რესან კონცელიძე და აჭარის უმაღლესი საბჭოს მაჟორიტარობის კანდიდატი ტიტე აროშიძე, სომხური დიასპორის წარმომადგენლებს შეხვდნენ

ირანის სახელმწიფო მედიამ გაავრცელა ხელნაწერი წერილი, რომელიც სავარაუდოდ, ირანის უშიშროების საბჭოს მდივანს, ალი ლარიჯანის ეკუთვნის.წერილი ასევე გამოქვეყნდა ალი ლარიჯანის პირად გვერდებზე „ტელეგრამსა“ და „იქს“-ში. თეირანში ამტკიცებენ, რომ წერილი ლარიჯანიმ დღეს დაწერა.წერილი მას შემდეგ გამოქვეყნდა, რაც ისრაელის თავდაცვის მინისტრმა, ისრაელ კაცმა განაცხადა, რომ ისრაელის იერიშის შედეგად ირანის უშიშროების საბჭოს მდივანი ალი ლარიჯანი ლიკვიდირებულია.სავარაუდოდ ლარიჯანის წერილში პატივისცემა არის გამოხატული იმ ირანელი საზღვაო ქვეითებისადმი, რომლებიც 4 მარტს შრი-ლანკის სანაპიროსთან ამერიკული წყალქვეშა ნავის მიერ ირანულ სამხედრო გემზე მიტანილი იერიშის შედეგად დაიღუპნენ.ირანში დღეს დაღუპული 84 ირანელი მეზღვაურის პატივსაცემად ცერემონიალი გაიმართება.მანამდე ალი ლარიჯანიმ ასევე გაავრცელა განცხადება, რომელშიც მუსლიმური ქვეყნების მხრიდან ირანის მხარდაჭერის ნაკლებობაზე საუბრობს.„არცერთი ისლამური მთავრობა არ დადგა ირანელი ხალხის მხარდამხარ, გარდა იშვიათი შემთხვევებისა და შეზღუდული პოლიტიკური პოზიციისა. აშშ და ისრაელი არის ერთ მხარეს, მეორე მხარეს არის მუსლიმური ირანი და წინააღმდეგობის ძალები. რომელ მხარეს ხართ თქვენ?“, – ნათქვამია ირანის უშიშროების საბჭოს მდივნის განცხადებაში.

ბოლო დროს აშშ-ის ნაბიჯებს ვერ ვიგებთ, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა Reuters-თან ინტერვიუში განაცხადა.კაია კალასის განცხადებით, დონალდ ტრამპის თეთრ სახლში დაბრუნებიდან ერთი წლის შემდეგ ევროკავშირი აშშ-ის არაპროგნოზირებად ქცევას ითვალისწინებს.„რა თქმა უნდა, ჩვენ აშშ-ის მოკავშირეები ვართ, მაგრამ ბოლო დროს მათ ნაბიჯებს ვერ ვიგებთ. ვფიქრობ, ერთი წლის შემდეგ სიტყვა, რომელიც მხედველობაში უნდა მივიღოთ, არის არაპროგნოზირებადობა. ამიტომ, ახლა მშვიდად ვართ, რადგან ველით, რომ არაპროგნოზირებადი რამ ყოველთვის მოხდება“, - განაცხადა ევროკავშირის უმაღლესმა წარმომადგენელმა.ასევე, კალასმა ისრაელსა და აშშ-ს ირანთან ომის დასრულებისკენ მოუწოდა.„ევროკავშირი მზად არის დიპლომატიური გზით მხარეები მოლაპარაკებების მაგიდასთან მიიყვანოს და ომის დასრულებას ხელი შეუწყოს. რეგიონის სახელმწიფოებთან კონსულტაციებს ვაწარმოებთ, რათა ამ ვითარებიდან გამოსასვლელად მხარეებს ისეთი წინადადებები წარვუდგინოთ, რომ მათ ავტორიტეტი შეინარჩუნონ“, - აღნიშნა კალასმა.

შეჯამების საფუძველზე შეფასდა ახლა მიმდინარე მკურნალობის ეფექტიანობა და პერსპექტიულობა. ითქვა, რომ მკურნალობა მიმდინარეობს სწორედ ისე, როგორც უნდა მიმდინარეობდეს, – ამის შესახებ ჯანდაცვის მინისტრმა, მიხეილ სარჯველაძემ განაცხადა.მისივე თქმით, კონსილიუმზე ითქვა, რომ პროცესებზე დაკვირვება დინამიკაში უნდა მოხდეს და გადაწყვეტილებები არსებული მდგომარეობიდან გამომდინარე იქნეს მიღებული.„საზოგადოების ინტერესი აბსოლუტურად ლოგიკურია, ყველას აინტერესებს პატრიარქის მდგომარეობა, მკურნალობის პერსპექტივები. გამართულ კონსილიუმზე, რასაკვირველია, არც იყო მოლოდინი, რომ საბოლოო პოზიციები დაფიქსირდებოდა და მზა გადაწყვეტილებები იარსებებდა. გაანალიზდა არსებული კლინიკური მდგომარეობა, მისი დადებითი და უარყოფითი მხარეები, რა შეიძლება იყოს პერსპექტიული ხედვის საფუძველი, რა – პესიმისტური. ამ შეჯამების საფუძველზე შეფასდა ახლა მიმდინარე მკურნალობის ეფექტიანობა და პერსპექტიულობა ამ თვალსაზრისით. ითქვა, რომ მკურნალობა მიმდინარეობს სწორედ ისე, როგორც უნდა მიმდინარეობდეს, სხვა ალტერნატივა რეალურად არ არსებობს. რაც შეეხება მდგომარეობას, თავს შევიკავებ რაიმე ფორმულირებების მოძებნისგან, ყველას გვაქვს მეტის და უკეთესის მოლოდინი, სურვილი. ეს არის ყველაზე მნიშვნელოვანი და ამისთვის უნდა გავაკეთოთ უკლებლივ ყველაფერი. ამ წუთს არაფერს ამაზე მეტად მნიშვნელობა არ აქვს.რაც შეეხება კონსილიუმზე გამოკვეთილ რჩევებსა და მოსაზრებებს, უნდა დავაკვირდეთ პროცესებს დინამიკაში. ახლა ძალიან ბევრი რამ დამოკიდებულია, ასაკის და მდგომარეობის გათვალისწინებით, თვითონ ორგანიზმზე. ყველაფერი ეს მოგვცემს შესაძლებლობას, თუნდაც რამდენიმე საათის შემდეგ ახალი მსჯელობა გაიმართოს ახალ მონაცემებზე დაყრდნობით. იმდენად კომპლექსურია ანალიზების მონაცემები, იქ არ არსებობს ერთი და ორი ინდიკატორი, ძალიან ბევრია. ზოგიერთ შემთხვევაში, შეიძლება, გაუმჯობესება და დადებითი დინამიკა იყოს, ზოგიერთ შემთხვევაში – უარყოფით. ამას სჭირდება კომპლექსურად შეფასება და დინამიკაში დაკვირვება. დინამიკაში ნიშნავს, რომ  არ არის საჭირო ხვალინდელი, ზეგინდელი გეგმები დავსახოთ, ამ წუთს რაც არის რელევანტური, ეს გადაწყვეტილებები უნდა იქნეს მიღებული. თავიდან ბოლომდე ვარ ჩართული, როგორც ამ ქვეყნის მოქალაქე. ამავდროულად, ეს არის ჩემი პასუხისმგებლობა, რომ არაფერი ამ მკურნალობის პროცესს არ დააკლდეს. ეს არის ჩვენი პასუხისმგებლობა და ამას, ბუნებრივია, უკლებლივ შევასრულებთ“, – განაცხადა სარჯველაძემ.საქართველოს კათოლიკოს-პატრიარქი ილია მეორე ჯანმრთელობის მდგომარეობის გაუარესების გამო „კავკასიის მედიცინის ცენტრში“ გვიან ღამით გადაიყვანეს. ექიმების ინფორმაციით, პატრიარქს კუჭიდან ძლიერი სისხლდენა ჰქონდა, რის გამოც მას შესაბამისი პროცედურები ჩაუტარდა და მოხდა სისხლდენის შეჩერება. როგორც „კავკასიის მედიცინის ცენტრში“ აცხადებენ, ილია მეორე ამ ეტაპზე კრიტიკული მედიცინის დეპარტამენტში მართვით სუნთქვაზე იმყოფება.

პაციენტის მდგომარეობა რჩება კვლავ მძიმე, საყურადღებო - კონსილიუმი შეჯერდა და თანხმდებიან, რომ ამ ეტაპზე მიმდინარე ყველა სამკურნალო ღონისძიება არის ადეკვატური,- ამის შესახებ კავკასიის მედიცინის ცენტრის დირექტორმა, სოფიო ასპანიძემ საქართველოს კათოლიკოს-პატრიარქის, ილია მეორეს, ჯანმრთელობის მდგომარეობასთან დაკავშირებით განაცხადა.მისი განმარტებით, პატრიარქს ყოველ საათში უტარდება ანალიზები და „შედეგები საკმაოდ საყურადღებოა“.„პაციენტის მდგომარეობა რჩება კვლავ მძიმე, საყურადღებო. მიმდინარეობს მულტიდისციპლინური მართვა. თქვენ როგორც მოგეხსენებათ, ამავდროულად, შეიკრიბა კონსილიუმი, რომელმაც გააერთიანა ჩვენი ქვეყნის წამყვანი რეანიმატოლოგები, ფაქტობრივად, ყველა შეჯერდა და თანხმდებიან, რომ ამ ეტაპზე მიმდინარე ყველა სამკურნალო ღონისძიება არის ადეკვატური და ვფიქრობთ, რომ ერთობლივი ძალისხმევით მოვახდინოთ დაკვირვება ყველა პარამეტრის და მაქსიმალურად შეთანხმებულად ვიაროთ პატრიარქის ჯანმრთელობის მართვის საკითხებში. რა თქმა უნდა, პაციენტს უტარდება ყოველ საათობრივად ანალიზი, კრიტიკული მედიცინის დეპარტამენტში მოთავსებულ პაციენტებს, ზოგადად, გაცილებით ინტენსიურად უტარდებათ ანალიზები. მაჩვენებლები კვლავ საკმაოდ საყურადღებოა“, - განაცხადა სოფიო ასპანიძემ.კითხვაზე იგეგმება თუ არა უცხოელი ექიმების ჩამოყვანა, კავკასიის მედიცინის ცენტრის დირექტორმა აღნიშნა, რომ გადაწყვეტილება ჯანდაცვის სამინისტრომ უნდა მიიღოს, თუმცა ისინი ყველანაირი თანამშრომლობისთვის მზად არიან.„ჩვენ ღია ვართ ყველანაირი თანამშრომლობისთვის და აბსოლუტურად ყველანაირი კოოპერაციისთვის“, - განაცხადა კლინიკის დირექტორმა.

მნიშვნელოვანია, ყველამ ერთად ვილოცოთ ჩვენი პატრიარქისთვის, ვუსურვოთ მას სიმხნევე და გამოჯანმრთელება, – ამის შესახებამის შესახებ პარლამენტის თავმჯდომარემ, შალვა პაპუაშვილმა განაცხადა, რომელიც კავკასიის მედიცინის ცენტრში იმყოფებოდა.მისი თქმით, ჯანდაცვის სამინისტრო, თითოეული ექიმი ყველაფერს აკეთებენ, რომ პატრიარქის მდგომარეობა გაუმჯობესდეს.„მნიშვნელოვანია, ყველამ ერთად ვილოცოთ ჩვენი პატრიარქისთვის, ვუსურვოთ მას სიმხნევე და გამოჯანმრთელება. ახლა მნიშვნელოვანია, ყველა ერთად ვიდგეთ, ვილოცოთ მისთვის. იცით, რომ კონსილიუმია, განიხილავენ საკითხებს, რა როგორ უნდა გადაწყდეს. სახელმწიფო, ჯანდაცვის სამინისტრო, თითოეული ექიმი ყველაფერს აკეთებენ, რომ სამედიცინო ჩარევით შესაძლებელი გახდეს მისი ჯანმრთელობის გაუმჯობესება“, – განაცხადა შალვა პაპუაშვილმა.