სამხედრო გადატრიალების შემდეგ მიანმარში საპროტესტო აქციებზე 300-ზე მეტი ადამიანი მოკლეს

დემოკრატი სენატორები ირანთან მიღწეულ შეთანხმებას აკრიტიკებენ და აცხადებენ, რომ ეს ირანისთვის უფრო მომგებიანია, ვიდრე აშშ-ისთვის.დემოკრატი სენატორების თქმით, არსებული შეთანხმება არ უზრუნველყოფს საკმარის სარგებელს აშშ-ის მოქალაქეებისთვის და აჩენს კითხვებს მისი ეფექტიანობის შესახებ. მათი თქმით, დოკუმენტი უფრო მეტად წარმოადგენს მომავალში შეთანხმების მიღწევის ჩარჩოს, ვიდრე კონკრეტულ და დაბალანსებულ შეთანხმებას.ამასთან, სენატორები აცხადებენ, რომ მემორანდუმი ირანს არ აძლევს საკმარის სტიმულს საბოლოო პირობებზე რეალური შეთანხმების მისაღწევად და შესაძლოა, პროცესის გაჭიანურებას შეუწყოს ხელი.„ვხედავ, როგორ იგებს ირანი ამ მემორანდუმით, მაგრამ ვერ ვხედავ, როგორ ეხმარება ეს რომელიმე ამერიკულ ოჯახს. პრეზიდენტ ტრამპს არასდროს აუხსნია, რატომ ჩავერთეთ ამ ომში, მაგრამ ახლა უკვე აშკარაა, რა დიდი იყო მისი ფასი“, – განაცხადა სენატორმა ელიზაბეტ უორენმა.ამასთან, სენატორმა მარკ უორნერმა განაცხადა, რომ ამერიკა დღეს ნაკლებად ძლიერია, ვიდრე ომის დაწყებამდე იყო.„მოხარული ვარ, რომ პრეზიდენტი გამარჯვებას გამოაცხადებს, რადგან ომი ამერიკელებისთვის დანაკარგების თვალსაზრისით კატასტროფაა. ვფიქრობ, ხალხი უკან მოიხედავს და იტყვის, რომ ეს არჩევითი ომი კატასტროფა იყო და ამერიკა დღეს ნაკლებად ძლიერია, ვიდრე ომის დაწყებამდე ვიყავით“, – განაცხადა უორნერმა.

საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა გადაცემაში „იმედი LIVE“ ევროპარლამენტის მიერ საქართველოზე მიღებულ რეზოლუციაზე ისაუბრა. მინისტრის განცხადებით, მიუხედავად იმისა, რომ აღნიშნული დოკუმენტები ძალის არმქონეა, ქართული მხარე მათ სრულიად იგნორირებას ვერ მოახდენს, რადგან ამ დოკუმენტებით ყალიბდება გარვეული ნარატივები, რაც საქართველოს ეროვნული ინტერესების დაზიანებას ისახავს მიზნად.„რეზოლუციებს რომ ძალა არ აქვს და ბევრს არაფერს ნიშნავს, ჩვენ ეს უკვე ვნახეთ. როდესაც ეს რეზოლუცია და ანგარიში დამტკიცდა ევროპარლამენტში, საგარეო საქმეთა კომიტეტზე, მაშინ გაკეთდა ჩვენი განცხადება. გარკვეული ყურადღება დავუთმეთ მათ ძალიან მარტივი მიზეზის გამო. თავად ევროპელი პოლიტიკოსებისა და ბრიუსელის ბიუროკრატიის მხრიდან ხშირად გვსმენია, რომ ნუ მიაქცევთ დიდ ყურადღებას ევროპარლამენტის რეზოლუციებს, რომ ამას არ აქვს გადამწყვეტი მნიშვნელობა ევროკავშირის პოლიტიკაზე. მიუხედავად ამისა, ჩვენთვის ევროპარლამენტი არის ევროკავშირის ისეთივე ინსტიტუტი, როგორც ევროკომისია და ევროკავშირის საბჭო. შესაბამისად, ჩვენ სრულიად იგნორირებას მათ დოკუმენტებს ვერ გავუკეთებთ იქიდან გამომდინარე, რომ მასში გარკვეული პოლიტიკოსების აზრები აისახება, გარკვეული ნარატივი ყალიბდება. ეს არის სრულიად ტყუილზე, სრულიად ცრუ ნარატივებზე აგებული დოკუმენტები, რომლებიც ერთადერთი მიზნით იქმნება, რომ ჩვენი ქვეყნის ინტერესები დააზიანონ და ჩვენი ქვეყნის რეპუტაცია შელახონ. ამას ძალა არ აქვს, არანაირი პოლიტიკური წონა ამ დოკუმენტებს არ აქვს, თუმცა ჩვენთვის მიუღებელია, თუნდაც სამი ევროპარლამენტარი ასეთი ფორმით ესხმოდეს თავს ჩვენს ქვეყანას და ჩვენს საზოგადოებას სრულიად უსაფუძვლოდ, სრულიად ტყუილებზე დაფუძნებით და უპასუხოდ დავტოვოთ თუნდაც მათი ასეთი კამპანიები ჩვენი ქვეყნის წინააღმდეგ, რომელიც, უკვე რამდენი წელიწადია, მიმდინარეობს და მიზნად ისახავს ერთადერთ რამეს – დააზიანონ ჩვენი ქვეყნის ეროვნული ინტერესები“, – განაცხადა საგარეო საქმეთა მინისტრმა.საგარეო უწყების ხელმძღვანელი ასევე გამოეხმაურა ევროპარლამენტარ რასა იუკნევიჩიენეს ვიდეომიმართვას ევროკავშირის გაფართოების საკითხზე.„ქალბატონ რასას ჩვევია ღიად რაღაცების თქმა, რაც ნათელს ჰფენს მთლიანად დამოკიდებულებას ამ პროცესთან დაკავშირებით. ჩვენ არაერთხელ გვისაუბრია, რისთვის იყო 2022 წელს გააქტიურებული ევროკავშირის გაფართოების პოლიტიკა. დღევანდელი პროცესი კიდევ უფრო აშკარად აჩვენებს, თუ რამდენად ჰქონდა ინსტრუმენტის ხასიათი 2022 წელს ევროკავშირში გაწევრიანების შეთავაზებას ომში მყოფი უკრაინისათვის და სხვა ქვეყნებისთვის ჩვენს რეგიონში. 2022 წლამდე იყო პერიოდი, როცა ევროკომისიამ საერთოდ გაფართოების პორტფელი ამოიღო კომისიის მანდატიდან და გაფართოების კომისარიც არ ჰყავდათ. ასეთი კომისიაც არსებობდა გასულ წლებში. არ იყო აქტუალური და ომის შემდგომ გახდა აქტუალური ევროკავშირის გაფართოების პოლიტიკა. ომი იყო საჭირო იმისთვის, რომ ევროკავშირი დაფიქრებულიყო გეოპოლიტიკურ აუცილებლობაზე? რთული აღიარებებია ნამდვილად ქალბატონი რასას მხრიდან, რაც კიდევ უფრო მეტ ანალიზს საჭიროებს ჩვენი საზოგადოების მხრიდან, თუ რისთვის იყენებს ეს ხალხი ევროკავშირის გაფართოებას“, – აღნიშნა მაკა ბოჭორიშვილმა.საგარეო საქმეთა მინისტრმა ხაზი გაუსვა ევროკავშირში ინტეგრაციის პროცესის განსაკუთრებულ მნიშვნელობას საქართველოსთვის, როგორც იდეოლოგიური, ისე პრაქტიკული თვალსაზრისით.„ჩვენ არაერთხელ გვითქვამს, რომ ჩვენთვის ეს არის ძალიან მნიშვნელოვანი რამ – ჩვენი ინტეგრაცია ევროკავშირთან ჩვენი ისტორიიდან, კულტურიდან, იდენტობიდან გამომდინარე. ეს არის ის მნიშვნელოვანი გეოპოლიტიკური არეალი თუ სივრცე, სადაც ვხედავთ ჩვენს თავს. ჩვენთვის ეს არის ძალიან მნიშვნელოვანი, არა მხოლოდ იდეოლოგიური, არამედ პრაქტიკული მნიშვნელობის საკითხი და ამ დროს სხვებისთვის ეს სხვაგვარი ინსტრუმენტი ყოფილა“, – განაცხადა მაკა ბოჭორიშვილმა.

ბავშვთა აღზრდაში ცელქობის როლზე საუბრისას, პედაგოგი და ფსიქოლოგი შალვა ამონაშვილი აღნიშნავს, რომ აქტიური და ცელქი ქცევა, შესაძლოა, ბავშვის მომავალი განვითარებისთვის მნიშვნელოვანი გამოცდილება იყოს და ზრდასრულ ასაკში ლიდერული უნარების ჩამოყალიბებასაც შეუწყოს ხელი.„ცელქი ბავშვები გიყვართ? მაგრამ ჯობია, არ იცელქონ, ხომ? აი, თუ არ იცელქა ბავშვმა, დაიჩაგრება ცხოვრებაში. ამბობენ, ცელქობა მომავალი ცხოვრებისთვის მზადებააო. ცელქი ადამიანები რომ გაიზრდებიან, ლიდერები ხდებიან“, - ამბობს შალვა ამონაშვილი.

საქართველოს შავი ზღვის სანაპიროზე ახალი სასტუმრო Sky Castle შუასაუკუნეების ციხე-სიმაგრის ფორმით აშენდება. ამ გადაწყვეტილების უკან მხოლოდ მარკეტინგული იდეა არ დგას - ეს დიდი ისტორიული გამარჯვებისადმი პატივისცემის გამოხატულებაა.1121 წლის 12 აგვისტოს დიდგორის ბრძოლაში საქართველოს მეფის, დავით აღმაშენებლის არმიამ სელჩუკთა ლაშქარი დაამარცხა. სწორედ ამ გამარჯვებამ დაუდო საფუძველი საქართველოს ოქროს ხანას. ბრძოლაში მონაწილეობდნენ ჯვაროსანი რაინდებიც, რომლებიც იერუსალიმიდან ქრისტიანი ძმების დასახმარებლად ჩამოვიდნენ. მათი მარშრუტი აჭარის სანაპიროს გასდევდა - იმავე ტერიტორიას, სადაც დღეს სამშენებლო ჰოლდინგი European Village სასტუმრო Sky Castle-ს აშენებს.პროექტის პრეზენტაცია 16 ივნისს თბილისში გაიმართა."Sky Castle მხოლოდ სასტუმრო არ არის. ეს ისტორიული მემორიალია. ცხრა საუკუნის წინ, 1121 წლის 12 აგვისტოს, დიდგორის ბრძოლაში მეფე დავით აღმაშენებლის სარდლობით ქართველმა მეომრებმა სელჩუკთა არმია დაამარცხეს და საქართველო დაიცვეს, რითაც ქართული ისტორიის ოქროს ხანას ჩაუყარეს საფუძველი. იმ ბრძოლაში ქართველებთან ერთად მხარ-და-მხარ იბრძოდნენ ჯვაროსანი რაინდები, რომლებიც იერუსალიმიდან ქრისტიანი ძმების დასახმარებლად მოვიდნენ. მათი გზა ბრძოლის ველისკენ აჭარის სანაპიროზე გადიოდა. საქართველოსა და ევროპის ამ ისტორიული კავშირის პატივსაცემად ვაშენებთ Sky Castle-ს, რომლის არქიტექტურაც შუასაუკუნეების ციხე-სიმაგრეების სტილთან არის დაახლოებული", - განაცხადა European Village-ის გენერალურმა დირექტორმა არჩილ ფარტენაძემ.

UFC-ის ორი დივიზიონის ყოფილმა ჩემპიონმა, კონორ მაკგრეგორმა ილია თოფურიას მარცხის თაობაზე ისაუბრა. „ილია კარგი ბიჭია, თუმცა ვიცოდი, რომ ადრე თუ გვიან, ეს დაემართებოდა. ვნახე მისი ვარჯიშები და იცი რა აკლდა? 1000 დოლარი უნდა დაედო და თავისი სპარინგ-პარტნიორებისთვის ეთქვა: თუ დამაგდებთ, ეს ფული თქვენია. ისინი მიზნის მისაღწევად ყველაფერს გააკეთებდნენ. დიახ, შეცდომები დაუშვა.დაბრუნდება, თუმცა ჯერ სახე უნდა მოიშუშოს, რადგან მძიმე დაზიანებები მიიღო. თოფურია ახლა ძალიან ბნელ წერტილშია და საკუთარ თავში ღრმად უნდა ჩაეძიოს, იმისთვის, რომ ძალები იპოვოს. ვფიქრობ, შეძლებს დაბრუნებას და მე ყველაფერს საუკეთესოს ვუსურვებ", - განაცხადა მაკგრეგორმა.