უკავშირდება სახიფათო თამაშს, აქედან 6 შემთხვევაში მცირეხნიანი ჰოსპიტალიზაციის შემდეგ, მდგომარეობა სწრაფად გაუმჯობესდა და გაეწერნენ ბინაზე. ერთ შემთხვევაში იყო დაზიანებული სახის ძვლები და მეორე შემთხვევა უკვე მძიმე იყო, იქ რეანიმაციული ღონისძიებებიც დაგვჭირდა, ნეიროქირურგიული ოპერაციაც დაგვჭირდა. ეს არ არის უსაფრთხო, მხოლოდ გართობა, ეს არის ძალიან მაღალი რისკის შემცველი „თამაში“, რომელსაც შეიძლება ძალიან სერიოზული შედეგები მოჰყვეს.გარკვეულ მომენტში ტვინი არ იღებს შესაბამისი რაოდენობის სისხლს, ჟანგბადს და ტვინის დაზიანების შესაძლებლობა ძალიან მაღალია და ნერვზე ზეწოლამ შესაძლოა გამოიწვიოს გულის ცემის მკვეთრი შემცირება და გულის გაჩერებაც კი. ამ თამაშის შემდეგ ვიღებთ თავის ტვინის, გულის დაზიანების და სიკვდილის რისკს“, – აცხადებს იაშვილის სახელობის ბავშვთა ცენტრალური საავადმყოფოს სამედიცინო დირექტორი, პროფესორი ივანე ჩხაიძე.

უკრაინას ამართლებს ომი ყველაფერში, მედიაც შეუძლიათ დახურონ, პოლიტიკოსებიც დაიჭირონ, პარტიებიც აკრძალონ, ეკონომიკაც ვარდება, კი ბატონო, ომია, მოლდოვაში ხომ არ არის ომი?იქ რა ხდება, იქ რით ამართლებენ პოლიტიკოსების დაჭერას, პარტიების აკრძალვას, თან ყოველგვარი საფუძვლის გარეშე, ეკონომიკის ვარდნას და ა.შ. – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-ზე დებატებში განაცხადა.მთავრობის მეთაურის შეფასებით, მოლდოვა არის ერთ-ერთი ყველაზე განუვითარებელი სახელმწიფო ინსტიტუტების სიძლიერის თვალსაზრისით.ირაკლი კობახიძემ ინფლაციის კუთხით საქართველოსა და მოლდოვის მაჩვენებლები შეადარა და აღნიშნა, რომ ამ კუთხით მოლდოვაში კატასტროფული ვითარებაა.„ინფლაცია რომ ავიღოთ, ბოლო სამი წლის განმავლობაში ჩვენთან ინფლაცია სამომხმარებლო ფასებზე იყო 8%-ზე ნაკლები, რაც არის იდეალური მაჩვენებელი. მიიჩნევა, რომ სასურველია, წელიწადში 2-3% მაინც იყოს ინფლაცია. სჯობს, 4%-ს არ გადააჭარბოს და სწორედ ამ პარამეტრებში ზის სამწლიან პერსპექტივაში ჩვენი ქვეყანა. მოლდოვაში ამ სამ წელიწადში ინფლაცია იყო 28%, რაც ნიშნავს კატასტროფას. რეალური ეკონომიკა მცირდება, ინფლაცია გაქვს 28%, შესაბამისად, ნომინალური ეკონომიკა მხოლოდ ინფლაციის ხარჯზე გაიზარდა. ისიც კი, რაც დაემატა მოლდოვას ნომინალურ ეკონომიკაში, დაემატა მხოლოდ ინფლაციის ხარჯზე. სრული კატასტროფა არის ეკონომიკური თვალსაზრისით შექმნილი მოლდოვაში. კი ბატონო, უკრაინას ამართლებს ომი ყველაფერში, მედიაც შეუძლიათ დახურონ, პოლიტიკოსებიც დაიჭირონ, პარტიებიც აკრძალონ, ეკონომიკაც ვარდება, კი ბატონო, ომია, მოლდოვაში ხომ არ არის ომი?იქ რა ხდება, იქ რით ამართლებენ პოლიტიკოსების დაჭერას, პარტიების აკრძალვას, თან ყოველგვარი საფუძვლის გარეშე, ეკონომიკის ვარდნას და ა.შ. მოლდოვა არის ერთ-ერთი ყველაზე განუვითარებელი სახელმწიფო ინსტიტუტების სიძლიერის თვალსაზრისით მოშლილია სისტემა, კორუფცია ყვავის, ერთ-ერთი ყველაზე კორუმპირებული ქვეყანაა. მოლდოვაზე კორუმპირებული ქვეყანაა უკრაინა. ეს არის მთლიანობაში ვითარება“, – განაცხადა ირაკლი კობახიძემ.

ირანი ჰორმუზის სრუტეზე კონტროლის შენარჩუნებას გააგრძელებს, – ამის შესახებ ირანის საგარეო საქმეთა მინისტრის მოადგილემ განაცხადა.ყასემ ღარიბაბადის განცხადებით, ირანი გააგრძელებს კონტროლის შენარჩუნებას ჰორმუზის სრუტეზე. მან გააკრიტიკა ევროკავშირის მიერ დაწესებული ახალი სანქციები იმ პირებისა და ორგანიზაციების მიმართ, რომლებიც თეირანის მიერ სრუტეზე სუვერენიტეტის განმტკიცების პოლიტიკაში მონაწილეობენ.ღარიბაბადმა ევროკავშირის ამ გადაწყვეტილებას თაღლითური ნაბიჯი უწოდა.მანამდე, ევროკავშირის უმაღლესმა წარმომადგენელმა განაცხადა, რომ წევრმა ქვეყნებმა სანქციები დაუწესეს რამდენიმე ირანელ პირსა და ორგანიზაციას, რომლებიც, ბრიუსელის შეფასებით, ჰორმუზის სრუტეში საზღვაო მიმოსვლის შეზღუდვაში მონაწილეობდნენ.ევროკავშირის ცნობით, თეირანმა სრუტე ფაქტობრივად დახურა მიმდინარე წლის თებერვალში ომის დაწყების შემდეგ.„ირანი არ ანიჭებს მნიშვნელობას ამ პოლიტიკურ და თვალთმაქცურ ევროპულ ნაბიჯს და გააგრძელებს ჰორმუზის სრუტეზე სუვერენიტეტის შენარჩუნებისა და თავისი სუვერენული უფლებების განხორციელების სტრატეგიას“, – დაწერა ღარიბაბადმა სოციალურ ქსელში.

აშშ-მა ომანის სანაპიროსთან ირანისკენ მიმავალი სანქცირებული ტანკერი შეაჩერა. ამის შესახებ აშშ-ის ცენტრალური სარდლობის მიერ გავრცელებულ განცხადებაშია აღნიშნული.ოფიციალურ განცხადებაში ნათქვამია, რომ აშშ-ის ძალებმა 8 ივნისს ომანის ყურეში შეაჩერეს ნავთობის ტანკერი, რომელმაც დაარღვია ირანის წინააღმდეგ მოქმედი ბლოკადა და ირანის პორტისკენ მიემართებოდა. გავრცელებული ინფორმაციით, ტანკერი Marivex 2025 წლის დეკემბერში აშშ-ის ფინანსთა სამინისტროს მიერ დაწესებულ სანქციების სიაში შეიყვანეს ირანთან დაკავშირებული საქმიანობის გამო.„სიენენის“ მიერ მოპოვებული საგანგებო სიგნალის ჩანაწერის მიხედვით, ეკიპაჟის წევრები აცხადებდნენ, რომ გემზე ხანძარი გაჩნდა მას შემდეგ, რაც, მათი მტკიცებით, ის აშშ-ის საზღვაო ძალების თავდასხმის სამიზნე გახდა.„გემზე ხანძარია და ვიძირებით. აშშ-ის საზღვაო ძალებმა დაგვარტყეს. რაკეტა ძრავის განყოფილებას მოხვდა. გთხოვთ, დაგვეხმარეთ. ეკიპაჟის 24-ვე წევრი ინდოელია“, – ნათქვამია საგანგებო შეტყობინებაში.ამ დროისთვის ინფორმაცია ეკიპაჟის წევრების მდგომარეობისა და შესაძლო მსხვერპლის შესახებ ოფიციალურად არ ვრცელდება.

ფინანსთა მინისტრი ლაშა ხუციშვილი საქართველოში საფრანგეთის რესპუბლიკის საგანგებო და სრულუფლებიან ელჩს, ოლივიე კურტოს შეხვდა.უწყების ინფორმაციით, საუბარი შეეხო საქართველოსა და საფრანგეთს შორის არსებული თანამშრომლობის პროექტებს, მათ შორის საფრანგეთის განვითარების  სააგენტოსთან (AFD) პარტნიორობით, საინვესტიციო პროექტების მიმართულებით, მიმდინარე და დაგეგმილ პარტნიორობას.სამინისტროს ცნობით, მხარეებმა დაადასტურეს ორმხრივი მზადყოფნა თანამშრომლობის შემდგომი გაგრძელებისთვის.შეხვედრას დაესწრნენ ფინანსთა მინისტრის მოადგილე ეკატერინე გუნცაძე, საქართველოში საფრანგეთის საელჩოს ეკონომიკური სამსახურის უფროსი ჰუგო დებრუა და საფრანგეთის განვითარების სააგენტოს (AFD) სამხრეთ კავკასიის რეგიონული ოფისის დირექტორი ფანი დელპი.